عندي 3 سنين زواج ونسكن وحدي من عادات دار راجلي نعيدو في الدار الكبيره كل واحد يدبح شاته في دار عجوزتي راجلي عنده اخوه بزاف 2 ساكنين مع يماهم و3 ساكنين وحدهم وانا منهم......هي لمة العيد شابه بصح راني نكره منين ندبحو كل واحد يبدى يعس في شاته ويقول هادي دوارتي هادا بوزلوف نتاعي......انا والله ماعندي هاد العقليه ..انا نعاونهم في الدبيحه ونتغدى عندهم ونروح لدار بويا....ونخلي شاتي عند عجوزتي حتى يقطعها راجلي في الليل ويجيبها ....بصح سلافاتي قافزات يدو كامل الدواره والشاه لديورهم ...ويقولولي نتي جايحه تروحي وتخليلهم شاتك....عييت مع راجلي وقتلو نعيدو في دارنا خير ماحبش ....العام الي فات قسمت مع عجوزتي دوارتنا قاتلي شدي دوارتكم (بالتشناف).......راني نكره العيد في دار عجوزتي .حابه نعيد في داري كيفاش نقنع راجلي ......انا مارانيش مكراشه ..راني نكره لي جاست الي يديروهم ويبقاو يعسو في الدبيحه نتاعهم ...واش رايكم:confused:
مياسم الصمت
2015-09-01, 22:07
السلام عليكم ورحمة الله وبركاته
طيب اختي ان كانت ربما والدة زوجك تحب تجمع اولادها في يوم العيد
وعلاه تمنعي الامر باستثناء زوجك
ما تكوني شاذة على المجموعة وترجعي انت الغالطة في نظرهم
هو نهار ويعدي
ومادام انت ما عندك تلك العقلية اللي عندهم
خليهم وعقلياتهم
ياخي بوزلوف بوزلوف كيف كيف
وحتى الدوارة ما رايحة تفرق
خليهم اللي قالت لي هذي درواتي قولي لها بصحتك هاهي ليك
وهني راسك من تكسار الراس وما تمرضي روحك وتفسدي فرحة العيد على روحك
وعلى زوجك ربما
الصديق قروف
2015-09-01, 22:11
رايي انتي ثاني غالطة
معندك مديريلهم اصبري على وجه راجلك
انتي ميعجبكش الحال راجلك عاجبلو بين ماليه
هذا عيد الرحمة والصدقة ...والاضحية في هذا العيد للصدقة بالدرجة الاولى ماشي للشجار من اجل دوارة وبوزلوف هذو من المفروض ما تحكوش عليهم نهائيا...هذا اللحم لا يجب ان يتجاوز 48 ساعة في البيت وهذا هو المطبق عندنا الله يهديكم.
hanatendresse
2015-09-01, 22:59
كيما دكروا الاخوة و الاخت العيد للفرحة ماشي للدواس و الشجار بلاك راهم يديروا فيك هكدا بالعاني و باش تنطقي و تخرجي ظالمة قدام زوجك يعني يستفزوك و فكرة انك تعيدي في داركم و يخلي يماه لا يقبلها اي جزائري و ماكالاه تدبري علي زوجك تدبار فيما يخص عائلته والا راح تطيحي في عينيه و نصيحة نهار العيد تزيني و خلي الابتسامة ما تفارقش و حتى والا قالولك الشاة طارت ابتسمي و خليهم ترى نهار و فوت و بالاك تربحي العيب على جال دوارة
سلام
ManouraHilwa
2015-09-02, 09:55
انا راني فاهماتك عندي نفس المشكل انا احاول ان اقنع زوجي باش انعيدوا في بيتنا والله يجيب الخير وهي المشكل انت ماكيش شارحاتوا مليح ربما صدقيني المشكل في الكلام اللي راكي تسمعيه من عندهم بالمباشر وبغير المباشر ولو اخذوك عن طيبة خاطر انت تعطيلهم كل اللحم وانت فرحانة بصح الاخوة ما يقدروش يفهموك الله يهنيك اكثري الاستغفار والمشكل 2 انو الدواة والزليف ماتقدريش تصنعيهم بالحجاب واخوة زوجك طالعين هابطين الرسول صلى الله عليه وسلم اوصانا على الحجاب وما اوصانا على مكان الذبح الله يهدينا ويهدي ازواجنا وان شاء الله كل امراة تعيد في بيتها كرهنا من مسايرة التقاليد على حسابنا الخاص ماتنسايش صيام ال10 من ذي الحجة
El Montaser
2015-09-02, 16:09
العيد لربط صلة الرحم لا لقطعه
zineb_saib
2015-09-02, 16:25
اذبحي في دارك وادي قسمة عجوزتك وروحي ليها لعشية مافيها حتى مشكل تاني العجايز راهم دايرين قصة على الذبيحة ومكبرين الموضوع
نورمالمون كل واحد يذبح في دارو ولعشية يتلاقاو وعلاش تكسار الراس
والا معليهش نهار ويعدي
~ دروب الخير ~
2015-09-03, 00:10
اختي عادي جداااا ، الكثيير اللي كيفك اصبري و كيما قالو نهار و يفوت و اذا داولك حقك خليها على ربي
ربي يفرجها عليك
النجمة القطبية
2015-09-03, 00:40
مفهمتش يا اختى واش من دوارة واش من بوزلوف العيد اصﻻ معمول للصدقة ومدام اهل بيتك عايلة كبيرة خليهم يدو على راحتهم ولك اﻻجر
افرحى يا حبيبتى باجر صلة الرحم واللمة واجر التعب والعمل والمساعدة زيديلها اجر الصدقة والمغافرة يوم العيد
ودعى عنك اى افكار تعكر مزاجك
انا عندى خالتى متزوجة منذ سنوات تذبح عند عجوزتها وتخلى الشاة كاملة مكملة ﻻ تاخذ منها شئ اﻻ ما تفضلت بها عليه
على اعتبار ان عجوزتها تتكفل بالصدقة رغم ان زوجها يشرى شاتين واحدة لها وواحدة ﻻمه
ورغم ذلك عمرى ما سمعت منها شكوى
افرحى العيد فرحة وفرحى وﻻدك وابشرى
صح عيدك مسبقا
ربي يهديكْ ,, ختى ,, ع جال حاجة هكــآ ,, خلي ديوه كـآمل الكبش ,,والله ايامات ماتزيدش تتعاود خلاه جاي نهــآر ويروحوا الكبار ويتفرق السوق وتعيدي وحد في دارك مع ولآدك وتتوحشي اللمة ,,
مــآلآ كبري عقلكْ ,, وعيشي حياتكْ ,,وربي يسهلكْ ان شاء الله ,, =) سلآمْ ,,
anissa90
2015-09-03, 09:03
قنعت زوجي هذا العيد ان شاءالله نعيد في داري لانوا شاف تصرفات امه و اخواته البنات في بالهم العيد للاكل نروح حتى اجوز كلش العيد للفرح مش لدواس و تشناف
imanewafa
2015-09-03, 13:43
اسمحيلي بصح كلامك ما يبينش بلي انت شبعانة . علاش تشوفي لسلافاتك . واش فيها كي تدي عجوزتك الدوارة اذا تحبها مديهالها انت مشي تقولي اداتلي منها .انا والله العظيم راني مخلوعة في مواقف بعض الزوجات تجاه اهل الزوج . عيب الوحدة تهدر في اهل زوجها . هو نهار او جايز او زيد قلتي تروحي لداركم ما تجوزيش حتى النهار معهم.
alyassin
2015-09-03, 22:33
ان كيدكن عظيم ,,,,,,,,,,,,,,,,,,,,,,,لو كنت مكان زوجك لاوجعتك ضربا ,,,,,,,,,,,,,,,,,,,,,,
اتقي الله .,,,,,,,,,,,,,,,,,تريدن ان تفرقي عائلة من اجل وساوس شيطانية و نفسانية تدور في ذهنك ,,,,,,,,,,,,,,,,,,,,,,,,,,,,,,,,,,,,,,,,,,و ما ذا تساوي الدوارة و البزلوف و الاضحية كلها بالمقارنة مع صلة الرحم التي تريدين قطعها بين زوجك و اهله ............................
اقول لك الله يهديك ,,,,,,,,,,,,,,,,اتقي الله في نفسك و انضمي في صف العائلة و لا تكوني سببا في ابعاد زوجك عن اهله او خروجه عن طاعتهم و لو كان ذلك على حساب المال او الكبرياء المذموم ................
غيمة بيضاء
2015-09-05, 10:34
انا فتاة صغيرة وجربتها من جدتي الله يرحمها حتى هي هكذا يضايقونا بزاف لما كنا نسكن ذلك البيت(عائليا)
لكن الان والحمد لله في بيت مستقل نقولك خليها على ربي بلاك زوجك تحلالو القعدة مع اهلو تبعيه وخلاص بالعكس كي تمديلهم دوارة
ولا بوزبوف تكسبي حسنات ربي يكون في عونكم
:19::19::19::19:
فتيحة تفاحة
2015-09-05, 13:03
لازم اتبينلهم مستواك عالي على اسليفك متفكري لا في دورة ولا في شيء اخر. مااجمل اللمة مع العائلة في هذه المناسبات والله متحلى كتضحي وحدك حنا وحدة تصنع في الدورة والاخر تزلف كل الرؤوس والاخر اطيب والعجوز جالسة على الكرسي وفرحنا باولادها والاطفال هذا ايصور وهذا شد الكبش وهكذا ......................الخ يوم عيد بمعن الكلمة لا تحرم العائلة من هذا المنظر
كلنا نفطر مع بعض احلى يوم في السنة يومي العيد الكبير والصغير
عيد مبارك
نصيحة لا تكوني كبش الفيدى للفتنة
بنت لبحر
2015-09-05, 13:09
كنا هكا كبرنا وبقينا نعيدو في دار جدي وكامل عمومي الله يبارك في سبعة حتى مات جدي رجع كل واحد يعيد في دارو
مي كان العيد يفوت هااااايل اومبيونس ضحك و تقابيض ههههههه روعة عياد هايلين راكي تتصوري 7 رجالة وبنساهم كل واحد عندو طزينة اولاد وكان يفوت مليح
كنا كي يخلصو الدبيح وكبما تقولي الدوارة كا وتحدة تحط شوبة من عندها و تخبي الب بقات وياكل الغاشي كاكل وناس كاملة تروح فرحانة
وكي مات جدي كل واحد في دارو وبقات غير دكريات مالا خلي راجلك يعيد مع اهلو. ويشبع منهم و كلشي يفوت مالا متقولي دوارة مانقولي بوزلوف قولي صلة الرحم
السلام عليكم
من كلامك حسيت انك صغيرة فالعمر و الله اعلم على هادي راح نهدر معاك كما نهدر مع ختيتي الصغيرة .. هيا اتصنتي مليح واش راح نقول :o
[
QUOTE=مشكلتي;3994227201]عندي 3 سنين زواج ونسكن وحدي من عادات دار راجلي نعيدو في الدار الكبيره كل واحد يدبح شاته في دار عجوزتي راجلي عنده اخوه بزاف 2 ساكنين مع يماهم و3 ساكنين وحدهم وانا منهم.....
الله يبارك وربي يدوم لمة الخير
.هي لمة العيد شابه بصح راني نكره منين ندبحو كل واحد يبدى يعس في شاته ويقول هادي دوارتي هادا بوزلوف نتاعي......انا والله ماعندي هاد العقليه ..
احمدي ربي كماكيش بهاذ العقلية ولي حب يعس هذاك شغلوا .. كبري عقلك و علي شانك واذا ماقنعوش بكباشهم زيديهم من كبشكم
انا نعاونهم في الدبيحه ونتغدى عندهم ونروح لدار بويا....ونخلي شاتي عند عجوزتي حتى يقطعها راجلي في الليل ويجيبها ....بصح سلافاتي قافزات يدو كامل الدواره والشاه لديورهم ...ويقولولي نتي جايحه تروحي وتخليلهم شاتك....عييت مع راجلي وقتلو نعيدو في دارنا خير ماحبش ....العام الي فات قسمت مع عجوزتي دوارتنا قاتلي شدي دوارتكم (بالتشناف).......
بصراحة ختيتي مافهمتش وين راهي القفازة هنايا فالتصرف تاع سلافاتك .... سبحان الله يعني كي صفيتي نيتك و رحتي و خليتي الكبش تماك ..
شوفي اذا كانت حسن النية والطيبة جياح بالنسبة ليهم .. قوليلهم امالا انا هي الجياح بكمالو .. وخليهم يبردو ( اذا قلتيها كوني دبلوماسية فالرد وماتقوليهاش بالتشناف لوحيها بالضحكة)
وبزيادة قوليلي علاش تروحي لداركم في نهار العيد .. هني روحك حكمي عقلك و كملي عشية العيد عند عجوزتك كما كان الحال .. وطيبي البوزلوف و زيدي الدوارة ديريها عصبان او بكبوكة الله الله .. وعشي بيهم كامل العايلة .. حتى اذا بقاو تم لواسك ونساهم .. انويها في سبيل الله
ديريلهم جو جديد و فرحي راجلك راح تزيد قيمتك عندو وعندهم .
راني نكره العيد في دار عجوزتي .حابه نعيد في داري كيفاش نقنع راجلي ......انا مارانيش مكراشه ..راني نكره لي جاست الي يديروهم ويبقاو يعسو في الدبيحه نتاعهم ...واش رايكم
رايي انو بالاكي وحلي عينك تقولي لراجلك هاد الهدرة .. خليه يتلم مع ميمتو وخاوتو مهما كانت عقليتهم و كوني عون ليه في هاذ الامور
يجي نهار وين كل واحد يولي يعيد وحدو ويبقاو هاد ليام غير ذكرى
وديري في بالك انو اذا قنعتيه وعيدتو وحدكم راح يهبط قدرو في عايلتو . وحتى انت تطيحي من عينو .. حتى واذا ماقالكش هاذ الشي
واذا طول ربي العمر تكبري و تندمي عليها
الاضحية راهي تقربا لله لذلك احتسبي كل شي لوجه الله ..
:confused:[/QUOTE]
ان شاء الله تكوني فهمتيني .. وماتزعفيش من طريقتي فالهدرة .. هذا لمصلحتك
عيد مبارك ان شاء الله
احبك في الله
Maria dadi
2015-09-05, 20:38
انا نقلك عيدي في دارك واذا لا عادي اذبحي عندهم وعطيها واش تحب من الذبيحة
رآهم كامل هاكذاك يطمعو في كلش ودوارة ماعندكي ماديري بيها اعطيهالها وكلي
ربي عليهم وخلاص ولي ماكفاهش قبرو يجي فوقو ويرقد
ورجاءا من الاخوات والأخوة لي ماشي مجبرين هاذ الشيء مايهدروش برك و
الحديث قياسسسسسسسسسسسسسس