ما الفرق بين لي روح في الوقت ولي يدير تأخير للثكنة

[B.fayçal]

مثلا جاك الاستدعاء في 2015/09/15 كاين لي يقولك أنا نروح 19 ولا 22 مثلا، واش الفرق كيتروح من الاولين ولا من لآخرين ؟ أعطونا سلبيات ومزايا إذا روحت من في الوقت المحدد وأعطونا العكس. بارك الله فيكم الإخوة.

[pavel.nedved]

متابع للموضوع

[كايميرا1322]

نرجوا الافادة

[B.fayçal]

وين راكم يالخاوة شاركونا تجاربكم الله يخليكم

[titi2010]

متابع للموضوع

[بلمرابطة]

بالنسبة للجوندارم يعطوهم بونيس من عنهدم تقدر ب 9000 دينار لي يجي مع لولين في 15 في شهر و لي يجي في 16 و روح لهيه ميعطوهش

[عامر غزال]

دوك نفهمك ... كي تروح مع الاوائل رايحين يتهلاو فيك يعني ترقد مليح تدي زورة ههههههههه مطرح و لا الشاليهات يكونو فارغين ... و تععود من بكري على اجواء الكازيرنو و تفوت عند الطبيب في اليوم الثاني او الثالث ...... اذا دارلك مؤهل يعني راك لابس و خلاص .... اما كي تروح مع لخرين و مع الاكتظاظ راح ترقد على الارض في لفوايي ولا مع العصاة و لا في اي بلاص ني زورة ني والو و الطبيب 10 ايام ..15 يوم باه تفوت عندو ..ميزيرية ...... متحكيليش على الفائض و هذيك الطمعة لي تجيك .... ادا عندك دوسي و متاكد و واثق من الصحة تاعو روح في الايام لولين .. ادا ما عندك والو دير رودار ... فوق سمانة 10 ايام نورمال ..... الفاض ساعات يشدو من لولين ساعان من لخرين ... ساعات بالزهر .. توقفو كامل و يبدا الجنرال يخرج بالواحد... و هادي هيا ..... مقود لارمي اخي الافريقي .

[B.fayçal]

دوك نفهمك ... كي تروح مع الاوائل رايحين يتهلاو فيك يعني ترقد مليح تدي زورة ههههههههه مطرح و لا الشاليهات يكونو فارغين ... و تععود من بكري على اجواء الكازيرنو و تفوت عند الطبيب في اليوم الثاني او الثالث ...... اذا دارلك مؤهل يعني راك لابس و خلاص .... اما كي تروح مع لخرين و مع الاكتظاظ راح ترقد على الارض في لفوايي ولا مع العصاة و لا في اي بلاص ني زورة ني والو و الطبيب 10 ايام ..15 يوم باه تفوت عندو ..ميزيرية ...... متحكيليش على الفائض و هذيك الطمعة لي تجيك .... ادا عندك دوسي و متاكد و واثق من الصحة تاعو روح في الايام لولين .. ادا ما عندك والو دير رودار ... فوق سمانة 10 ايام نورمال ..... الفاض ساعات يشدو من لولين ساعان من لخرين ... ساعات بالزهر .. توقفو كامل و يبدا الجنرال يخرج بالواحد... و هادي هيا ..... مقود لارمي اخي الافريقي .

هههه شكرا لك يعجبني أسلوبك في السرد... أنا عندي ملف كفالة أنا الكبير في الدار وعندي خويا صغير الوالدين مايخدموش في الزوج أنا نخدم عليهم.

[WALID 25]

الفرق بين الي يروح مع الاوائل والي يجي مع الاواخرهو
كل واحد يلجا الى حيلة يسلك بها يعني الناس الي جايين للكزارنة واحد فيهم ما حاب يعقب كامل حابين يروحو امر يحير مالا شكون يعقب كل واحد يدير حسابو بصح حساب العبد برك و كاش حساب و عند ربي ما يلحقق غير الي كاتبلك ؟؟؟؟

[B.fayçal]

الفرق بين الي يروح مع الاوائل والي يجي مع الاواخرهو
كل واحد يلجا الى حيلة يسلك بها يعني الناس الي جايين للكزارنة واحد فيهم ما حاب يعقب كامل حابين يروحو امر يحير مالا شكون يعقب كل واحد يدير حسابو بصح حساب العبد برك و كاش حساب و عند ربي ما يلحقق غير الي كاتبلك ؟؟؟؟

هههه صح كاينة

[عامر غزال]

ناس بزاف راهي حاصلة في هاذ الموضوع .. انا كاينة حاجة نوصيكم ...... كابتك على ظهرك و اتكل على ربي .. ما تخمم ني في فائض ني والو ..... الغيب عند ربي ..... روح فوت لارمي تاعك تتهنا منو برغم كل الظروف ...بسكو والله محشي فيك ....و يعطلك على بزاف حوايج في حياتك .... و النفسية تاعك تكون ديما مرنكة ... روح ادا شدوك راك مع خاوتك و حاجة متخصك و الله تصيب اصدقاء خير ملي عندك و هادا ما كتب علينا ربي . لوكان جينا مرفهين راهم يجيبولنا الروفورم للدار .. مي حنا يسمونا الرجال الرجال بمجيئنا تتغير الاقدار .....هي خدعة وطنية مي و الله تتعلم منها و تكون شخصيتك و تعرف الرجال واش يسواو ....كي تكون بين زوج خيارين مقودين اختار لي مقود شوية برك ......... وربي يوفقكم و نشالله عام يفوت نورمال

[عامر غزال]

هههه شكرا لك يعجبني أسلوبك في السرد... أنا عندي ملف كفالة أنا الكبير في الدار وعندي خويا صغير الوالدين مايخدموش في الزوج أنا نخدم عليهم.
ملف الكفالة ادا حكموه عليك راك فريتها بسكو اغلبية الملفات ادا تحكمو يكون الروفورم فيها .... و ادا راك قريب من باب الواد اضرب دورة و ليهم يرجلوك .. بالتوفيق ....

[محفوظ البسكري]

يوجد فرق في بعض المدارس

ممكن كي تروح الايام الاولى يشدوك تلبس الكومبا و تكون من جماعة الخدمات تقدم الخدمات للمدنيين

تولي تغسل و تنظف التواليت و الساحة و تدرب في نفس الوقت تنوض على 4.00 واحتمال يطلقوك و احتمال يشدوك

اما كي دير روطار و ما يلبسوكش

[B.fayçal]

شكرا لكم الخاوة على الإفادة أنا ان شاء الله اليوم في الليل نطلع وربي يفرج على كل واحد

[كايميرا1322]

بالتوفيق أخي -- وكي ترجع ان شاء الله -- احكي لنا -- فأنا مرسول الى نفس المركز

[khald mDn]

انا نقووول احسن توقيت هو 20 يكونو داخلين بزاف قبلك .. ادي معاك دوصي و اتكل على ربي . و دير في بالك رايح تفوت و ما راكش غادي ترجع .. و ممكن ريفورم انشاء الله
و اذا حكموك مكتوب تع ربي الله يسهللكم جماعة

[Dalkousat]

انا 142 كلغ و الطول 1.83
ملف طبي herni discal يعني فتق متطوؤ وجديد
مرض النقرس ايضا
كاين امل ؟؟

[khald mDn]

الحالة تاعك ممكن 90 % ريفورم ان شاء الله بصح انا نقولك تروح 18 ولا21 بالاك يسرحوك قبل العيد

[محفوظ البسكري]

انا 142 كلغ و الطول 1.83
ملف طبي herni discal يعني فتق متطوؤ وجديد
مرض النقرس ايضا
كاين امل ؟؟

تروح و راسك مرفوع و احد ما يدوخك ههههه

انا كنت في dca 124 كغ وطولي 1.84 قالتي الطبيبة انت في حد ذاتك راك ملف طبي خخخخخ

بعثوني للمستشفى العسكري لاعادة الوزن انا و 10 تقريبا من جماعة الوزن الثقيل كامل يخي روحنا

[Dalkousat]

تعيش خويا محفوظ
انا رايح لمدرسة تقنيات المعتمدية بليدة
قالولي الطبيب صعيب بزاف ومايستعرفش بالملف الطبي
وانا يا خويا والله وربي شاهد مانيش خوف من من نعقب لاني مررت بحوايج في حياتي اسوأ من العسكر
انا ثقيل الحركة وعندي فتق مسلاني علابالك مانقدرش نوقف باستقامة لاقل من 30 ثانية
ابسط الحوايج مانقدرش، نربط الخيوط تاع صباط مثلا مانقدرش نهبط
رغم انني مانبانش سمين بشكل كبير جدا بصح مانقدرش ندير ابسط الامور فيزيائيا سما رايحين يعذبوني برك كون نتقبل

[Dalkousat]

تعيش خويا محفوظ قلي تقريبا كون نروح مابين الطبيب والمستشفى العسكري قداه باه نروح للدار 15 يوم هكاك ؟؟

[محفوظ البسكري]

تعيش خويا محفوظ
انا رايح لمدرسة تقنيات المعتمدية بليدة
قالولي الطبيب صعيب بزاف ومايستعرفش بالملف الطبي
وانا يا خويا والله وربي شاهد مانيش خوف من من نعقب لاني مررت بحوايج في حياتي اسوأ من العسكر
انا ثقيل الحركة وعندي فتق مسلاني علابالك مانقدرش نوقف باستقامة لاقل من 30 ثانية
ابسط الحوايج مانقدرش، نربط الخيوط تاع صباط مثلا مانقدرش نهبط
رغم انني مانبانش سمين بشكل كبير جدا بصح مانقدرش ندير ابسط الامور فيزيائيا سما رايحين يعذبوني برك كون نتقبل

يا خويا ما تحيرهاش قاع
مهما كان الطبيب صعيب بملفك الطبي و زنك رح تروح رغما عن انفه

[محفوظ البسكري]

تعيش خويا محفوظ قلي تقريبا كون نروح مابين الطبيب والمستشفى العسكري قداه باه نروح للدار 15 يوم هكاك ؟؟

في المستشفى العسكري اذا كان قريب من الثكنة تاعك بالاك في نفس اليوم اللي تروح ليه للمستشفى العسكري ترجع فيه للثكنة تاعا لمعتمدية و بالاك يطلقوك في نفس اليوم

احنا كان المستشفى العسكري في ورقة و كنا في الاغواط بعيد حوالي 400 كم قعدنا ثمة يوم و نص تقريبا
ورجعنا للغواط dca ,طلقونا في نفس اليوم اللي ؤجع لليه للمدرسة و خرجنا على 20.00 ليل

[Dalkousat]

بارك الله فيك صديقي ربي يسترك

[Haroun_kr]

كاش معلومات على المدرسة التطبيقية للمشاة بشرشال

[zizou.rs]

متى تغلق الثكنات ؟

[ratimino]

ana nroh fel 27 bous3ada

[toufik khenchela]

سلام عليكم الخاوة جاني استدعاء مع امر بالإلتحاق لتمنفوست يوم 20/09/2015 باغي ان شاء الله نروح 21 ولا 22 اممكن بعد العيد واش رايكم ؟ تاريخ الميلاد 1987 متخرج قبل 2011 ماهي حظوظي في الخروج فائض مع العلم ان ثكنة تمنفوست لديها معايير تشد على حساب العمر والإختصاص وهل يوجد فيها متحف ؟ اين انتم يا خبراء الصفحة افيدوني جزاكم الله خيرا في هذا لعواشير

[toufik khenchela]

افيدونا جزاكم الله خيرا

[algeriamix]

toufik khenchela
ــــــــــــــــــــــــــــــــــــــ
اولا مدرسة تمنفوست مدرسة مقبولة و من بين الأقل استدعاءا لحاملي الشهادات مقارنة بالمدارس التطبيقية الاخرى
اما بخصوص استفسارك فهو خاطئ معايير القبول و الرفض = معريفة + ملف طبي صحيح مش مشكل + فائض في حالات استثنائية خاصة في الوقت الراهن
كيما قلت انت عواشير عواشير أنوي الخير تلقاه اذا مشيت روح مور العيد اذا قررت ما تروحش فهذا قرارك كذلك
ربي يوفق خويا الشاوي 04 و 40 و 05 وين ما كانوا

[toufik khenchela]

بارك الله فيك على الافادة اخي ان شاء الله فيها خير

[AMINOVSKII]

خوتي الله يرحملكم الولدين كاش معلومات على مدرسة إطارات المشاة سيدي بلعباس