واش طيبي في عيد الاضحى المبارك؟؟؟؟؟

[~ أم عبد الرحمـن ~]

السلام عليكم لبنات

جاتني فكرة بمناسبة عيد الاضحى المبارك كلوحده ادا تقدر تحطلنا وصفة الي يطيبوها عندهم

انا راح نبدا بصح بدون صور ما نقدرش نحمل جهاز نتاعي راه خاسر


نهار الاول في الفطور و بعد شقاء كبير :1:ههههههه نشوو الكبدة مع البطاطا مقلية و السلطات المختفة
و مع العشية نطيبو بوزلوف و ندير نص ب نص شيخي يحب التشيشة بيه و لينا احنا نديره في الكوشة بلا بعد ما نقية و نغليه نسله من العظام نتاوعه و نقطعه و نكون وجدت لا صوص طمات و نفرغه عيله مع لي زبيس يجي علامو بنين بزاف

هاذا بالنسبة لنهار الاول

اااه النهار الزاوج ندير الطعام بالغروطة ما علاباليش ادا تعرفوها يعني الجهة اليمني من الكتف كل وحدة تعرف طيب الطعام و لا لا :19::19::19:
و الليل ندير الشربة و المحمر طاجين الحلو و السلاظه



خصني نعرف واش ديرو اخواتي هاكا نتبادلو الافكار


في انتظار اراءكم

[Maria dadi]

حتى انا ندير كيما انت بصح تاني نهار ندير غير الكسكس برك غداً والشواء
في العشاء عائلتي صغيرة

[فرح 97]

حنا نديرو في غداء النهار الاول الملفوف و هو يجي كبدة مشوية ملفوفة بالشحم و في العشاء نديرو شواء مع حميس

[ميساء ميساء]

في اليوم الاول في الغداء الكبدة مرات مشوية و مرات مشرملة و القلب و الطحال
في العشاء نطيبو المخ و الشواء
اليوم الثاني الكسكس بالكرايم و الكتف الايمن
في العشاء شواء و les cottes مقليين

كاين بزاف ليدير بوزلوف في اليوم الاول ياكلوه في المساء بصح حنا ما نديروهش


صح عيد الجميع تعيدو بالصحة و الهناء

[ام و ابنة]

موضوعك جميل اختي
حنا عندنا الغذاء اول يوم الشواء كبدة و قلب مع سلطة و بطاطا مقلية و لكن صرنا غالبا نعملو غراتان البطاطا نوجدوه الصباح هو و السلطة قبل ما يبدا الشقا و منبعد نزيدو غير الشواء و طبعا الحميس نوجدوه ليلة من قبل
بالنسبة للعشاء و اليوم الثاني على حسب الشهية و الرغبات يعني ماشي برنامج محدد كل عام يتبدل

[ام عبدو و ملاك]

بصحتكم واش تديرو انا راجلي و بنتي ما ياكلوش اللح نهار الاول تاع العيد نشوي ليا الكبدة و بنتي نشريلها لي سكالوب من قبل نشويلها معايا و راجلي نقليلو بطاطا و في العشاء نقلي لحم و النهار التاني ندير شخشوخة بالكتف

[nihal159]

السلام عليكم و رحمة الله وبركاته
النهار الأول الغداء شواء(بروشاث) مع بطاطا مقلية و سلطة و حميس، و العشاء نديرو العصبانة؛ و تاني يوم نقلي أو نشوي على حساب المطلوب

[ام و ابنة]

بمناسبة هاذ الموضوع لو ممكن يا بنات تعطونا اسهل و اضمن طريقة بش نشعلو النار و نديرو الجمر انا كل عام راجلي يتضارب بالسوايع مع الفحم و ليسانس و احيانا ما يشعلش خلاص و احيانا يشعل بصح بعد اكثر من ساعة او اثنين و الله نكره حاجة وسمها الشواء عالجمر غير من هذاك العذاب و الانتظاااار

[sandie belle]

هدا اول عيد اضحى ليا في دار راجلي و ما علاباليش واش يديرو :confused: :confused:
لكن في دارنا النهار الاول دير ماما كسكس تبعث لجيرانا لي مقابلينا و لي حدانا خاطركش ديما نبعثو دواقات لبعضانا :o او في حالة ما يجونا كاش ضياف في وقت الغداء باش يعيدو سيرتو الرجال لانو قليل وين يجونا نساوين في نهار العيد اما لصحاب الدار نكتفيو بالمقلي ( كرشة ,كبدة ,لي كوت....) و في الليل نشويو اللحم و نديرو معاه الفريت و الحميص و سلاطة و نهار ثاني عيد نديرو شخشوخة وفي اليل ااااا....ما شفيتش واش نديرو :p:mh93:

[omjoujou]

شوفي حبيبتي ام وابنة جيبي قطعة تاع الفحم حطيها فوق الطابونة تكون شاعلة اكيد و خلي االقطعة تاع الفحم تسخن مليح حتى تولي حمراء هزيها بلالوش ولا اي حاجة باه متتحرقيش و حطيها في الوسط تاع الشواية تاعك بعدما تكوني عمرتيها بالفحم و جبيبي سشوار تاعك و شعليه و ابداي ديري في الهواء البارد راهي ليه ليه تشعل ولا جيبي قطعة تاع كارتون و ابداي مروحي بقوة تاني ليه ليه تشعل الشواية تاعك
اذا مفهمتيش زيدي سقسي ولا نجي انا لعندك و نشعلك شوايتك ههههه

[ام و ابنة]

يعطيك الصحة عزيزتي دوك نكتب لك الاسئلة في الكوزينة بش ما تزعفش عليا صاحبة الموضوع

[oum imane83]

احنا ثاني نهار الاول للفطور المقلي الكبدة والقلب وكامل الدواخل.. سلاطةوفريت ولا اوملات برك ... لعشية نديرو عصبان الكرش ...

وغدوا ماشي شرط طعام كل واحد واش يحب .... واكيد فيها لحم مشوي ولا مقلي... سورطو 3 ايام الاولى ..

[~ أم عبد الرحمـن ~]

يعطيكم الصحة لبيااااااااااااات تامنوووو غادي تضحكو عليا نسيت باش نذكر شواء اللحم الي عليه كلشي راه صاري هههههههههههههههههه

احنا عادة راجلي كيما عادة دارنا ما نشووش اللحم نهار الاول نخلوه حتى النهار الزاوج يقولول باش اللحم ينشف ’’؟؟؟؟؟؟؟؟؟؟؟

جوايه 11 هكاك نديروه

ومن بعد الظهر كيما ذكرت ندير طعام الغروطة



بالنسة للاخت ام و ابنة كاين واحد الحجر ينتباعو عند الكانكايري يجو بيضينو كاري

يساعدو في الشواء تحطيهم في الشواية مع ليسانس و يشعلة بلخف الفحم نتاعة و ما تكرهيش لوووول

[أم فاطيمة]

انا نهار الاول الشوا كبدة و قلب و سلاطة و حريرة تكون بقات من صوم يوم عرفة
و ديسار و ليل دوارة نطيبوها بلصوص

[*فاتن*]

انا نهار اللول علي الغداء ندير كبدة نص مشرمل و نص ملفوف و نقلي القلب مع فربت و سلطة و حميس و العشاء يكون بقالي من الفطور و اليوم التاني حسب الرغبة و واش يحب زوجي
حبيت نسقسيكم كيفاش نقدر نشوي اللحم بدون شواية و فحم و يعطيني ذوق الشواء نوعا ما ؟ نتمني الي عندها طريقة تفيدني ببها لانو نحب شواء بصح منقدرش نشعل الفحم في الدار

[سرور2]

السلام عليكم موضوع مليح حنا دار شيخي هم ليذبحو في الغداءنديرومقلي بالكبدة ولفاد والقلب وكل مع بطاطا مقلية وسلايط والعشاء

طعام بلحم الكتف لانو العائلة كامل تكون مجمولة من الاولاد وزوجاتهم وبناتهم وازواجهم وفي الليل كل واحد في دارو

وفي الغد نروح لاهل الغداء مراقي وسلايط وفي الليل شخشوخة بلحم

[fadila34]

يسعد مساكم
حنا نهار العيد نديرو لغدا قليان تاع كبدة وقلب وكلوي وشلايطة وسلاطة ولعشا ندير الراس ولغدو كسكاس بلكتف غدا وعشا وصبحت العيد نشويو

[Manel The one]

Mrc khti 3la hadhi l'idée mais ana mazelni sghera hhh w mana9derche ntayebe mais na9der ngoule hadhi l'idée lmami mrc encore une foi

[fatisousou]

النها الاول في الفطور كيماانت لكن في الليل انطيب البكبوكة زوجي ميحبش البوزلوف اقول ادوخني اما النهار الثاني نشوي فقط مع فريت والسلاطة بماانن اسرة صغيرة صح عيدكم مسبقا

[~ أم عبد الرحمـن ~]

السلام عليكم موضوع مليح حنا دار شيخي هم ليذبحو في الغداءنديرومقلي بالكبدة ولفاد والقلب وكل مع بطاطا مقلية وسلايط والعشاء

طعام بلحم الكتف لانو العائلة كامل تكون مجمولة من الاولاد وزوجاتهم وبناتهم وازواجهم وفي الليل كل واحد في دارو

وفي الغد نروح لاهل الغداء مراقي وسلايط وفي الليل شخشوخة بلحم

يسعد مساكم
حنا نهار العيد نديرو لغدا قليان تاع كبدة وقلب وكلوي وشلايطة وسلاطة ولعشا ندير الراس ولغدو كسكاس بلكتف غدا وعشا وصبحت العيد نشويو

مرحبا بيكم لبناتتتت مرسي على الاراء نتاوعك صح عيدكم


mrc khti 3la hadhi l'idée mais ana mazelni sghera hhh w mana9derche ntayebe mais na9der ngoule hadhi l'idée lmami mrc encore une foi


ايهيا اختي اشبعي صغريا يا لالا نوصيك هههههههمعليش دوك يجي الوقت تغسلي الدوارة و البوزلوف ههههه ربي يخليلك يماك و تفرح بيك ان شاء الله

النها الاول في الفطور كيماانت لكن في الليل انطيب البكبوكة زوجي ميحبش البوزلوف اقول ادوخني اما النهار الثاني نشوي فقط مع فريت والسلاطة بماانن اسرة صغيرة صح عيدكم مسبقا

انا نهار اللول علي الغداء ندير كبدة نص مشرمل و نص ملفوف و نقلي القلب مع فربت و سلطة و حميس و العشاء يكون بقالي من الفطور و اليوم التاني حسب الرغبة و واش يحب زوجي
حبيت نسقسيكم كيفاش نقدر نشوي اللحم بدون شواية و فحم و يعطيني ذوق الشواء نوعا ما ؟ نتمني الي عندها طريقة تفيدني ببها لانو نحب شواء بصح منقدرش نشعل الفحم في الدار

علاش ما ديريش الفحم شواء افحم هو المخير و تجي البنة نتاعه روووعه
كاين طريقه اختي ديرها
تحط اللحم في بابي اليمنيوم و دخله الكوشة و تشعل من فوق بصح يدي الوقت بزاف بسكو راجلها و ولادها يا يبغوش الفحم جربي شوية قبل العيد و شوفي النتيجة

[arwa alaa]

السلام عليكم
انا نعيد عند عجوزتي مرا كبيرة متقدرش وحدها نشريو 2كباش متوسطين التعب نتاعهم في زوج يكرهني في اللحم وريحتو سلفي ميفترش حتى نذبحو ونشويولو شوية كبدة على السنة
ومبعد نديرو كمونية والعشاء نديرو عصبان
اليوم اثاني في الغداء كسكسي بلكتف الايمن والعشاء نشو الكتلات والنهار الثالث نحزو قشنى ونروحو لدار ويبدى التمرميط

[شمس الملوك]

أنا نهار العيد ندير لغدا قليان تاع كبدة وقلب وكلوي ولعشا يكون بقى من الغدا الغدوا نروح لدار يما ثم عجوزتي هما يديرو شخشوخة

[~ أم عبد الرحمـن ~]

شفتي اختي اروى تعب نتاعهم ينسيك في اللحم انا نسميه عيد العب و الشقا هههههههههه

الاخت شمس راه في قلبي الشخشوخة بصح حنا الغرب ما نديروهاش نتمنى تحطولنا لبنات الوصفة

[selma1979]

النهار الاول نديرو البكبوكة ونرولي المصارن على الكرشة طراف صغار يطيبو مع البكبوكة وفي العشاء بوزلوف.اما الهارالثاني تتلم العايلة نديرو كسكس او شخشوخة و الشوا طبعا و العشاء شواء وسلايط وفريت و صحة عيدكم افونس.