الجلباب

[مشكلتي]

السلام عليكم ورحمة الله تعالى وبركاته
انا طالبة في الجامعة تخصص لغة فرنسية مدرسة عليا والحمد لله هذا العام راني رايحة نتخرج وحبيت ندير جلباب بصح معلاباليش وعلاه احيانا نكون مقتنعة بيه واحيانا نخاف ونشك في نيتي وانا راني حابة نديروا في سبيل الله بصح احيانا تروادني شكوك في نيتي ونخاف ثان لاني خجولة ونتحسس من راي الناس بصح رغم كل هذا راني حابة ندير الجلباب وثان كاين مشكل راني خايفة ابي وامي مايوافقوش انصحوني كيفاش نواجههم ونقنعهم
شكرا لكم سلفا

[Zaki Dilmi]

الــــــــــــــــشيــــــــــــــــــــــــــــــ ـــــطان يـــــــــــــــجعلك تــــــــشكين و تـــــــــخافين

[* حبّ الله *]

و علاه حتى ما يوافقوش والديك على طلب كيما هذا !!!!انت صارحيهم و هما باذن الله رايحين يفرحوا ببنتهم و يقولو ربينا و لقينا ......بالنسبة لشكوكك انها النفس الامارة بالسوء ...لكن تاكدي من انك لما تعملي حاجة انها تكون ملء ارادتك
وفقك الله فيما ارضاه

['مــــــــــــرجان نينو']

سلام عليكم ورحمة الله وبركاته .

الجــــــــــلباب حاجة مليحة جدا ولكن في نفس الوقت حاجة خطيرة لازم تكونين مستعدة ومتهيأة لها . لأنك بهذا تكونين تحت أنظار الناس وبالخصوص في الجامعة .

بالمتدينة الشديدة . هذا في نظر مجتمعنا . كما أن أي خطأ قد ترتكبينه قد يحسب للجلباب والدين . وكما لا ننسى بأن كل انسان خطاء .

اذا كانت عندك إرادة وقلب من حديد في إرتدائه والاخلاص له فبـــــــــــــــــيها ونعمة .

واذا كان العكس فتركيه .

انا شخصيا أنصحك بالحجاب واللباس المحترم جدا جدا . لأنه الأيمان في القلب وليس في المظهر


ان أصبنا فمنا الله

وان اخطءنا فمن انفسنا والشيطان

ربي يكون في العون ان شاء الله

[seridz]

اختي استشيري والديكي في هذا الامر اذا وافقو الله يبارك و اذا ما وافقوش طيعي والديك اختي (اذا كان حجابك الحالي شرعي) و في حالة ما اذا وافقو توكلي على ربي و ديريه ستجدين شوية صعوبة فالاول لانك درتي حاجة جديدة لكن سرعان ما تتوالفيه و الناس تاني تتوالفك مثله مثل التي يكون شعرها ماشي مغطي و دير الحجاب فالاول يجيها شوية صعيب لكن بعد مدة تتعود عليه و الله يوفقك اختي انا رأي انو تفكيرك بالجلباب في محله و نتمنى والديك يوافقو .

[mino 19]

هو جلباب مليح بصح لازم عدم تركه
كما قال اخي -- 'مــــــــــــرجان نينو'---- حتي انا نصحك بحجاب ولباس محترم
والله كانو يقراو معيا توأم دايرين حجاب ولا اروع تغطية كل شئ يعنى رغم ان وجه ظاهر لكن حجاب ساتر كل شئ وليس من حجاب الدي نراه الان
الله يوفقك

[منير15]

لا طاعة لمخلوق في معصية الخالق

[أم محمد علي]

الجلباب إلبسيه طاعة لله تعالى
والناس لا تعيري لهم أي إهتمام توكلي على الله وإلبسيه

[ام تقوى 34]

انا والله كنت دايرة حجاب سانبل بصح كي درت جلباب حسيت روحي مرتاحة فيه اكثر منن الحجاب

[ام ريتاج الجزائرية]

السلام عليكم ورحمة الله وبركاته
ارضاء الناس غاية لاتدرك ارضاء الرحمان غاية ﻻ تترك شوفي اختي هدي هي النفس الامارة بالسوء ووسوسة الشيطان راح يديرلك عليه الف سبة وسبة حتى مايخص والديك راه تان يخوفك باه ماتخبريهمش انت راكي رايحة ديري جلباب باه ترضي ربي خلاص ربي يجد لك مخرج من حيث لاتحتسبين اتوكلي على ربي وديريه وهنيئا لك به والله ان التزمت اللباس لارضاء الرحمن فهنيئا لك ستجدين بعض الصعوبة في بداية الامر فلا تبالي تذكري دوما انك تريدين ارضاء ربك اختيزوبالتوفيق سلام عليكم

[naamane3]

والله اني لأحييك ولأشكرك على ما تودين فعله
نحي من بالك كل هاذ التفكير
وركزي على امر واحد هو هل سيرضي عليك ربك ام لا
لان ارضاء اللناس غاية لا تدرك
وبارك الله فيك

[taymia]

اختي توكلي على الله واليديك مغديش يمنعوك وحتى الا منعوك من بعد غدي يولفو
نصيحة من دابا لبسي جلبابك لي امر نا به الله عز وجل

[الرميصاءْ]

السلام عليكم
اختي الكريمة انصحك ان تلبسيه و الله السعادة الحقيقة في لبسه ولن تندمي ولا تخافي من احد اجعليه لوجه الله وربي يسهلك
انا كذلك مررت بتجربتك قررت ارتداء الجلباب لاني كنت مقتنعة به وكنت مترددة مثلك خوفا من الاهل ومكان عملي ولكن اتكلت على الله ولبسته والحمد لله كل مخاوفي كانت من الشيطان لان تقريبا كل الناس فرحولي حتى في مكان عملي واحسست بسعادة حقيقية في لبسه احسست بالستر

[رقة قلب]

اختي انا انصحك به و لا تترددي ابدا انا ايضا ارتديته و الله تتغير حياتك بشكل جدري
ماعلابالكش بالناس يقولو عليك المتجلببة خير من الفاجرة الكاسة العارية و زيد ايلا كانت نيتك لله الناس كامل ماعلابالكش بيهم صح تلقاي ناس تهدر و تبينلك انك ماشي تاع الجلباب و لله و تكوني اطهر بنت على وجه الارض كاين لي يقول ماشاء الله و كاين لي يقول هادي واش داها ديرو هاديك ترجعلك ليك انت و قوة ايمانك و قوة قناعتك و شخصيتك ايضا اما الكلام تسمعيه تسمعيه اشكال و الوان كاين لي يدم و كاين لي يشكر

[أثيلة]

السلام عليكم اختي
صح الجميع راودتنا هكذا افكار في الخطوات و خاصة الخوف من رأي الوالدان
قال ابي إن وضعتيه فليس لك مكان ببيتي
لذا لم أضعه و اكتفيت بالحجاب الشرعي
سألت إمام قال لي إرتديه و دعيهما عند الأمر الواقع لكنني لم أستطع
على كل حال الحمد لله فحتى حجابي مستور وهو صحيح


وفقنا الله اختي

[** أبو أسيد **]

اذا كنت تريدين ارتدائه فعليك بالدعاء فهو القادر وحده لا شريك له على تيسير الامور

[بربرية و أفتخر]

اختي هاذي نفس الاسباب اللي خلاتني نأجل ارتداء الجلباب لسنوات
حتان كرهت مش راح نظل نشوف للناس
كون تراعي الناس عمرهم مايرضاو عليك
و صدقيني صححححح كي تشوفي البنات لابسينو يغيضك الحال و تحبي تكوني كيفهم
راهي حاجة ماتمنعك تلبسيه غير نفسك
من اول يوووووم تلبسيه تتبدل نظرتك لكلشي و صراحة نهار اللي لبستو حسيت روحي نطير
شعوووووووور عمرهم مايحسو بيه الكاسيت العاريات هزاهن الله و ايانا لما يحب و يرضي
واهلك ننصك ماتاخذيش رايهم اصلا البسيه بلا ماتشاوريهم
راني نحكو علي اساس راكي تمري بنفس الظروف اللي مريت بيها انا
مع الوقت كي يشوفو الجلباب بدلك حياتك يعودو يحبوه
ماتخافي من والوووووو صدقيني الحجاب الشرعي جا باه يبسطلنا حياتنا مش يعقدها
هذا وين حسيت روحي عايشة حياتي كيما يقولو
نعيش كيما نحب و ما نخاف من نظرة حتي واحد
مزالني نخرج مع صحاباتي و مزالني متميزة في قرايتي
خير من قبل صدقيني
ربي يثبتك اختي
ديريه و الله ماتندمي و ماتقوليش انا ندير الذنب الفلاني معناها مانقدرش نلبسو
العصمة للانبياء اختي
و الالتزام بشرع الله فرض علينا كاااااامل مش غير علي السلفي و السلفية كيما يهدرو

ثبتك الله اختي راكي مختارة من ملايين الفتيات الضائعااااات باه تتحجبي

[Zahra 30]

ديري الحاجة لي تريحك

[snoopie]

الجلباب ليس فرض :) اذا درتيه ومقتنعتيش ولقيتي روحك مخنوقة نحيه ومتحوسيش علا رأي الناس انتي ترضي الله وليس الناس

[ام ايمان16]

اذا شغتي روحك مقتنعة بيه دريه
وكاين بزااف انواع للجلباب شوفيهم في النت ولي ساعدك في قرايتك ديريه

ووالديك اكيد يحبو بنتهم تكون مستورة ومانضنش تلقاي صعوبة في اقناعهم
بالتوفيق

[الفارس الجدَّاوي]

السلام عليكم:
افعلي ما ترينه مناسبا وما يرضي ضميرك ويريحك نفسيا، وأسأل الله لك أن يرزقك زوجا يفهمك ويعينك على دينك.

[محب السلف الصالح]

الجلباب فرض


وأمر الله عز وجل


لا طاعة لمخلوق في معصية الخالق

[القائدة]

لا طاعة لمخلوق في معصية الخالق

فطاعة الوالدين تسبقها طاعة الله
و الاولى لك هو طاعة الله ، ( و ان جاهداك على ان تشرك بي ما ليس لك به علم فلا تطعهما و صاحبهما في الدنيا معروفا و اتبع سبيل من أناب الي ثم الي مرجعكم فأنبئكم بما كُنتُم تعملون )
اذن حاولي باللين و الرفق توضيح الامر لوالديك على انه هو الحجاب الشرعي كما وصفه رسول الله صلى الله عليه و سلم
ولا بد اولا ان تكوني انت مؤمنة بهذا الامر و على يقين بأنك ستنالين كل الخير و الرضى و القبول بفضل ارتدائك لما امر الله به
و ادعي الله في صلاتك ان يُحنن قلبيهما و يرشدهما الى سواء السبيل و يمهد لك الطريق لبلوغ الهداية و جني ثمارها ، ولا تغفلي اختاه انه قبل الحجاب هناك اخلاق إسلامية لابد التحلي بها ، و هناك مضغة في الجسد لا بد الاعتناء بها ، حتى يتطابق الشكل مع المضمون .
و اذا اصر والداك على رفضهم فلا تطيعيهم و اطيعي ربك و البسيه بقلب صادق ، و انتظري كل الخير من ربك
و اول الخير هو ندم والديك على رفضهم لقرارك فتاكدي ان الله لن يترك عباده المومنين و انما سيدافع عنهم ، تصوري انك سيدافع الله عنك من فوق سبع سموات ! اي شرف هذا يناله العبد المؤمن الصادق ( ان الله يدافع عن اللذين آمنوا ان الله لا يحب كل خَوَّان كفور )
اذن امشي قدما في طاعتك لله ، و اتركي على الله امر والديك و الناس ، لأنك ستنالين الرفعة و الوقار و محبة الناس لك و احترامهم لأنك اخترت طريق الله ، فما كان الله ليخيبك و ما كان الله مضيع اجر من احسن عملا ، سبحانه

لي تجربة مع لبس الحجاب الشرعي ، لبسته و كان الأهل رافضون له بل وصلني حتى بعض السخرية و لكنني كنت ولازلت قوية بفضل الله لم انتبه لكلامهم وسرت قدما في لبسه و التمسك به حتى ندموا على موقفهم الاول و اثبتت للجميع ان الجلباب هو نظافة و وقار و صون و عفاف و حياء ، و جمال المراة في حياء ملبسها ، حتى ان البعض اقتدى بي و لبسه عن قناعة ، و انا و لله الحمد و المنة سعيدة جدا بمظهري الفريد و المميز بين قريناتي فجميل ان لا تشبهي الكثيرات فالدرر المكنونة ثمينة و غالية و ليست في المتناول .