المهور

[nihal159]

السلام عليكم ورحمة الله وبركاته
من مشاركاتي في قسم الحياة الزوجية و مناقشاتي في مواضيع تُعنى بمشاكل تأخر الزواج و إرتفاع معدلات العنوسة؛ لاحضت أن مشكل المهر يُطرح بقوة، من خلال هذا الموضوع أطلب من الأعضاء أن يضعو قيمة المهر كل حسب ولايته

[Zaki Dilmi]

مشكل المهر احد المشاكل لكن مع الوقت العائلة بدات تقلص المهر في بعض اللولايات المشكل الاسساسي هو خروج المراة للعمل و شباب باطل كيفاش يفنح بيت وهو باطل
الله الغالب عايشين في بلاد البترول الخدمة فيه للنسا

[mohamed2412]

السلام عليكم والله ياأختي المهر عندنا بولاية سطيف يتراوح ما بين 10 -12-15 إلى 20 مليون حسب العائلات وحسب العرض و الطلب :D راهي ولات تجارة رابحة العائلات رجعوا بحال الموالين نتاع الماشية :D يمصولك دمك :D ربي يصلح الأحوال :mh31:

[آسيا 25]

و الله عن نفسي أتمنى أن تشترط كل عروس مصحفا و تعتبره مهرها و بالمقابل على المجتمع محو بدعة(الشورى)التي أرغموا المرأة عليها فللعلم العروس في زماننا تشتري تلك المدعوة(شورتها) ب 3 أو 4 أضعاف قيمة مهرهالذا فالتنازل عن المهر مقابل التنازل عن الشورى هو مكسب كبير للعروس قبل العريس في ولاية قسنطينة المهر يتراوح بين 10 و 15 مليون سنتيم هذا في غالب الأحيان و هناك من يبالغ كثيرا و أيضا من لا يشترط شيئا,سلام.

[كواسر 09]

السلام عليكم و رحمة الله تعالى بركاته

.. من خلال بعض المهور الغالية . يُخيل لك بأنك ستتزوج بملكة جمال العالم .... رانا نقصروا خاوتي بلا توسويس :cool:

.

أنا في رأيي المهر يتغير على حسب كل عائلة وايس حسب الولاية او منطقة
.

و ربي يرزق الشباب الزوجة الصالحة ... و ربي يرزق البنات أزواجا صالحين
.

[بستان الورود]

لو انو ينحو عادة الشورة واللي تدي فيه اضعاف هذا المهر يوليو ينقصو فيه فمهر الرجل سيعود له لانها رايحة تشري اللوازم اللي تعمر بيها دارها وهاذي اللوازم غالية والمهر عندنا في سطيف اللي غالبا ما اسمع عنه هو 10، 12،وقد يصل 20

[maghi]

السلام عليكم ورحمة الله تعالى وبركاته...
فعلا الشورة تدي 3-4 اضعاف المهر...
حنا في خنشلة يشرطو 5-6 ملاين والمقياس والصوف...
وكاين عائلات ماتشرطش الذهب بتاتا وانما من 15-20 مليون
والصوف على حسب الاسر كاين اللي يشرطوها وكاين اللي
يديروها لبنتهم.
عندي استفسار بسيط حول الردود, الذهب داخل فالمهر ولا برا...
قصدي تشرطو الذهب et en plus الدراهم ؟

[nihal159]

السلام عليكم و رحمة الله وبركاته
شكر موصول لجميع الأعضاء الذين شرفوني بردودهم.

[nihal159]

مشكل المهر احد المشاكل لكن مع الوقت العائلة بدات تقلص المهر في بعض اللولايات المشكل الاسساسي هو خروج المراة للعمل و شباب باطل كيفاش يفنح بيت وهو باطل
الله الغالب عايشين في بلاد البترول الخدمة فيه للنسا



السلام عليكم و رحمة الله وبركاته
شكرا أخي على المداخلة؛ لكن لا نستطيع الحجر على الناس؛ المرأة بعد ماقرات و نجحت في مسابقة توضيف بنفس كفاءة الرجل؛ نجيو نقولولها ماتخدميش؟؟؟؟:o

[nihal159]

السلام عليكم والله ياأختي المهر عندنا بولاية سطيف يتراوح ما بين 10 -12-15 إلى 20 مليون حسب العائلات وحسب العرض و الطلب :D راهي ولات تجارة رابحة العائلات رجعوا بحال الموالين نتاع الماشية :D يمصولك دمك :D ربي يصلح الأحوال :mh31:




السلام عليكم و رحمة الله وبركاته
نوّر الموضوع بوجودك؛لكن واش هذي الأرقام؟ رانا في المزاد العلني:rolleyes::rolleyes:؟؟؟ وهذي 15 أو 20 مليون واش داخل فيها كلش يعني ذهب و صوف و شرط و عشاء

[rose de sable s]

هنا في بسكرة 8-12 مليون مع ذهب 2 خزاتم و كل واحد واش حب يزيد
مهر حسب عائلات
و بالنسبة للرجال لي يقول مهر غالي وووووو
اطلبو من عائلاتكم ان لا يشترطو و يعلق علي تصديرة و لفراش و جهاز عروس اولا
لانه اصبح مهر يشرو بيه جهاز و لوازم خروس و بيتها لاجل ارضاء اهل زوج
يعني كي اهل لعروس يتقص في شرط لازم اهل عريس يتقبل واس تجيب لعروس ول حتي لباس واحد
ربي يرزقنا ازواج صالحة

[nihal159]

و الله عن نفسي أتمنى أن تشترط كل عروس مصحفا و تعتبره مهرها و بالمقابل على المجتمع محو بدعة(الشورى)التي أرغموا المرأة عليها فللعلم العروس في زماننا تشتري تلك المدعوة(شورتها) ب 3 أو 4 أضعاف قيمة مهرهالذا فالتنازل عن المهر مقابل التنازل عن الشورى هو مكسب كبير للعروس قبل العريس في ولاية قسنطينة المهر يتراوح بين 10 و 15 مليون سنتيم هذا في غالب الأحيان و هناك من يبالغ كثيرا و أيضا من لا يشترط شيئا,سلام.


السلام عليكم و رحمة الله وبركاته
بارك الله فيك أختي، خاصة الشورى راهي عبئ كبيـــــــــر على كل طفلة؛ الأب المسكين ما يلقاها لا من الذهب لا من الّلبوس(فرقاني؛ كاراكو؛ شامسة) لا من الفراش( زرابي، صالون مغربي؛..)؛ العريس في بالو راه وحدو لي يصرف؛ حتي الطفلة مسكينة راهي في حال و أحوال

[nihal159]

السلام عليكم و رحمة الله تعالى بركاته

من خلال بعض المهور الغالية . يُخيل لك بأنك ستتزوج بملكة جمال العالم .... رانا نقصروا خاوتي بلا توسويس :cool:

.

أنا في رأيي المهر يتغير على حسب كل عائلة وايس حسب الولاية او منطقة
.

و ربي يرزق الشباب الزوجة الصالحة ... و ربي يرزق البنات أزواجا صالحين
.

السلام عليكم و رحمة الله وبركاته
شكرا أخي على المداخلة.

[nihal159]

لو انو ينحو عادة الشورة واللي تدي فيه اضعاف هذا المهر يوليو ينقصو فيه فمهر الرجل سيعود له لانها رايحة تشري اللوازم اللي تعمر بيها دارها وهاذي اللوازم غالية والمهر عندنا في سطيف اللي غالبا ما اسمع عنه هو 10، 12،وقد يصل 20

السلام عليكم و رحمة الله وبركاته
مرحبا بيك أختي والله رأي من رأيك؛ مسكين لي عندو زوج بنات مخطوبين راهي خلات عليه؛ ما يلقى واش يشوّر واش يخلي، ربي يصلح الأحوال

[nihal159]

هنا في بسكرة 8-12 مليون مع ذهب 2 خزاتم و كل واحد واش حب يزيد
مهر حسب عائلات
و بالنسبة للرجال لي يقول مهر غالي وووووو
اطلبو من عائلاتكم ان لا يشترطو و يعلق علي تصديرة و لفراش و جهاز عروس اولا
لانه اصبح مهر يشرو بيه جهاز و لوازم خروس و بيتها لاجل ارضاء اهل زوج
يعني كي اهل لعروس يتقص في شرط لازم اهل عريس يتقبل واس تجيب لعروس ول حتي لباس واحد
ربي يرزقنا ازواج صالحة


السلام عليكم و رحمة الله وبركاته
والله يا أختي كون لقيتك قدامي نسلّملك على راسك؛ كون نحسبو بالورقة والستيلو العروسة واش إدات معاها وهو واش دفع شرط؛ يلقاها تسالو قد ما دفع مرتين:mh31::mh31::mh31:

[nihal159]

السلام عليكم ورحمة الله تعالى وبركاته...
فعلا الشورة تدي 3-4 اضعاف المهر...
حنا في خنشلة يشرطو 5-6 ملاين والمقياس والصوف...
وكاين عائلات ماتشرطش الذهب بتاتا وانما من 15-20 مليون
والصوف على حسب الاسر كاين اللي يشرطوها وكاين اللي
يديروها لبنتهم.
عندي استفسار بسيط حول الردود, الذهب داخل فالمهر ولا برا...
قصدي تشرطو الذهب et en plus الدراهم ؟


السلام عليكم و رحمة الله وبركاته
شكرا أختي على المشاركة؛ هذا واش حبيت نفهم أنا تاني واش ذاخل في هذا المبلغ

[nihal159]

السلام عليكم و رحمة الله وبركاته
حنا في سكيكدة؛ و هذي من تجربة شخصية و أيضا كيما شفت بنات العائلة.
كي يتجمعوا الرجال مع الإمام باش يقرو الفاتحة؛ الإمام هو الذي يبادر بالحديث و يقترح مبلغ المهر ست ملايين و يطلب القبول من العائلتين؛ وغالبا ما يتم القبول و في بعض الأحيان والد العروسة يتنازل على المهر ويطلب مبلغ رمزي؛ و ناذرا ما يطلب الزيادة.
ثم يسألهم الإمام على الصوف هل هي مناصفة بين أهل العروسين أم تتحمل تكاليفها إحرى الأسرتين على أن تقوم الأسرة الأخرى بغسلها وترتيبها على شكل مطارح.
ثم يسأل الإمام والد العريس عن قيمة العشاء المقدمة لوالد العروسة وهل يقدمها نقدا أو نعجة يقدمها يوم العرس.
ثم يسأل الإمام والد العروسة إذا كانت عندو شروط فيما يخص الحنة و الذهب؛ في غالب الأحيان يتركها لضروف العريس المادية يعني هو ومقدورو.
إن شاء الله مانكونش طولت عليكم.

[rose de sable s]

جيد ان امام هو من يتكلم حتي لا يكلفو لا العريس و لا عروس
ربي يسهل لكل انسلن و يهنيهم

[آسيا 25]

السلام عليكم و رحمة الله وبركاته
بارك الله فيك أختي، خاصة الشورى راهي عبئ كبيـــــــــر على كل طفلة؛ الأب المسكين ما يلقاها لا من الذهب لا من الّلبوس(فرقاني؛ كاراكو؛ شامسة) لا من الفراش( زرابي، صالون مغربي؛..)؛ العريس في بالو راه وحدو لي يصرف؛ حتي الطفلة مسكينة راهي في حال و أحوال
صدقت أختي أنا مهري كان 15 مليون سنتيم في حين أن شورتي قدرت ب37 مليون +مصاريف العرس مع أني اشتريت اللازم فقط.ثم تجدين بعض الإخوة ينتقدون بشدة المرأة التي تطالب بالمهر و كأنها ستصرفه على نفسها في حين أنها سترده إليهم أضعافا مضاعفة!

[sinda]

والله جزاك الله خيرا موضوع رائع مشكل االزواج خطير خلى كل واحد يحب يزوج لازم يوجد روحوا من كل النواحي من الدار والفراش والمهر لي قالهم أسكتوا أنا عن نفسي بابا ما شرطش كيما فاميلتي يمدو ب :5 ملايين مهر و3 أو 4 تاع الفاتحة يعني ما يديروش الفاليزة تحني على 2ويزات والخاتم وقنطار ونص أو 2 قناطر صوف والجهاز والذهب مقياس بو ويزة او سلسلة وممسايس والمناقش والخاتم و2 ويزات أخرين أما أنا وأختي مدنا ب12 مليون ودارولي سلسلة رقيقة وحنيت على 2 ويزات والله ما داراتلي والوا بابا لي زادلي مبصح صح الشرط غالي مبصح نديروا الشورة مليحة رانا نعمروا الدار

[صمت الرجوله]

........................................

[BNDOUMA]

الله يجيب السوق

[maya1991]

احنا عندنا عيب تشراط ليجيبهالها هذيك هي واغلبية يدفعوا المهر من 6 الى 10 ملايين وانت وزهرك

ويجيبلها 2 خواتم ( في خطبة وفي زواج )فقط لا اكثر ولا اقل واذا كان عندوا درهم زيدلها سلسلة تاع ذهب واذا كان ما عندوش ما يدرلهاش

[آسيا 25]

لكنا يا اختي رانا نشوفو في قسنطينة لي تمدلها 15 مليون تبانلها طيحت من قيمتها و تقولك قليل كي شغل راهي سلعة تقيم روحها بالدراهم لي يعطوها "لا اقصد التعميم"....و لوكان الشرط برك لهان الامر يعني مايطلقوكش غير و مسارنك مقطعين
نرجو من الاعضاء تدعيم موضوع الاخت....قولونا واشحال المهر و لواحقه عندكم في كل ولاية باه نعرفو واش من ولاية لازم علينا ندو منها...خلونا نديروها مناقصة وطنية مفتوحة و الله يرّبح
بالنسبة لي لم أر في محيطي من دفع لها مهر أكثر من 15 مليون سنتيم, الأغلبية 10 أو 12 مليون+ حاجة ذهب للحنة ( كل حسب مقدوره)في عائلتنا هناك من حنات على فلايك بقيمة 3 ملاين سنتيم, و فوق هذا تشراك الفم على الشورى من قبل أهل العريس!!!!!قريب تعود المرا هي اللي تمد الشرط للراجل يظهرلي باش يعجبهم الحال.

[nihal159]

السلام ليكم ورحمة الله وبركاته
أنا قريت مرة في جريدة الشروق أنه في منطقة القبائل؛عملو سقف محدد للمهر و الحنة و الشورى تاع العروسة؛ ممنوع واحد يزيد فوق الشيء المحدد؛ هكذا يتساوى الفقير و الغني و تنقص الطبقية في المجتمع و يشجعو الشباب على الزواج

[sarl02]

السلام عليكم ورحمة الله تعالى وبركاته...
فعلا الشورة تدي 3-4 اضعاف المهر...
حنا في خنشلة يشرطو 5-6 ملاين والمقياس والصوف...
وكاين عائلات ماتشرطش الذهب بتاتا وانما من 15-20 مليون
والصوف على حسب الاسر كاين اللي يشرطوها وكاين اللي
يديروها لبنتهم.
عندي استفسار بسيط حول الردود, الذهب داخل فالمهر ولا برا...
قصدي تشرطو الذهب et en plus الدراهم ؟
ياو انتم تاع الشرق ما تهدروش قاع نورمالمو...خص غير البترول والحديد والنحاس الي ما اشرطتوهش ...انا من الغرب وصديقي اتزوجها من قالمة قريب هبلوه ...انتم عندكم براكاج ماشي مارياج.

[nihal159]

ياو انتم تاع الشرق ما تهدروش قاع نورمالمو...خص غير البترول والحديد والنحاس الي ما اشرطتوهش ...انا من الغرب وصديقي اتزوجها من قالمة قريب هبلوه ...انتم عندكم براكاج ماشي مارياج.


السلام ليكم ورحمة الله وبركاته
والله عندك الحق؛ الزواج في الشرق غالي بزاف؛ حتى حنا جبنا عروسة من الغرب؛ فاميلتها دهشو من العرس و الذهب لي درنالها مع أنه حنا تبانلنا عادي.:cool:

[maghi]

ياو انتم تاع الشرق ما تهدروش قاع نورمالمو...خص غير البترول والحديد والنحاس الي ما اشرطتوهش ...انا من الغرب وصديقي اتزوجها من قالمة قريب هبلوه ...انتم عندكم براكاج ماشي مارياج.

زعما كاين اللي يشرطو 5-10 ملاين ومنهم كلش؟ انا هدي مادخلتش راسي، اللي

يشرطو مبلغ رمزي يشرطو الذهب، واللي مايشرطوش الذهب يطلعو المبلغ

حتى ل 20 مليون، المنطقة ذات اقل نسبة مهر هي منطقة القبائل فاتو 10 ملاين،

اما بخصوص المغالاة في المهور فهذا جائز ولم يحرمه الاسلام.

[maghi]

السلام ليكم ورحمة الله وبركاته
أنا قريت مرة في جريدة الشروق أنه في منطقة القبائل؛عملو سقف محدد للمهر و الحنة و الشورى تاع العروسة؛ ممنوع واحد يزيد فوق الشيء المحدد؛ هكذا يتساوى الفقير و الغني و تنقص الطبقية في المجتمع و يشجعو الشباب على الزواج

السلام عليكم ورحمة الله تعالى وبركاته،؛

فعلا اختي الفاضلة وتم تطبيقها في مناطق اخرى ايضا، وهذا راجع

لعدم الاطلاع على احكام الشريعة فتحديد المهر غير جائز شرعا،

وفي الاية :(واتيتم احداهن قنطارا) دليل على جواز المغالاة في المهور؛ لان الله تعالى

لايمثل الا بمباح.

وخطب عمر رضي الله عنه فقال: الا لاتغالوا في صدقات النساء فانها لو

كانت مكرمة في الدنيا او تقوى عند الله لكان اولاكم بها رسول الله صلى الله عليه

وسلم؛ مااصدق قط امراة من نسائه ولا بناته فوق اثنتي عشرة اوقية.

فقامت اليه امراة فقالت: ياعمر يعطينا الله وتحرمنا!؛ اليس الله سبحانه وتعالى

يقول: (وآتيتم إحداهن قنطارا فلا تأخذوا منه شيئا)؟ فقال عمر:

اصابت امراة واخطا عمر. وفي رواية فاطرق عمر ثم قال:

كل الناس افقه منك ياعمر!. وفي اخرى: اصابت امراة ورجل اخطا. وترك الانكار.

هذا عمر وماادراك ماعمر؛ فاروق الامة، ولم يحدد قيمة المهر.

[ام ايمان16]

كون ينحو المهر والشورة والتصديرة والحلوى نتاع العرس ويوفرو دراهمهم يشريو بيهم دار احسن

[آسيا 25]

كون ينحو المهر والشورة والتصديرة والحلوى نتاع العرس ويوفرو دراهمهم يشريو بيهم دار احسن
نعم الرأي يا أختي

[آسيا 25]

السلام عليكم ورحمة الله تعالى وبركاته،؛

فعلا اختي الفاضلة وتم تطبيقها في مناطق اخرى ايضا، وهذا راجع

لعدم الاطلاع على احكام الشريعة فتحديد المهر غير جائز شرعا،

وفي الاية :(واتيتم احداهن قنطارا) دليل على جواز المغالاة في المهور؛ لان الله تعالى

لايمثل الا بمباح.

وخطب عمر رضي الله عنه فقال: الا لاتغالوا في صدقات النساء فانها لو

كانت مكرمة في الدنيا او تقوى عند الله لكان اولاكم بها رسول الله صلى الله عليه

وسلم؛ مااصدق قط امراة من نسائه ولا بناته فوق اثنتي عشرة اوقية.

فقامت اليه امراة فقالت: ياعمر يعطينا الله وتحرمنا!؛ اليس الله سبحانه وتعالى

يقول: (وآتيتم إحداهن قنطارا فلا تأخذوا منه شيئا)؟ فقال عمر:

اصابت امراة واخطا عمر. وفي رواية فاطرق عمر ثم قال:

كل الناس افقه منك ياعمر!. وفي اخرى: اصابت امراة ورجل اخطا. وترك الانكار.

هذا عمر وماادراك ماعمر؛ فاروق الامة، ولم يحدد قيمة المهر.






أختي الكريمة الكثيرون هنا لا يحفظون مثل هذه الآيات من فصيلة( و إن آتيتم إحداهن قنطارا)أو ( و آتوا النساء صدقاتهن نحلة) هؤلاء يحفظون فقط ( و انكحوا ما طاب لكم من النساء مثنى و ثلاث و رباع)يعني يريدون الزواج ب 4 دون مهر يعني "الزلط و التفرعين" سلام صديقتي.

[sunshine2013]

السﻻم عليكم
انعلو ابليس يا جماعة المهر جاكم غالي عﻻخطرش كلش غالي و العروسة في الكثير من المرات راهي تزيد من عندها اضعاف مضاعفة و ما تنساوش باللي الفراش وحدو راهو يستقام و الوحدة ما تشريش أي حاجة هادا راه زواج العمر و تستناه بفارغ الصبر و زيد كل العيون طيح عليها من جهتها و من جهة اهل العروس واش لبست واش دات فراش ....الخ وﻻ راكم حابين الناس يتبرعو عليهم هادا مخدة هادا مطرح هادي كوات... خافو ربي
انا ضد اللي يشرطو مثﻻ مقياس وﻻ طاقم دهب و لكباش وووو و كاين اللي يشرطو الصالة
و انا تاني ضد التبدير 7 حبات قاطو من كل نوع و ﻻصال 18 مليون كاين اللي يعرض كل من هب و دب و مبعد يحصلو وين يديروهم و كيفاش يوكلوهم و التصديرة تقول عرض أعزياء و كاين بزاف امور فيها تبدير و كماليات بصح الاساسيات كيما الفراش و اللبسة تاع العروسة راهي مكلفة خليك من التعب تاعها و كيما قالو الاخوات فوق، واش تشري العروس رايح يروح لبيت راجلها إدا لبسة راهي ليه و إدا قش تاع دار راهي نقصت عليه و ربي يطيح بركتو إن شاء الله

[hydroch]

السلام عليكم ورحمة الله وبركاته
من مشاركاتي في قسم الحياة الزوجية و مناقشاتي في مواضيع تُعنى بمشاكل تأخر الزواج و إرتفاع معدلات العنوسة؛ لاحضت أن مشكل المهر يُطرح بقوة، من خلال هذا الموضوع أطلب من الأعضاء أن يضعو قيمة المهر كل حسب ولايته

مليون في سكيكدة بصح لازم تكون صيدلانية

[علي لقواطي]

لا أظن أنه مشكل مهر وحده المشكل أكبر منه كون نحسبوها إقتصاديا شحال رايح يكون 10-15 مليون ؟؟ مبلغ معقول مقارنة بمبلغ بيت أو شقة إذا الشاب ما قدرش يوفر هذا المبلغ مكان لاه يتزوج. إذا انا مقدرتش نوفر مبلغ كيما هذا (و نعتبرو بسيط) مقارنة بتكاليف الزواج لا شيئ ما نتزوجش أحسن.

[أم سلمى عائشة]

صحيح مناصب العمل الينات أكثر من الشباب

[أم سلمى عائشة]

أنا تزوجت عندي الآن 5 سنوات و الحمدلله،شرطت أمي فيا 10 ملاين و طاقم من ذهب،ولكن أنا كنت ضد الفكرة و لكن ليس بالأمر حيلة حتى أنها قالت إذا ما قدرش هكذا يبعد،و لكن أخبرت زوجي بالأمر مسبقا قبل الخطبة و قلت هذا هو شرطها و أنا ضد الأمر و إن لم تكن موافقا و أردت أن تتركني سأتفهم الأمر،ولكن الحمد لله تزوجنا بشق النفس.انا لم أكلف عائلتي أخذت و إشتريت ما يلزم للبيت لم أكثر من اللباس وكل تلك التفاهات التي ستذهب مع الريح بعد الزواج .وندائي للبنات عامة و العائلات خاصة ما تشرطوش بزاف أطلبو اللي يقدر عليه الزوج وحتى العائلات ما تكلفوش رواحكم إرضاء الناس غاية لا تدرك،المهم الهناء و السعادة و يكونوا متفاهمين ورب يرزقهم في الحلال.وحلاوة الزواج كي تعمرو بيتكم طرف بطرف و تتقاسوا الرأي و الأذواق.ربي يهنيكم كاملين و اللي ما هيش متزوجة ربي يبعثلها ولد لحلال.

[azzam 01]

المصيبة عندما تدفع كل هذا المهر للزواج ثم تدخل في مشاكل لها بداية - صبيحة العرس - وليس لها نهاية ...اللهم أصلح أحوالنا وأحسن خاتمتنا

[malikdz01]

ماهيش خسارة هذه المصاريف اذا كانت البنت تستاهل .........الطامة كي تخسر كل هذه الخسائر ومن بعد تجيب بقرة تاكل وتبعر حاشاكم

[ياقوت وهران]

إخوتي وأخواتي في المنتدى
وفي هذه الصفحة

أود الإشارة إلى شيئين:

1- لنسمي الأسماء بمسمياتها
أما المهر فهو ما نعرفه كلنا من خلال كتب ودعاة الفقه والسنة
أما ما نسمع به مؤخرا فأمر مبتدع غريب
لا يسمى أبدا مهرا ولا صداقا
وإنما بيعا ومزايدة

الله المستعان

2- لنقرأ معا من خلال الرابط
الآتي محاضرة بعنوان:
المهر وآثاره

http://www.4shared.com/web/preview/pdf/HWGB8xQJba?

والحمد لله رب العالمين

[bip bip]

سلام
أخوكم من قسنطينة....هنا المهر غالي....من 10 ملاين أو روح هههههههه
شخصيا المهر تع الحليلة تاعي هو 2000 دج .....أقلهن مهرا أكثرهن بركة......و الله صح

[nihal159]

صباح الخير جميعا؛ و الشكر موصول لجميع الأعضاء المشاركين ولي نورو الموضوع بردودهم.
واش رايكم خوتي كون نقلبو الموضوع؛يعني الرجال هوما لي يشرطو على المرأة.
س1: ماهو أعلى قيمة للمهر قادر تدفعو؟
س2: ماهي قيمة الذهب تاع الحنة؟
س3: واش تشرط على المرأة تجيب معاها في الشورة؛ يعني عدد لي كواث؛الزرابي؛ لي درا؛ لي بونكاث؛ صالون مغربي؛ مناشف حجم صغير و كبير؛ ستائر للغرف و المطبخ و الصالون؛ مطارح تاع الصوف؛....
راني ننتظر ردودكم يا رجال باش نشوفو واش يرضيكم؟؟

[nihal159]

سلام
أخوكم من قسنطينة....هنا المهر غالي....من 10 ملاين أو روح هههههههه
شخصيا المهر تع الحليلة تاعي هو 2000 دج .....أقلهن مهرا أكثرهن بركة......و الله صح



ربي يهنيكم؛ لكن نسمع بلي يشرطو مبلغ رمزي جدا راهم ناويين على حاجة كبيرة؛ مثلا تشرط الدار وحدها.:o

[bip bip]

الله أعلم أختي...هذا إحتمال كبير
أنا مشرطوش عليا الدار....مي بنيت داري بعرقي و الزجة تاعي عاونتني ....ساعة ساعة تخلطلي البيطون ههههههههه

[لمسة ابداع]

حنا في عايلتنا من 15الي 20
و الذهب يديرولها قيس 40مليون و بلا الخروف و العياد تقدر تقول حق العروس وحدها بالاعياد اللي نديولها 70 و لا 75 مليون

[aouaidjia]

السلام عليكم أولا أذعولي ربي يرزقني بالزوجة الصالحة ثانيا بالنسبة لي لا يكلف الله تفسا إلا وسعها بالنسبة للعروس
البساطة في العيش هي الأهم و التيسير هو أفضل الحلول

[aouaidjia]

حنا في عايلتنا من 15الي 20
و الذهب يديرولها قيس 40مليون و بلا الخروف و العياد تقدر تقول حق العروس وحدها بالاعياد اللي نديولها 70 و لا 75 مليون

في هذه الحالة أفضل الحرام على الحلال لأنه أرخس و أوفر و بدون وجع راس

[AMINA.Z]

في النهاية المهر حق للمراة
و ما تشتريه به يعود الى بيته
لماذا الشكوى !!!!!!!
كل واحد و مقدورو ..اللي ماش قادر يكون واضح من الاول و يقول راني ماش قادر ...خير ما يحصل روحو في الدين و يولي ينكد على مرتو.
و الحاجة اللي تحيرني ..هاذ الرجال اللي راهم يشكيو ...كي تولي في بناتهم و خواتاتهم ..ما يهدرو والو !!!!!!!!!!

[nihal159]

حنا في عايلتنا من 15الي 20
و الذهب يديرولها قيس 40مليون و بلا الخروف و العياد تقدر تقول حق العروس وحدها بالاعياد اللي نديولها 70 و لا 75 مليون


شكرا على المذاخلة المفيدة؛ بصح 75 مليون حق العروس وحدها و الله بزآآآآآآآآآآف:sdf::sdf:؛ علاه هذا الشيء كامل؛ مسكين لعريس يا حليلو:sdf:؛ بالحسبة هذي ما يخمم لا في الثانية لا في الثالثة هذا من فوائد المغالات في المهور:D:1:

[nihal159]

في النهاية المهر حق للمراة
و ما تشتريه به يعود الى بيته
لماذا الشكوى !!!!!!!
كل واحد و مقدورو ..اللي ماش قادر يكون واضح من الاول و يقول راني ماش قادر ...خير ما يحصل روحو في الدين و يولي ينكد على مرتو.
و الحاجة اللي تحيرني ..هاذ الرجال اللي راهم يشكيو ...كي تولي في بناتهم و خواتاتهم ..ما يهدرو والو !!!!!!!!!!

صباح الخير أمينة؛ما يهدرو والو كي تعود في بناتهم لأنهم نقصو عليهم مصروف الجهاز؛ بصح كي تعود فيهم؛ هو راه في الشرق و البكاء و الشكوى تاعو تسمعيهم من الغرب.:1:

[لمسة ابداع]

في هذه الحالة أفضل الحرام على الحلال لأنه أرخس و أوفر و بدون وجع راس

ههههه
الله غالب لعرايس اللي نطيحو فيهم يشرطو بزااااف
ومع الله اللخر تلقاهاا بففف

[لمسة ابداع]

[QUOTE=nihal159;3995342299]شكرا على المذاخلة المفيدة؛ بصح 75 مليون حق العروس وحدها و الله بزآآآآآآآآآآف:sdf::sdf:؛بزااف صح مي حنا بناتهم يمدونا باطل و مايشرطو حتى حاجة على لعريسس علاه هذا الشيء كامل؛ مسكين لعريس يا حليلو:sdf:؛ بالحسبة هذي ما يخمم لا في الثانية لا في الثالثة هذا من فوائد المغالات في المهور:D:1: هههه و الله صح ولا واحد يخمم يعاود /QUOTE]

ترووحي ترووحي و كيما يقولو لعجايز الهناء و الصلاح هدا مكان الشيئ لاخر اكل او زيادة
ربي يوفقك