قيمة الفتاة

[مشكلتي]

السلام عليكم ورحمة الله وبركاته
هل قيمة الفتاة تتحدد بالزواج لمادا الناس تحتقر الفتاة العزباء بالرغم من انها فتاة دات خلق ويعطون قيمة اكبر للفتاة المتزوجة حتى ولو لو تكن دات خلق لمادا هده المعاملة تكون في وسط جماعة لا يعطونك اي اعتبار بل يسألون عن احولك بل ختى لا يسلمون عليك بل ينتظرون منك دلك هل اصبحنا في وقت الفتاة ليست لها اي قيمة ولا اي اعتبار بل وبمجرد خطبتها تكون مومو العين هل اخبرنا النبي صلى الله عليه على ان الفتاة غير المتزوجة يجب عليها ان تعيش دائما في الهامش والادهى من دلك ترين هدا الاحتقار من امك واختك المتزوجة بل حتى وان غبت لا تجدين من يسأل عنك وحتى وان مرضت تكونين مثل ما يقال بالعامية راكي تلعبيها وتفيزي ولكن اختك المتزوجة عندما تقول اي راسي الكل يهب اليها لمادا هده المعاملة لمادا هدا الفرز فانا لم اعد اطيق هده المعاملة من اهلى ومن احبابي فقاعدتهم انت غير متزوجة ادن ليس لديك اي قيمة ولكن ان تزوجتي ولوكان حيوان كلب او قرد فانت دات قيمة لمادا لا يخافون من الله هل قال الله تعالى انه اكرمكم عند الله المتزوجون ام اكرمكم عند الله اتقاكم لمادا لا يخافون يوم الوقوف بين يدي الله وتاتي ابنتك او اختك لتحاسبك على معاملتك لها لمادا الا يضعون اي اعتبار لله عز وجل هل لهده الدﻻجة جعلوا الله اهون الناظرين اليهم فانا كل يوم ادعي ان يرزقني الله بزوج صالح يقدرني ويعوضي على كل شيئ فاتني ويقيمني ويحترمني والاشياء التي افتقدتها عند اهلي واهمها الاهتمام و الحنان أجد هما عنده وحسبي الله ونعم الوكيل في كل من اساء الي

[Zahra 30]

و الله أختي حنا مسلمين و الاسلام كرم المرأة و الله لأول مرة أسمع مثل هذا الكلام أظن أن المراة مكرمة في دارهم وهذا يكسبها مكانة عند أهل زوجها
اطلب من الله أن يرزقك بزوج صالح
نصيحة حذاري تشتكي لزوجك من عيشتك مع أهلك لكي لا يحتقرك و يذلك
يجب أن يعرف ان لك مكانة في الأسرة وعندك رجال في كتافك
والله أظن هذا وسواس
فالتعلمي انك أميرة في بيت ابيك و ربما هو سوء تفاهم فكل فرد له طريقة في التعبير عن حبه
لا أظن أن أحدا يكره أولاده أو إخوته
اضحكي العبي لا تعلقي سعادتك بمشروع الزواج

[طيور الجنان]

يا اختي منين جاتك هاذ الفكرة انت كامرأة كرمك الاسلام قبل مايكرموك الناس و الفتاة كي تكون عزباء لازم تتمتع بحياتها ماشي تتغبن و الزواج يجي يجي و تفوت عليك اوقات تتمناي تكوني مازلت عزباء.ربي يرزقك الزوج الصالح ااااامين

[baalache]

ان شاء الله يرزقك ربي بزوج صالح اختي الاهل قد لا ينتبهون لهدا الامر فقط لكن حساسية الانسان بعض الاحيان قد تجعله ينتبه لكل صغيرة وكبيرة الاكيج انهم يحبونك لكن قد لا يظهرون هدا الحب بالطريقة الصحيحة

[amira1989]

انا تاني يا حنوننتي نحس كيما نتي لكن لازم نديرو ثورة حنا العازبات و نتمتعو بحريتنا
نحوسو نخرجو نلبسو ناكلو نسافرو كلو فحدود الدين
لازم تعيشي زواج فقفص دهبي
احساسك راني نحس بيه صحاباتي كلهم تزوجو و انا يعاملوني متل النكرة غير موجودة لكن ربي خير معليش

[KARIO]

اللله غالب هكذا كبرونا و فهمونا الفتاة تظل نكرة حتى تلقى ليتحنن عليها و يتزوجها و طبعا قبلها لازم يحطها على الميزان و يشوفها اذا تناسب فخامته و فخامة عائلته ولا لا, حتى كي يهدرو على امراة لازم يقولو مرة فلان بنت فلان اخت فلان ام فلان, و تزيد قيمتها او تنقص مع قيمة الرجل المقترنة به, يعني معندك ما ديري تقبلي واقع مجتمعك ولا طنشي و صنعي قيمتك بنفسك بانجازاتك (دراسة عمل .....)

[بشـرى]

يارب يرزقك الزوج الصالح الذي يعوضك على كل شيء ان شاء الله
ربما يا أختي حتى انتي صرت حساسة شوية ، متخلي حتى حاجة تنكد عليك حياتك ، قابلي الإساءة بالإحسان ومتعمريش قلبك راكي تمرضي روحك برك ، ربي يهنيك ويفرحك اختي راني ندعيلك

[صمت الرجوله]

للاسف هاذي هي عقلية الجزائريين الجايحة...البنت العازبة تعاني التهميش خاصة من بنات جنسها
ربي يرزق الصالحات منكم بازاواج صالحين عاجلا غير اجل

[AMINA.Z]

ما تحسسيهمش بلي راكي تعاني من هاذ المعاملة
انتي قانعة بروحك
اخطيك ما يهمك حتى واحد ....كي تشوفي انت بلي عندك قيمة خلاص
ما تسناي حتى واحد يصدق عليك الاهتمام

[salem1985]

السلام
اختي والله ضحكتيني ربي يهديك واحد في الدار غير يخلص كل واحد وظهرو واش نقول انا الي راجل خاوتي كامل عاونوهم وتزوجو وراهم بولادهم وانا عاونتهم كي تزوجو نساوني والله غير بكيت تعرفي خاوتي الي وقفت معاهم في كل كبيرة وصغيرة كي كانو يبنو ديارهم وكي تزوجو انا والله ما لقيت حتى الي يشوف في وكي عولت نتزوج والله وتقول انا غريب ما لقيت حتى لي يروح يخطب معايالا والديا ولا خاوتي والله يقولوا الراجل عيب يبكي بصح انا بكيت لغالب ما قدرت نتحمل والله تمنيت نموت ونتهنى من هذه الحالةبصح لغالب انا راني رايح نشوف في تونس كاش نلقى وحدة تم لانو كرهت البلاد وناسها وامنيتي ننسى الهم الي عانيتو فيها تغيضك الناس في الحبس ودارهم واقفين معاهم انا الحمد لله ما ندخن ما نشرب والحمد لله كملت قرايتي وراني خدام وبداري وموش عارف علاش حاشمين يروحو معايا تقول رايح نسرق واعطيتهم الاختيار خيرو الي تعجبكم وجيبوها لي بصح راني نخاطب في الصم البكم
المهم ربي يفرج همك اختي نسيتينا في همنا ربي يقدر الخير

[houssem zizou]

و عليكم السلام و رحمة الله و بركاته

لا أظن أن الناس يحتقرون العزباء إلى هذا الحد يمكن أن يكون للمجتمع تظرة تجاهها لكن إلى هذا الحد لا أظن ذلك
و ربما ما أصابك يكون خاصا بك و المشكل في أهلك الذين يسيؤون معاملتك ليس لأنك عزباء فهذا مستبعد
فيجب عليك أن تقتنعي بشئ و هو أن المرء ما دام يخالط الناس يتعرض لأداهم حتما ربما بسبب ذنوبه أو لعله ابتلاء فعليه بالصبر و أن يوسع باله و أن يكون عفوا عن الخلق صاحب نفس شريفة و أهم ما في الأمر أن يخالق الناس كما يحب أن يخالقوه
و بهذا ينال رضى الله و محبة الناس

[rose de sable s]

زواج بيد الله لا بيدتا انا نشوف ايضا ناس تهتم بالمتزوجين و تسال عليهم و حتا شفافين ربي يهديهم

نقول salem1985 اكيد ان عايلتك حابين تخدم عليهم و تمدلهم دراهم لان ادا زوجت اكيد متنفقش عليهم (http://www.djelfa.info/vb/member.php?u=227180)
انا فكرة زواج بتونسية اعد تفكير فيها لا عاداتهم او تفكيرهم مثلنا
ابحث عن زوج في مواقع زواج ربي يسهلك
(http://www.djelfa.info/vb/member.php?u=227180)

[سليل العروبة]

السلام1
وهل مجتمعنا مثالي بل انتشر الفساد في البر والبحر اضربي نظرتهم عرض الحائط اسعي الى مرضاة الله فله جنة عرضها السموات والناس واش اهمك فيهم والزواج مكتوب المهم الانسان يعبد ربي لان الله خلقنا لنعبده والناس الذين حولك لاتهمك نظرتهم قد يكونون جهالا او فساقا وان مع العسر يسر وتلك الايام نداولها بين الناس وكلما اشتدت الهموم اعلمي ان الفرج قريب وما عليك الا الصبر وهناك رجال صالحون لم يستطيعوا الزواج اما لظروف عائلية او اجتماعية او السكن او الدخل..... وهم صابرون محتسبوا والحمد لله على كل حال والدنيا لا تساوي جناح بعوضة ولله الحمد
الخاتمة1.

[oum imane83]

السعادة لا تكن فقط بزوج او ولد صح الزواج والذرية نعمة من نعم الله .... لكن تمتعي بما لديك الان ..عندك الصحة عندك العقل ... عيشي حياتك تمتعي مع اسرتك اعملي اي شيء تستفادي وتفيدي غيرك منه... وربي يرزقك الزوج الصالح خلي ايمانك وثقتك بربي سبحانه .. الشدة غير فيه ..
..

[sarl02]

للاسف هذا التفكير المتخلف موجود لدى الكثير من العائلات في مجتمعنا ...يا اختي هذو هم الاعراب الذين نعيش معهم لا تفكير سوي ولا دين ولا خلق ولا منطق...عندهم البنت المتزوجة والغير المتزوجة ماشي كيفكيف ..بل حتى الابن الي انعم عليه ربي بالمال والابن الفقير ما اعاملوهمش والديهم بنفس المعاملة ...باختصار الاعراب هذو مع الواقف ...لكن يا اختي الدنيا تدور وتدور والعاطي ربي ماشي العباد ...انت عيشي اللحظة وادعي ربي احققلك الي في بالك وكل من عليها فان .