sandie belle
2015-09-02, 17:35
البسملة1
السلام1
انا اليوم قاعدة نتفرج في لي فوطو لي عندي حتى لقيت فوطوات عندي كثر من عام من لي صورتهم باش يبقاولي سوفونير و هوما صور لقصعة نتاع الشخشوخة لي كنت درتها لزملائي في العمل كانو طلبو مني كي يدخلني أول سلاك نديرهالهم غدا ( الفال نتاع الخدمة زعما :D ).
أيا قلت والله غير ننشرها يشوفوها حباباتي و أخواتي في منتدى الجلفة للإفادة و للتقرعيج ايضا و منها يشوفو و ياخدو فكرة على الشخشوخة البسكرية
بالرغم من أني مانيش بسكرية ;) و لكن بحكم قرب مدينة بسكرة لينا فأكيد راح يكون هناك تشابه في العادات و التقاليد و الأكلات
و الحاجة الوحيدة لي غاضتني :( اني ما عنديش صور للشخشوخة نتاع عرسي لأنو شخشوخة العروسة غير الشخشوخة لي نطيبوها لأهل الدار
لانها تتزين ببزاف حوايج من بينهم البطاطا, البيض, لي دراجي لكوجاك , الزبيب و اللحم و الدجاج المحمر..
هيااا اني علابالي طولت الهدرة و لكن كنت حابة نعطيكم لمحة تاريخية على الشخشوخة هههههههههه :1:
قبل ما نبدا أنا في الصور لي حملتهم ما صورتش المرقة نتاع الشخشوخة (كيما قلتلكم ما كنتش مخططا من قبل باش نحطها) و لكن نوعدكم عاجلا او آجلاااا نصورلكم كيفاش نحضرها و بالمراحل إن شاء الله.
اقبل ما نروحو للمقادير هاهم الصورنتاع االمحروسة لي راني كاتبا عليها الموضوع
http://www.mrkzgulf.com/do.php?img=39669
http://www.mrkzgulf.com/do.php?img=39668
http://www.mrkzgulf.com/do.php?img=39670
و نحب نشكر ام سراج و ملاك لانها علمتني كيفاه نحمل الصور و لانها صاحبة اول تعليق نعطيلها القصعة كامل.
نبداو على بركة الله
الفطير: علابالي كاين بزاف لي يعرفو كيفاه يديرو لفطير او الرقاق
أصلا هناك موضوع سبق و شفتو هنا في المنتدى تشرح فيه الاخت جزاها الله كل خير كيفاه تلوحوه
و لكن للافادة فقط و للناس لي ما تعرفوش راح نمدلكم شرح سريع فقط عليه.
أولا: عجينة الفطير تتكون من:
- سميد (خيري السميد لي في العلك باش ما يتعبكش في العجين و ما يتقطعلكش كي تكوني تلوحي فيه) و الكمية على حساب العائلة.
- ملح وتلمي بالماء و تدلكي و تبقاي تزيدي الماه غير بالشوي حتان تتحصلي على عجينة طرية كيما عجينة المسمن. لأنهم كيف كيف.
-ملاحظة:
- كاين لي يديرو شوية فرينة مع السميد و لكن انا شخصيا ما نديرش.
- تقدري تعجني بالبيترا كيما تقدري تعجني بيدك ( انا ما عنديش نعجن بيدي برك )
-تقدري تلمي العجين نتاعك بالماء وترشيه شوية بالماء بلا ما ترخفيه و تغطيه بكيس باش ما يديرش القشرة و ترجعيلو بعد نصف ساعة تلقايه شرب الماء و اصبح طري يعني تعجنيه بسهولة اكثر.
بعد ما تعجني لوزي العجين نتاعك بالزيت و ضعيه في سنية و غطيه خليه يرتاح شوي وفي هاذي الأثناء جهزي المائدة لي راح تحلي فوقها الفطير و صحن ديري فيه الزيت و طاجين الحديد او الطاوة و حطيها على نار هااادئة باش ما يتحرقلكش الفطير.
بعد ما يرتاحو كريات العجين ديري شوية زيت على المائدة و ابداي حلي الكريات.
انا ندير كل 2 مع بعضاعهم (لاني نلوزهم صغار) و بيناتهم ندير الزيت باش يجي الفطير مورق و لوحي على الطاوة يطيب و زيدي حلي 2 كريات اخرين بالزيت و قبل ما نلوحهم نقلب الفطير لي في الطاوة على الوجه الاخرو نرش شوية زيت و من بعد نلوح لفطير لي حليتو في المائدة و نكمل هكذا حتان نلوح كمية وافية و نحيه نحطو في منديل كبير و نغطي و نكمل الكمية لي بقات بنفس الطريقة, كي نكمل نفتتو و نغطي عليه.
إذا درتو مع الصباح بكري مثلا أو درتو قبل بنهار, قبل ما نسقي الشخشوخة نتاعي نفور لفطير نتاعي باش يرجع رطب و كأنو جديد.
أولا و قبل ما نمد مقادير المرق حابا نقولكم حاجة و هي :
المرقة نتاع الشخشوخة راهي تشبه الى حد كبير المرقة نتاع الكسكس مع اختلاف بسيط في النكهة و مع إختلافات بسيطة من منطقة لأخرى و من دار لدار يعني كاين ناس تحب تكثر توابل و كاين لي ما تحبش, كاين ناس تحب فيها زبيب و كاين لي ما يحبش, كاين لي يحبوها خاثرة شوية و كاين لا و كاين لي يحبها بلحم البقري و كاين لي يحبها بلحم غنمي و كاين و كاين....
يعني أنا راني نقول في هاد الهدرة باش إذا الاخوات لي من بسكرة كي يقراو الموضوع نتاعي ما يزعفوش مني و يقولو حنا ما نديروهاش هكا.
انا الطريقة نتاعي تعلمتها من ماما و ماما شاوية يعني حتى هي تعلمت من عند جداتي و عماتي بالرغم من انها تعرفها من قبل و لكن مع بعض الاختلافات كيما سبقلي و قلت و تبقى الشخشوخة نتاع البساكرة ديما في الصدارة :19:
نروحو للمرقة الأن:
أنا ندير عيني ميزاني و على حساب العايلة و لكن راح نحاول نمدلكم المقادير بالتقريب .
ديري : راس بصلة كبيرة مع 4 او 5 سنات ثوم (ممكن اقل اذا كانو شوية كبار ) مع حبة طماطم كبيرة أو 2 حبات طماطم متوسطين و قلي شوية بالزيت و أضيفي التوابل نتاعك ( ملح , فلفل اسود, فلفل احمر, راس الحانوت ,ومرات ندير شوية زعفران مع شوية عرق اصفر )
انا صدقوني نديرها بهاذ التوابل و تجي هايلة خاصة إذا كان راس الحانوت نتاعك مليح تقدري تستغناي على قداه من تابل كيما الفلفل الاسود مثلا ,كاين لي يضرهم في الجهاز الهضمي و لكن تبقى مسألة اذواق كيما قلت في البداية .
نرجعو للمرقة نتاعنا: قلي مليح و زيدي الماء السخون غير بالشوي بلا ما تنساي تضيفي طماطم العلب لاني انا شخصيا نحب نقليها شوي قبل ما نمرق
كما اني ندي وقت كافي و أنا نقلي في لاصوص و نضيفلو اللحم او الدجاج و نخليه يتشبع بالنكهات المركزة .
قبل ما نضيف الكمية الاخيرة نتاع الماء قطعي الخضر :البطاطا الجزر الجريوات(حوالي 3 الى 4 حبات من كل نوع , اقسميهم على اثنين و كان حبيتي خلي الجزر و الجريوات كيما راهم باش ما يتكسرش و يذوبو في المرقة) اضفيها للمرق مع حفنة حمص و خليهم يتقلاو يتنكهو في لا صوص ومن بعد اضيفي الماء واقفلي لا كوكوط نتاعك.
لي تحب الحار تلوح مغرف او نص مغرف هريسة .
كي طيب المرقة نتاعك شوفيها إذا خصها ملح ولا خصها طماطم زيديلها (انا نحبها حمرا و نستعمل بزاف الطماطم و الحار )إذا تحبو الزبيب ضيفيه و خلي يغلي شوي مع المرقة و طفي النار و زيدولها قرن او اثنين نتاع الفلفل الأخضر(هداك الطويل.. عرفتــــوه؟) يدير ريحة هايلة في المرقة انا مرات نزيد حتى قرن ولا اثنين من البومنقوع او الطرشي (يخي تعرفوه ماشي الدرفلو )و اقفلوا عليها.
ظركا وجدي الفتات نتاعك أو الفطير و حطيه في القصعة أو صحن واسع و زيني بالخضر لي هوما الجزر و الجريوات و البطاطا (تقدري تزيدي تحمريها في الزيت ) و البيض المغلي و ديري الحمص و اللحم في النص و سقيها بالمرق.
و بالصحة و الراحة.
نتمنا اني نكون شرحت بشكل واضح و الجميع فهمني و خاصة المبتدئات في الكوزينة :D و ان شاء الله نكون ما نسيت والو ,كاش ما تفكرت ظرك نعدل في الموضوع. و كاش ما اسئلة راني هنا حبيباتي سقسو واش تحبو وانا نجاوبكم بإذن الله
حراير بسكرة فكروني كاش ما نسيت و سلمولي على صحاباتي لي ثمااا :mh31: :mh31:
في الاخير نتمنى منكم فقط انكم تدعولي بالشفاء
تحياتي للجميــــــــــــع :mh31:
السلام1
انا اليوم قاعدة نتفرج في لي فوطو لي عندي حتى لقيت فوطوات عندي كثر من عام من لي صورتهم باش يبقاولي سوفونير و هوما صور لقصعة نتاع الشخشوخة لي كنت درتها لزملائي في العمل كانو طلبو مني كي يدخلني أول سلاك نديرهالهم غدا ( الفال نتاع الخدمة زعما :D ).
أيا قلت والله غير ننشرها يشوفوها حباباتي و أخواتي في منتدى الجلفة للإفادة و للتقرعيج ايضا و منها يشوفو و ياخدو فكرة على الشخشوخة البسكرية
بالرغم من أني مانيش بسكرية ;) و لكن بحكم قرب مدينة بسكرة لينا فأكيد راح يكون هناك تشابه في العادات و التقاليد و الأكلات
و الحاجة الوحيدة لي غاضتني :( اني ما عنديش صور للشخشوخة نتاع عرسي لأنو شخشوخة العروسة غير الشخشوخة لي نطيبوها لأهل الدار
لانها تتزين ببزاف حوايج من بينهم البطاطا, البيض, لي دراجي لكوجاك , الزبيب و اللحم و الدجاج المحمر..
هيااا اني علابالي طولت الهدرة و لكن كنت حابة نعطيكم لمحة تاريخية على الشخشوخة هههههههههه :1:
قبل ما نبدا أنا في الصور لي حملتهم ما صورتش المرقة نتاع الشخشوخة (كيما قلتلكم ما كنتش مخططا من قبل باش نحطها) و لكن نوعدكم عاجلا او آجلاااا نصورلكم كيفاش نحضرها و بالمراحل إن شاء الله.
اقبل ما نروحو للمقادير هاهم الصورنتاع االمحروسة لي راني كاتبا عليها الموضوع
http://www.mrkzgulf.com/do.php?img=39669
http://www.mrkzgulf.com/do.php?img=39668
http://www.mrkzgulf.com/do.php?img=39670
و نحب نشكر ام سراج و ملاك لانها علمتني كيفاه نحمل الصور و لانها صاحبة اول تعليق نعطيلها القصعة كامل.
نبداو على بركة الله
الفطير: علابالي كاين بزاف لي يعرفو كيفاه يديرو لفطير او الرقاق
أصلا هناك موضوع سبق و شفتو هنا في المنتدى تشرح فيه الاخت جزاها الله كل خير كيفاه تلوحوه
و لكن للافادة فقط و للناس لي ما تعرفوش راح نمدلكم شرح سريع فقط عليه.
أولا: عجينة الفطير تتكون من:
- سميد (خيري السميد لي في العلك باش ما يتعبكش في العجين و ما يتقطعلكش كي تكوني تلوحي فيه) و الكمية على حساب العائلة.
- ملح وتلمي بالماء و تدلكي و تبقاي تزيدي الماه غير بالشوي حتان تتحصلي على عجينة طرية كيما عجينة المسمن. لأنهم كيف كيف.
-ملاحظة:
- كاين لي يديرو شوية فرينة مع السميد و لكن انا شخصيا ما نديرش.
- تقدري تعجني بالبيترا كيما تقدري تعجني بيدك ( انا ما عنديش نعجن بيدي برك )
-تقدري تلمي العجين نتاعك بالماء وترشيه شوية بالماء بلا ما ترخفيه و تغطيه بكيس باش ما يديرش القشرة و ترجعيلو بعد نصف ساعة تلقايه شرب الماء و اصبح طري يعني تعجنيه بسهولة اكثر.
بعد ما تعجني لوزي العجين نتاعك بالزيت و ضعيه في سنية و غطيه خليه يرتاح شوي وفي هاذي الأثناء جهزي المائدة لي راح تحلي فوقها الفطير و صحن ديري فيه الزيت و طاجين الحديد او الطاوة و حطيها على نار هااادئة باش ما يتحرقلكش الفطير.
بعد ما يرتاحو كريات العجين ديري شوية زيت على المائدة و ابداي حلي الكريات.
انا ندير كل 2 مع بعضاعهم (لاني نلوزهم صغار) و بيناتهم ندير الزيت باش يجي الفطير مورق و لوحي على الطاوة يطيب و زيدي حلي 2 كريات اخرين بالزيت و قبل ما نلوحهم نقلب الفطير لي في الطاوة على الوجه الاخرو نرش شوية زيت و من بعد نلوح لفطير لي حليتو في المائدة و نكمل هكذا حتان نلوح كمية وافية و نحيه نحطو في منديل كبير و نغطي و نكمل الكمية لي بقات بنفس الطريقة, كي نكمل نفتتو و نغطي عليه.
إذا درتو مع الصباح بكري مثلا أو درتو قبل بنهار, قبل ما نسقي الشخشوخة نتاعي نفور لفطير نتاعي باش يرجع رطب و كأنو جديد.
أولا و قبل ما نمد مقادير المرق حابا نقولكم حاجة و هي :
المرقة نتاع الشخشوخة راهي تشبه الى حد كبير المرقة نتاع الكسكس مع اختلاف بسيط في النكهة و مع إختلافات بسيطة من منطقة لأخرى و من دار لدار يعني كاين ناس تحب تكثر توابل و كاين لي ما تحبش, كاين ناس تحب فيها زبيب و كاين لي ما يحبش, كاين لي يحبوها خاثرة شوية و كاين لا و كاين لي يحبها بلحم البقري و كاين لي يحبها بلحم غنمي و كاين و كاين....
يعني أنا راني نقول في هاد الهدرة باش إذا الاخوات لي من بسكرة كي يقراو الموضوع نتاعي ما يزعفوش مني و يقولو حنا ما نديروهاش هكا.
انا الطريقة نتاعي تعلمتها من ماما و ماما شاوية يعني حتى هي تعلمت من عند جداتي و عماتي بالرغم من انها تعرفها من قبل و لكن مع بعض الاختلافات كيما سبقلي و قلت و تبقى الشخشوخة نتاع البساكرة ديما في الصدارة :19:
نروحو للمرقة الأن:
أنا ندير عيني ميزاني و على حساب العايلة و لكن راح نحاول نمدلكم المقادير بالتقريب .
ديري : راس بصلة كبيرة مع 4 او 5 سنات ثوم (ممكن اقل اذا كانو شوية كبار ) مع حبة طماطم كبيرة أو 2 حبات طماطم متوسطين و قلي شوية بالزيت و أضيفي التوابل نتاعك ( ملح , فلفل اسود, فلفل احمر, راس الحانوت ,ومرات ندير شوية زعفران مع شوية عرق اصفر )
انا صدقوني نديرها بهاذ التوابل و تجي هايلة خاصة إذا كان راس الحانوت نتاعك مليح تقدري تستغناي على قداه من تابل كيما الفلفل الاسود مثلا ,كاين لي يضرهم في الجهاز الهضمي و لكن تبقى مسألة اذواق كيما قلت في البداية .
نرجعو للمرقة نتاعنا: قلي مليح و زيدي الماء السخون غير بالشوي بلا ما تنساي تضيفي طماطم العلب لاني انا شخصيا نحب نقليها شوي قبل ما نمرق
كما اني ندي وقت كافي و أنا نقلي في لاصوص و نضيفلو اللحم او الدجاج و نخليه يتشبع بالنكهات المركزة .
قبل ما نضيف الكمية الاخيرة نتاع الماء قطعي الخضر :البطاطا الجزر الجريوات(حوالي 3 الى 4 حبات من كل نوع , اقسميهم على اثنين و كان حبيتي خلي الجزر و الجريوات كيما راهم باش ما يتكسرش و يذوبو في المرقة) اضفيها للمرق مع حفنة حمص و خليهم يتقلاو يتنكهو في لا صوص ومن بعد اضيفي الماء واقفلي لا كوكوط نتاعك.
لي تحب الحار تلوح مغرف او نص مغرف هريسة .
كي طيب المرقة نتاعك شوفيها إذا خصها ملح ولا خصها طماطم زيديلها (انا نحبها حمرا و نستعمل بزاف الطماطم و الحار )إذا تحبو الزبيب ضيفيه و خلي يغلي شوي مع المرقة و طفي النار و زيدولها قرن او اثنين نتاع الفلفل الأخضر(هداك الطويل.. عرفتــــوه؟) يدير ريحة هايلة في المرقة انا مرات نزيد حتى قرن ولا اثنين من البومنقوع او الطرشي (يخي تعرفوه ماشي الدرفلو )و اقفلوا عليها.
ظركا وجدي الفتات نتاعك أو الفطير و حطيه في القصعة أو صحن واسع و زيني بالخضر لي هوما الجزر و الجريوات و البطاطا (تقدري تزيدي تحمريها في الزيت ) و البيض المغلي و ديري الحمص و اللحم في النص و سقيها بالمرق.
و بالصحة و الراحة.
نتمنا اني نكون شرحت بشكل واضح و الجميع فهمني و خاصة المبتدئات في الكوزينة :D و ان شاء الله نكون ما نسيت والو ,كاش ما تفكرت ظرك نعدل في الموضوع. و كاش ما اسئلة راني هنا حبيباتي سقسو واش تحبو وانا نجاوبكم بإذن الله
حراير بسكرة فكروني كاش ما نسيت و سلمولي على صحاباتي لي ثمااا :mh31: :mh31:
في الاخير نتمنى منكم فقط انكم تدعولي بالشفاء
تحياتي للجميــــــــــــع :mh31: