ساعدوني ربي يفرج عليكم

[أميرة البستان]

سلام
انا هادا لعام مجبتش لباك وعندي حق نعاودو منيش حابة نعاودو حبيت ندير حر وخلاص لانو ضروف متمحليش نخلي يما مريضة كنت شعبة لغات وحنبقى في نفس الشعبة لكن حندير توقف عن الرياضة
وزعما نقدر نقرى وحدي في دار وقولولي كفاه ندير بليييييييز ساعدوني

[adnanxmoz]

إذا حسيتي روحك قادرة تقراي في الدار علاه لالا

من دركا ديري برنامج للدراسة .. و توكلي علا ربي

و إذا حسيتي بلي ما تقدريش تقراي بسكو سور رايحة تحسي بالملل في

الدار روحي اقراي خير .. لازم يكون عندك حافز باه تقراي في الدار

مثلا تجيبي الباك تفرحي الميمتك و ممكن تبرا باذن باذن الله

ربي يوفقنا كامل

[بدر الدجى رشا]

حياك الله غاليتي
عااادي كاين لي جابو الباك وبلوكاو عامهم وعاودوه حر وانا منهم وتقدري تقراي في الدار خير وخير ومن جهة اخرى تدي دعوة ميمتك كي ماخليتيهاش وحدهااا وربي معاااك واي شيء اني هنا حنونة

[أكرم -]

كل شيء بالارادة ة ماتسمعيش لكلام الناس اقعدي مع روحك و خمي مليح انتي الوحيده لي تعرفي قدراتك ربي يشفيلك ميمتك و الله المستعان

[أميرة البستان]

ربي يخليكم لاهلكم ان شاء الله ندير برنامج و اذا حسيت بالملل نقدر نخرج يعني عادي شكرا لكم

[exellance]

تقدري تسجلي نظامي عادي وعودي متروحيش نظن النظامي احسن خاصة من حيث المسافة في الامتحانات