مشكلتي مع...

[مشكلتي]

انا متزوجه جديده ....صدقوني انا ماكنتش مامنه بلي راح ندير العجار زوجي شرطه عليا ..وانا نخدم......انا كرهته مارانيش نجم نتنفس كي نخرج .(تحكمني الغمه).عييت مع راجلي باش نحيه وهو رفض قتله شحال راك حاب دراهم نعطيك ونحيه ..يا خواتاتي ماتامنوش راني دابراته من فوق قلبي ...ربي ما شرطش علينا نغطو وجوهنا...قلت لراجلي علاه الرجال الي يخدمو معايا ماشي رجال يشوفو فيا نورمال...والله صدقوني كي نشوف وحده مع راجلها بلا عجار نغير......راني كارها حياتي بهاديك القطعه البيضه الصغيره جدا الي نغطي بيها وجهي....علابالي رح تقولولي كلام جارح ولكن ترفقو من فضلكم ماتزيدونيش....انا شابه بزاف وعينيا شابين قلتها لراجلي قتله العجار يبين مفاتن المراه خصوصا عينيها ..

[soumia youcefi]

لا حولا تقولي راجلك هاك دراهم ونحي لعجار .................مافهمت والوا

[ام رضوان]

حاولي اختي توالفيه انا عن نفسي دارهولي زوجي وبكيت الدم باه نديرو وذرك والله والله والله ويعطيوني كنوز الدنيا ما ننزعو.
وما دام قلتي انت شابة بزاف اكيد راكي متزوجة راجل يعرف للغيرة مليح
بصح كاينة حاجة مادام انت خدامة كان لازم يحسبها مليح
ربي يصلح الامور بينكم.

[الصديق قروف]

ماشي مشكل
كي محبسكش من الخدمة اكي مليحة
متقدريش ديري واحد خفيف وشوي شفاف كيما تاع نقاب

[AMINA.Z]

كون من الاول ما قبلتيش بهاد الشرط
كون تلبسي نقاب بالسدل مانظنش راح تقدري تخدمي
و صعيبة تقنعي زوجك باه تنحيه
ربي يعينك

[أم عبيد]

احمدي الله تعالى راكي متزوجة براجل صح و العجار سترة يا اختي
في سجودك كرري هذا الدعاء و سوف ترتاحين " اللهم أرنا الحق حقا و ارزقنا اتباعه وأرنا الباطل باطلا و ارزقنا اجتنابه"

[fettouha]

زوجك شرطلك العجار كي شافك شابة وهو سترة حاولي توالفي ودوك يروح الصيف وما يقلقش ا لعجار
مليح كي ما حبسكش مالخدمة العمل للضرورة
وكيما قلت احيانا يبين جمال العيون وكاين ازواج الله يهديهم العجار دايراتو ومكياج العيون
ربي يسهل امورك اختي

[rose de sable s]

استغرب اذا كام يغار الاولي ان يشترط وقف عمل
اصبري و خلاص ول دير تاع نقاب لان غجار يجبد نظر
ربي يصبرك

[*أم كوثر*]

السلام عليكم
اختي الكبرى قبل ان تتززوج كانت تعمل بمكان مرموق في ادارة
كان لباسها محترم لكنها كانت انيقة جدا
بعد زواجها طلب منها زوجها ان ترتدي العجار وتلبس حجاب طويل من قطعة واحدة
ماكان عليها سوى القبول والجميع اندهش من تغير حالها من .. الى ... وطبعا توقفت عن العمل
الان عندها 18 سنة زواج ولازاالت ترتدي العجار
يعي ماتكبريش لمشكل واحمدي ربي انو مشكلتك في العجار من في زوج سكّير او مدمن او زير نساء كما تعاني بعض النسوة
وتقدري ديري اسدال مكان العجار فالمهم هو تغطية الوجه
وفقك الله وارضاك

[روح مراد]

علاش يجيبها تخدم و شابة و شافها بدون عجار و ما شرطش الشرط قبل الزواج؟
أنا نظن لوكان كان صح راجل بمعنى الكلمة اللي راكو تقولوها و غيور كيما راكو تشوفوه كان يرط عليها الشرط نهار الرؤية الشرعية و شاف روحو يغير يجيب وحدة قاعدة في الدار و يتهنى
هاذ الراجل أناني ماشي غيور
دراهمها ملاح و لكن باش الناس ما يقولوش هاذيك مرت فلان يغطيلها وجهها باش ما يعرفوش بلي مرته ماشي علا خاطر شابة أو يغير عليها
ربي يهدي ما خلق
صح جوابي قاسي و الكل رايح يكون ضدي و لكن نتمنا الرجال يكونو صريحين نهار الخطبة و كل واحد يحط شرطه باش المراة نهار تتزوج تكون على يقين و على قدر من المسؤولية لتحمل شروط زوجها ماشي في فترة الخطوبة يعيشوهم في الأحلام و نهار تصبح في دارها يبدا في الشروط هذا ماشي حق
ربي معاك أختي الفايدة في الأخلاق و الحشمة و عزة النفس ماشي في العجار لوكان جاو يفهمو

[أم ريتاج زهرة]

يا أختي ما تخسريش دارك على جال قطعة قماش و قولي الحمد لله اللي ما حبسكش من الخدمة و كن من الأول شرطه عليك زوجك ماشي حتى جابك ربي يوفقكم

[خالد عنابي]

شروط ما انزل الله بها من سلطان

[~أمة الله~]

السلام عليكم ورحمة الله
هي صحّ أختي أنا ضدّ العجار لأنه يغطي 2 سم مربع من مساحة الوجه ويبيّن الباقي ما نعرف واش الفايدة ديالو الصراحة إلا أن يحددّ أكثر العينين وتزيد الفتنة بهم ، لكن ... من الأفضل أن ترتدي النقاب أختي فهو أجمل وأستر وبذلك تكوني حققتي أمرين أطعتِ الله لأنّ الأمر فيه خلاف بين أهل العلم بين الوجوب و الاستحباب فتخرجي من الخلاف وتدي حسنات وفي نفس الوقت تطيعين زوجك ...أما حكاية الرجال لي معاك ينظرو ليك عادي -أمر مكاش منو خصوصا أنّك جميلة الله يبارك ، فالنظرة لن تكون بريئة أبدا - ،فزوجك رجل مثلهم وهو من يفهمهم وإلا لم يطلب منكِ لبسه وأصرّ عليه ، لذلك لا تخالفيه في ذلك أختي ...
وفي الأخير ، لو كنتِ مكفية أختي الأفضل ليك تقعدي في دارك تربحي صحتك ودينك وتتفرغي لزوجك وأولادك إن شاء الله .
وربي يهنيك

[oumhana]

اسمحيلي ديري كما طلب منك مدام قبلت المره الأولى .بصح عيب تقولي هاك دراهم و خليني نحيه هذي مشي غير عيب فاتت العيب الكل ـ
أما الحاجة لمفهمتهاش وعلاش لعجار؟ وكتكوني فيي لخدمه تنحيه ولا تخدمي بيه؟ وزيد زعما كلبسلك لعجار خلاص تهنا. مع كل احترماتي هذه تفاهة خاطر كتحبي ديري حاجه مشي لعجار لي رايح يشدك ياو قولي لسي راجلك الفايده فالشرف و الأخلاق مشي في "كحلت عينيها بغات تخليها" والفاهم يفهم

[قمر الزمان رؤية]

زوجك أخطا لانه لم يشترط عليك هذا قبل الزواج

ولكن دعينا نفكر بحسن نية و نقول انه تدارك الامر و أصبح خائف من عيون الناس المفترسة و يغار عليك

لذلك انصحك بإرتداء النقاب طويل و مستور أحسن من قطعة بيضاء ، رضا الله من جهة و تكبرين في عين زوجك من جهة ثانية

انا عن نفسي لست متزوجة لكنني أحب النقاب كثيرا و سأرتديه بعد الزواج حتى ولو لم يطلب مني زوجي ذلك

بارك الله فيك و ربي يهنيكم

[رندة نهاد]

انا متزوجه جديده ....صدقوني انا ماكنتش مامنه بلي راح ندير العجار زوجي شرطه عليا ..وانا نخدم......انا كرهته مارانيش نجم نتنفس كي نخرج .(تحكمني الغمه).عييت مع راجلي باش نحيه وهو رفض قتله شحال راك حاب دراهم نعطيك ونحيه ..يا خواتاتي ماتامنوش راني دابراته من فوق قلبي ...ربي ما شرطش علينا نغطو وجوهنا...قلت لراجلي علاه الرجال الي يخدمو معايا ماشي رجال يشوفو فيا نورمال...والله صدقوني كي نشوف وحده مع راجلها بلا عجار نغير......راني كارها حياتي بهاديك القطعه البيضه الصغيره جدا الي نغطي بيها وجهي....علابالي رح تقولولي كلام جارح ولكن ترفقو من فضلكم ماتزيدونيش....انا شابه بزاف وعينيا شابين قلتها لراجلي قتله العجار يبين مفاتن المراه خصوصا عينيها ..

ديري ستار وتهناي اجمل واستر وعادي لم تخرب الدنيا ربي يهنيك عزيزتي

[قدوتي رسولي]

اختي وعلاه قبلتي بالشرط
ياخي يقولك لأوله شرط اخره نور
انت قبلتي مضطرة تتحملي
ربي يهدي سرك

[خولة سكيكدة]

مفهمتش علاه الرجل قبل ما يتزوج المرآة يختار بعشوائية ومبعد يولي يرقع فالأمور من المفروض كيما قلتي مدامو غيور من الأول يشرط عليك النقاب او لعجار ومدامو يغير ميخليكش تخدمي لانو اكيد هو ممنوع في العمل ولا دراهمك حلال وخروجك من بيتك حلال لكن بلعجار
لكن المشكلة انو الكلام لا يفيد يبقى زوجك ومن واجبك طاعته الرجال عقليات ومن الصعب تفهميهم ربي يثبتك ان شاء الله المهم راكي تخدمي حاولي تنساي الامر وتتقبليه لكي تستطيعي مواصلة الحياة بدون مشاكل

[فتيحة الإسلام]

ماتخسريش راجللك على جال هاذ ...أمي أيضا كانت عاملة وداراته لإرضاء أبي وكي كبرنا نحاته وهي أيضا كانت بمكان مرموق ومن عايلة مرموقة لكنها داراته ومانقص منها والو بالعكس زادت كبرت في عين أبي .....متخليش هاذ الأشياء التافه تحطم علاقتك براجلك وديرللك المشاكل...أنا رآي ديري النقاب أو كيما قالو لي يشبه لنقاب يجي قطعة سوداء موش طويلة بزاف لكن يجي أنيق مع الحجاب وراح يسترك كيما راح حاب راجلك..نصيحة كلش فايت عيشي حياتك هانية ومتعكريهاش بمشاكل صغارا
ونزيدك كاين وحدين يقراو معنا طب ومتزوجات ودايرن نقاب وجايهم روعة ويبانو محترمين وما نقص منهم والو..هادا راجلك وراهو غاير عليك ساعفيه

[لحن الحياة.]

هههههههههههههههههههههههههههههههههههههههههههههه
كاين وحد النقابات يهبببببببلو بالزين يديرو ب 300 تالف فيهم وحد الخيط اسود بين العينين يزيدو النص فالعينين خخخخخ اشري واحد كي وليتي تحشمي بالابيض

[بنت الرّحّل]

23ذي القعدة 1436 من الهجرة النّبويّة




السلام عليكم

أختي الكريمة أعتقد لأنك تكرهين النقاب تشعرين بـ( الغمة ) وإلا كما قالت الأخت الفاضلة أماني تلك القطعة البيضاء صغيرة جدا ولا تغطي شيئا!
وأحيطك علما أن كلامي الآتي عن النقاب الصحيح والشرعي الذي يغطي وجه المرأة ويحميها من الفتنة .

يقال : (إنّ المحب أعمى) وأنا أقول : (أن المبغض أيضا أعمى)؛ فهو لا يستطيع رؤية الإيجابيات في الشيء الذي يبغضه وقد يعتقد أن الشيء النافع ضار به

حتى ولو كانت تغطية الوجه لم يفرضها الله على إمائه فهو شيء يحبه ويرضاه ..ألا يمكن أن تفكري بهذه الطريقة ؟ هل أنت غنية عن فضل الله ؟

ولا شك أن هناك الكثير من الأشياء لم تخطر ببالك من قبل ولم تفكري فيها .. فهاجاءتك الفرصة أن تعيدي التفكير في حياتك وفي حجابك وفي تقربك إلى الله .. فأنت متزوجة وجميلة كما تقولين فلماذا لا تغطين وجهك؟
ماذكرته من مبررات لا عبرة به خاصة حين قلت ( علاه الرجال الي يخدمو معايا ماشي رجال)
هذا الكلام طفولي جدا:o باعتقادك هل البشر مجموعة ربوتات متشابهة متناسخة ...؟ فإذا كان الأمر كذلك فهل أقول لك .. ولماذا كل النساء يرتدين النقاب ويعشن حياتهن بسلاسة ولا يوجد غمة ولا ضيق تنفس !!!

لكن هذا لن يكون ردي لأنه كما قلت لك طفولي جدا !
أختي لا تكوني ضيفة الأفق ولا توهمي نفسك بأشياء لا وجود لها لأنه حين يكون الرجال الذين تعملين معهم ملائكة قولي ذاك الكلام ..أوليسوا يملكون أنفسا معرضة للنزوات والشهوات ، أوليسوا فرائس للشياطين وهمزاتهم وخطراتهم ؟
سبحان الله ! ينظرون إليك عادي .. أورأيت أن عمل المرأة يعني أن ينظر الرجال إليها دائما وقد أمر الله سبحانه بغض البصر ..والرّسول - صلى الله عليه وسلم - يقول : ( النظرة الأولى لك والثانية عليك )
يا أختي لأننا ابتعدنا عن دين الله ونعيش في غفلة كبيرة جدا أصبحت الكبائر شيئا عاديا ونتحدث عنها في مجالسنا ونخبر الناس عنها
فمن فضلك لا تقولي هذا الكلام مرة أخرى ولا تقولي ( يشوفوا فيا نورمال ) لا توجد (النورمال ) هذه في الحياة كلها.

ثم من حججك أن هذ (العجار ) يبرز عينيك ويجعلك أجمل وأفتن ... فأنت إن تغطيت فَتنت ولكن إن سفرت لم تفتني وينظرون إليك عادي (نورمال )
بالله عليك !

أنت لست خائفة من الفتنة هذا مجرد حجة لترضي نفسك ، لا تفعلي هذا بنفسك أخية وتكوني كمن يلبس الحق بالباطل

هذا ما أنصحك به
حاولي أن تغيّري نظرتك إلى النقاب وأن تفكري بشكل إيجابي طبعا النقاب الصحيح وليس تلك القطعة وأخمّن أن الغمة التي تنتابك هي مزيفة وليست حقيقية بسبب كرهك له
كما أذكرك بالا تنساقي وراء النصائح التي تشير عليك بشراء ( البرقع )
فالمرأة إن ارتدت شيئا يظهرها جميلة أمام الرجال فهي متبرجة وإن لم ترتدي شيئا فهي متبرجة وفي النهاية هذا الجسم سيبلى ولا ينفع حينها لا مال ولاجاه !
وفّقك الله إلى ما يحب ويرضى
أتمنى لك التّوفيق