مشكلة

[مشكلتي]

السلام عليكم ورحمة الله

كان واحد حاب يتقدم لخطبتي وعندما قبلت جاء مع امه واختيه
وبعد مدة كان الجواب الرفض

استخبرت السبب باش يرتاح قلبي
فاخبرني ان امه ماعجبهاش الحال
انا تقبلت الامر ونسيت وقلت عسى ان يكون خيرا
بعد شهرين اتصل الشاب واخبرني انه سيخطبني ولن يتراجع فلامر
لكني غضبت غضبا شديدا ورايته تلاعبا
اخبرت اخي ان يرد له الجواب بالرفض
وان يطلب من امه ان تزوجه فالبنات كثر
كما رفضتني امه ارفضه الى الابد
مارايكم
لو تعرضتم لموقف مماثل هل تقبلون من يعود في رايه بعد ان يخيب املك فلبداية
من يتلاعب بي ميدورش بيا مستحيل
في رايكم نتوما كاين واحد تقرر يماه فبلاصتو
كرامتي متسمحليش
فلتزوجه امه

[biologie2001]

لو كنت مكانك لفعلت ما فعلتيه انت ..... لانني لا اقبل ان اعيش في منزل لم تقبلني فيه امه و خصوصا الام

[hodayena]

نعم اختي اشجعك على قرارك لانو لوقبلت فراح دمرلك حياتك وراح تحط بين عينها ومتخليكش ترتاحي ومدام هو قبل امو كي رفضاتك في الاول راح دايمن يتقبل هدرتها بصراحة لو رجع الزمن بي للوراء لفعلت مثلك لكن شاءت الاقدار

[anissa90]

هذا الشخص بدون شخصية امه تتحكم فيه كرامتك قبل كل شئ بدون تردد ارفضيه مزال كان الرجال

[ibrahimm]

احسن ما فعلتي

[rose de sable s]

لا تتسرعي هو اكيد كان يحاول يقنع امو لان ماشي ساهل
هو متمسك بيك لذلك رجع لك
استخيري الله

[#قطوفها دانية#]

عندك الحق اختي الي راح وولى وشمن بنة خلى ربي يجيبلك في بلاصة اخرى انت وهو

[mounyabiskra]

اعطيه فرصة ثانية يا اختي ما فيها والو، راح قنع يماه و رجع ليك، زيدي خمي و صلي استخارة و لي فيه الخير يجيبو ربي

[cherifa jijel]

قصتك تشبه لحد كبير لصديقة اعرفها والتي تزوجت وحماتها غير راضية عنها لن تصدقي الجحيم الذي عاشته ...... ولما تحاول ترد عليها تخبرها باللي انا ماسحقيتكش وعلاش جيتي لداري وقبلتي تعيشي مع ابني

[AMINA.Z]

فعلت الصواب
اصبحت قضية كرامة

[سماح 2]

مــآشهــآ كــآتبة ختي ,, خيرهــآ في غيرهــآ ,,وكيمــآ قاتلكْ الآخت الي راح وولآ واش من بنة خلآ ؟ ,,

ربي يخلفْ ,,

[الجواهر]

بلاك هذا هو مكتوبك علاه ضيعيه ؟
مادام رجع و طلبك يعني يريدك اتكلي على الله و اقبلي
اما امه رايحة تعيشي في المشاكل تاع الحموات حتى و ان كانت خالتك هي حماتك يعني ان كانت حايبتك و الا رافضتك رايحين تعيشو كالقط و الفار و هذه سنة و لن تتغير
و زيدي صلي صلاة الاستخارة و ربي يجيب الي فيه الخير

[mino 19]

اظن انا احسن ما قمتي به
مشكل ليس فى القبول الرجل بل فى قبول امه بك
يعنى الواحد ميتخممش عند نيفو ويقول خلاص انا نقبل علاخاطر هو راه باغيني نكون زوجته لكن هدا زواج كيف يكون ما هي نتائجه بعد زواج ؟؟؟؟
خصوصا امه يعنى من بعد يقدر يقولك امي انا نكون معاها فى صواب او خطا بعد زواج اي معنى هدا امر اي مشكل يكون هو مع امه
انا انصحك بالرفض وامر يعود لك
بالتوفيق

[fayssal_sam]

يا نساء اتقين الله في ما تقلن كيف واحد يطيع امو و يحاول يرضيها تقولو مشي راجل حرام عليكم و الله الامر معقد جدا فالجنة تحت اقدام الامهات و ادا ما رضاوش عليك والديك و الله تعيش تعيس و انتظر عقاب الله . اسألن انفسكن علاش نتوما كل ما يخطبكم واحد تخلو القرار لوالديكم و حتى خيانكم و بالاك اعمامكم و جدودكم . اتقوا الله الزواج لازم يكونو الوالدين راضيين و كل شيء بالمكتوب ربي مش راضي على الزواج هذا .

[خالد عنابي]

ارضاء الام ليس اجباري في موضوع الزواج ابدا

هو سيتزوج وتكون الزوجة شريكة حياته وهي من يفضي اليها في الفراش وينجب منها اولاده

امو وش دخلها ؟

متعجبهاش على روحها ليست هي من ستتزوج بها تخبط راسها

مالكم كيف تحكمون

ولاخر يقولك اتقي الله والجنة تحت اقدام الامهات ياو افهم ومبعد اهدر لاطاعة لمخلوق في معصية الخالق

الام برفضها دون سبب معتبر شرعا فهي تعصي الخالق فهي تمنع ابنها من الزواج و احصان نفسه واكمال دينه

[خولة سكيكدة]

أختي العزيزة أحسن حاجة هي إستخارة الله عزوجل ويمكن هدا قدرك وإلا لما كان رجع فالدنيا مملوؤة بنات كان قادر يشوف وحدة أخرى بالنسبة للأم الله غالب كل وحدة وعقليتها هي من المفروض لما يكون الزوج راضي هي لا تتدخل لذلك أعدريه على الأقل هو بينلك السبب ومن يدري قادرة مرة أخرى بحسن الخلق والمعاملة الطيبة للحماة تولي تحبك ويكون الابن كسب رضى أمو والزوجة الي أرادها استخيري الله في هذه الأيام المباركة والخيرة فيما اختارها الله الزواج ليلة ودبارتو عام خمي مليح اختي ولا تنجرفي وراء العواطف

[houssem zizou]

إذا كان هذا الشاب على شئ من الدين و الخلق فلا انصحك بتضييعه أبدا
ربما اثرت عليه امه في بادئ الأمر و هو مقتنع بك ثم أدرك أنه مخطئ و اراد الرجوع
إلتمسي الاعذار
اما إذا كان غير متدين فاتركيه ترتاحي و الله يعوضك خيرا منه

[أم ريتاج زهرة]

يا ّأختي أحسن ما فعلتي و إذا ما قبلاتكش نهار عمرها ما راح تقبلك و هذا الشخص عديم الشخصية فوتيه و ننصحك بصلاة الإستخارة بلاك فيها خير بالتوفيق أختي

[bent31]

bien fait pour lui

[** أبو أسيد **]

أختي العزيزة أحسن حاجة هي إستخارة الله عزوجل ويمكن هدا قدرك وإلا لما كان رجع فالدنيا مملوؤة بنات كان قادر يشوف وحدة أخرى بالنسبة للأم الله غالب كل وحدة وعقليتها هي من المفروض لما يكون الزوج راضي هي لا تتدخل لذلك أعدريه على الأقل هو بينلك السبب ومن يدري قادرة مرة أخرى بحسن الخلق والمعاملة الطيبة للحماة تولي تحبك ويكون الابن كسب رضى أمو والزوجة الي أرادها استخيري الله في هذه الأيام المباركة والخيرة فيما اختارها الله الزواج ليلة ودبارتو عام خمي مليح اختي ولا تنجرفي وراء العواطف



أنا مع هذا الرأي 100/100 أظن أن هذا الرجل ذو حكمة يحاول أن يصلح الأمور من كل الجوانب ....وينظر الى عاقبة الامور



استخيري كما قالت لك العضوة -خولة سكيكدة- بارك الله فيها فان ربك أعلم و أرحم بحالك منك و منا ومن الناس أجمعين .....وفقك الله و يسرك أمرك و رزقك زوجا صالحا و ذرية طيبة وسائر بنات المنتدى.......

[أم شهد*]

عله حنونة؟ راكي ناسية بلي الجنة تحت اقدام الامهات
وراكي عارفة بلي الام كييكون وليدها اعزيز عليه دير في بالها بلي كي يزوج ايروح عليها

و كبر بالك راه هذي الدنيا والو يا اختي
و نزيدك حاجة انا اختي الكبير مقبلتش بيها عجوزه و قعدت 4 سنين و بنها يحاول معها و في تالي راح تحلف براسها و متعرفي بالك اهذا لتتهنائ معها
غارتنا الدنيا ياسر
و ربي يوفقك للزينا ان شاء الله

[أم شهد*]

نوصيك اذا شفتي بلي انسان صالح اويك ترفضيه و مش معناتها تقبلي طول لا استخيري و خلي راه ربي يسهلك و ييقدملك ليفيه الخير و الصلاح ليك

[Zahra 30]

استخيري الله لعل الله يحدث بعد ذلك أمرا
اذا كان السيد متخلق و تعرفي بلي تعيشي معاه توكلي على الله و اعطيه فرصة ثانية