تطبيقي لي بينيي

[fella987]

هادي مدة ملي درت لي بينيي لكن مانيش متفكرة لمن الوصفة سامحوني لكنها كلها من منتدانا الغالي اللي راني نتعلم منو بزااف
يعطيكم الف صحة
بعد جهد جهيد في البحث عن الوصفة في دفتر وصفاتي راني صبتها وجبتها لاخواتي اللي طلبوها
المقادير :
حبة بيض
كاش شاي من الزيت
كاس شاي سكر عادي
ملعقة كبيرة خميرة الخبز
2كيسان كبار حليب دافي
500غ فرينة
نخلطو اولا الحليب والسكر ثم نضيفو الزيت و نحركو شوية ثم نضيفو حبة البيض و الخميرة ونخلطو مليح مليح و حنا نضيفو فالفرينة غير بلعقل
لازم العجينة تكون طرية ، كي تعجنو راكم تشوفوها تلصق مي ماتزيدوش الفرينة بزاف غير رشة برك قد ما تعجنوها مليح مدة عشر دقايق هكاك
من بعد نغطوها و نخلوها ترتاح 40دقيقة ، ثم نقطعوها بكاس او طابع دائري او اي حاجة تكون عندكم و نزيدو نخلوها ترتاح 10دقايق على الاقل
كي يرتاحو نكونو سخنا الزيت مليح مليح و نبداو في القلي و هوما يتنفخو ترمي عليهم بالملعقة باش يزيدو يتنفخو تاني و غير تنحيهم من المقلة رمديهم
في السكر و اللي يبغي يديرلهم معجون الداخل لكن انا خليتهم بالسكر برك
وبالصحة عليكم و العافية

[حنين فتـاة]

الله يبارك فلة تسلم يدك

[ام زهر]

:dj_17:ادا سمحتي اختي زيدي حطيلتا الوصفة وشكرا مسبقا:mh31:

[مسك القعدة]

الله يبارك جاك هايل
معليش عاوديلنا الوصفة

[الجميلة انا]

صح ليك

اذا ممكن حطيلنا الوصفة

[fella987]

حبيباتي راني حطيتلكم الوصفة ان شاء الله تجربوها و تنجحو فيها كيما انا و تعجبكم

[*أروى*]

تسلمي اختي

[idron0]

جزاك الله كل خير في ميزان حسناتك

[maloo]

جزاك الله كل خير في ميزان حسناتك

[fella987]

اللهم امين اختي شكرا

[fatisousou]

اختي فله ماشاء الله 4444444444444 انا جربتو ا بالعجينة السحرية والله روعة لكن الله غالب عندي مشكل في الصور منعرفش انحطهم لكن اكيد راح انجربها شكرا لك مع تحياتي

[أم محمد علي]

الله يبارك

[امّ اياد]

هأأاااااأاااااااايليييييييبن يشهو لزاف

[أم الحبايب 26]

تطبيق هايل بصاحتك نفس تطبيق نتعي هوا لاخت حفيظة 42 رابي يجازيها يجي هايل وخفيف