بين اللغة الفرنسية و اللغة الانجليزية

[rania50]

السلام عليكم انا راني حايرة بين الفرنسية و الانجليزية انا بعتوني فرنسية و اليوم رحت باش ندير تحويل لقيت استاذ فرنسية قالي ماديريهاش لانو على الصعيد العملي ماكاش فيها بزاف خدمة غير تقري و الفرنسية تقدري تقري و تخدمي في الادارة باللغة الفرنسية
درك عاونوني واش نخير? نكمل فرنسية و لا ندير تحويل انجليزية انا حابة انجليزية لكن عندما قالي هكذا خربطني عاونوني لانو بالاحد normalement نولي

[ammmm]

السلام عليكم ورحمة الله وبركاته

شوفي اختي انا ما عنديش خبرة بصح على حساب واش راني نشوف اللغات سواء الفرنسية او الانجليزية فيهم مناصب

وزيد العمل رزق ورزقك على ربي ورزقك مكتوب من قبل ماتولدي ،،روحي للتخصص اللي تحبيه ،، والاحسن ان تستخيري الله

وما خاب من استخار
ربي معاك حنونة وربي يكتبلك الخير ان شاء الله في كل خطوة تخطيها

في امان الله

[rania50]

تعيشي ختيتو ريحتيني و ان شاء الله يقبلولي برك التحويل

[ammmm]

تعيشي ختيتو ريحتيني و ان شاء الله يقبلولي برك التحويل
بلا مزية حنونة ،، وكيما قلتلك ماتنسايش صلي صلاة الاستخارة وادعي ربي
وكيما نقولو اللي خلقك ما يضيعك

[nessrine1988]

نصيحة مني اختي ديري التخصص اللي تحبيه وتفضليه

[iNeS bb]

raki ki7altiii :(

[ranosa]

انا تاني نفس المشكلة
على أساس يامس خرجو نتائج تاع التحويلات
بصح ما عنديش حتى خبر
راني مقلقة و حايرة :(

[yacinelegrand]

نصيحة من عندي كزميل ....فرص العمل موجودة اكثر لا صحاب اللغة الفرنسية اكثر من اللغة الانجليزية لان عدد الاساتذة في هده المادة الفرنسية هو ضعف اللغة الانجليزية لان الفرنسية تدرس في كل الاطوار وبحجم ساعي كبير مقارنة بالانجليزية .... زيادة علي دالك انا ادرس لغة فرنسية واعرف مايعرفه اخرون خاؤج القطاع ...وفيما يخص العمل في الادارة فلا الفرنسية ولا الانجليزية يعملون في الادراة ..اتمني لكم التوفيق ...والسلام

[ماري]

السلام عليكم
راني معاك في نفس المشكل، انا داروني بيولوجيا وحابة نبدل اما فرنسية أو انجليزية، قالولي بلي فرنسة أحسن لأنو تقدري تخدمي فيها في الابتدائي والمتوسط واليسي وادا درتي انجليزية تقدري تخدمي في المتوسط واليسي فقط يعني نصف الفرص تروح، بصح شوفي اانت لواش مايلة وديريها على النية وخليها على ربي ورزقك عليه سبحانو

[إِلْيَآسُ اَلْمَكَآرِمْ]

الفرنسية لغة ميتة وهي باقية في الجزائر فقط لاسباب سياسية وصدقيني ستنقرض عن قريب انصحك بالانجليزية لانها لغة عالمية وقريبا ستكون اللغ الثانية في الجزائر وايضا دراستها ممتعة ومنطقية عكس الفرنسية التي هي مملة وبلاغتها ضعيفة و غير متناسقة

[سهيلة 97]

الفرنسية لغة ميتة وهي باقية في الجزائر فقط لاسباب سياسية وصدقيني ستنقرض عن قريب انصحك بالانجليزية لانها لغة عالمية وقريبا ستكون اللغ الثانية في الجزائر وايضا دراستها ممتعة ومنطقية عكس الفرنسية التي هي مملة وبلاغتها ضعيفة و غير متناسقة

هههههههه ضحكتني و الله ستنقرض ههههههههه

[piratack007]

الله يعطيك العافية