واش معناها تلفون كابا

[chikadz]

السلام عليكم كما في العنوان حبييت نعرف واش معناها تلفون كابا مثلا لقيت lg g2 كابا مليح يكون ?
وهل جديد ام مستعمل

[كريم المهدي امين]

السلام عليكم كما في العنوان حبييت نعرف واش معناها تلفون كابا مثلا لقيت lg g2 كابا مليح يكون ?
وهل جديد ام مستعمل
و عليكم السلام.......على حساب ما نعرف تلفون كابا يعني جاي من الهيك و مستعمل لا يكون بالضرورة مستعمل بزاف...و ما فيهش الضمان.....و لكن الجودة نورمالمون مليحة....درك الاخوة يزيدولك نصائح

[chikadz]

و عليكم السلام.......على حساب ما نعرف تلفون كابا يعني جاي من الهيك و مستعمل لا يكون بالضرورة مستعمل بزاف...و ما فيهش الضمان.....و لكن الجودة نورمالمون مليحة....درك الاخوة يزيدولك نصائح

شكرا بارك الله فيك

[Zaki Dilmi]

معنتها بكل بساطة واحد حاب يحشيهالك و يبيعلك تليفون كتر من سومتو
ياخويا التليفون لي يتبع في الحانوت حر كيما ليتبع في انجلترا و لا فرنسا و لا اسبانيا حر في النسخة العالمية الجودة هي هي مكاش فرق السيد مخلوع با اروبا حاب يفهمك بلي تتليفون حر على ليتباع في الجزائر ومشكلة تليفون كابا مكاش ضمان و يبيعوهلك غالي على الحانوت زيادة 3000 يبلعط برك

[بائع النتلر]

non Meshi kif kif kaba certifié mais les hna 70% copie maghchouchine echri kaba we 3andek mel messrou9 we mayghaltak hata wehed

les importateur tawe3na yjibou l copie we ybi3ouh bessouma 9al men fi europe donc ybeyenlek beli mech nefss ljawda + comparé byn nefss smartphone hna we te3 kaba tel9a li maya3rafch yroh lelcamera bark yel9a li 3andena hna 9lila 3la te3 lkaba hadi ana jarabtha + teni des fois tel9a imei mech te3 smartphone hadek exemple : howa samsung yetbe3 3and te3 nedjma techrih thez imei te3ou dirlou check tel9ah marka khlef d3ifa lbi3a te3ha hna
essmahli li ktebt les lettres latin puisq ma3endich arabe fel clavier
we allah a3lem

[Zaki Dilmi]

non meshi kif kif kaba certifié mais les hna 70% copie maghchouchine echri kaba we 3andek mel messrou9 we mayghaltak hata wehed

les importateur tawe3na yjibou l copie we ybi3ouh bessouma 9al men fi europe donc ybeyenlek beli mech nefss ljawda + comparé byn nefss smartphone hna we te3 kaba tel9a li maya3rafch yroh lelcamera bark yel9a li 3andena hna 9lila 3la te3 lkaba hadi ana jarabtha + teni des fois tel9a imei mech te3 smartphone hadek exemple : Howa samsung yetbe3 3and te3 nedjma techrih thez imei te3ou dirlou check tel9ah marka khlef d3ifa lbi3a te3ha hna
essmahli li ktebt les lettres latin puisq ma3endich arabe fel clavier
we allah a3lem

كيفاش مغشوشين يا اخي انت راك تهدر لي بيعوا فا طابلة باينة كوبيي و شنوي و مدرح
مي تليفون lg g2 يدير 28000 da مثلا تروح فرنسا بدرهمنا جيبو 21000 da نسخة عالمية تامك رخيص هنا كلش غالي يعني لي يتباع هنا حر كيما
لي يتباع في فرنسا راني نحكي على النسخة العالمية للتلفون
اي شركة عندها فروع و لا مصانع في اي بلد و تليفون الحر هنا هو لي يدور في اروبا

[FayssalGsm]

معنى هاتف جاي عن طريق الكابة يعني نستطيع أن نقول أنه مهرب عن أعين الجمارك
وأغلبهم تجدهم بدون شاحن والسماعة وكذلك العلبة ..
يعني لما يوصلو للمعني هو يشريلهم الملحقات من أسواقنا ومبعد يتباعو بالأكسسوارات المضافة أو بدونها

ضف إلى ذلك هنــاك فرق في التسويق لشمال إفريقيا وأوربا من ناحية الجودة طبعا هي ليست بالكبيرة لكن
الأفضل تذهب لأوروبا وأروبا تجد الأسعار ملتهبة لأنه هنـاك يفرض على أصحاب المحلات البيع بالفاتورة وإضافة tva عكسنا نحن
ضف إلى ذلك يبيع لك الهاتف بالضمان ولهذا تجد الأسعار غالية عكسنا نحن
حتى وإن أتى جديد (ليس الكل طبعا) لكن ما أكثرهم يقومون بفتح العلبة وتغيير الشاحن والسماعة ووضع من هم أقل سعرا
وبعدها تجد تلك السمعات الأصلية تباع على حدا .
أما في أوروبا العكس الهاتف كما تأتي معه كل تلك الأشيباء (كابل usb أصلي. شاحن أصلي . سماعة أصلية . بطاقة ذاكرة أصلية)
يعني كما هو مكتوب تجده في العلبة بالتمام .

[ahmed5555]

لا لا اخي ماشي كيف كيف انا جربت في هذا المجال نقولك يكذبوا عليك النسخة التي تذهب لاوروبا ليست النسخة التي تاتي الى الجزائر فرق كبير .....
لان المستوردين وسلطة الاتصالات في الجزائر تطلب نسخ متوسطة الجودة وبسعر مناسب لهم ثم يباع لنا في الاسواق بسعر النسخة الاوروبية او اغلى لكي يزيدوا الربح لهم ....مكانش رقابة جيدة وزيد الرشوة ووووو....... تخلي السلع نتاعهم تفوت ديما ....
اما في اوروبا فالمقاييس عالمية مشدد عليها من طرف الدولة وزيد المستوى الثقافي والوعي لدى الاوروبيين يتطلب من المصنعين الالتزام بالجودة العالية لضمان تسويق المنتج.....

[chikadz]

شكرا على الرد ولكن الهاتف اللي لقيتو lg g2 بكرتونة ومعاه جميع اكسسوارت جامي فتحوه ولقتو ب 28000 وكي رحت للمحلات هنا عدنا لقيتو ب 38000

[بائع النتلر]

لا لا اخي ماشي كيف كيف انا جربت في هذا المجال نقولك يكذبوا عليك النسخة التي تذهب لاوروبا ليست النسخة التي تاتي الى الجزائر فرق كبير .....
لان المستوردين وسلطة الاتصالات في الجزائر تطلب نسخ متوسطة الجودة وبسعر مناسب لهم ثم يباع لنا في الاسواق بسعر النسخة الاوروبية او اغلى لكي يزيدوا الربح لهم ....مكانش رقابة جيدة وزيد الرشوة ووووو....... تخلي السلع نتاعهم تفوت ديما ....
اما في اوروبا فالمقاييس عالمية مشدد عليها من طرف الدولة وزيد المستوى الثقافي والوعي لدى الاوروبيين يتطلب من المصنعين الالتزام بالجودة العالية لضمان تسويق المنتج.....

yarham weldik klamek shih ana mwef9ak hada wech remarkit ana teni

[بائع النتلر]

كيفاش مغشوشين يا اخي انت راك تهدر لي بيعوا فا طابلة باينة كوبيي و شنوي و مدرح
مي تليفون lg g2 يدير 28000 da مثلا تروح فرنسا بدرهمنا جيبو 21000 da نسخة عالمية تامك رخيص هنا كلش غالي يعني لي يتباع هنا حر كيما
لي يتباع في فرنسا راني نحكي على النسخة العالمية للتلفون
اي شركة عندها فروع و لا مصانع في اي بلد و تليفون الحر هنا هو لي يدور في اروبا

ana manahkich 3la nosskha international rah itetbe3 hta fi france hadik tel9aha hna ghalya 3la lhik
bessah kayen wehed 75 % men téléphonet li tedkhol jawda mechi kima li lhik we si3r chui tayeh

exemple : galaxy s6 72000 DA we houwa alhor 9rib 100000 DA
dir s4 americain m3a
s4 vitrina hna difference kbira binethem feljawda
wehna tel9ahem fi zouz yetbe3ou puisq hamela

we cha3b mafeyekch mayfere9ch bin hor we copy we koul wehed yefti men rassou


we hna hab n9ol keyen fer9 bine l copi certifié we lcopie fraud lcopi certifié krib kima lhor we tayeh fessouma 3lih
3liha tel9ahem y9olek hna copi original bessah houwa issm shih clone we rahou certifié men 3and l constructeur lha9an
i
metenssach hna ma3endnech haja pour adapté le prix ay hemla donc jamais dir l9ayss bina

lezem ntakfou rwehna bech manetkelhouch

we allah a3lem

[oussamabc13]

كابا = الجودة + الحالة الجيدة لان الاوربيين او الاجنبيين يبدلون هواتفهم باستمرار لكي يواكبو التطور مثلا هو باع lg g2 باش يشري g4 مثلا و هوما يحافظو على هواتفهم ماشي كيما حنا خخخخ
السعر عموما لا يختلف عن سعر الهواتف في الجزائر لان 90 في المائة من الهواتف الذكية اليوم و حتى الايفون مصنوعة في الصين made in china لرخص اليد العاملة ....................و الشيئ الجيد في هواتف الكابا هو احيانا اشخاص يجلبون هواتف لا توجد في السوق الجزائرية او لم تدخل بعد ....مثال : اتحدى اي شخص في الجزائر 48 ولاية ان يكون عندو هاتف oneplus2 او oppo r7 plus او xiaomi mi4

[fodil bouba]

هي هواتف يأتي بها أشخاص من اوروبا للاستعمال الشخصي

[علي لقواطي]

كابا يعني جايبو شخص من الخارج كيما يقولوا إميغري

[SAMI005]

أنا عندي sony z كابا ... جايبو من 8 اشهر .. الحقيقة ممتاز و بمواصفات عالية

المهم أنا زهري طحت في واحد مليح

خير ماتجيب كوندور بنفس السومة

[souhil05]

كابة يعني هاتف مهرب لا ضمان فيه