طريقة تحضير الشخشوخة الجيجلية من مطبخي حصريا

[أثيلة]

السلام عليكم و رحمة الله و بركاته أخواتي
صباح/مساء الخيرات
عساكم بخير جميعا
اليوم أردت نقل لكم طريقة صنع الشخشوخة طبعا هذا لكل وحدة حاصلة و تضطر كل مرة تشريها جاهزة من الحانوت و طبعا بدون ذوق
كيما نعرفو كامل كش شخص و طريقتو في صنع الشخشوخةو لكن حنايا في جيجل و ميلة تاني نخدموها الأغلبية فالطاجين كيما راح نشرحلكم الآن بالصور
تفظلو معي
باسم الله على بركة الله نبدأ
الخطوات الأولى ماصورتهاش لانو ماكنتش راح ننشرها حتى جات فكرة النشر لما بدأت التحضير
طبعا في قصعة نحطو السميد و الملح الكمية لي تحبيها انتيا و الملح عينك ميزانك
و نلمو العجين بالماء ومن الأفضل يكون دافئ
نلموها و نعجنوها كيما نعجنوا الكسرة و لكن أكثر منها بحيث نعجنوا حتى يتغير لونها الى اللون الأبيض
بعدها نقسم العجينة إلى مجموعات و نصنع منها حرابيش و نقطعوهم بالموس مثل الصورة التالية

http://www.up.djelfa.info/uploads/144223698534661.jpg (http://www.up.djelfa.info/)

و بعدها لازم نغطوها بالساشي كيما فالصورة هذه

http://www.up.djelfa.info/uploads/144223741319851.jpg (http://www.up.djelfa.info/)

نخلوها تبقى حوالي ربع ساعة و نبقاو نطرحوها بالسلال او الحلال كل واحد واش يقولو

http://www.up.djelfa.info/uploads/144223748982691.jpg (http://www.up.djelfa.info/)

طبعا هنا كل وحدة حرة لي تحب تحل العجين بالالة تاعو تستعملها انا عندي لكن هكاك يكونو قطع صغيرة و نتقلق و نتعب في طيابها لهذا نفضل نديرها بالحلال
هذه صورة الآلة الخاصة بالطرح و كامل تعرفوها

http://www.up.djelfa.info/uploads/144223771036841.jpg (http://www.up.djelfa.info/)

و بعدها نحطوها فوق قماش على هذه الطريقة

http://www.up.djelfa.info/uploads/144223777963171.jpg (http://www.up.djelfa.info/)

هنا راني كملت الجهة الأولى

http://www.up.djelfa.info/uploads/144223783862691.jpg (http://www.up.djelfa.info/)

بعدها نغطيها و نزيد نحط من فوقها على هذه الطريقة

http://www.up.djelfa.info/uploads/144223790770091.jpg (http://www.up.djelfa.info/)

و نبقاو نديرو هكا و نغطو حتى نكملو العجينة لي عندنا

بعدها نحطو الطاجين يسخن انا نستعمل الطاجين تاع الرخساس اي تاع طين و نستعمل بالضبط لي يكون مرقوم و طبعا انتم تقدرو تستعملوا لي متوفر عندكم و لي تحبوه
هذا هو طاجين لي استعملت

http://www.up.djelfa.info/uploads/144223803082481.jpg (http://www.up.djelfa.info/)

هنا لما يسخن مليح نبداو نطيبو العجينة اي ننشفوها مالازمش تحمل و لازم نعملو جهدنا باش نخلوها بيضاء تنشف برك

http://www.up.djelfa.info/uploads/144223811241861.jpg (http://www.up.djelfa.info/)

و هنا راني قلبتها

http://www.up.djelfa.info/uploads/144223818981341.jpg (http://www.up.djelfa.info/)

و هنا فالصورة هذه حبيت نوضحلكم كيف انو العجينة تتنفخ فالوسط وهذا يدل على انها معجونة مليح :1:

http://www.up.djelfa.info/uploads/144223828311641.jpg (http://www.up.djelfa.info/)

و هنا شوفو وقفتها حتى ينسفو الجناب تاعها تاني

http://www.up.djelfa.info/uploads/144223834777181.jpg (http://www.up.djelfa.info/)

بعدها هنا نباسيها لماما تهبطها فالسيار الخاص بالشخشوخة و نوريكم هنا الصور الخاصة به
أنا صراحة نحب نستعمل هذا تاع الحديد و لي هو أكبر مني يعني ملي شراه بابا قبل مانخلق أنا

http://www.up.djelfa.info/uploads/144223845340131.jpg (http://www.up.djelfa.info/)

لكن اليوم استعملنا هذا كون أنو القديم فسد و خفت يجرح ماما و طبعا هذا راه متوفر في كل المحلات

http://www.up.djelfa.info/uploads/144223853597381.jpg (http://www.up.djelfa.info/)


و بعدما شفنا السيار نوريكم الصور تاع ماما و هي تهبط فيها و طبعا مش لاومها جهد ماتخافوش فوتي عليها غير بالعقل و هي تهبط و لازم تكون سخونة حتى تكون سهلة
يعني وحدة تطيب و وحدة تهبط هكا لي تجي سهلة
هذه الصور

http://www.up.djelfa.info/uploads/144223867018241.jpg (http://www.up.djelfa.info/)

بعدها لما نكملوها كامل بالتطياب و نهبطوها فالطاجين نفوتوها فالسيار العادي و يكون كبير شوية يعني مش الغربال و هكا حتى نفرزوها و نحو لي مش مليحة

http://www.up.djelfa.info/uploads/144223876629431.jpg (http://www.up.djelfa.info/)

و هذا لي يجي تحت السيار

http://www.up.djelfa.info/uploads/14422388224781.jpg (http://www.up.djelfa.info/)
و هذا حنا ماناكلوهش الاغلبية نحط منو للحمام لكن قالتلي ماما كاين لي يعاودوه كيما الشخشوخة و يسقوه بالخضر و اللحم

و أخيرا هذه صورتها لما حطيتها تنشف للعيد
كاين بزاف لي ينشفوها فالشمس لكن انا نفضل ننشفها هكا فالظل حتى ماتكونش فيها ريحة الشمس وكيما كامل علابالنا الشخشوخة نشمخوها برك لما نجو نفوروها مش كيما الكسكس نغسلوه

http://www.up.djelfa.info/uploads/144223898489591.jpg (http://www.up.djelfa.info/)

حنا هنا رانا وجدناها لعيد الأضحى إن أحيانا الله و لي يحبو طبعا كاين بزاف لي يخدموها للعشا و مباشرة يفوروها
وهذا كيما تحبو

أووووووه و أخيرا كملت تعبت بزاف زعما تعبي هذا يستاهل تقييم ولا لالا:1::1:


ان شاء الله يستفادو بزاف من الموضوع

تقبلوا عملي المتواضع
ولا تنسوني من تقييمك :)

سلام جميل:19:
أختكم في الله
رشا ^_

[اسمهان79]

يعطيك الصحة حرة لحراير
والله ماشاء الله تسلم ايدك حبيبتي
ومني ليك أحلى تقييييييييييم

[أثيلة]

نتمنى أنو الشرح تاعي كان كافي و لي عندها سؤال تتفضل
سمحولي هذه أول مرة ننشر هنا لهذا ماعرفتش كيف نشرحلكم

سلام

[0ibtissam]

يعطيك الصحة ما شاء الله عليك

[rose de sable s]

جميل يعطيك الصحة
حنا نسموه شخشوخة ظفر كاين لي يفتوها بايدهم و كاين بالمقص

ساحاول الايام مقبلة ان اضع الشخشوخة البسكرية
سلام

[أثيلة]

يعطيك الصحة حرة لحراير
والله ماشاء الله تسلم ايدك حبيبتي
ومني ليك أحلى تقييييييييييم

الله يسلمك أختي اسمهان
شكرا جزيييلا لكي ربي يخليك
و مرسي على التقييم

[أثيلة]

يعطيك الصحة ما شاء الله عليك

يسلمك اختي ابتسام مرسي للمرور اختي

[أثيلة]

جميل يعطيك الصحة
حنا نسموه شخشوخة ظفر كاين لي يفتوها بايدهم و كاين بالمقص

ساحاول الايام مقبلة ان اضع الشخشوخة البسكرية
سلام
مرورك اجمل اختي
اسمحيلي اختي كاين فرق كبير بين شخشوخة الظفر و شخشوخة السيار و كامل يشهدو بلي الشخشوخة لي تكون على الطاحين هي الأفضل من حيث البنة
ممممم تعبل و انا نموووووت عليها


إن شاء الله نحن ننتظر هذا بشغف

[سرور2]

اوه بيشا يعطيك الصحة والله راكي صح مرى ونص ههههههههههههههه

راني نستناك بعد العيد ارواحي ندرلك السفيطي وجبيلي الشخشوخةهههههههههههههههه وحدة بوحدة هههههههههههههههههه

ومني ليك احلى تقييم

[أثيلة]

اوه بيشا يعطيك الصحة والله راكي صح مرى ونص ههههههههههههههه

راني نستناك بعد العيد ارواحي ندرلك السفيطي وجبيلي الشخشوخةهههههههههههههههه وحدة بوحدة هههههههههههههههههه

ومني ليك احلى تقييم

هههههه مرسي سرور اختي
ايه راكي تشوفي شاطرة بزاف بلا عين عليا هههخخ احم احم

اوووووك اختي وجديلي السفيطي برك و الشخشوخة عليا هههههه


مرسي للتقييم ربي يسترك

[ام سارة18]

شكرا على الشرح اختى في انتضار الوصفة الثانية

[أثيلة]

شكرا على الشرح اختى في انتضار الوصفة الثانية

العفو اختي نتمنى تكوني استفدتي من الشرح و يكون شرحي مبسط

إن شاء الله نحن ننتظر الأخت

[ياسمين1990]

ماشاء الله يعطيك الصحة يا الفحلة مانخافش عليك مع عجوزتك ههههه
وربي يحفظلك لميمة ويبارك فيها
هذه طريقتنا في تحضير الشخشوخة ونزيدلك حاجة اخرى تحافظلك عليها من السوس وهي
اذا كنت راحية تخدمي كمية كبيرة كما نقولوا للعولة بعدما تفرزها بالسيار من الدقاق نتاعها
زيدي فوريها ونشريها تنشف كما البربوشة هكذا تظمني ماتدخلهاش السوسة
وبصحتكم

[أثيلة]

ماشاء الله يعطيك الصحة يا الفحلة مانخافش عليك مع عجوزتك ههههه
وربي يحفظلك لميمة ويبارك فيها
هذه طريقتنا في تحضير الشخشوخة ونزيدلك حاجة اخرى تحافظلك عليها من السوس وهي
اذا كنت راحية تخدمي كمية كبيرة كما نقولوا للعولة بعدما تفرزها بالسيار من الدقاق نتاعها
زيدي فوريها ونشريها تنشف كما البربوشة هكذا تظمني ماتدخلهاش السوسة
وبصحتكم

الله يسلمك أختي
ههه ماتفكرينيش فموضوعي على الكنة و الحماة دارولي مشروع هههه
صح هذا طريقتنا
شكرا للإضافة أختي و بصراحة انا جامي قالتلي ماما بلي يلزم نفوروها و موالفين نخدمو بالقنطار و تبقى لمدة عاميين و جامي دخلها السوس


مرسي مرة أخرى ياسمين

[ام معاوية 09]

يعطيك الصحة بيشا الله يبارك فحلة تاع الصح

[أثيلة]

يعطيك الصحة بيشا الله يبارك فحلة تاع الصح

الله يسلمك أم معاوية
يبارك فييييك أختي
بالاك فحلة ني عابالي مازال باش نكون فحلة مثلكم -_-

[فايزة1207]

يعطيك الصحة ما شاء الله عليك

[لينا الجنة]

الله الله عليك بشبوشتي راكي فحلة و مرا و نص تسلم الايادي و ايادي ماماك الله يخفظهالك

عجبتني شخشوختكم و تجي خفيفة تاع في الطياب لانو الشخشوخة تاعنا شوية ثقيلة

ديريلنا موضوع تاني طريقة طهيها و هكا تكوني كملتي معروفك :19::19:

[أثيلة]

يعطيك الصحة ما شاء الله عليك

الله يسلمك أختي


شكرا جزيلا للمرور يا طيبة

[لينا الجنة]

بيشا ماتنسيش كي طيبيها ابعثيلي صحن لالا سوكوب هكا باش مانفسدش واش نديروا نذوق برك

راني سخفتلها

[أثيلة]

الله الله عليك بشبوشتي راكي فحلة و مرا و نص تسلم الايادي و ايادي ماماك الله يخفظهالك

عجبتني شخشوختكم و تجي خفيفة تاع في الطياب لانو الشخشوخة تاعنا شوية ثقيلة

ديريلنا موضوع تاني طريقة طهيها و هكا تكوني كملتي معروفك :19::19:



مرسي لينا حشمتيني ههخخ خدودي رجعو حمورا راني حشوووومة هههخخخخخ
امين يارب ربي يحفظلنا كامل أمهاتنا و يخليهم تاج فوق رؤوسنا


ايييه تجي خفيفة بزااااف و روعة

اووووك ان شاء الله راح نديرلكم موضوع لكن مع العيد لأنو حاليا ماراحش نطيبوها و زيد الدار كامل مع الصيام لأنو هذ الايام راح يكون رمضان بالنسبة لدارنا إن شاء الله

[أثيلة]

بيشا ماتنسيش كي طيبيها ابعثيلي صحن لالا سوكوب هكا باش مانفسدش واش نديروا نذوق برك

راني سخفتلها

هههه لينا ماخساراش في اختي العزيزة أكيييد نبعثلك و لا نعرضك للدار هكا تعاونيني و تكسبي طريقة جديدة و تعلميني طريقتكم


مانخليكش تسخفي لي تطلبيه يحظر اختي

[دائمة الشكر]

الله يبارك بيشا تاكلوها بالصحة
فالعيد ان شاء الله حطي الصورة نتاعها طايبة
راكي شطورة الله يبارك فيك وفي والدتك لكي مني احلى تقييم

[لينا الجنة]

خدودك حمارت ارواحي هنا نعظك ههههههههههههه

ربي يسترك و يخليك بشبوشتي لحنينة نجي لجيجل الزينة و ناكلها من يديك الحلوين يا الزينة

بارك الله فيك

[ام محمدْ ومريمْ]

يعطيك الصحة بيشا عجبتني الا لقيت السيار نتاعها راح نجربها وسالياي على ماماك

[أثيلة]

الله يبارك بيشا تاكلوها بالصحة
فالعيد ان شاء الله حطي الصورة نتاعها طايبة
راكي شطورة الله يبارك فيك وفي والدتك لكي مني احلى تقييم

يبارك فيك دائمة الشكر
ان شاء الله نخدمها و نحط صورة لخواتاتي
يبارك فيك أختي
مرسي للتقييم

[أثيلة]

خدودك حمارت ارواحي هنا نعظك ههههههههههههه

ربي يسترك و يخليك بشبوشتي لحنينة نجي لجيجل الزينة و ناكلها من يديك الحلوين يا الزينة

بارك الله فيك

ااااااااااااااي وجعتيني ههههههههههههخخخ
مرسي اختي و يسترك انتيا تاني و مرحبا بيك في كل وقت مش العيد برك

و فيك بارك الله اختي

[أثيلة]

يعطيك الصحة بيشا عجبتني الا لقيت السيار نتاعها راح نجربها وسالياي على ماماك

الله يسلمك اختي وداد
السيار تاعها راح تلقيييه اكيد راه متوفر في كل مكان

يبلغ اختي راها رقدت دوكا غدا نوصللها سلامك للأمانة


شكرا لمرور

[وردة الشمس]

بيشا نفس الطريقة ندروها ومتفكرينيش كي نجيو نديرو بزاف نشرق معاها راكي فحلة متخافيش نهار تزوجي تقدي لدار ههههههههه

[أثيلة]

بيشا نفس الطريقة ندروها ومتفكرينيش كي نجيو نديرو بزاف نشرق معاها راكي فحلة متخافيش نهار تزوجي تقدي لدار ههههههههه

ايييه وردة عابالي تديرو نفس طريقتنا راني موالفة ندير مع تاع قسنطينة و ميلة و سطيف

ههههه مرسي انتيا تاني باينة من فحلة لهبيييه

ان شاء الله ربي يقدرنا كامل اختي


مرسي لمرورك

[منال9]

بارك الله فيك

[الجواهر]

يعطيك الصحة يا الفحلة

[أثيلة]

http://www.up.djelfa.info/uploads/14654154851221.jpg (http://www.up.djelfa.info/)

http://www.up.djelfa.info/uploads/146541548513972.jpg (http://www.up.djelfa.info/)

http://www.up.djelfa.info/uploads/146541548515763.jpg (http://www.up.djelfa.info/)

[أثيلة]

http://www.up.djelfa.info/uploads/146541555421191.jpg (http://www.up.djelfa.info/)

http://www.up.djelfa.info/uploads/146541555424983.jpg (http://www.up.djelfa.info/)

http://www.up.djelfa.info/uploads/146541562842491.jpg (http://www.up.djelfa.info/)

[zizy princess of alg]

احلى تقييم مشكووووورة

[أثيلة]

احلى تقييم مشكووووورة

شكرا على مرورك الكرييييم
وعلى تقييمك أختي الكريمة

[hyoucef32]

خاطري نذوقها ونخبرك

[أثيلة]

خاطري نذوقها ونخبرك

هههه ماتوقعتش أنو يمر شاب على منشوري
لما لا إن شاء الله تذوقها كاش نهار
ولا انا ندير عزيمة لكل لي فالمنتدى و نذوقكم كامل

[شمس الملوك]

بارك الله فيك يعطيك الصحة ياحرة 10/10

[أثيلة]

بارك الله فيك يعطيك الصحة ياحرة 10/10

وفيكي بارك الله
مرسي شمس ربي يسترك

[hyoucef32]

احسن الاكل ما كان على جوع رررررررررررااااااااااااااننننننننننننننييييييييييي يييييييي جيعان

[أثيلة]

احسن الاكل ما كان على جوع رررررررررررااااااااااااااننننننننننننننييييييييييي يييييييي جيعان

هههه راه وقت الفطور روح تتغذى

[زهرة الريف*]

ماشاءالله موضوع هايل والشرح كافي وافي يعطيك الصحة
ربي يحفضلك لميمة

[أثيلة]

ماشاءالله موضوع هايل والشرح كافي وافي يعطيك الصحة
ربي يحفضلك لميمة

شكرا لك اختس و بارك الله فيك لمرورك

اوك اهم حاجة انكم فهمتو من شرحي
الله يسلمك اختي
امين ربي يحفظ جميع الوالدين

[امونة الشاوية]

الله يبارك وربي يهنيكم بيها ويكثر افراحكم وشخاشخكم

[أثيلة]

الله يبارك وربي يهنيكم بيها ويكثر افراحكم وشخاشخكم

يبارك فيييك اختي ربي يخلييك
إن شاء الله
مرسي للمرور

[عطرالذهب]

هاااااااااايلة اختي يعطيك الصحة انت وماماك وفعلا ذقتها عند مرت خويا قسنطينية واصولها جيجلية تهبببببببببل وبنتها خير من شخشوخة الظفر

[أثيلة]

هاااااااااايلة اختي يعطيك الصحة انت وماماك وفعلا ذقتها عند مرت خويا قسنطينية واصولها جيجلية تهبببببببببل وبنتها خير من شخشوخة الظفر

الله يسلمك اهم حاجة راها عجباتك
احم احم جيجلية لالات البنات هههخ
صح فرق كبييير بين شخشوختنا و شخشوخة الظفر شخشوختنا حنايا ماتنشبعشي

[عاشقة العلووم]

يعطيك الصحة

[أثيلة]

يعطيك الصحة

الله يسلمك أختي

[salam algeria]

يعطيها الصحة لميمة ههههههه بديت بيها ههههههههه و طبعا انت بيشا
حنا ثاني هاذي طريقتنا و الله الصور فكروني في الايام التي مضت كنا نتلمو و نديروها عندي قريب 9 سنين ما درتهاش نجيب معايا في الفاليزة من عند ماما هههههههه و السمانة لي فاتت درت شوية للعيد جبت معايا السيار و الطاجينعلى جالها ههههههه
بصح احتج ديريلي الطياب بالمرقة ثاني و ابعثيلي زوج صحون واحد ليا وحدي و واحد لاولادي و راجلي باش ما يقلقونيش هههههههه

[أثيلة]

يعطيها الصحة لميمة ههههههه بديت بيها ههههههههه و طبعا انت بيشا
حنا ثاني هاذي طريقتنا و الله الصور فكروني في الايام التي مضت كنا نتلمو و نديروها عندي قريب 9 سنين ما درتهاش نجيب معايا في الفاليزة من عند ماما هههههههه و السمانة لي فاتت درت شوية للعيد جبت معايا السيار و الطاجينعلى جالها ههههههه
بصح احتج ديريلي الطياب بالمرقة ثاني و ابعثيلي زوج صحون واحد ليا وحدي و واحد لاولادي و راجلي باش ما يقلقونيش هههههههه

الله يسلمك سلمى ماعليش هي تاج راسي منغيرش منها هخخخخخ
ايه مادامك جيجلية اكيد هذه نفس طريقتكم

هههه ياك سلمى كونكي شاكرة و ماتديش من عند ماماك اخدميها انتيا و اديها ولا نمدلك انايا ماخصاراش في اختي الغالية

[ام رضوان]

الله يبارك في هاذوك اليدين ولكي منى احسن تقيييم. شكرا.

[أثيلة]

يعطيها الصحة لميمة ههههههه بديت بيها ههههههههه و طبعا انت بيشا
حنا ثاني هاذي طريقتنا و الله الصور فكروني في الايام التي مضت كنا نتلمو و نديروها عندي قريب 9 سنين ما درتهاش نجيب معايا في الفاليزة من عند ماما هههههههه و السمانة لي فاتت درت شوية للعيد جبت معايا السيار و الطاجينعلى جالها ههههههه
بصح احتج ديريلي الطياب بالمرقة ثاني و ابعثيلي زوج صحون واحد ليا وحدي و واحد لاولادي و راجلي باش ما يقلقونيش هههههههه

ههههههه سلمى اصبري نطلع هذه في عقلي
اوك نوريك المرق مي نبعثلك زوج صحون هذه فشلتني هههخخخ ارواحي كولي عندنا فالدار افضل هكاك تخلصوا غير واحد مع بعض هههخخ تعبت
نتمسخر برك

[reboot]

واااااااو ربي يبارك انما البسكرية احسن ههههههههههه

[salam algeria]

الله يسلمك سلمى ماعليش هي تاج راسي منغيرش منها هخخخخخ
ايه مادامك جيجلية اكيد هذه نفس طريقتكم

هههه ياك سلمى كونكي شاكرة و ماتديش من عند ماماك اخدميها انتيا و اديها ولا نمدلك انايا ماخصاراش في اختي الغالية

ههههههه سلمى اصبري نطلع هذه في عقلي
اوك نوريك المرق مي نبعثلك زوج صحون هذه فشلتني هههخخخ ارواحي كولي عندنا فالدار افضل هكاك تخلصوا غير واحد مع بعض هههخخ تعبت
نتمسخر برك

ههههه بيشا و الله انا ندير بصح مش بزاف نعيا بزاف نطرحها واقفة و نطيب واقفة و نرحيها في السيار واقفة توجعني ظهري ههههه و هوما في البلاد يديرو مع بعض بالمعاونة و القصرة ما يحسولهاش ههههههه
بصح طيحتيلي المورال ههههههههه زوج صحون كباااااااار مش بزاف ههههههههه

[أثيلة]

الله يبارك في هاذوك اليدين ولكي منى احسن تقيييم. شكرا.

يبارك فيك أختي أم رضوان
شكرا جزيلا اختي

[نافلة]

احلى تقييم لاحلى برينسيسة
وجدي روحك بعد العيد نهجمو عليك باش سلام دوخ
حقا شرحك واضح
زيدي اتحفينا بوصفات جيجلية تقليدية
يعطيك الصحة حبيبتي
في انتضارك

[أثيلة]

واااااااو ربي يبارك انما البسكرية احسن ههههههههههه

يبارك فيك أخي
ههههه نعم قيل هذا و لكن لنرى نحن ننتظر أختنا البشكرية قات ستظع موضوعا عنها

[أثيلة]

ههههه بيشا و الله انا ندير بصح مش بزاف نعيا بزاف نطرحها واقفة و نطيب واقفة و نرحيها في السيار واقفة توجعني ظهري ههههه و هوما في البلاد يديرو مع بعض بالمعاونة و القصرة ما يحسولهاش ههههههه
بصح طيحتيلي المورال ههههههههه زوج صحون كباااااااار مش بزاف ههههههههه

ههههههه ايه سلمى مش كبار راكي تشوفي هههخخ
عابالكي شخشوخة ماتزيدش هي مش مثل الطعام يعني لو توضعي صحن راح يبقى صحن و هذا لي يفشل هههههخخ

[ام صهيب 48]

يعطيك الصحة شاطرة

[أثيلة]

احلى تقييم لاحلى برينسيسة
وجدي روحك بعد العيد نهجمو عليك باش سلام دوخ
حقا شرحك واضح
زيدي اتحفينا بوصفات جيجلية تقليدية
يعطيك الصحة حبيبتي
في انتضارك


شكرا للتقييم نافلة
ههههههخخ مرحبا بيكم في كل وقت اختي
هذا جيد مادامو واضح مورالي يطلع
ان شاء الله مع الايام نزيد مواضيع
يسلمك اختي الغالية
شرفني مرورك

[SOLITAR]

يعطيك الصحة سهلتيها عليا

[أثيلة]

يعطيك الصحة شاطرة

الله يسلمك اختي
ومرسي للمرور الكريم

[رنيم مهدي]

يعطيك الصحة

[أثيلة]

يعطيك الصحة سهلتيها عليا

الله يسلمك اختي هذا واجبي
شكرا للمرور

[أثيلة]

يعطيك الصحة

الله يسلمك أختي

[بوعنينبة]

يعطيك الصحة

[أثيلة]

يعطيك الصحة

الله يسلمك اختي

[ام محمدالحسن]

مشكورة في ميزان حسناتك

[أثيلة]

مشكورة في ميزان حسناتك

العفو اهلا بك

[جيجلية]

طريقة واضحة

جزاك الله خيرا

دوكا ما عندنا حتى عذر

[أثيلة]

طريقة واضحة

جزاك الله خيرا

دوكا ما عندنا حتى عذر

ممم شكرا لكي
و جزاك الله خيرا لمروركي ايضا أختي




هههه نعم دوكا ماعادش عندكم عذر يلا شمرو على يديكم *_*

[موني.]

السلام عليكم ..
شكرا على موضوعك ..
لو أسميتها فقط شخشوخة السيار مثلا لنميزها عن شخشوخة الضفر ..في كثير من المناطق تحضر و بهذه الطريقة ..فهي لا تخص منطقة جيجل فقط ..:rolleyes:

مثل الشخشوخة البسكرية هي نفسها شخشوخة باتنة و تريدة الطاجين بقسنطينة و الرقاق بمعسكر و الفطير بالمرقة بمناطق أخرى ..على الأقل هذا ما أعرفه ..

نحن أيضا نحضر هذه الشخشوخة ..و لكني كنت أعيب عليها كمية ..\الفتلة \ التي تخرج منها ..خاصة عندما نحضر كميات كبيرة ..الا أن أمي أصبحت تقوم بإعادة \فتلها \..طعمها رائع جداا و مميز ..

تقبلي مروري ..بصدر رحب أخت رشا :)

[أثيلة]

اهلا اخت موني
نعم في اغلب المناطق يديروها و لكن عرفت انو هناك تغيير ولو طفيف في كل ولاية عن ولاية اخرى
صح الفتلة تقلق ولكن مام ماما رجعت تعاودها^_^

العفو اهلا و سهلا و مرحبا

[ام ايمان16]

يعطيك الصحة

كون كملتي حطيتيلنا مرقة نتاعها باش تكون كاملة

[أثيلة]

يعطيك الصحة

كون كملتي حطيتيلنا مرقة نتاعها باش تكون كاملة

الله يسلمك ام ايمان
والله نويت نحطها فالعيد مي درتها مزروبة و ماقدرتش نصور مرة اخرى نشاله

[ام ايمان16]

معليش اختي
بصحتكم

[ادرة مكنونة]

شكرا برنسيسة

[idron0]

يعطيك الصحة

[أثيلة]

معليش اختي
بصحتكم
الله يسلمك اختي
شكرا برنسيسة

العفو اختي الكريمة

[ام سراج وملاك]

يعطيك الصحة تشهي

[فرح فريد]

يعطيك الصحة و ربي يجازيك على مجهودك الكبير
شرح وافي و كافي
ربي يحفظك

[ام سمسومة 89]

علابالك حبيبة هذا وين شفت موضوعك رووووووووووووعة يعطيك الف صحة وعافية انت وماماك وصح ضقتها من عند ناسها روووووووعة وخفيفة تهبل كي نخرج نشري السيار واستناي تطبيقي

[نور الإسلام26]

سلام عليكم
اختي يعطيك الصحة روعة
صح فطوركم

[أثيلة]

يعطيك الصحة تشهي

الله يسلمك
بصحتكم ^_^

[أثيلة]

يعطيك الصحة و ربي يجازيك على مجهودك الكبير
شرح وافي و كافي
ربي يحفظك

الله يسلمك اختي ،امين يارب شمرا لكي
هذا ما كنت اتمناها ،ان تصل الطريقة
مرسي وانتيا تاني ربي يحفظك اختي

[أثيلة]

علابالك حبيبة هذا وين شفت موضوعك رووووووووووووعة يعطيك الف صحة وعافية انت وماماك وصح ضقتها من عند ناسها روووووووعة وخفيفة تهبل كي نخرج نشري السيار واستناي تطبيقي

اهلا حبوبتي ،ههههههه معليش ان تاتي متأخرا خيرا من الا تاتي ابدا
الله يسلمك اختي ربي يسترك
ان شاء الله تجربيها و تجيك افضل من تاعي و بالنسبةللسيار اشري لي يكونو الثقب تاعو متوسطين او ماراحش تجيك مليحة
راني نستنى في تطبيقك حبوبتي
ومرسي لمرورك

[أثيلة]

سلام عليكم
اختي يعطيك الصحة روعة
صح فطوركم

وعليكم السلام و رحمة الله و بركاته
يسلمك اختي ربي يحفظك
وانتم زادة

[ام عبد الواحد 2016]

واش هذى الروعة يسلم يديك

[حبيبة امها]

ماشاء الله على الفحلة ربي يبارك ويعيشلك لميمة إن شاء الله احنا تاني نديروها مرة هي ومرة نعملو شخشوخة الرزامة ايضا مليحة تهبل خاصة حارة انا نحبها هي اكثر

[أم سمية الأثرية]

baraka allah fiki

[أثيلة]

ماشاء الله على الفحلة ربي يبارك ويعيشلك لميمة إن شاء الله احنا تاني نديروها مرة هي ومرة نعملو شخشوخة الرزامة ايضا مليحة تهبل خاصة حارة انا نحبها هي اكثر

يبارك فيك اختي العزيزة هذا من فضل الله لدي والد متعصب و يحب تلقيني كل دروس الطبخ التقليدي و لقد نجح في ذلك
أنا حاليا ماعدتش نحبها لضروف تعلمينها ههههههههههههه:19::19:

[um alaa]

:19::19::19::19::19::19::19::19::19::19::19:

[أثيلة]

baraka allah fiki

وفيكي بارك الله

[aminanona03]

والله ماشاء الله تسلم ايدك

[أثيلة]

والله ماشاء الله تسلم ايدك

الله يسلمك أختي
شكرا جزيلا لمرورك

[Uaeec]

بارك الله فيك

[أثيلة]

بارك الله فيك

و فيك بارك الله

[said 21]

يعطيك الصحة وبارك الله فيك

[سيرين 5]

فكرتيني بالميزيرية ....... ، يعطيك الصحة

[ام احمد وريتاج]

تحية الى حراير جيجل

[أم رقية نسرين]

يعطيك الصحة ختي
حنا في قسنطينة تاني نديروها شخشوخة السيار بصح الأكثر نديرو شخشوخة الظفر نشتيوها أكثر
فحلة الله يبارك

[ام هدول]

هادي شخشوخة السيار وهي نفس طريقتي طبعا طريقة عيلتي في تحضيرها
بارك الله فيك وتسلم الايادي

[أثيلة]

يعطيك الصحة وبارك الله فيك

الله يبارك ،،، و فيك بارك الله

[ريتاج 09]

يعطيك الصحة بنت بلادي نفس طريقتنا

[جنة الفردوسْ]

يعطيك الصحة يا اختي

[تينا ماريا]

الله الله على الشخشوخة تاع لحراير باينة متولة يعطيكم الصحة اختي انتي و الوالدة
تقولي الصور من عندنا احنا تاني هكا نديروها
بصحتكم
سلام

[أثيلة]

فكرتيني بالميزيرية ....... ، يعطيك الصحة

الله يسلمك اختي مي مافهمتش علاه الميزيرية؟؟؟؟؟

[sarafouad]

mlih ya3tik alsaha walah konte haba nt3alemha

[أثيلة]

تحية الى حراير جيجل

شكرا لك ، لكي الف تحية اختي

[أثيلة]

يعطيك الصحة ختي
حنا في قسنطينة تاني نديروها شخشوخة السيار بصح الأكثر نديرو شخشوخة الظفر نشتيوها أكثر
فحلة الله يبارك

اهلا بكي اختي طالبة التاريخ
ممم ايه عابالي بلي تموتو انتم على شخشوخة الظفر عندي فاميلتي تما :-)
يبارك فيك و في حسناتك غاليتي
هذا من فضل ربي طبعا و تعب والدتي في تعليمي

[أثيلة]

هادي شخشوخة السيار وهي نفس طريقتي طبعا طريقة عيلتي في تحضيرها
بارك الله فيك وتسلم الايادي

ههه نعم هي طريقة الجميع ،، مبتذلة نوعا ما ،، ولكن اكيد هنالك من يجهلها فليتعلم :-).
وفيكي بارك الله اختي
شكرا

[أثيلة]

يعطيك الصحة بنت بلادي نفس طريقتنا

الله يسلمك اختي :-) :-) :-)

[أثيلة]

يعطيك الصحة يا اختي

الله يسلمك
شكرا جزيلا للمرور

[أثيلة]

الله الله على الشخشوخة تاع لحراير باينة متولة يعطيكم الصحة اختي انتي و الوالدة
تقولي الصور من عندنا احنا تاني هكا نديروها
بصحتكم
سلام

الله يسلمك و يسجيك اختي تينا ماريا
الله يسلمك غاليتي
سلام

[أثيلة]

mlih ya3tik alsaha walah konte haba nt3alemha

الله يسلمك اختي ،،، هذه فرصتك فاستغليها اذا. :-)

[hadjer25]

روعة اختي احنا تاني في قسنطينة نخدموها بنفس الطريقة يعطيكم الصحة

[أثيلة]

روعة اختي احنا تاني في قسنطينة نخدموها بنفس الطريقة يعطيكم الصحة
الله يسلمك اختي ،، مرورك اروع :rolleyes:

[ttoutta]

راك شاطرة حنونة

[أثيلة]

راك شاطرة حنونة

الله يسلمك حنونة شكرا لرأيك

[kristal farah]

يعطيك الصحة حرة لحراير
والله ماشاء الله تسلم ايدك حبيبتي
ومني ليك أحلى تقييييييييييم

[sararawa]

يعطيك الصحة

[raboha]

فوووووووووووووووووووور هذي هي شخشوخة الأصول
بارك الله فيكم و يعطيكم الصحة

[fatisousou]

بارك الله فيك ربي جازيك احنا انسموها شخشوخة الضفر شكرا لك

[أثيلة]

يعطيك الصحة حرة لحراير
والله ماشاء الله تسلم ايدك حبيبتي
ومني ليك أحلى تقييييييييييم

الله يسلمك اختي ،شكرا لك
شكرا للتقييم

[أثيلة]

يعطيك الصحة

الله يسلمك وبارك الله فيك على التقييم

[أثيلة]

فوووووووووووووووووووور هذي هي شخشوخة الأصول
بارك الله فيكم و يعطيكم الصحة

الله يسلمك اختي
و فيك بارك الله
الله يعافيك:o

[أثيلة]

بارك الله فيك ربي جازيك احنا انسموها شخشوخة الضفر شكرا لك

وفيك بارك الله
لكن اختي هذه ليست شخشوخة الظفر هذه شخشوخة السيار

[امونة الشاوية]

شكرا جزيلا وبارك الله فيك

[ام توته]

يعطيك الصحه وشكراا ع الشرح المفصل جزاك الله كل خير

[preciosos]

شكــــــرا على الوصفة
جــــــــــــــــزاك الله كل خير

[أم عروه]

شكرا جزيلا انا تاني نستعمل نفس الطريقه وكيانه شخشووخة نفسها لكن عوض منطيبها على طاجين نحلها أوراق وتعرضها لشمس تنشق الأغلبية تديرها في الصيف مع ساخنه تاع الشمس ونفنوتها في سيار شخشوخه تم نفورها والله تكون أخف من تاع طاجين

[sama22]

هذه شخشوخة السيار اختي كاين فرق في طياب تاعها و تاع شخشوخة الظفر

[abdelsamed bed]

الله يبارك وشكرا

[khadouj_1985]

يا اختي شهيتيني

[أثيلة]

شكرا جزيلا وبارك الله فيك

العفو غاليتي. و فيكي بارك الله

[أثيلة]

يعطيك الصحه وشكراا ع الشرح المفصل جزاك الله كل خير

الله يسلمك أختي ،،،،العفو هذا واجبي
جزاك الله بالمثل :-)

[أثيلة]

شكــــــرا على الوصفة
جــــــــــــــــزاك الله كل خير

العفو ،،، أهلا وسهلا بك
شكرا على المرور العطر

[أثيلة]

شكرا جزيلا انا تاني نستعمل نفس الطريقه وكيانه شخشووخة نفسها لكن عوض منطيبها على طاجين نحلها أوراق وتعرضها لشمس تنشق الأغلبية تديرها في الصيف مع ساخنه تاع الشمس ونفنوتها في سيار شخشوخه تم نفورها والله تكون أخف من تاع طاجين
العفو اختي هذا واجبي
وعن طريقتك لي حكيتي عليها ،، صح قالتلي أمي بلي تجي خفيفة لكن تجي فيها ريحة الشمس و الشخشوخة ماتتغسل مثل الكسكس لهذا نفضل الطريقة هذه

[أثيلة]

هذه شخشوخة السيار اختي كاين فرق في طياب تاعها و تاع شخشوخة الظفر
نعم أختي هذه شخشوخة السيار ،،، مانضنش كاين فرق بينهم اختي غير انو هذه تحب السقو بزاف والاخرى شوية برك :-)

[أثيلة]

الله يبارك وشكرا

يبارك فيك ،،، العفو اهلا و سهلا

[أثيلة]

http://www.up.djelfa.info/uploads/145317578789351.jpg (http://www.up.djelfa.info/)

هاكي أختي تفظلي بصحتك ،،، صحة و هناء
يا اختي شهيتيني

[أثيلة]

ما شااااء الله
طريقتك واضحة و مفهومة جدا

جزاك الله خيرا و ربي يحفظلك الوالدة


شكرا جزيلا لكي ،، وجزاكي الله بالمثل

[aya noha]

جزاك الله خيرا شكرا للافادة

[selma81]

بارك الله فيك اكلة راءعة

[أثيلة]

جزاك الله خيرا شكرا للافادة

و جزاك الله بالمثل
أهلا و سهلا و مرحبا بك :mh92:

[أثيلة]

بارك الله فيك اكلة راءعة

و فيكي بارك الله
مروركي أروع :19:
شكرا جزيلا للمرور

[arbre]

يعطيك الصحة أختي العزيزة

[جيجلية]

جزاك الله خيرا

المرة الجاية إن شاء الله درينا الفطير الجيجلي

[أثيلة]

يعطيك الصحة أختي العزيزة

الله يسلمك حبوبتي

[belseme]

بارك الله فيكي اختي على الموضوع المهم جدا والشخشوخة الاكثر من رائعة
لكن حبيت نبين معلومة مهمة الجواجلة ماش معروفين بتحضير الشخشوخة هو صح كاين لي يعملوها عادة دخيلة لكن مليحة الجواجلة مشهورين بدويدة رقيقة والكسكس الاسود لي يتعمل بالحوت
والشخشةخة اصلها قسنطيني وتاني مشهورين بيها فعنابة وبسكرة
تحياتي

[أثيلة]

بارك الله فيكي اختي على الموضوع المهم جدا والشخشوخة الاكثر من رائعة
لكن حبيت نبين معلومة مهمة الجواجلة ماش معروفين بتحضير الشخشوخة هو صح كاين لي يعملوها عادة دخيلة لكن مليحة الجواجلة مشهورين بدويدة رقيقة والكسكس الاسود لي يتعمل بالحوت
والشخشةخة اصلها قسنطيني وتاني مشهورين بيها فعنابة وبسكرة
تحياتي

السلام عليكم
أختي و الله صدقيني انا جيجلية و الاكلات لي تحدثتي عليهم مانعرف و جامي دقتهم و لا خدمتهم و أنا صح من ولاية ميلة اصلي لكني تربيت في جيجل و والدتي جيجلية و المعروف انا طياب البنت يكون لأمها و ليس لوالدها اذا اكليس جيجلي

[أم نيفين]

بارك الله فيكم

[ام حنين و رحمة]

يعطيك الصحة

[أثيلة]

بارك الله فيكم

وفييييك بارك الله اختي شكرا للمرور

[أثيلة]

يعطيك الصحة

الله يسلمك بلا مزية ختيتو

[ighil ighil 18]

احنا في جيجل ما كنخدموش الشخشوخة انا ذقتها اول عندما تزوجت احدى قريباتي الى قسنطينة .الشخشوخة ليست من عادات الجواجلة .

[أثيلة]

احنا في جيجل ما كنخدموش الشخشوخة انا ذقتها اول عندما تزوجت احدى قريباتي الى قسنطينة .الشخشوخة ليست من عادات الجواجلة .

أنا راني جيجلية و لاانا نخدموها و راها من عادتنا

[ighil ighil 18]

أنا راني جيجلية و لاانا نخدموها و راها من عادتنا
انت كتخدمها بصح هي ماشي من عادات لجواجلة يعني هي طبق دخيل على منطقتنا

[أثيلة]

انت كتخدمها بصح هي ماشي من عادات لجواجلة يعني هي طبق دخيل على منطقتنا

لالا مهيش دخيل من بكري يخدوها هكا قالتلي ماما

[عزيف]

شكرا لك اختي ، فرصة اخرى مع طبق اخر
بوركت

[اصرار النجاح]

يعطيك الصحة..........

[أثيلة]

شكرا لك اختي ، فرصة اخرى مع طبق اخر
بوركت

العفو اختي
ان شاء الله
شكرا للمرور

[salamon kalou]

السلام عليكم
اشكرءاااا تهبل. اعطيك. الصحه والعفيه

[ighil ighil 18]

لالا مهيش دخيل من بكري يخدوها هكا قالتلي ماما
لماذا تكذبين يا مخلوقة اظن انك لست جيجلية اسالي كل الجواجلة عن الشخشوخة فهم لا يصنعونها و من يصنعها فقد اخذها عن الولايات المجاورة اما ماماك فلا ادري من اين اتت بحكايتها .
على العموم لا يوجد طبق اسمه الشخشوخة الجيجلية :)
احنا عندنا اطباقنا الجيجلية مثل سكسو بالحوت -أربيط-أغروف -لعصيدة د أيرني- رّبّوزة-بويشّة - الدّويدة........................بصح ماكانش الشخشوخة

[ighil ighil 18]

لم افهم لماذا ثبت الموضوع
لا يوجد طبق اسمه الشخشوخة الجيجلية

[أثيلة]

السلام عليكم
اشكرءاااا تهبل. اعطيك. الصحه والعفيه

وعليكم السلام و رحمة الله و بركاته
العفو اهلا و سهلا بكي

[أثيلة]

لماذا تكذبين يا مخلوقة اظن انك لست جيجلية اسالي كل الجواجلة عن الشخشوخة فهم لا يصنعونها و من يصنعها فقد اخذها عن الولايات المجاورة اما ماماك فلا ادري من اين اتت بحكايتها .
على العموم لا يوجد طبق اسمه الشخشوخة الجيجلية :)
احنا عندنا اطباقنا الجيجلية مثل سكسو بالحوت -أربيط-أغروف -لعصيدة د أيرني- رّبّوزة-بويشّة - الدّويدة........................بصح ماكانش الشخشوخة

استغفر الله العلي العظيم و اتوب اليه ،، كيف تصفين انسانا بالكذب ،، أنا جيجلية و والدتي جيجلية و ابي كذلك و نحن نصنعها من القديم