من فضلكم قريوش تع لطفي حيمر تع اليوم؟؟؟

[zina10202]

من فضلكم شكون لي تفرجت اليوم استراحة القهوة لطفي حيمر دار قريوش مليحة كيفاه دارها واش هوما المقادير ملحقتش عليها ؟؟؟ لحقت علاها في الاخر

[بشـرى]

والله تفرجتها بصح مهزيتش المقادير , هزيت مرة تاع قريوش دارتو وحدة في جنان لالة إذا تحبي نكتبهولك

[zina10202]

هههه معليش اكتبي حتى لوخر وكيفاه شكلاتو ... ويعتيك الصحة

[بشـرى]

أنا كنت نتفرج ونكتب شفيت على الطريقة ونتي معرف تفهمي هكذا ولالا :rolleyes:

500غ فرينة, 125غ مرغرين ذائبة , شوية ملح , 2 مغارف سكر رطب , كيس خمارة , بيضة , مغرفة خل ونخلطو مليح ونلمو العجينة بماء الزهر
نطرح العجينة ونمررها في عجينة الطرح ومن بعد نرشها بالنشاء ونطبقها ونعاود نطرحها ومن بعد نمررها في رقم 3 ومن بعد 4 , ونجيب مربع من الورق المقوى 8 على 8 ولا 10 على 10 وتقصي مربعات, ومن بعد ديري خطوط ميهمش العدد ومن بعد تهزي المربع وتطبقيه على زوج وزيدي على زوج , وتتهزيه من تحت وتدخليه فالنص ومن بعد تقصي الحروف مثلث , وتقليه

[zina10202]

فهمت الطريقة تشبه تع قريوش العادي بصح كي نقص مفهمتش ههه مرسي بعتيك الصحة

[بشـرى]

أختي روحي youtube واكتبي طريقة صنع قريوش عين الجمل حصة استراحة القهوة الشيف لطفي حيمر راهي تجيك