مشكلتي الخطبة

[مشكلتي]

السلام عليكم خاوتي
انا شابة في عمري 23 سنة مشكلتي الخطبة

كانت كاينة وحدة نعرفها من مدة قصيرة المرأة هذي ما شاء لله و كنت نتعامل معاها هي عاملة في مجال معين

المهم ماعندهاش بزاف كي عيطتلي و قاتلي بلي راكي عجبتني و راني حابة نخطبك لولد سلفتي اذا تقبلي قولتلها اهدرو مع دارنا انا خاطيني

قاتلي راني حكيت عليك لسلفتي و راهي حابة تشوفك المهم بعد يامات انا صليت استخارة و غدوة من ديك عيطت ل:oلام ديالي و قاتلها رانا حابين نجو باه يماه تشوفني يما قالتلها مرحبا بيكم

جاو و شافتني يماه و قعدو شوي و راحو و ماقالو والو لي قالتلو هذيك المرأة لي نعرفها رانا درك نعيطولكم في تلفون و يماه قالتلها ياك عندك نيمرو ديالهم قالتلها ايه و خرجو

من و قتها ماعيطو ما والو

انا مافهمتش اسكو هذا يعني راني ماعجبتهمش و لا صرفو النضر عن القصة انا يعني ستنيت تعيطت تقول يا راح يزيد يرجعو يا تقول الله غالب ماكتبش المكتوب مي هوما غاب حسهم



مع العلم اني صليت الاستخارة للمرة الثانية

[طيور الجنان]

السلام عليكم ياختي هذا السكات ممكن يكون راهم مازال يتشاورو مع بعضهم و ماقرروش المهم انت ناتحطيش آمال كبيرة اعرفي بللي كلشي بالمكتوب و اذا مارجعوش مايهمكش راكي مازلت صغيرة و الف واحد يتمناك.انشالله اللي فيه الخير يكتبولك ربي.

[وصال سلام]

والله يا اختي النوع تاع البشر هذوا نشمئز منهم مش عباد :mad: بصراحة صراتلي انا قبل رمضان بايامات على اساس ترجع لخبر مع راجلها ومارجعتش مع انو راجلها ديما قاعد مع عمامي يا اخي وش فيها ماكتبش المكتوب ياك كلش بيد ربي مافيها والو وماهيش عيب ولا حرام علاه تخلو في بنات الناس يستناو ويطلعو ويهبطو والله موقف لا يحسد عليه قلتلهم تقول راني حارقة جوامع وانا ماعلاباليش

لي عندو اجابة على هاذ التصرف من فضلو يتكرم ويجاوبنا بكل صراحة


بصح ماتخافيش راهم عندهم بنات في حجورهم رايحين يذوقو وش ذوقونا انتي ربي شافلك فيها الخير وبربي ان شاء الله يبعثلك لقمة على قد فمك ويعوضك بما احسن منو بالف مرة وربي يشوفلك في جهة خلاف

وماتقلقي روحك ماوالو فيها الخير والحمد لله على كل حال

[~أميرة أميري~]

اختي بالاك مازالو يتحاوروووو
انا وحيرتيني معاك زيدي صلي صلاة الاستخارة وادا طولو ماردوش الخبر اعرفيهم جبدو رواحهم ،،، حنا نتمناو العكس ان شاء الله يرجعولك خبر الخير وادا مابان والو كلشي بلمكتوب وراح يعوضك ربي صبحانو بخير منو ،،،، انتي دوكا ماديريش كامل هاد الموضوع فبالك ولا يهبطلك لمورال وان شاء الله فيها خير

[سماح 2]

_ مــآ عندكْ مــآ ديري ,, :/ زيدي اسنايْ شوية ,, لكــآن معيطوشْ معنــآهــآ بطلوا ,, ربي يهديهمْ ,, وربي يعطيك ع قد نيتكْ ;)

[سيمو1]

بالتوفيييييييييييييييييييييييييييق

[سمر الليل سمر]

ربي يجيب الخير

[karimo.karimo]

ربي يجيب الخير

amiiiiiiiiiiiiiiiiiiiiine

[امال 2005]

السلام عليكم اختي ماتعيطيلهمشي واعلمي انه كل شيء بالمكتوب مادامك صليتي صلاة الاستخارة راكي عملتي الي عليك والباقي باذن ربي

[rose de sable s]

احنا صرالنا هكدا لي و لاختي
اختي اخر مرة جاو و عحبتهم لكن لا خبر
مكتوب

[anissa90]

اذا فات شهر على الشوفة بدون اي خبر معناه معجبتهمش ربي يرزقك بزوج صالح ان شاء الله

[mounyabiskra]

زيدي اصبري و شوفي و الشدة في ربي يا ختي ماشي فالعبد، واذا مبان عليهم حتى خبر انشالله ربي يجيبلك مكتوبك خير من واش راكي حابة

[samirovich]

انت صراتلك مرة وحدة انا نعرف اللي كل يوم يشوفها ومايرجعوش
حتى خوها خمم يحكم عليهم بطاقة التعريف باش يرجعو

[naamane3]

صليتي استخارة يعني درتي اللي عليك
انساي الامر واعلمي ان كل ماسيستجد هو خير لك
الم تقرئي قوله صلي الله عليه وسلم
ما خاب من استخار

[خولة سكيكدة]

أختي والله عجب ناس معندها لا قيم ولا مبادئ على الأقل يردو خبر لأنو كل شيء مكتوب لكن انت مدامك استخرت الله فالخيرة فيما اختاره الله خليها في يد ربي سبحانه وان شاء الله يجيبلك الخير ولا تفقدي الثقة في نفسك أبدا راك مزلتي صغيرة أختي وربي يجيبلك اللي خير منو ان شاء الله

[mino 19]

هو مدة فى نظري ادا زادت عن اسبوع اظنهم صرفو نظر عنك
يقدرو بلا ما يعيطيو يحبسو كلش يعنى كيما يحبو هوما
متتقلكيش نصيبك ان شاء الله يجي يجي

[بشـرى]

المفروض يردو بالقبول أو الرفض ميخليوش الأمر معلق هكذا , على الأقل احتراما للعائلة تاعك اللي استقبلتهم في الدار

ربي يكون في عونك ويعوضك أختي

[AMINA.Z]

لهذا السبب بالذات لا احبذ الزواج بهذه الطريقة
من المفروض الرجل هو من يبحث عن زوجة ان اعجب بها
فليحاول معرفة رايها شخصيا او عن طريق وسيط
ان حصل توافق حينها ينتقل الموضوع الى العائلة
فالام عندما تذهب لرؤية البنت ليس لتبدي موافقتها او معارضتها فابنها اختار و انتهى الامر هي تذهب فقط لتتعرف بالعائلة و يصبح طلب الزواج رسميا
اما مثل هذه التصرفات فلى ياتي من وراءها الا الاذى للمراة و لعائلتها
اختي لا تفكري بالامر كثيرا لست سلعة ياتي الناس لتفقدها و يفكرو باخذها او بتركها ....لا ارى اهانة اكبر من هذه ....ربي يفرج عليك

[romina_auxanne]

الله يهديهم ناس ما يعرفو لا اصول لا حشمة نعرف بزاف بنات دارولهم هكا ما فهمتش هادي العادة الجديدة ان شاء الله يجوهم ناس اوقح منهم، اختي بالناقص منهم مش راح يولو اذا جاوك خطابة اخرين لا تترددي
كاين مثل يقول ربي يعطينا نساب كيما احنا ولا خير منا ان شاء الله يبعتلك ربي سيد الرجال

[LINA300]

:)انا راني في سنك و صراتلي نفس الحالة تاعك جات وحدة من العايلة تاع لوالد وعندها ولدها ماشاء الله و جات للدار و قالت لماما وليدي بعتني و راهم شكروهالو ناس ياسر و هي قالت كي قالي روحي عند هادوك الناس فررحت و قلت ربي يجعلعا من مكتوبك فاتت تقريب عشرين يوم لا حس لا خبر و مبعد رجعت قالت نشالله يجيكم هو اخته باه تتفاهمو و من هداك النهار مبان عليهم حتى خبر ومع العلم اني منعرفوش و عمري مشفتو و كي حكاولي عليه ارتحتلو و كلشي بمكتوب ربي
غاضني الحال فالاول و معد نسيت و دركة الحمد لله هاد العام نتخرج ماستر و نشالله ربي يجمعني بواحد لي يعرف قيمتي و قيمة والديا
مديري وااابو في بالك و ربي يعوضك نشالله

[Zahra 30]

ربي يقدملك لي فيه الخير راكي عاد صغيرة ما تحزني لا عليه ولا على آخر