تسجيل الدخول

مشاهدة النسخة كاملة : حيطة سد....

جمال نصير
2015-09-11, 21:40
حيطة سد...
أي سكة تمشى فيها ..راح تقابلك.. حيطة سد..
تمشى دوغرى..
أو تلف شمال يمين ...
فى النهاية ... راح تقابلك..
حيطة سد...
*****
حيطة سد فى كل حته ...
خلوا بالكم ..دا ف مصر...
بس مصر..
كل حاجة ف مصر تلقى ..
حيطة سد..
والتساؤل...ليه ف مصر..؟؟
هل قدرنا...
هل إرادة شعب عايز بس ينطح...
أى حاجة...
حتى لو كات ...حيطة سد...؟
هل تعوّد ...
هل عصابة ف كل حته...
قاعدة تبنى سدود .. موانع..
تملى بيها دروب حياتنا..
تبني بين الناس وجوا الناس ...حدودها
لجل نلقى الدنيا .. فينا ...
حيطة سد..؟؟
*****
لما ينبض فيك ضميرك..
راح ينغص ليك وجودك..
لو تبيعه..
راح تبيع وياة حياتك..
فالنتيجة ..هى هى ..
دوله ناسها بدون ضمير..
أو ضمير مركون ف بير..
هى هى ...
حيطة سد..
*****
لما يبقى ف مصر عالم..
شيخ جليل..
بس ملهوش أى قيمة..
بس فوق (ع الرف) مركون أو ذليل
والعوالم عايشة فوق الكل ..
فاردة ... جناح وديل..
فالنتيجة ..هى هى...
شيخ وعالم مربوطين..
زي عالمة ...وطبالين
هى هى ..
حيطة سد..
*****
لما شعبك يبقى جاهل...
شاف بعينة
ودنة سمعت...
جلده ولع مل عاشه...
بس عايش زى تور الساقية ..متغمى عنية
والحرامى..
ماسك الكرباج بيضرب ..لما تور الساقية فكر..
إنه يرتاح...
وللا يهرب...
والحرامى ... أى خولى ف الوسية...
من قساوة قلبه ...ساكت..
عنده خير الساقية هو كل همه...
مش مهم التور يموت...
فالنتيجة هى هى ...
تور بيحلب فيه حرامى ...
هى هى ... حيطة سد...
*****
دى بلادنا ..
مش مصدق... اى حاجة مل قلته....
تبقى النت التور يا إما..
الحرامى...
وللا أنت بدون ضمير...
أو ضميرك حى وانت ...
الضرير..
تبقى انت م العوالم ..
وللا عالم ... زى وهم بدون دليل..
مصر يا صاحبى يادوبك؟؟؟
سكة واحدة..وف نهايتها هتلقى..
حيطة سد ..
والمصيبة..
اننا يا صحبى حبة طوب ف ايدهم..
يبنوا بينا ...اى حيطة..
بس حيطة فى حارة سد..
*****
جمال نصير
سبتمبر 2015
أمير جزائري حر
2015-09-14, 21:06
سلام ...
أعجبتني مقطوعتك أخي الكريم .. :19:
وهذا رد متواضع ..

أنَا عَنْدِي لِيكْ هِدِيَّه ..

حِتِّةْ وِصِيَّة ..

حَاوِلْتْ أَصِغْهَا بِالمِصْرَاوِيَة ..

وِاسْمَعْ بِقَلْبَكْ .. مِنْ أميرْ ..

يِمْكِنْ تِلاَقِي فِيهَا خِيرْ ..

الحِيطَة مِشْ في أيِّ شارعْ ..

الحَقِّ واضحْ ونُورُه سَاطِعْ ..

مَا فِيشْ سُدُودْ في أيِّ حَارَة ..

كُلِّ الحِكَايَة نُفوسْ جَبَانَة ..

كُلِّ وَاحِدْ يِقُولْ ياعَالَمْ .. !

إش مِعْنَا آنا ..

نَفسِي نفسي يَا دِي الخُسَارَة ..

تحياتي لكل أحرار مصر ..
أمير ..
Moahmedfawzy
2015-09-15, 19:25
رائععععععععععععععععععععع
Moahmedfawzy
2015-09-15, 21:15
جميل اوووووووووووووووووووووووووى
جمال نصير
2015-09-16, 16:18
سلام ...
أعجبتني مقطوعتك أخي الكريم .. :19:
وهذا رد متواضع ..

أنَا عَنْدِي لِيكْ هِدِيَّه ..

حِتِّةْ وِصِيَّة ..

حَاوِلْتْ أَصِغْهَا بِالمِصْرَاوِيَة ..

وِاسْمَعْ بِقَلْبَكْ .. مِنْ أميرْ ..

يِمْكِنْ تِلاَقِي فِيهَا خِيرْ ..

الحِيطَة مِشْ في أيِّ شارعْ ..

الحَقِّ واضحْ ونُورُه سَاطِعْ ..

مَا فِيشْ سُدُودْ في أيِّ حَارَة ..

كُلِّ الحِكَايَة نُفوسْ جَبَانَة ..

كُلِّ وَاحِدْ يِقُولْ ياعَالَمْ .. !

إش مِعْنَا آنا ..

نَفسِي نفسي يَا دِي الخُسَارَة ..

تحياتي لكل أحرار مصر ..
أمير ..



الله عليك أخى الامير الجزائرى الحر... أعلم أن بالجزائر كتير أحرار.. فكنت معهم .. أسعدنى مرورك وأسعدنى أكثر مشاركتك الرائعة بالمصرية ... شكرا من القلب تليق بك أخى الامير
جمال نصير
2015-09-16, 16:20
جميل اوووووووووووووووووووووووووى

أنت الاجمل أخى محمد فوزى ... بارك الله فيك
صبرينة لوتس
2015-09-16, 18:45
السلام عليكم

رائعة أخي المصري الحر

واصل ماضاع حق وراءه طالب

سلام
جمال نصير
2015-09-17, 09:16
السلام عليكم

رائعة أخي المصري الحر

واصل ماضاع حق وراءه طالب

سلام

وعليكم السلام ورحمة الله وبركاته
مرورك الاروع يا قطرات ...
بارك الرحمن فيك
شكرا من القلب
فاطمة شلف
2015-09-25, 11:05
السلام عليكم ورحمة الله وبركاته
الله يبارك اخي المصري حر
موفق ان شاء الله
لك مني كل الشكر والاحترام
جمال نصير
2015-09-26, 13:31
السلام عليكم ورحمة الله وبركاته
الله يبارك اخي المصري حر
موفق ان شاء الله
لك مني كل الشكر والاحترام


فاطمة ... ان كان هناك من شكر فأنا أول من يشكرك... لانك لا تبخلين علي بالمرور والتعليق ... فشكرا تليق بك...
تقبلى تحياتى
وكل عام وانت بخير
اعاد الله عليك الايام بكل خير