راهو جىا عيد الاضحى

[امّ اياد]

بناسبة عيد الاضحى ياله نحطو وصفات خاصة بيه من بوزلوف مصران محشي ملفوف وشوي وايضا لي عندها وصفة خاصة بالفخذ في الفرن تفيدنا
ا

حنا فيالعيد في صباح بعد تنقية الدوارة نشوطو الراس وحدة تخدم الملفوف ,في الغدا نديرو الطعام بالرقبة اما فاليل نشو الملفوف والليستاك ونقطعو سلاطة بصل وطماطم باه تنح الدسم اماغدوة من ذاك ناخذ طراف لحم ملاح ونقطع في كيكوطة كمية كبيرة من البصل ونضيف له الحم ونقلي ومبعد نديرو الملح والفلفل اسود والكمون ونمرق بكاس ماء فقط ونغلقو عليه ونخلوه على نار قليلة جدا حتى يطيب ومبعد ندروه فالفرن بح لازم نسكبوا عليه شوية زيت ونملحوه من فوق

[rasha holwa]

ياريت كل الاخوات يقولولنا واش يديرو وصفات احنا نهار الاول بعد ما نقو الدوارة و نشوطو البوزلوف نديرو الكبدة للفطور مع سلاطة نشبعو بالخف
اما العشا نديرو الدوارة و اليوم الثاني نديرو طعام فطور و نقلو اللحم للعشا و هكذا
ربي يدخله علينا بالصحة و يتقبل منا ان شاء الله

[اعجوبة الحياة]

ان شاء الله

[sabine 1988]

احنا صباح العيد نديرو ملفوف الكبدة ناكلوه هكاك بلا خبز وفي الغداء كاين اللي يديرو بكبوكة اما احنا ما نحبوهاش فنديروا الدوارة مقلية في الكوكوط اما العشاء نديرو الشواء لانو العايلة تكون ملمومة النهار الاول
وفي الغد من ذاك نديرو اما شخشوخة او بربوشة و نذوقو الجيران وفي الليل نقلوا

[soumia92]

احنا النهار الاول بعد تنقية الدوارة و البوزلوف نديرو شكشوكة دوارة مقلية و مشوية,و ف العشاء نديرو لحم في الكوشة
اليوم الثاني في الصباح مع الشاي نديرو الملفوف و الغذاء الطعام .(أنا شخصيا le charme تاع العيد عندي هو الملفوف صباح بكري في اليوم الثاني)و هادي عادتنا من زماااان

[ام معاوية 09]

حنا صبيحة العيد نشوطو الزليف ونغسلوه مليح ونغليوه وكاين لي يطيبو للعشا وكاين لي يخبيه فالمجمد ونقيو الدوارة ونديروها عصبان للعشا والفداء كبدة مقلية مع لي فريت وثاني عيد نقطعو الكبش ونصدقو منو والفداء بالطبع لحم مشوي وانا دائما نطيب لي كوت بالمعدنوس والعشاء لحم طايب مثوم أو غيره بصح جامي ولا نديرو طعام ماكانش لي ياكلو
اللهم بلغنا عيد الأضحى وتقبل منا ياحي يا قيوم

[ام ريان عبدالله]

قلولي واشنو الملفوف

[سنوات الضياع.]

مشكورة اختي

[bestof]

واش هو الملفوف ومادابيكم كل وحدة تشرحلنا طريقة عمل البكبوكة
والدوارة وعصبان.على اختلاف مناطق الوطن
لكي نستفيد كلنا وشكرا

[ام معاوية 09]

حنا نديرو عصبان بعدما نقيو الدوارة ونغليو المصارن والرية نقطعو كلشي رقيق شوية وندوزنوها بحبة بصل والثوم كثري شوية وطماطم تاع الحب وتاع البواط وتوابل وحميصة وقصبر ومعدنوس ونعناع مقطعين وشوية زيت وشوية أرز وخلط الكل نملا الكرشة وخيطها ونديرها في قدرة معمرة ماء ونخليها تطيب

[هندة 74]

ربييدخلوا علينا بالصحة والهناء وربي يتقبل منا جميعا

احنا نعرف ان من ستة الرسول صل الله عليه وسلم اكل الكبدة صباح اليوم الاول من العيد

احنا اول حاجة نغسل الدوارة مليح ونشوط الراس والكرعييين نعمل الكبدة مشوية على الفحم كيما يقولوا الملفوف لاكن بدون توابل على الغذاء مع سلاطات مشكلة والعشاء ممكن

بكبوكة او بوزلوف طايب طبعا بالتوابل واكشما يبقى من الكبدة وفي اليوم 2 طبعا الكسكس بالكتف الايمن للكبش كاين الي يعمل شخشوخة والا لفطير كل واحد واش يحب

[nawelg1]

اسال الله العظيم ان يبلغنا العيد سالمين نحن واالمسلمين جميعا ويعده علينا باليمن والبركات. عادتنا فيه ننشويو الكبدة والرية والقلب في الغداء مع كسرة خمير
ة وفي العشاء نعملوا شواء على لفحم وغدوة من ذاك كسكس بالكرايم ولكتف .

[thiziri89]

بصحتكم لبنات مي واش هو ااملفوف

[sabine 1988]

الملفوف هو الكبدة مدورة بالشحم مشوية

[هندة 74]

بصحتكم لبنات مي واش هو ااملفوف

الله يسلمك اختي الملفوف

هوالكبدة تتحط بزيها فوق الشواية تشيح شوية ومنبعد تتقطع قطع مربعة وتتملح ويوضعوا عليها بهارات خاصة مانعرفهاش ويلف عليها شرائط من الشحم الي يجي فيالخروف ويكون رقيق احنا نسموه الدنتال وتعاد فوق الشواية حتى تحمار هذي خاصة بناس الغرب اكثر

[منى عكاشة]

اللهم بلغنا العيد الاضحى بالصحة و العافية احنا عادتنا وحدة تغسل الدوارة اوحدة تخدم الراس احنا منشوطوهش احنا نصبو عليه ماء ساخن ونتفوه بالموس يبقى ابيض و لحمو يجي طري المهم اوحدة اخرى تقلي شوية كبدة على السنة اما لغدا نديرو شخشوخة بسكرية بلكرومة اي الرقبة و لعشاء نقليو اللحم و غدوة لازم نديرو طعام بالمسلان و كل راجل يخرج من دارو قصعة للجيران و الفحلة تخرج قصعتها الاولى ويكون المسلان تعها طايب مليح هههههههها و لعشاء شواء......محلاها عادات

[yayou_loudjayne]

rabi ywassalna lih sa3 bo hna nhar alaxwal fel ghda kouna ndirou ras tayeb bssah had al3am badalna w 3oudna ndirou kabda w riya ya3ni lafad na9liwhom m3a batata ma9liya bien sur ou la3ch ndirouchakhchoukha bel 3ossbana alah alah thabel w ghadwa fel ghda ndirou na3ma bel ktaf te3 alkabch w fel3ch nbdaw soi na9liw wela nchwiw

[امّ اياد]

قلولي واشنو الملفوف

طريقة عمل الملفوف :
نغلي كبد النعج في ماء وملح وعند النضج ننزععا من الماء ثم نقطعها معبات ثم نلف عليها شحم الرقيق جدا يكون مقطع على شكل اشرطة ثم نشوها

[lina23]

ينعاد علينا بالخير والصحة انشاء الله. كل واحد والعادات تاعو.حنايا في اليوم الاول نشوطو الراس ونغسلو الدوارة ( مصارن وما تابعها) . نتغداو شوى وقلي تاع كبدة ورية ومصارن مع الكسرة ولازم الهريسة و السلاطة.وفي الليل نتعشاو قلي و احيانا الراس .في اليوم التاني نطيبو كسكسي بالكتف و نخدمو العصبانة ونخبيوها في الكونجلاتار

[تسنيم*]

احنا اليوم الاول صباح نغسلو الدوارة نقطعهوها ونديرلها لصوص ونديرو خبز الدار او المطلوع
من جهة نديروا بولفاف او مايعرف بالملفوف في بعض المناطق (كبدة +شحمة)
لعشية نطيبو بوزلوف بعد ما نحرقوه الصباح ونغسلوه ونقطعوه
في الليل نقطعو الجزرة ونشويو اللحم على الجم او نقليو كل واحد كيما قدر
ونخدموا لخليع انا شخصيا نحب الجمبات (لي كوت) نشرحهم مليح ونملحهم ونزيدلهم الفلفل احمر حار ونخليها يباتو الصباح نعلقهم يشيحو
كي يوجدوا لاحقا نديروا بيهم بربوشة او عيش...
اما اليوم الثاني نطيبوا المسلان ورجل والكتف مع الكسكسي ونحمروهم ونتلمو كامل الحي الرجال مع بعض والنساء مع بعض
كي يفوت لغدا كل واحد اطيب كيما يحب
انا من ولاية باتنة
شاوية

[قوت]

مساء الخير عليكم احنا من عاداتنا نديرو الطعام في اليوم الاول و بعد ما نكملو تنقية الدوراة نقليو الكبدة و المصران و في اليوم الثاني نعملوا شخشوخة للغداء و العشاء الشوا مع السلاطة وربي يبلغنا عيد الاضحى المبارك و كل الامة الاسلامية

[مي نبيل]

اسرع دليفري في الكويت | افضل المطاعم في الكويت | مطعم وجبات جاهزة | مطعم ستيك بالكويت
القواعد الاساسية التى يجب عليك معرفتها جيدا والتي تدل على مدي نظافة المطعم :_
_ انظر الي المطعم ومدي نظافته قبل الجلوس فيه فانظر الي الطاولات ومقدم الطعام ومدى نظافتهم ونظافة ايديهم فان كان غير نظيف فمن الافضل لك عدم الجلوس ومغادر المكان والبحث عن معطم اكثر نظافة.
_ تاكد من عدم وجود حشرات زاحفة او طائرة في المطعم فهى من اكثر العوامل التي تنقل الامراض .
_ انظر الي المكان حول المطعم هل المكان نظيف وبعيد عن سله المهملات ام لا فيجب ان يكون بعيدا عن الروائح الكريهة والدخان والاتربة .
_ احرس على ان يكون الطعام مطهى بشكل كامل وبالاخص اللحوم والاسماك والدواجن والبيض .
_ كذلك احرس ان الوجبات الساخنه تقدم ساخنه وليست بدرجة حرارة الغرفة وكذلك الوجبات البارده تقدم باردة .
وان كنت في مطعم يقدم خدماته عن طريق البوفية المفتوح فتاكد من التالي:
_ ان تكون جميع الوجبات مغطاه جيدا .
_ ان يكون الطعام الساخن محفوظ في الاواني الخاصة بالطعام الساخن .
_ ان يكون الطعام البارد مثل الايس كريم او السلطات او اللحوم الباردة محفوظة في الثلاجه .
_بجوار كل اناء ملاعقه المنفصلة للغرف .
_ ان تكون اطباق التقديم جافة ونظيف .

وعليك اختيار افضل المطاعم لتناول الطعام ولا تستهون بهذا الامر فالصحه تاج على روؤس الاصحاء ولابد من الحفاظ عليها وليس من الضروري ان تكون افضل المطاعم هى اغلى المطاعم ولكن افضل المطاعم هى التي تلتزم بالاتي :
_ اتباع قواعد الامن والنظافة والصحة العامة في المطعم مثل الحرص على نظافة الطعام ، حفظ الطعام بطريقة صحيحه ، الاهتمام بنظافة المطعم ككل من سقف وطاولات ودورات المياه وبالطبع نظافه العاملين القائمين على اعداد وتقديم الطعام .
_افضل المطاعم دائما يكون لديها قائمة بالطعام الصحي قليل الدهون والسكريات والاملاح وكذلك تكثر من الخضروات والفاكهة الطازجة .
_ افضل المطاعم هى التي تقدم خدماتها على اكمل وجه وبصدر رحب اي افضل خدمة عملاء تجدها فيه .
_ افضل المطاعم هى التي توفر لك مكان مريح واجواء مريحة تشعرك بالسعادة والرضا كالاضاءة المريحة والاثاث الجيد المريح
وكما ذكرنا ليس من الضروري ان تكون افضل المطاعم هى اغلي المطاعم والمخصص لفئة معين من المجتمع بل بالعكس افضل المطاعم هو الذي يوفر لك الطعام الجيد والخدمة الجيدة والمكان المريح بالاضافة الي السعر المناسب .

واخر ما نود ان نقوله لك ان مطعم ستيك هو مطعم من افضل مطاعم الكويت التي تقدم طعام ممتاز بمكونات طازجه مضمونه كما انه اسرع دليفري في الكويت ويقدم خدمات على مدار 24 ساعة .
وجباتنا ليست مجرد طعم بل تجربة فريدة لاصاله الطعم ولذته وجودته
تليفون : 9651844040
تابعونا

دليل المطاعم | رقم ستيك | مطاعم ستيك | الكويت | كويتيات | مقبلات | وجبات | مشويات | ايس كريم | جاطات | تشكين فيليه | روبيا مشوي | كوردون بلو | برجر | برجر لحم | تبولة | وجبات عرايس | ستيك ماكس لحم | ستيك ماكس دجاج | همبرجر جبنة | فاهيتا | كباب دجاج | خشخاش كباب | باب غنوج |جاط فطور | جاط مقلي | سلطات | بصل حلقات | تشكن رويال | شيبس حلزوني | عصائر | مشروبات | مياه غازية | فطور | غداء | عشاء | تبولة | فتوش | ورق عنب | ملفوف | دبس رمان

[الزوجة البارة]

انا قبل في دار بابا نضفو الدوارة تاع الخروف و نقليو الكبدة و القلب و مصارن الشحمة و لازم بابا الي يشوي على طاجين الحديد فوق الطابونة و حنا مجمولين و في اليل نقليو اللحم و الغدوة يبدا مهرجان الطبخ بالللحم هذا العام لازم نفوت النهار الاول في دار شيخي راني خلعانة من ضرك على حساب زوجي سامط العيد في دارهم

[امّ اياد]

عيد سعيد لكل للجميع

[oummed]

الملفوف عندنا نديروه بالكبدة مدورة الشحم وحنا نسموه الردا