مشكلة عدم رجوله

[مشكلتي]

احدهم اراد التقدم اليا وفي كل مرة يتحجج بعدر
انتظرت ست سنين ووعدني ااخر مرة انو يجي فلعيد صغير ويدير الرسميات لكنه اخلف الوعد
وقال انه سيتقدم فالفين وسطاش
الان وجدت وظيفة ولست بحاجة اليه
قمت بسبه وطرده لانه اخلف وعده وضيع من وقتي الكثير
وهو يترجاني ان ابقى ولكنني مصرة على الرفض
ضيعت عدة فرص وكنت في امس الحاجة للمال لانني يتيمة الابوين ولاعائل لي وكان يرفض عملي
والان اخلف الوعد
فاغضبني الامر وتركته
ادا جاء مرة اخرى لن اسامحه ولست بحاجة اليه لانني لم اجده وقت الضيق رغم انه يملك كل شروط بناء اسرة
كل حججه غير مقنعه
مادا افعل به وقد رزقني الله من فضله
لست بحاجة اليه

مارايكم
لو كنتم مكاني ماعساكم فاعلين
اليس جزاء اخلاف الوعد الطرد
.وش رايكم فالراجل لي معندوش الكلمة

[rose de sable s]

كثر لي معندهمش كلمة انت انتظراه و اعطيته اكثر من حقه
سيلومك الاعضاء علي انك منت قي هذه علاقة لكن الانسان يخطا
ربي يفرج عليك و يرزقك احسن منو

[mahmoudb69]

هذا الانسان كان يتلاعب بيك ويمر في الوقت وانت كنت مثيقة بيه واحسنت عندما طردتيه شيء جميل . لان الرجل اذا كان قصده في الزواج منك لاينتظر ولا يضيع الوقت ولا تثقي فيه مرة ثانية مهما كان كلامه ومراوقته الحلية او التحائلية وربي يجبلك احسن منه وشكر.

[AMINA.Z]

فعلت الصواب على الاقل كنتي معاه امراة مي هو ...........
ربي يسهلك في حياتك

[anissa90]

ستة سنين !!!!!!!!! الحمد لله لي فقتي روحك ابدئي صفحة جديدة متعودش نفس الخطا ربي يرزقك بزوج صالح

[Zahra 30]

ماتوليلهش هذه 6 سنين علاه ما جاش للدار و طلبك من محرم تاعك
اختي عندك تقولي راني محتاجة راجل في حياتي و طيحي على عينيك في واحد أكثر منه عرفي وين تحطي رجليك وامنيني ي لي يبغيك هو لي يديرك في داره و أم لأولاده
ربي معاك
و الله يرزقك بسعد الهناء

[nihal159]

السلام عليكم ورحمة الله وبركاته
هذا باين حاب يجوز بيك الوقت؛ قالك2016 ؛علاه واش رايح يصير كون يتقدملك قبل2016؛ عندك الحق أختي كي ليكيدتيه

[yassmina93]

6 سنين يقولها غير الفم!!!! فعلتي الصواب اختي رغم انك تاخرتي بصح معليش ربي يعوضك نشاالله

[سفير الأيام]

لو لم تاتيك الوظيفة تبقي تعشقي فيه ويعشق فيك وكل مرة يخلف الوعد وهي رايحة حتى لالفين وخمسين ان اطال الله في الاعمار

كل ما بني على حرام فهو حرام

كان الاجدر في الاول ياخي عجبتك وحاب تدي رايي انا راني قابلة

ايا في البلاص تفضل للدار ما جاش ربي يسهل عليه

بصح ماشي التلفونيات والخرجات وممبعد تلوميه يا لومي نفسك

اللي يدوق حليب البقرة باطل ما عنده ما يدير بحليب الشكارة

[محارب المذلولين]

6 سنين .................!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!

[mrmilano1984]

لو لم تاتيك الوظيفة تبقي تعشقي فيه ويعشق فيك وكل مرة يخلف الوعد وهي رايحة حتى لالفين وخمسين ان اطال الله في الاعمار

كل ما بني على حرام فهو حرام

كان الاجدر في الاول ياخي عجبتك وحاب تدي رايي انا راني قابلة

ايا في البلاص تفضل للدار ما جاش ربي يسهل عليه

بصح ماشي التلفونيات والخرجات وممبعد تلوميه يا لومي نفسك

اللي يدوق حليب البقرة باطل ما عنده ما يدير بحليب الشكارة


بارك الله فيك هادو تاع النت والخرطي صدقني اغلبهم 95/100 يفشلو لانها مبنية علي الحيلو والكدب والخدع وووو سوء النية ووو شفت بزاف البنات بحبو يتزوجو عبر النت وتهدرمع الف راجل في الليل وتريد عام وهي في الموقع هداك ومن بعد تقلك يتمسخرو الرجال بينا اصلا نتي تتمسخري ثاني لو كان جتي عندك عقل مليح ورزين استني مكتوبك يجي يخطبك في الدار او في الخدمة يعجبك او تعجبيه قوليلو تفضل وفي فترة الخطوبة لثم من حقك تعرفيه ويعرفك اكثر اوك
هادو لبنات هم لي ينجحو مش لي تضل في ال***** فايبر وشات و تمسخير وتحكي في الليل وتسهر حتي 4 تاع الصباح وتقول راك تتمسخر بيا طبيعي يقول الراجل هادي عملتها مع الف من الرجالة ههه وراها محتاجة حنان وعاطفة بزاف وطبعا راح تلقاها في الراجل لي يتلاعب بها مرارا وتكرارا يدها ويجيبها باسكو داير في دهنو واش تقولو عليها يعرفها بلي تاع خرجات ووو رجال

[ibrahimm]

انت كتبتي عدم رجولة و هو وش يكتب ؟ مشكلة عدم انوثه

6 سنين و انت في الحرام و الان لما توظفتي نكرتيه انتهت المصلحه

و في الاخر تسقسي فينا عن جزاء اخلاف الوعد و ماذا عن جزائك ؟ تلومين فيه و نسيتي نفسك

تبا لهذا الزمان الله يكون في عونو زوج المستقبل لما يعرف انك في علاقة دامت 6 سنوات مع رجل غريب

الافضل ان تتزوجي حبيبك خير ما تظلمي غيرك

[naamane3]

كان من الاولى طرده في اول مرة
لكن الحمد لله تداركتي الامر
اقطعيه نهائيا ولا تعطيه اية فرصة
له ولغيره
ومن ارادك طرق بابك

[الصديق قروف]

غلطتي وتوبي

[chou79]

"الان وجدت وظيفة ولست بحاجة اليه"
كنت معه لأنك محتاجة الى المال وبما انك وجت الوظيفة التي تجلب إليك المال فما فائدته اذا؟
انت كذلك كنت تتمسخري بيه لأنك تشوفي فيه دراهم،
المشكلة نتاعك معندها حتى علاقة بانعدام الرجولة بما انك وحسب كلامك كنت تبروفيتي فيه بما انه معندك حتى عائل!!!!!!!
ربي يهديه و يهديك انت كذلك!

[خولة سكيكدة]

اختي العزيزة 6 سنين يعني كون تزوجك من الاول كون وليدكم راهو سنة اولى ابتدائي المشكل انك فقت متأخرة والمشكل انو من الاول كان الهذف غير واضح من العلاقة واش رايحة نقلك ان تصل متاخرا خير من ان لا تصل ابدا وهدا السيد ادا جا وخطبك مترفضيش لانو من الصعب شخص أخر يقبل انك كنت في علاقة دامت 6 سنين ويقبل بيك الا ادا كان معندوش رجولة اختي توبي لله وادعيه يغفرلك ويجيبلك الي فيه الخير ولا تعاودي الكرة لان اللبيب لا يلدغ مرتين وربي يجيبلك الي فيه الخير ربي يهديك ويهدينا اجمعين ويهدي جميع شباب المسلمين

[snoopie]

صبرتي بما فيه الكفاية هذا الراجل ناقصاتو الرجوولة قوليلوو خلاص واقطعي العلاقة بيه نهاائيا
لأنك حتى وتتزوجي بيه يبقى مشكل الكذب وخلف الوعد و و و ......... :)

[طيور الجنان]

لوكان انا في بلاصتك نديرلو كيما انت ولا اكثر ماتسامحيهش لانو مايستاهلش شوفي حياتك و ربي يرزقك زوج صالح يقدرك و يهنيك