هل جربتموها لابنائكم

[*ام ملاك*]

السلام عليكم
وبعد
ارجو منكم المساعدة يا امهات بنتي دخلت الشهر العاشر ومازالت ماتحبي ما تمشي هي تتقلب وتكحز للوراء وكي نديرها في المشاية تمشي بيها وتوقف وحدها ومتركزة على الحيط حتى لدقيقة قالولي ديريلها حقنة ماشفيتش على اسمها بصح وقيلا d3 باه تمشي
من فضلكم لي جربها ول يعرف عليها يفيدني
وبارك الله فيكم

[ميمي2012]

السلام عليكم ورحمة الله وبركاته
أولا أختي العزيزة مسمعتش بهد الحقنة .
مي حبيت نطمنك أنا ولدي تأخر في المشي حتى ولا عام وشهرين ودرك راه يجري وفرحان أنا قلت دمه ثقيل في كلش حتى الأسنان راه ثقيل فيهم مشي كما اخوته .
أنتي بنتك راهي نورمال متخفيش وإذا محباتش كين الي طبعته هكذا المهم توقف في المشاية وتتركز وحدها على الحيط مليح
ان شاء الله تمشي عن قريم مي بصح وجدي روح تجري مورها ههههههه

[طيور الجنان]

اختي ماتخافي ماوالو كاين اللي مايحباش و يمشي طول اما المشي انا ابني حتى ولا عمرو عام وشهرين و مشى كل طفل كيفاه.

[سهيلة21]

d3 عادي قاع نديروها لاولادنا هي تتشرب نديروها في الشهر الاول تم اضن 6 تم العام اذا ممشاش يمدوها في السبيطار انا ولادي ميمشوش حتى يعقبو العام

[*ام ملاك*]

بارك الله فيكم اخواتي ميمي وطيور الجنان وسهيلة
بنتي حتى فاتسنين ومازال ماخرجولهاش سنين

[ManouraHilwa]

ولدك مازال صغير لاداعي للمقارنة بالاخرين والحقنة عادية لا خوف منها على ما اظن ....صل الله على سيدنا محمد

[أم عبيد]

كاين لي يمشي مباشرة لا تقلقي عليها

[Amouna.DZ]

نورمال ماكن حتى مشكل أنا تانيت بني غوتاغ في كل شيء

[أم محمد علي]

لا تستعجلي وفي أمر الحقنة اسألي الطبيب
ولا تستعجلي أنا ابني مشى عام وشهر

[ام عبدو و ملاك]

يا اختي كل طفل وكيفاه انا بنتي مشات كي كملت العام و تقلقت و ديتها للطبيبة واش نقولك قلقة كبيرة بصح ابني كي عدت مجربة من قبل والله ما تقلقت و زيد ما مشاليش حتى دار عام و 3 شهور خاطر كان زايد في الوزن و الطبيبة قاتلي ما تديريلوش المشاية باه رجليه ما يتقوسوش ما تقلقي ما والو

[oum loày]

عادي اختي هاد الحقنة و هي مليحة و فيها فيتامين اما من ناحية المشي ما تقلقيش كل واحد و كيفاه

[*سيرين نور عيني *]

سلام اختي وشراكي لاباس?
بالاكي تمديلها بلا ماتسقسي الطبيب اديها للبيدياتر و اذا شك انو عندها نقص ف الفيتامين د فهو يمدلها
ا ماتتقلقيش مازالت صغيرة انا عندي صحبتي بنتها دوك عندها عام و شهرين و مازال مامشات و ماتقلقت عليها ماوالو
كثريلها الكالسيوم و عرضيها للشمس يوميا خاصة رجليها
و بوسيهالي ملوكتي

[رجائي فيك]

السلام عليكم
3د فيتامين يتشرب في شهر و لا03 اشهر و 06 اشهر مرتين فقط انا بالنسبة للتسنين و لا المشي كل طفل و كيفاه غير متقلقيش المهم تحرك رجليها و كي توقف تركز عليهم

[nihal159]

السلام عليكم ورحمة الله وبركاته
بنتك راهي عادية جدا ماكلاه تتقلقي؛ ومادامها تمشي بالمشاية؛ حاولي إنت تمشيها وحدها بدون مشاية؛ وقفيها و وقفي إنت مقابلتها وأحكميها من يديها في زوج وخليها تقدم ليك بالشوية؛ هكذا تتعلم تتكل على رجليها ماشي غير تكركر فالمشاية

[أم ياسين الزهراء]

اختي عادي كل واحد وعودو انا وليدي الكبير مشالي في 10 اشهر والتاني في 14 اشهر علاش الاستعجال مادامها صحيحة وتاكل الحمد لله واصلا الاولاد لازملك طبيبهم هو اللي يقرر خليها بسلامته ودوق تمشيلك وتشيبك اصبري برك

[الطائعة لزوجها]

فيتامين d3 يتشرب في الشهر 03 و الشهر 06 شوفي carnet تاعه اذا شربته او ديها disponcer سقسيهم اذا شرباته

[kikimnarim2]

حتى 18 شهر إذا ما مشاتش تم يكون المشكل
بالنسبة ل الفيتامين د لازم تكون شربتيلها في الشهر الأول والسادس لأنه ضروري جدا وكاين ثاني سيرو فيه فيثامين د يعاونو بيه اللي عندهم نقص في الكالسيوم
شوفي ثاني الدفتر الصحي فيه مراحل التطور الطبيعي ل الرضيع وتأكدي إذا كان التطور تاع بنتك طبيعي ولا لالا

[oprah]

Salam habibti
D3 kayen direhaleha ta3 1 mois w 6 mois dertihomleha?rahom normalement maktoubine f carnier ta3eha
W kayen ta3 1 ans hadi ydiroha berk f halet ida bebe fat 3am w mamchach ama ida mcha mydirehach
Bentek chakit makontich tkhaliha f lard 3liha 3atley lala?

[Noussa_82]

D3 فيتامين .. وما تقلقيش عليها موش قاع لي بيبي كيف كيف وليد اختي ما حباش ومشى على عام و4 شهر

[raghado]

نورمال اختي مادامها تمشي بالمشاية وتوقف ماتخايش بلاك من الاسنان هما اللي يخلو الصغير يطلوفي المش انا ولدي عندو عام وشهر هذا وين بدا يمشي ومازال ميشدش روحو مليح كل مرة يدي طيحة ودري فتامين د من عندى الصيدلية باش تمشي هو فيتامين شربو

[صُبح الأندلس]

هناك من لا يحبو أصلا و المشي مازال سبحان الله 10 أشهر و تريدينها أن تمشي ؟ المشي العادي من عام فما فوق و تبدأ مرحلة الخطر لو وصل عام و نصف حينها نسأل
بالنسبة للحقنة اسألي الطبيب و ليس الناس
معذرة على كلامي الصارم لكنهم أطفالنا و لا يجب أن نتهاون في صحتهم

[انتصار أمل]

شكرااااااا

[holiday4u]

موضوع رائع

[ام مسلم محمد]

حاجة عادية اختي هو حتان 15 شهر تبداي تخافي مي نتي قلتي راهي توقف مع الحيط بلاك هي تخاف برك انا ولدي لكبير مشا عمر7اشهر وصغير كمل 10اشهر وربي يحفضهالك

[saraff]

سلام اختي ان بنتي شربتها د3 مشي ابرة تشربها تولي تشمي عادي اول مرة كي تحطيها في المشاية تمشي متتحركش منبعد تولي بخير

[omelbanin]

ختي انا نعرف فيتامين د. يديره في فمها في الشهر الاول والسادس بصح ما عندوش علاقة بتاخرها في المشي، كاين مايمشوش حتى عام ونصف.