مشكلة اخي تحيرني

[مشكلتي]

السلام عليكم ورحمة الله

احبائي في الله عندي اخ عندو مشكلة الخدمة وين ما يروح يدفع في الاول يقولولو اصبر بعد ايام نعيطولك من بعد كي يرجع يقولولو بطلنا ودخلنا وحد اخر

فوت لي كونكورو مربحش والمشكل لي راه محيرنا انو يسمع بلي راهم يدفعو في بلاصة وراهم يعيطو وخصهم خدامة بصح كي يروح يقولولو لالا

وزيد مصدقتلوش لا تاع لانام ولا تاع لاداس مفهمهنا والو


قلنا بلاك عين ارقى وشرب ودوش بالماء مرقي مكان والو محافظ على صلاتو وعلى اذكار المسلم



اتخيلو عندو عامين قاعد بلا خدمة نهار مخدموش

هو كي تخرج في البداية بعد شهرين دخل خدمة كونترا 3 اشهر قاع ناس ولاو يهدرو عليه تخرج منا شد خدمة منا من هاديك الكونترا ربي يجيب عندو عامين

في رايكم ماهو الحل شكون لي صرالو هكا يقلنا واش دار باش سهلتلو في الخدمة


ربي يجازيكم

[Zaki Dilmi]

يا اخي ان نضمنلك هوما يحبو النسا يخدمو الله غالب عايشين في بلاد البترول و خدمة للنسا
ربي يفرجها على خوك الشعب كامل كيما خوك

[~ دروب الخير ~]

اختي عادي جدااا ...ادعيلوو برك
اختي 9 سنين من التخرج خدمت عام برك و ضك اي فالدار ، الرزق على ربي و اللي شوف فيه ربي خير هذاك هو مع انها شااركت ف لي كونكوغ و و و و والو ...
و عندي خوتي العكس تاعها ..مماتخافيش اختي ادعيولو ربي يرزقو بخدمة مليحة

[صمت الرجوله]

ربي يفرج على اخوك و يرزقو بمنصب عمل ان شاء الله ...لكن يا اخي قولو يعاون روحو بخدمة خارج مجال الدراسة حتى يفرج ربي مثلا ورشات البناء متوفرة بكثرة و دائما يوجد نقص عمال في احداها, فقط عليه بالتوكل على الله و السؤال بدون خجل حنا قاع فتنا بالمرحلة هاذي

[rose de sable s]

فليعمل في تحصصات اخري و ميادين اخري ممكن كي يعرفوه ماس يخدموه

[0ibtissam]

أخي مش بشرط يعمل بشهادة تخرجو قادر يعمل اي شي . زوجي متخرج كان يعمل في مطعم يغسل الصحون والان يبع في محل تجاري الحمد الله رنا عيشين ولحد ساعة يشارك في مسابقات التوضيف لا ينجح وهو يدرس في المعهد في تخصص اخر الانسان ملزمش يقعد ويقول ملقيتش خدمة يشمر على سعدية ربي يفرج عليه

[malikdz01]

...الحالة ملي راح تزير ...التوظيف متوقف في الوظيف العمومي ...وعند الخواص نقص لتوقيف مشاريع الدولة ربي يلطف

[كواسر 09]

ربي يفتح عليه بمنصب عمل حلال إن شاء الله و يرزقه رزقا طيبا حلال... امين