مشكلتي طلاقي

[مشكلتي]

السلام عليكم اخوتي في الله
قد تبدو مشكلتي تافهة لكنها تؤرقني كثيرا أنا قتاة عمري 23 سنة حباني الله بالكثير من الصفات والحمد لله الا أنني للأسف أحمل لقب مطلقة منذ 3 سنوات
ولدي ولد
المشكل أنو في الكثير من الأحيان عندما أذهب الى المناسبات أو في الشارع ألقى الاعحاب من بعض النساء و يسألنني ان كنت مخطوبة أو لا فأضطر للكذب وأقول أني مخطوبة لأننني لا أريد ان أقول أني مطلقة وأتعرض للاحراج وفي نفس الوقت أحس أن جسمي كله يرتعد
دلوني ان سألني أحدهم ماذا يكون ردي له أأخبر بالحقيقة أم لا ؟ لأني بهذه الطريقة سأسد كل الابواب في وجهي وجزاكم الله كل خير

[- بصمة خير -]

اهدري بكل ثقة مش عيب
ربي كتبلك الطلاق
قوليلهم مطلقة من 3 سنين و عندي طفل
يقوللك لاه قوليلهم المكتوب
الا اللي حاب يقدم لك ثم من حقهم يعرفوا السبب
و لكن مش التفاصيل اللي بزاف
ربي يرزقك الزوج الصالح

[كمال22]

قدر الله وما شاء فعل
أكيد صارحيهم بالحقيقة....
الله يرزقك بالزوج الصالح

[طيور الجنان]

اختي اهدري بكل صراحة و ثقة لانك مازلت صغيرة و الامل مازال عندي زوج امثلة حالتهم كيما حالتك بصح ربي فتح عليهم.
الاولى: اخت صديقتي تزوجت لكن الزوج لم يكن في المستوى فطلقت و بقات عام في الدار وجابلها ربي مطتوب و درك راهي في فرنسا مع زوجها تعيش احسن حياة.
الثانية: من العائلة تزوجت صغيرة كيما انت و بقات معاه غير ٨ اشهر لقاتو يبيع الممنوعات و دخل السجن فطلقت وبعد عامين تزوجها واحد من العائلة ايضا و رزقها الله بطفلة وهي الان في قمة السعادة.
اذن لاتيأسي اختي واكثري من الدعاء و ربي مايخيبكش انشالله.

[مجرّد إنسان]

كما قال الإخوة قبلي
الصراحة ثم الصراحة ودون أي حرج
ربي يرزقك بزوج صالح

[hodayena]

اختي الكريمة انا تاني مطلقة وعندي ولد ومطلقة مند عام فقط والي يسقسيني نقلو كنت متزوجة وكلقت علاه نخبي مدرتش الحرام مكتوب ربي وخلاص علاه نخبي وزيد الي حب يتقدملك متقدريش تكدبي عليه في الاول والاخير راح يعرفو بلي مطلقة علاه تحشمي اختى مدرتيش الحرام

انا صرالي موقف وين وحدة تعرفني وكنت نتكلم بنات وكنا نحكو قتلهم عاد راح نعاود نبني حياتي بعد ماتكسرته ولت تخزر فيا تع متقوليش مطلقة وكانها امي او احد من عائلتي ولا راهي تصرف عليا قتلهم بصريح العبارة مطلقة وعاد راح نبني حياتب ونعيش ليا ولولدي اياكي وتحشمي بروحك نهار يجي المكتوب يجي متحشميش وواجهي

[قدس الاسلام]

اخبريهم الحقيقة
لان لاتعرفين القدر ماذا يخبئ
ابنة خالتي كانت نفس الحالة مثلك مع اختلاف هي بقات 6 سنوات او اكثر ولديها ولد
ولجمالها كان الكل يسال وقد من الله عليها بزوج اسئل الله ان يجمع بينهما في خير
وان يرزقك رزقا حسنا

[lobya]

الله يعطيكي الصبر اختي

[bourayou]

السلام عليكم اخوتي في الله
قد تبدو مشكلتي تافهة لكنها تؤرقني كثيرا أنا قتاة عمري 23 سنة حباني الله بالكثير من الصفات والحمد لله الا أنني للأسف أحمل لقب مطلقة منذ 3 سنوات
ولدي ولد
المشكل أنو في الكثير من الأحيان عندما أذهب الى المناسبات أو في الشارع ألقى الاعحاب من بعض النساء و يسألنني ان كنت مخطوبة أو لا فأضطر للكذب وأقول أني مخطوبة لأننني لا أريد ان أقول أني مطلقة وأتعرض للاحراج وفي نفس الوقت أحس أن جسمي كله يرتعد
دلوني ان سألني أحدهم ماذا يكون ردي له أأخبر بالحقيقة أم لا ؟ لأني بهذه الطريقة سأسد كل الابواب في وجهي وجزاكم الله كل خير
قولي
قدر الله وما شاء فعل
والنتيجة على من سن الزواج وجعل الطلاق ابغض الحلال

[fati21]

قدر الله وماشاء فعل
خلاص المكتوب مافيها والو مكيش اول ولا اخر وحدة ماتخليهاش عقدة تأثر علي حياتك واجهي المجتمع ورب يرزقك

[ZORRO__DZ]

الزواج تغير حال إلى حال

الطلاق كذالك الإنتقال من حال إلى حال

مزالك صغيرة

الصراحة والثقة في النفسك

إذا كان تفكري في الإحراج نقلك حتى المشي في الشارع فيه إحراج

عليك كسب الثقة في النفس والباقي يأتي بإذن الله


تصعبيها تصعاب تسهليها تساهل

انت ماخسرتي والووووو بالعكس جاوبي عادي وقولي المكتوب ودون التجريح وذكر اسباب الطلاق اظن فهمتي قصدي

[salem1985]

السلام اختي انت ما دام راه عندك طفل راكي اسستي حياتك راهم بنات عداو الربعين وتمناوي يجيهم غير نص راجل انت تزوجتي ونجبتي طفل حمدي ربي وربيه وان شاء الله ربي يجيب لك ولد حلال انا 3 سنين وما لقيت بنت حلال الي تقبل بي راني عانس مطلق خير من عانس المهم ربي يقدر الخير

[mhd]

قول الحق أو الحقيقة هو أولا وأخيرا صفة فضيلة
وما ينفع غير الصح

[نُـون]

السلام عليكم ورحمة الله وبركاته



لا أدري أين المشكل قولي: مطلقة
فهناك الكثير من المطلقات ولست بمفردك
حتى لكأنّك لم تدخلي للمحاكم ولم تري عدد النّساء المطلقات
العالم تغيّر من حولنا وأن تكوني مطلقة ليس عيبا ولا مخجلا
علينا أن نخجل من أشياء أخرى


ربي يستر عليك أختي
...

[عبدالقادر100]

حدثنا وكيع عن الأعمش عن أبي وائل عن عبد الله قال : قال رسول الله صلى الله عليه وسلم : إياكم والكذب فإن الكذب يهدي إلى الفجور ، وإن الفجور يهدي إلى النار ، وإن الرجل ليكذب ويتحرى الكذب حتى يكتب عند الله كذابا ، وعليكم بالصدق فإن [ ص: 123 ] الصدق بر ، والبر يهدي إلى الجنة ، وإن الرجل ليصدق ويتحرى الصدق حتى يكتب عند الله صديقا .

حدثنا وكيع عن الأعمش عن إبراهيم عن عبد الله وعن مجاهد عن أبي معمر عن عبد الله ، وعن عمرو بن مرة عن أبي البختري عن عبد الله قال : لا يصلح الكذب في جد ولا هزل ، ثم تلا عبد الله اتقوا الله وكونوا مع الصادقين .

[kala11]

الصدق منجاة لعل الفرج قريب

[rose de sable s]

قولي صراحة
حتي بنات الواتي تجاوزنا الثلاثين عندما يسالهم ناس لما لم تتزوجو و راكي كبرتي يحشمو الله غالب هذا هو مجتمهعنا

[nihal159]

السلام عليكم ورحمة الله وبركاته
أختي علاه تحشمي؟؟؟ و زيد راكي تقطعي في مكتوبك كي تقولي بلي مخطوبة؛ ممكن من بين الناس لي راهم يسقسيو فيك كاين لي حاب يتقدملك وماقدرش لأنك راكي تقولي مخطوبة

[AMINA.Z]

يا اختي العيب لما يكتشفو انك مطلقة و لست مخطوبة و انك كذبتي عليهم و اكيد راح يقولو كون ما دارتش حاجة كبيرة ما تكذبش
في هاد المجتمع المراة دائما متهمة في الطلاق و ما بالك زدتي كذبتي
راكي عميتيها
هنا اذا انتي حشمتي بروحك و ما درتيش لعمرك قدر
كيفاه تسناي الناس يقادروك
خلي ثقتك بنفسك كبيرة و ازهاي و اضحكي اكيييد الطلاق نجاك من شر كبير و اللي يسقسيك على السبب ما تحشمي ما تخبي ظالمة او مظلومة
نعرف نساء مطلقات الله يبارك كي نشوفهم عايشين حياتهم و يخدمو على ولادهم نقول ما شاء الله الضربة اللي ما تقتلش تقوي
و اللي يشوفهم يقول خسارة اذا هادي ما لقاتش اللي يعطيها قيمتها و يتهلى فيها ...مقتنعين بلي هاذا مكتوب و ديما يقولو الحمد لله لانهم كانو عايشين جهنم كي كانو متزوجين .
خلي راسك ديما مرفوع ما درتي والو .

[0ibtissam]

أختي ملازمش تحشمي اي امراءة قد يحصل لها طلاق وزيد مش عيب كي طلقي هدا مكتوب ربي يجب ان تقوي شخصية لما تكذبي تقدر كاش وحدى تعجبيها تخطبك لما تكذبي ممكن ريح تضيعي فرص زواج مزلتي صغيرة ربي يعوض بزوج صالح ينسيكي تجربة

[ghada15]

أختي من الأفضل أنك تقولي الحقيقة بكل ثقة لأنه المكتوب لا مفر منه والكذب حبله قصير يقولوا مطلقة ماشي عيب خير مايقولو تكذب وقادر صراحتك تكون سبب سعادتك