الغروفـات اكلتي التقليدية المفضلة

[مياسم الصمت]

السلام عليكم ورحمة الله وبركاته

اليوم جبت لكم أكلة تقلدية لذيذة

انا شخصيا تعجبني بزاف

الاكلة هي تشبه لحد كبير البغرير او كما نسموه عندنا الغرايف

الاكلة هي مؤنث الغرايف:)


اسمها

~الغروفات ~

الحقيقة ما صورت المقادير
حتى تفكرتكم
قلت نفيدكم بالوصفة وان شاء الله تعجبكم
المقادير
انا استعملت كمية كبيرة لعائلتين
حسب عدد الافراد

9 بيضات
لتر ونصف ماء دافي
2 او 3 ملاعق كبيرة زيت ما تكثري حتى تقدري تطيبيها ( انا استعملت 2)
ملعقة كبيرة خميرة الخبز

ملح
~~~~~
اخلطي كل المقادير

ثم اضيفي دقيق متوسط ( عينك ميزانك مايكون جاري بزاف كما البغرير وما يكون ثقيل)
غطيها واتركيها تخمر جانبا مدة عشرين دقيقة تقريبا

بعدما تخمر زيدي خلطيها مليح بالمغرف

واذا لقيتها عاقدة شوية وما انطلقت لك زيديها لها كمية من الماء دافي وحركي

انا اضفت تقريب كاس ما دافي على حسب الدقيق

ثم نأتي لمرحلة الطياب في الطاجين:sdf:

طبعا الطاجين كل واحدة كيف مالفة تدهنوا لما طيب البغرير

كاين اللي يدهنوا ببياض البيض او صابون الطرف ويفوت عليه قطعة قماش بسرعة

كل واحدة وطريقتها

المهم نطيب من الوجه الاول كما في الصورة ولما ينشف نقلب بخفة
وانتبهي تطيح لك لانها مبسسة بزاف لذلك قلت لك ما تكثري الزيت قيس 2 او 3 مغارف بزاف عليها

لما ينشف الوجه الاول اقلبيه بخفة باصابعك على الوجه الثاني
غير قيس ما ياخذ لون خفيف فقط
الصور توضح لك لاحقا

بعد الطياب اسقيها بالزبدة الذايبة

الغرايف كاين الي يحبوا بالسكر او العسل

لكن الغروفات تاع اليوم بالزبدة فقط

اليكم الشرح بالصور


هنا كثافة الخليط قبل ما نطيب لقيته شوية ثقيل بعد ما تخمر اضفت له شوية ماء


http://www.up.djelfa.info/uploads/144182585362781.jpg





لما تصبي في الطاحين

http://www.up.djelfa.info/uploads/144187778016391.jpg

وتبدا تنشف من الجوانب قلبي بخفة باصابعك من احدى الطرف
http://www.up.djelfa.info/uploads/144187810665361.jpg


بعد ما تقلبي

http://www.up.djelfa.info/uploads/144182798932061.jpg





http://cdn.top4top.net/i_58194b7e0f3.jpg




هنا المرحلة الاخيرة عند التقديم

http://www.up.djelfa.info/uploads/144182772132691.jpg

[أم عروة]

امممممممممممممممممممممم
اكيد نجربوها
يعطيك الصحة مياسم باينة بنينة

[dalal2008]

ما شاء الله شهيتيني و فتحتي شهيتي يعطيك الصحة هذا الوصفة
من خيرات بلادنا زينة البلدان تقبلي تحياتي

[*أم كوثر*]

يعطيك الصحة اختي مياسم
تسمى كما الغرايف العادية غير زايدة بيض
باين تجي خفيفة كي الريشة
ومااحب الى قلبي الا اكلاتنا التقليدية

[مياسم الصمت]

امممممممممممممممممممممم
اكيد نجربوها
يعطيك الصحة مياسم باينة بنينة


اهلا ام عروة
اكيد بنينة انا تعجبني خير من الغرايف

جربيها بالخطوات ولو بكمية قليلة
وان شاء الله تنجح لك

[مياسم الصمت]

ما شاء الله شهيتيني و فتحتي شهيتي يعطيك الصحة هذا الوصفة
من خيرات بلادنا زينة البلدان تقبلي تحياتي


الله يسلمك اختي

هي اكلة تقليدية غير معروفة كثيرا حتى في مدينتي هناك من لا يعرفها

لذلك حبيت نشاركم بها

[مياسم الصمت]

يعطيك الصحة اختي مياسم
تسمى كما الغرايف العادية غير زايدة بيض
باين تجي خفيفة كي الريشة
ومااحب الى قلبي الا اكلاتنا التقليدية


الله يسلمك اختي ام كوثر

ايه هي مثل الغرايف الفارق انها فيها كمية معتبرة من البيض
وايضا الغرايف كاين اللي نعجنوه
هذي لا ما تتعجن

وثاني ما الخليط ما يكون جاري بزاف كما الغرايف

لكنها خفيفة وبنينة تشهي

فقط شوية صعيبة في الطياب ممكن تتكسر لك وطيح اذا جاتك مبسسة بزاف

انا بالكمية هذه جاتني مليحة وقلبتها بسهولة
يعني كل 3 بيضات مقابل نصف لتر ماء دافئ والدقيق عينك ميزانك
وبعد التخمار اكيد تثقل نزيد نحلها بشوية ماء دافي حتى تطلق رحها شوية
لكن ما تكون جارية بزاف كما الغرايف

الكمية هذه بزاف
تقدري تاخذي كتجربة ثلث الكمية وتشوفي

لكن جربيها واكيد تعجبك

[أم ياسين الزهراء]

روووووووووووووووعة هداك واش يحب الخاطر تسلم يديك حلو وجاب حلو

[ام فريال]

بارك الله فيك

[مياسم الصمت]

روووووووووووووووعة هداك واش يحب الخاطر تسلم يديك حلو وجاب حلو


الله يسلمك ام ياسين
اذا كنت تحبي هذا النوع من الاكلات التقليدية
فاكيد رايحة تعجبك

[مياسم الصمت]

بارك الله فيك





وفيك بارك الله اختي ام فريال
شكرا لمرورك

[همسات ايمانية]

مشكورة مياسم على الوصفة والصور ,,,اكيد لذيذة من يديك

وراح نجربوها في اقرب وقت

بوركت

[مياسم الصمت]

مشكورة مياسم على الوصفة والصور ,,,اكيد لذيذة من يديك

وراح نجربوها في اقرب وقت

بوركت



الله يسلمك اختي همسات
الوصفة فعلا لذيذة لمن يتقنها
وان شاء الله تنجح لك
فقط جربي بكمية قليلة حتى ما تقلقي منها

جربي ثلاث بيضات بزاف

وان شاء الله تنجح لك

[زهرة الريف*]

بارك الله فيك اختي مياسم والله منين شفت الوصفة أخذني الحنين لأيام زمان وين كانو أهلي يديروها
ومن نهار لي زوجت مادرنها يعطيك الصحة هي فعلا جي بنينة تهبل وجاتك روعة

[اسمهان79]

ما شاء الله عليكي حبيبتي
روعةةةةةةةةة تسلم ايييييدك

[ام سراج وملاك]

رووووعة اختي مياسم اول مرة نسمع بيها حنا نعرفو غير لغرايف حبيت نسقسيك لازم طيب في طاجين الطين
وان شاء الله نجربها شهتني فيها بصحتكم اختي

[أثيلة]

ممممم تشهي تاع الصح اكيد راح نجربها مي قوليلي نقدر نطيبها فالكاحين تاع الحديد لانو تاع طين تكسرلي-_-

[مياسم الصمت]

السلام عليكم ورحمة الله وبركاته
جمعة مباركة اخواتي
بالنسبة للطياب صراحة انا سواء الغرايف او الغروفات نطيب دائما في طاجين الطين

لكن اذا عندك مقلة ثقيلة شوية تاع التيفال تقدري تستعمليها والنار شوفي انت وكيف تساعدك
اذا تنقصي او تزيدي المهم تطيب مليح

[mamarine]

تسلم يديك http://www.djelfa.info/vb/images/icons/m001.gif

[idron0]

جزاك الله خيرا

[سارة ورقلة]

يعطيك الصحة

[عروبة2003]

جزاك الله خيرا

[غزة غزة]

احنا نسموهم قرص البيض راهم مشهورين في قبايل سطيف وجيو يسخفو وانا نديرهم بزاف راجلي يموت عليهم

[الشكورة]

يعطيك الصحة ما شاء الله

[جيجلية]

صح اجي بنينة وخفيفة

احنا نديرو الغرايف بالبيض والزيت بصح هدو نقولولهم بوشارف العجينة اجي اثقل من تاع الغرايف

وقبل ما ينشف اغروف نزيدولو كمية من العجين ونقلبوه مباشرة ونرشوه بالماء والزبدة يجي روعة