ساعدوني الطلاق

[مشكلتي]

باسم الله الرحمن الرحيم
اخوتي بالله عليكم ساعدوني بعد شجار مع زوجي بسبب الهاتف رغم أنه هو المخطيء لأنه كثير الاتصال بحبيبته السابقة و صديقات أخريات ولما صرت الح عليه بأخباري الحقيقة غضب و خرج من المنزل و أخبر أحد أصدقائه انه سيضربني و يروحني لدارنا فهل هدا ما أستحق لاني أغار عليه !!!! انا ايضا كرهت من كذبه المتواصل و عدم اخباري الحقيقة أفكر دوما في الطلاق ولكن بيننا بنت أخاف أن تذهب ضحية خلافاتنا فارجووووووووووووووكم ساعدوني نصيحة أو دعاء
..........

[قدوتي رسولي]

لماذا عند اول مشكلة تتجهون للطلاق وكأنه الحل الوحيد والأمثــل
"ان ابغض الحلال عند الله هو الطلاق"
خاصة وان مشكلتك لاتستدعي الطلاق تستدعي تدخل طرفين من هلك واهله لحل الخصام بطريقة لبقة
لاتنسي ان الضحية ستكون ابنتك وكأنك تركت المجال لحبيبة زوجك السابقة
لا اختي لاتتسرعي
كان عليك محاورة زوجك بلين
ماانصحك به ان تكثفي اهتمامك بزوجك فما جعله ينظر الى الخارج الا ان رأى تقصيرا منك لاسمح الله
لن انساك من دعائي
ربي يهدي بالك وسرك

[خولة سكيكدة]

اختي اقتليه بلقدر يعني عامليه احسن معاملة وجامليه حتى لو شفتيه يحكي ديري بروحك مشفتيش بينيلو بلي راك زوجة صالحة ومتستاهليش انو يعاملك هكذاك حاولي دسري رقية شرعية وحاولي حافظي على هاذ الرباط المقدس خاصة وانو بيناتكم بنت نعرف بلي القول شيء والعمل شيء لكن ادعي ربي يقدرك اصبري واحكمي في راجلك ومتنسايش بيناتكم طفلة وصدقيني احكمي في ربي وبربي ان شاء الله ميكون غير الخير والنساء الاخريات ماهن الا نزوات شيطانية ونتي الصح لوكان شاف السابقة تصلح كون راه تزوجها ومدام جابك لدارو يعني راهو مقتنع بيك ربي يصلح احوالكم ان شاء الله

[همس المشاعر*]

انا من رايي ادا كان يتصل بها بكثره ..اخبري عنه اهلك لكي يخجل من عملته...ولا تتجهي للطلاق..او خدي رقم حبيبته السابقه وتحري عنها مع احد اخوتك وافضحيها امام اهلها ...وهدا رايي اختي

[طيور الجنان]

انا من راي قولي لخاوتك يروحو لهاذي البنت و يهددوها باش تبعد عليه،وانت في المتزل كوني جميلة و انيقة دااااائما و عامليه احسن معاملة و دلليه و هكذا تجبديه ليك .ربي يجعل بينكم المودة و الرحمة انشالله و يصلح زوجك.

[حميد.ص]

لا حول و لا قوة الا بالله

ربي يهديه

ماعليكي غير الصبر

[alyassin]

هذا يوكد فساد المجتمع مع الاسف ,,,,,,,,,,,,,,,لماذا تقدم هذا الرجل لخطبتك و الزواج بك ,,,,,,,,,,,و لماذا قبلت به اصلا ,,,,,,,,,,,,,,,,,,,,,


اننا حقا نعيش في زمن عجيب

[كمال22]

الله يهديه

[noriya]

الله يهديه ربي يصلح ما بيناتكم و ديري كيما نصحوك البنات اختي

[*سيرين نور عيني *]

و الله غير راني حايرة ياسبحان الله كيفش حبيبتو السابقة ?مالا علاش ماتزوجش بيها و يهني روحو
و انتي كان علابالك ???? اذا كان علابالك و قبلتي بيه الغلطة فيك و اذا ماكانش علابالك وكيلهم ربي في زوج حرام عليهم
انا ماشي كيما هادو البنات كاملين لي يقولولك تجاهلي الامر و ديري روحك ماعلابالكش لالا اخرجيلو طايطاي و دخلي ماليك و ماليه ف الحكاية بش يحشم و يولي للطريق واذا ماحبش كاين خوه ف السوق يقدر كثر من هكذ ا يقدر حتى ....
استغفر الله
كاين رجال مايقنعوش ومايملا عينيهم غير التراب يالطيف
يااختي حاولي تصلحي الامور و اذا ماقدرتيش تكملي معاه فالانفصال ارحم من الخيانة عيناني
ربي يسهللك امورك و يوفقك سلام

[مجرّد إنسان]

يا الأخت ربي يهديك ويهدي زوجك
أنت تقولين : "كرهت من كذبه المتواصل"
ومعنى ذلك أنّ زوجك يقول لك : لا أكلم النساء
وأنت تقولين له : تكذب
حبيتيه بالسيف يقلك : إيه نهدر مع النسا ؟
ما يلزمش الغيرة تاعك تكون زايدة على حدها
إذا قالك ما نهدرش مع لبنات خلاص
وعلاه راكي توسوسي في روحك وديري في المشاكل لعمرك وتفسدي في دارك
وحتى لو كان يتكلّم بالفعل مع حبيبته السابقة كما تقولين فيجب أن تكوني عاقلة في ردّة فعلك وحكيمة ولا ينبغي أن تتهوّري لأنّ التهوّر والإنفعال لا يحلّ المشاكل ولا يأتي باي نتيجة بل يزيد الطين بلة
عليك أن تدعي له بالهداية وأن تعامليه معاملة حسنة وجميلة لعله يتأثر ويعود إلى رشده
وفي جميع الأحوال اصبري واتقي الله
وربي يفرج كربك إن شاء الله

[rose de sable s]

هذه اخطاء الامهات عنما يزوجون ابنااءهم رغما عندهم
ويرفضون ان يزوجوهم لمن يحبون

[nihal159]

وأنت شكون قالك بلي قال لصاحبو أنو رايح يضربك و يروحك لداركم؟؟؟؟ الملاحضة الأولى هي أنك ذخلتي طرف ثالث بيناتكم وهذي غلطة كبيرة.
ثاني ملاحضة أنّك تعسي بزاف في راجلك ممكن لعلمك المسبق بعلاقاته النسائية قبل الزواج.
نصيحتي ليك إذا كان كلامك حقيقي وليس مجرد تخمينات و وساوس؛ أحكي مع دارهم أكيد راهم يعرفو هذي البنت قوليهم يوصلوك تحكي معاها وإذا ماحشمتش أفضحيها قدام أماليها.

[AMINA.Z]

و الله استغرب بعض الردود
اصبحت الزوجة الان هي الملامة عندما اكتشفت الخيانة
سبحان الله
هو ما يحشمش و ماش متربي .....اذا قادرة تزيدي تحملي واحد كيما هاذا و حابة تبقاي عايشة معاه
اهدري مع والديك يفريوها يروحو يهدرو مع عايلة البنت الاخرى و يقولولهم يحكمو بنتهم و اذا العايلة هادي جاو لراجلك باه يربيوه خير و خير
ربي يفرج عليك

[0ibtissam]

ربي يفرج عليكم اصعب حاجة في الدنيا على المراءة لما تكتشف خيانة زوجها انتي زوجتو حولي تنسيه في حبيبتو عيطلو في وقتل العمل ابعثلو ميساج مليح اخلقلو جو في الدار باه يريح مش يدخل لدار تبديلو التحقيق يكره قع منك دري هدنى مع نفسك متزيديش تجبدلو على حبيبتو اذا قدرتي عيطلها فيهمها في روحها رنا في وقت بزاف الرجال ولا عندهم عشقتهم بصح لازم المراءة تكون ذكية تحاول متهدمش مملكتها وتخليها مراءة اخرى طلاق مش حل فزغي كل قلقك في صنعة تعلميها حلوة او طبخ او خياطة متخليش الشيطان يلعب في مخك بافكار مش مليح ربي يهنيك حافظي على زوجك

[ghada15]

أختي الشك ليس سببا كافيا للطلاق عليك أن تكوني حكيمة وصبورة في تعاملك مع زوجك أعطيه الأمان وتحري عن خيانته جيدا قبل أن تتخذي أي قرار أو تندمي عليه مدام ينكر معناها أنه يحترمك أو يحترم أهلك وإلا كان صارحك بلا ما يهتم
ديري لعليك باه ماتندميش مباعد الطلاق ماهيش حاجة ساهلة وتباعياتها تحب صبر أكثر من هذا يكثير

[soumia youcefi]

ربي يصلح الاحوال

[oumhana]

السلام عليكم ورحمة الله وبركاته
اختي كفاش عرفتي بلي راهو يكلم في صاحبتو لقديمه ؟ ثاني كفاش عرفتي بلي راهو رايح يضربك ويديك لداركم؟؟؟؟؟ثم واش جاب صاحبو فالحكايه ؟ وشكون قالك بلي مشي صاحبو لدار هذاالفيلم؟ وانت واش وصلك أصلا تحكي مع صاحبو؟؟كتجاوبي على كل هذه الأسئله تفيقي وإن شاء الله تفيقي قبل ما يوقع الفاس فالراس...... قالك صاحبو قال........ والله ملقيت اش نقول....
وزيد تتم رحتي للطلاق عن بالك حاجة ساهله. ولا سي صاحبو لي راهو يشجع فيك على الطلاق ديري مليح في بالك بلي لو كان تطلقي سي صاحبو يجوز بيك يمات و يرميك كنشاف "واللي ملوش خير في أهلو ملوش خير فالناس"فيقي قبل ما يغرق البابور

[nihal159]

السلام عليكم ورحمة الله وبركاته
اختي كفاش عرفتي بلي راهو يكلم في صاحبتو لقديمه ؟ ثاني كفاش عرفتي بلي راهو رايح يضربك ويديك لداركم؟؟؟؟؟ثم واش جاب صاحبو فالحكايه ؟ وشكون قالك بلي مشي صاحبو لدار هذاالفيلم؟ وانت واش وصلك أصلا تحكي مع صاحبو؟؟كتجاوبي على كل هذه الأسئله تفيقي وإن شاء الله تفيقي قبل ما يوقع الفاس فالراس...... قالك صاحبو قال........ والله ملقيت اش نقول....
وزيد تتم رحتي للطلاق عن بالك حاجة ساهله. ولا سي صاحبو لي راهو يشجع فيك على الطلاق ديري مليح في بالك بلي لو كان تطلقي سي صاحبو يجوز بيك يمات و يرميك كنشاف "واللي ملوش خير في أهلو ملوش خير فالناس"فيقي قبل ما يغرق البابور





السلام عليكم ورحمة الله وبركاته
والله كلمات في الصميم؛ وهذا واش كنت نقصد نلمح ليه بالرد تاعي إذا قريتيه