الإقامة الجامعية

[مشكلتي]

السلام عليكم
أنا شاب في عمري 28 سنة منذ 3 سنوات نجحت في إمتحان وظيفي أهلني لأن أكون مسؤول في مصلحة الإيواء الخاصة بالبنات تاع الجامعة ..المهم منذ عام تقريبا خطبت فتاة من العائلة إلا أنها مع الوقت بدأت يمكن القول بأنها تغار لأني أشتغل في مكان أتعامل فيه مع البنات إلا أني فهمتها أكثر من مرة بأن الأمر عادي و أنا مخلص معها و لا مجال للشك في أو أي شيئ من ذلك .إلا أنها مصرة على عنادها و وصلت في بعض الاحيان أن طالبتني بتغيير الوظيفة و الذي أعتبره من المستحيلات أن أفعلها لأنني أشتغل بصفة مرسمة و ذو دخل جيد و مكان مرموق و قريب من مكان إقامتي

[abdelka22]

مع الوقت سوف تتعود ..أنصحك بأن تهتم بها أكثر لكي تحس بأنك تحبها ولا وحدة سوف تأخذ مكانها

[Zahra 30]

هههههههه و الله عادي حنا النساء هكذا
هي تخاف عليك و تبغيك بزاف
فهمها بلي انت تاني تبغيها وحرز تتلاقاك اون اتوند
ربي يكملك بالخير والبركة إن شاء الله

[الرميصاءْ]

انا اتفق مع خطيبتك في رايها لاني كنت اعيش في الاقامة الجامعية وبعض البنات ربي يهديهم ما يتركوش العمال في حالهم يبغوا يديرو علاقات معاهم العامل العاقل ولميش عاقل يطيح في حبالهم
نصيحتي اذا تقدر تبدل هاذ الخدمة خير باه تبعد المشاكل وربي يكون معاك

[طيور الجنان]

يا اخي انا افهم غيرة خطيبتك كلنا عشنا في الاقامة الجامعية و شفنا واش راه صاري اذا قدرت تنسق و تبدل لاقامة جامعية خاصة بالذكور ان امكن و الا اثبت لها بحبك لها اكثر من الاهتمام بها و ربي يهنيكم و يوفق بيناتكم.

[خالد عنابي2]

قل لها اذا تركت العمل من اين سوف تأكلين

اخطيك من المتفلسفين اخدم خدمتك وروح لدارك وهدا مكان

[salem1985]

مكان اختلاطبصح لو كان ضرورة الخدمة لغالب

[عائشة07]

من راي خطيبتك عندها الحق كل مراه عاقله راح تدرك ان الرجل يضعف امام الإغراء. وانت في قراره نفسك تعرف بلي هدا العمل فيه فتنه ويوميا
فحاول تغير اوتطلب من الاداره يحولوك. يعني قلها راح نحاول نبدل يمكن ربي يسهلك وبعدوك على هده الفتنه الي راح ديرلك مشاكل بعد الزواج
مافهمتش وعلاش مايديروش نساء. تخدم مع النساء

[houssem zizou]

يا أخي تخدم في الإقامة تاع البنات أتخيل ذلك.. و لا أريد أن أتخيله
ربما الأمر أشد من البلديات و المرافق الأخرى المختلطة فالمرء لا يأمن على نفسه الفتنة و يقول أنا مخلص و غير ذلك
قال ابن عباس: (فالحي لا تؤمن عليه الفتنة) يا أخي أترك هذا العمل لوجه الله و الله يعوضك مثله ؟ لا و الله ! بل خير منه
(و من يتق الله يجعل له مخرجا و يرزقه من حيث لا يحتسب)

[خالد عنابي2]

اكاكا جرو على السيد وديرولو نزوة عابرة يبطل خدمتو ومبعد يبقى حاصل وهي يخطبها واحد خدام تتزوج ويندم ويزيد يكره الدين

لي يوجعو راسو يقول اختلاط

ياو الاختلاط موجود في عقولكم الفارغة فقط

جعلتم محور حياتكم الاختلاط ومنع الاختلاط

[rose de sable s]

انت حاول تقهمها لانها تخاف عليك ومن فقدانك مع وقت انت حاول انك تكون مخلص طول عمر

[لحن الحياة.]

اذا كانت قابلة بيك من الاول تقبلك بخدمتك

[imanecristal]

بدل خدمتك ... حتى انا كان جيت في بلاصتها نطلب نفس شي ..

[أم شهد*]

الواحد ميجي يخدم حتنى يهبل ومن من بعد يبدل خدمة واش يبدل راه يخدم عند روحو ولا عند ابوي حتى يبدل ههدرو هدرة منطقية
انا من راي انك متكذبش عليه و تكون صادق معها وتعودها على الصدق و بالتالي تنتج ثقة نتجة عن هذا الصدق
و حاول تفهمها بلي باش نبدل الخدمة مش حاجة ساهلة و مش شرط تكون تخدم في الاقامة الجامعة ياو قادر واحد يولي شاد الحيط و ميطلقوهش راه الوقت صعاب ولينا نشوفو في البدع

[الفارس الجدَّاوي]

السلام عليكم:
عليك بأمرين، الأول هو تعجيل الزواج بمخطوبتك فتقطع الشك باليقين.
الثاني اسع للعمل في الإدارة المركزية لمديرية الخدمات الجامعية أو إقامة الذكور وأرها سعيك هذا وإلا فقرينة حب بقائك قرب الطالبات ستثبت في حقك، فاحذر. والله الموفق.

[محب السلف الصالح]

غير العمل أحسن

المكان الي انت فيه مكان فتن ولست معصوم

[hazaamy]

انا وحدة راني مقيمة ونعرف رجال لي يخدمو ف اقامة لبنات وش يديرو مخك يحبس راني حاسة بيها انا كي نحط روحي ف بلاصتها مستحيل نقبل خاطر شفت بعينيا البنات فالاقامة وش يديرو و الرجال لي يخدمو عندنا كل كيف كيف مكان حتى واحد يصلح *** مرانيش نهدر عليك كل واحد وتربيتو ** بصح هذي لحاجة تقلق طفلة بزااف

[abdelka22]

نعم صحيح كلام الفتيات ..فمن حقها ذلك و لكن ساير الأمر فقط

[nousa ben]

يا أخي خطيبتك عندها الحق تغير عليك كيما نتا تغير عليها لأنك تعرف خبث الرجال فهي تغار عليك لانها تعرف كيد النساء

[~عبد السلام~]

الناس هنا عمبالهم الوضيفة ربحها في الطومبولا


عمبالكم ساهلة تلقى خدمة في هاد الوقت و يزيد يقلك بدلها خخخ

شوف كيما قالك اذا قبلاتك تقبلك كما انت بالوضيفة تاعك والا فتش في جيها اخرى

[ايمان نور الجزائر]

معليهش يا اخي طبيعة النساء هاذي هيا
قال لها هادي خدمتي ويا ترضاي بيها يا ما تتحمليش الله غالب
ولي يقول بطل خدمتك الخدمة سايبة في بلاد هادي
الخدمة قع فيهم اختلاط الانسان هو لي يشد روحو وقيمتو وتربيتو والحمد لله
ربي يحاسب على النيات
الخدمة خدمة خير من يروح يقطع بحور والا يسرق والا الطلاب خير؟
يا خويا احمد ربي رزقك خدمة حافظ عليها واتهلى في روحك وابعد روحك على الشبهات
واتهلى في خطيبتك