اطباق سهلة للاقامة الجامعية [الأرشيف] - منتديات الجلفة لكل الجزائريين و العرب

مشاهدة النسخة كاملة : اطباق سهلة للاقامة الجامعية

soumaya08

2015-09-13, 23:45

سلام عليكم حبيباتي

هده اول مشاركة لي في هدا القسم نتمنى تساااعدوني في طلبي

انا جامعية وقريباجدا نروح للاقامة ابحث عن اطباق بسيطة وسريعة باش نعملها في الاقامة

علابالي رايحين تبهرنني باطباقكم المميزة يا الفحلااات

سلام :mh31::mh31:

arwa alaa

2015-09-14, 00:46

يا ختي في الاقامة مع التعب نتاع النهار وهايك الريزستونس تقولي الله لا كليت
انا عندي عشر سنين ملي كملت والله كنا مدايرين حالة بالفريت واملات الفرماج
كي نزيد نتفكر حوايج نقولك

soumaya08

2015-09-14, 20:45

يا ختي في الاقامة مع التعب نتاع النهار وهايك الريزستونس تقولي الله لا كليت
انا عندي عشر سنين ملي كملت والله كنا مدايرين حالة بالفريت واملات الفرماج
كي نزيد نتفكر حوايج نقولك

اهلا اروى

والله صح تعب كبير ونهار كامل في الجامعة ومرات مكانش وقت للفطور حتى نولي للاقامة مساءا نجي نخممواش نطيب ومرات نشري وااجد
ولاني مبتدئة في الطبخ حبيت نتعلم اطباق ساهلة وبنينة نطيبها
شكرا على مرورك الطيب اختي

NOUR IMAYA

2015-09-16, 14:40

فففي الإإإقاامة وش يصلح تطيبي
شوفي ختي
أنا نطيب روز ونديرلو بيض وفرماج و تون ووو...
و أندومي طبعا
و نطيب الفارميسال ونديرلها التون تومات
و لا بيض بالجبن
ولا شكشوكة عادية
ولا اقلي باذنجان...يعني عفايس خفاف
باش ما توليش ريحة الطياب في الشومبر
و تقدري ثاني تسكرفجي بطاطا و تديرلها بيض و جبن وتوابل و تديريها على نار قليلة
و بصحتك

kadery2085

2015-09-17, 16:23

القائدة

2015-09-17, 16:34

طيبي الفريت هاذاك ما ناكلو حنا الجزائريين
ديري مرة فريت اومليت
مرة فريت بالتون
مرة فريت فروماج
مرة فريت بسلاطة
مرة فريت بماسيدوان
مرة فريت بالهريسة وحدهم ، و هي ابن وجبة بصراحة ��
و مرة فريت sec و هي ماشية

و بالهنا و الشفا ، عودة ميمونة و إقامة سعيدة ان شاء الله

sara nissa

2015-09-23, 14:46

انا تاني راني كيفك ختي لكن انا طيبت تم بزاف حوايج درت فرييت و درت فلفل اكي تعرفي تاع الخفافي و درت فارميسال نورمال مفور كيما تليتلي درت رشة سباغيتي درت مقرون طاجين معقودة ومراقي و حميص درت عيش روز و في الجمعة ندير كسكسي ههههه نوعت مي في ايام الامتحانات نطيب مقارون و نحط عليه طون طماطم هدي في عامي الاول لعام هذا اني معولة على حوايج كتر