التطوع الناحية العسكرية الرابعة ورقلة

[karim175]

اريد الذهاب لورقلة للتطوع دفعة سبتمبر ماهي الوثائق المطلوبة و هل يمكن اختيار الثكنة و هل هناك شخص من بسكرة يريد الذهاب لانني اريد مرافقة و شكرا

[moh ag]

السلام عليكم أخي أنا من بسكرة و قد ذهبت يوم الأحد للتطوع في ورقلة بالنسبة للوثائق المطلوبة هي بطاقة التعريف و نسخة من الدبلوم فقط تدخل على الساعة الثامنة صباحا يعطوكم استمارة تضع فيها معلوماتك الشخصية و تكتب اسم الثكنة التي تريد اختيارها في خانة (الوحدة:.....) و باذن الله راح يعطوهالك أنا اخترت الحراش و عطاوهالي بعدها تستنى حتى للمساء حنا خرجونا على ال11 و قالولنا أرجعوا على ال15.00 و على ال15.30 عطاونا الاستدعاءات الاستقبال و المعاملة كانت حسنة و على ما أظن جميع المتطوعين أعطاوهم واش خيروا اذا عندك أي استفسار آخر راني هنا

[محفوظ البسكري]

كيما شرح اخونا في المشاركة السابقة

ننصحك روح للحراش او الاغواط

[محفوظ البسكري]

انا خرجت روفورم من الاغواط بسبب الوزن

[karim175]

شكرا للاخوة على المساعدة استفسار اخر ربي يخليلك لوالدة خويا على قداه تمشي الحافلة تاع ورقلة و من المحطة تاع ورقلة كيفاه نروح لمكتب الخدمة و انا راني حائر بين 3 ثكنات الاغواط و نمنفوست و الحراش

[karim175]

و الاخ محفوظ ممكن شرح مفصل لليوميات داخل الثكنة و كيفية التدريب اذا عندك علن بيها

[moh ag]

بالنسبة للذهاب كاين حافلة قاقي تمشي على الساعة 23.30 و كاين على ال00.30 تقدر تريزارفي في المكتب تاعهم في حي المجاهدين أنا ننصحك تروح في تاع 00.30 لأنك راح تلحق بكري و مركز الخدمة يفتح على ال8.00 صباحا اذا ركبت في حافلة ال00.30 راح تلحق في حدود ال5 صباحا لكن ما تستناش حتى يلحق للمحطة تاع ورقلة لأنها بعيدة على مركز التجنيد قولو يحبسلك في ال quatre chemins كاين قهاوي تقدر تفطر و تصلي في الجامع و كي تلحق ال7.00 شوف طاكسي قولو يوصلك للكازيرنة تاع الرويسات أو مركز التجنيد يوصلك ب 100 دج و على ال8.00 يدخلوكم أما العودة الى بسكرة ما كانش مشكل لأنك تلقى الحافلات لي يوصلوك passagier أنا روحت في حافلة ورقلة سوق أهراس على ال16.00 و كاين ثاني حافلة على 16.30 بالنسبة لاختيار الثكنة في ثلاثة يقولو ملاح خصوصا تامنفوست و الحراش لكن اذا حبيت تلقى نسبة كبيرة من البساكرة خير الأغواط لأنه على حساب واش شفت معظم البساكرة خيرو الأغواط بالتوفيق أخي

[karim175]

شكرا خويا على الشرح الوافي و الكافي ربي يفرج علينا كامل

[karimkarim17]

من فضلكم ماهو اخر اجل لتطوع