ارشدوني

[مشكلتي]

السلام عليكم اخوتي و اخواتي
للاسف وقعت في مشكلة منذ 3 سنوات و انا اتحدث يوميا مع بنت من الهند من بلدة اسمها اغرة عمرها كان انذاك 19 سنة
المشكلة انها تعتمد على عاداتها مثل وضع الرمز الاحمر في جبهتها و حتى انها لا تصلي الى غاية اليوم و انا خائف ان كانت تعبد البقر فهي قالت لي انها من قبيلة مسلمة لكني لست واثق
هي سبق لها و ان زارت مصر و الامارات وحتى امريكا و اعطتني تاريخ للقدوم الى الجزائر وهو شهر فيفري القادم و اكدت لي ان عائلتها مستقرة في امريكا
انا تعرفت عليها من موقع شات قديم اسمه بابل وكنت اتحدث معها بشكل عادي الى غايةبدانا في استعمال الكاميرا و التكلم بالانجليزية
هل من خطورة ممكنة في هذا !!!!!!! للاشارة ان عمري الان 30 سنة و لا توجد عندي اي علاقة مع اي بنت من الجزائر فقط هذه البنت الهندية
حتى الان عائلتي لم احدثهم بشانها و امي بدات تبحث لي عن بنت للزواج من هنا
هل توجد قنصلية هندية بالجزائر لانها سالتلي عن وثائق و انا اسكن بعيد من العاصمة ( الغرب الجزائري )

[baalache]

واش داك يا جدك البنات في الجزائر في العنوسة وانت رايح للهند غدوة طيبلك جرانة ولا كاش حشرة وين تعرف اخطيك صديقي

[مجيد14]

واش داك يا جدك البنات في الجزائر في العنوسة وانت رايح للهند غدوة طيبلك جرانة ولا كاش حشرة وين تعرف اخطيك صديقي

للاسف الجزايريات راهم يشرطو + يطلبو مهر كبير
تصدق اني راني في 8 اشهر نحوس على بنت فاميليا
بلاك الحل هو اوروبا ولا اسيا ولا اي وجهة كانت

[jissi]

هل توجد قنصلية هندية بالجزائر


http://indianembassyalgiers.org/

[أم شهد*]

ياور ربي يقدملك لي فيه الخير ان شاء الله متعرف الخير لا في بنت بلادك ولا في هذي ليي راك راح تجيبها من طرف الدنيا
انا ننصحك بحاجة واحدة ديرها و متندمش عليها صلي صلاة الاستخارة و ربي يقدملك للي فيها الخير

[سليل العروبة]

السلام1
ذا لم تكن مسلمة او كتابية فلا تستطيع الزواج بها بتاتا واذا كانت مسلمة ورضي الاهل فصلي صلاة الاستخارة والمكتوب يلحق

[rose de sable s]

انت غير متاكد من اسلامها حتي بيئة العيش تختلف
واكيد اهلك لن يوافق لاتهم اكيد يتفرج في افلام هندية و شايفين عاداتهم
اما لي يقول لبنات يشرطو انتم كي تتشرط زين و صغير و مثقف ووووووو معليش و شرط يجيكم غالي انتم نفص من شروطكم اولا كاين لي حاب يستر بنت و يشوفها عروس بلا شروط كبيرة ربي يهديكم

[ام رضوان]

السلام عليكم
يا اخي واش اداك للهند ؟
خلييت بنات وطنك ورايح لوحدة ما تعرف عليها والو وزيد ما تصليش واش تستنى من مرأة كيما هذه؟
رايحة جيبلك اولاد وتربيهم على طريقتها وراح يحاسبك ربي على تربيتهم يوم القيامة.
انا لست مفتية ولكن يااخي مادام راهي الدير في الرموز تاع الهنود الملحدين اكيد راهي مقتنعة بدينهم
كي تعود حاب تتزوج باجنبية على الاقل خيرها من اهل الكتاب وليست ملحدة
وكيما قالك الاخ واش يضمنلك ما تطبخلكش بكاش عفن من تاع بلادها.
وفوق كل هذا الكلام العلاقة بينك وبينها راهي حراااااااااااام
ربي يهديك يا اخي توب لله واستغفر وبعد على هذا النوع من البشر
هذه نصيحتي لك وربي يعفو عليك امييين.

[Rimsamwaz]

بالاك راك تتخيل في روحك شاهروخان وهيي كاجول لالا خويا فيق مع روحك وخليك مع بنت بلادك متربية ومتدينة وتعرف عاداتها وتقاليدها مليح
وزيد ماشي كل البنات كيفكيف تامن بربي انا تزوجت بلا شرط ومازالني صغيرة 24 سنة فقط والان عندي طفل ونحمد ربي مرتاحة ومتهنية مع راجل نعرفو مليح من طينتي ماشي من طينة اخرى والحديث قياس

[* حبّ الله *]

قلوا بنات الجزاير حتى تروح للهنودة ؟؟؟؟؟ و لي يقول الشرط انتاع الجزائريات بزاف راهو ما زال ما شافش الذهب اللي يطلبوه الهنديات .....و زيد لا سمح الله تتاثر انت بتقاليدها و يعجبك الشطيح انتاعهم و لا تغير من ديانتك و العياذ بالله ....خليك منها ...أدي بنت بلادك تفهم عليها و تفهم عليك و علابالها واش هي الحدود باش ما تتجاوزهاش .....

[عفاف المنتدى]

واش داك للهند هدااااااااااااااااااااااا

[عبد الله 22]

اتخذ موقف واضح ماذا تريد من هذه المرأة هل الزواج ، أما أمور أخرى، المهم تكون مسلمة لكن يجب الحذر من مخاطر ومشاكل الزواج من دولة أخرى تبقى الهندية تتميز بطاعة زوجها هذه ميزة تقل في الكثيرات ................. بالتوفيق

[أمينة بوعوينة]

السلام عليكم اخوتي و اخواتي
للاسف وقعت في مشكلة منذ 3 سنوات و انا اتحدث يوميا مع بنت من الهند من بلدة اسمها اغرة عمرها كان انذاك 19 سنة
المشكلة انها تعتمد على عاداتها مثل وضع الرمز الاحمر في جبهتها و حتى انها لا تصلي الى غاية اليوم و انا خائف ان كانت تعبد البقر فهي قالت لي انها من قبيلة مسلمة لكني لست واثق
هي سبق لها و ان زارت مصر و الامارات وحتى امريكا و اعطتني تاريخ للقدوم الى الجزائر وهو شهر فيفري القادم و اكدت لي ان عائلتها مستقرة في امريكا
انا تعرفت عليها من موقع شات قديم اسمه بابل وكنت اتحدث معها بشكل عادي الى غايةبدانا في استعمال الكاميرا و التكلم بالانجليزية
هل من خطورة ممكنة في هذا !!!!!!! للاشارة ان عمري الان 30 سنة و لا توجد عندي اي علاقة مع اي بنت من الجزائر فقط هذه البنت الهندية
حتى الان عائلتي لم احدثهم بشانها و امي بدات تبحث لي عن بنت للزواج من هنا
هل توجد قنصلية هندية بالجزائر لانها سالتلي عن وثائق و انا اسكن بعيد من العاصمة ( الغرب الجزائري )



وعليكم السلآم ورحمة الله ،،

شوف خويا نت اللخر بعد ،،

آنا هادي لافار مادخلتليش لراسي ،،

نتَ حاول دّير موضوع جديد ب عضوية مشلكتي ،،

وقولنّـآ علاه خيّرت الهنديّة بالضبط !!!

أدّيهـآ بنت بلآدك أحسن ،،

وتـآني من الأفضل تكون من بلديتك ولا ولايتك على الأقل تتشـآبهوو فالعقلية ،،

وأخطيك من العلاقات اللي على مواقع التواصل الإجتماعي ،،

راهم حرآآآآآآآآآآآآآم !!

ويدّيوك للهـآوية برك يا خويا ،،

اسمع نقولك حاجة .. مـآكانش قد وحدة تعرفهـآ على أرض الوآقع !!

حنـآ مـآناش حانقطعووآ المكتوب مي لسمح الله وتجوّزت بيهـآ

ومبعد بدآت تقولك حـآبة نوّلي لبلآدي وأهلي و ....

المهم

أنـآ هادا القضية مـآ عجبتنيش

وكيمّـآ قوتلك أخطيك من مواقع التواصل الإجتماعي راهم كدب في كدب !!!

ليسونسيال أنـآ قلت رايي و يبقى مجرد رأي :)

ونتَ صلّي الإستـخـآرة .. ولّا سقسي الأئمة و لا مـآعلاباليش أنـآ


أسمع ساقسيهـآ على حوايج تا الإسلام شوفهـآ طراش لكـآن صح مسلمة ،،

ومـآتنساش دّير موضوع تـآني تجـآوبنـآ فيه


بالتوفيق

[Zahra 30]

خطييييييييك من الهنودة المصديين خليت بنت الجوارين و لي تخدم معاك و لي قرات معاك و بنات لافامي و رايح للهند

الله يثبت علينا العقل و الدين


الهند 🐃