سلفي

[مشكلتي]

سلفي خطب بنت يقولو انها صغيره وشابه...وانا راني غيرانه ....قولولي واش ندير والله ماقصدي نغير ....الغيرة ماحبتش تتنحى

[مراد سابقا]

الحسد اول معصية في الأرض وفي السماء

ابليس كان طاووس السماء

وبسبب حسده خلد في النار ضل واضل الملايير التي ستدخل النار معه

[houssem zizou]

قال ابن القيم- رحمه الله - : :الغيرة نوعان: غيرة من الشيء و غيرة على الشيء، والغيرة من الشيء هي كراهة مزاحمته و مشاركته لك في محبوبك، والغيرة على الشيء هي شدَّة حرصك على المحبوب أن يفوز به غيرك أو يشاركك في الفوز به. اهـ (مدارج السالكين 3/36 ).

[طيور الجنان]

يا اختي علاه تغيري ياك ماهيش ضرتك كل وحدة و راجلها المهم تكوني نتي شابة في عين زوجك هذا هو الاساس.

[ManouraHilwa]

يا اختي شوفي انت مراة جد طبيعية وشجاعة لانك اعترفت كل او معظم النساء يغيرو والسبب انهم شكروها فوق حسابها ردي عليهم كالاتي قبل العرس اهتمي بالبشرة ديالك وشعرك وشوفي كيفاش تصرفي شوية على روحك بلبسات انيقة والاهم الي تلبقلك ماشي مهم تتماشي مع المودا شوفي واش يجي عليك خصوصا الالوان تعلمي صنع 3 او4 انواع قاطو شابين و3او4 اطباق بنان وعودي نفسك على الظرافة والطبع لانو مع الشقا والاولاد نفقدوهم هذي هي الصراحة واضهري امام اهل زوجك بانك لا تبالين بها لا تمدحيه ولا تذميها خليهم يتكلمو وحدهم واكثري الاستغفار وصلوات النوافل صدقيني ستشعرين ان الجميع تافهون والشيطان اغلبيه بالتسبيح والاستغفار ربي معاك

[امّ اياد]

حالي دائما تكوني الاجمل في نضر زوجك باخلاقك وتحفتك وطيابك ونشاله تكوني فور عليها بلاك تكون هي عقليتا مش مليحة وبلك متتفاهمش مع عزوجتك

[soso2014]

اختي راني حاسة بيك بصح صدقيني اغلبيها بالملاحة واللسان الحلو والواجبات المنزلية وتشوفي
تعيا العجوز تشكر فالجمال فالاخير تفضل لي تريحها المرا بذراعها وعقلها ماشي غير بوجهها

[rose de sable s]

ممكن يقول هكذا باه يغيروك
علي عكس ديرو روحك معلبلكش و كي تجي لعروس حاوي تعاملي معاها عادي

[baalache]

هدا الي يسموه الدين الضيق راكي خايفة راجلك يعاود الزواج و لا غايرة من مراة خوه والا مادا

[oumhadjer]

استغفري مولاك ما ينفع غير الصح الزين زين العقل ماشي بالصفة ربي معاك

[لينة نور]

السلام عليكم

يا لطيف من بعض الردود http://www.djelfa.info/vb/images/icons/15.gif افرحي أختي وازهي هذي ان شاء الله رايحة تكون أم ولاد عم ولادك

أدعي الله أن تكون فوق جمالها وصغر سنها امرأة صاااالحة وذات علم تشرف العائلة وتشرفك بتشريفها لأولادك من خلال تربيتها لأبنائها

يجب أن تغلبي هذه الغيرة الطبيعية ببعد النظر ، افتحي لها قلبك وأحبيها لا الجمال دائم ولا الصغر ...

أحذري من دخول الناس والشيطان بينكم ...أنت أخذت حقك كعروس اليوم جاء دورها وغدا ان شاء الله دور ابنتك ...هي الدنيا هكذا ..

أحسني اليها لعل الايام تدور وتحتاجين اليها ....

توفت أمي وتركتنا أطفال ولم أجد صدرا أحن بعدها علي من صدر زوجة عمي ، علمتني الكثير من الاشياء ...

وصدق من قال أحسن الى الناس تستعبد قلوبهم ....وأمي كانت امرأة صالحة ودودة رحمها الله .

واني على خطاها أحاول السير ...زوجة حماي أحسنتُ اليها قبل وبعد زواجها وما حصدت الى الخير

سبحان من جعل لها مكان في قلبي ،العام الماضي أشرفتْ على تدريس أحد أبنائي الرياضيات

فلم يكن معدله أقل من العشرين ...وان دل هذا فيدل على أمانتها واخلاصها وحبها لي وأبنائي

لقد وجدت الامان بيننا فكان الانسجام ، أوصيك أختاه أحبيها واظهري لها ذلك لا تكتمي مشاعرك ..

كوني طبيعية عفوية ، كوني بكل بساطة أنت ِ...فكري في المجتمع وكيف له أن يبنى ان لم نتكاتف

فكري في رسالة سيدنا محمد صل الله عليه وسلم الينا وكم تعب لتبليغها

الغيرة لن تجلب لك الا الهم وسوء الظن فكوني قوية واقضي عليها في مهدها

فان طغت وكانت لك قائدا سوف لن تذل غيرك ، كوني فطنة عزيزتي ..

أتمنى أن تنتصري على نفسك أختاه فليس لها عليك من سلطان ، اجتهدي في البحث عن الوسيلة

موفقة ،وحفلة عرس سعيدة ملؤها الحب أتمناها لكم جميييعا :)

[halouma tita]

هذا الشيطان يوسوس لك هكذا استغفر الله وديري في بالك
كل امرأة فوق الأرض هي جميـــــــــــــــــــــــــــلة
فقط تهلاي في روحك هدا مكان بدلي صبغة الشعر وديري une coupe جي عليك لبسي مليح
خلي روحك دايما شابة واياكي تبهدلي بعمرك خاصة قدام دار راجلك .....

[عفاف المنتدى]

لا تفتحي على نفسك ابواب لا تسد يا اختي خليك لاتيا في دارك و براجلك متخليش ابشيطان يخليلك دارك هذا كل من الشيطان

[سجل أنا جزائري]

هذا مزل ما شفتيهاش املا كي تدخل لدار وش يصرى !

هذا وين فهمت علاه ديما نساء السلاف دائما كالأعداء كل وحدة تحوس تبان هي الأجمل هي أهم هي من تملك سيد الرجال هي و هي ......

[لحن الحياة.]

الله يبعد علينا ان شاء الله
خلاص كيما قالك الاخ انتي تعرسنتي و فاتت دالتك ضرك جات دالتها


.
دائما اخر كنة تكون المدللة لانها زوجة المازوزي
لازم تتقبلي الامر الواقع

[khaled_dj05]

لا استطيع التعليق هنا
لاني مهما تكلمت ...

[abdallah1983]

اعرفي حاجة واحدة انه هذي حاجة طبيعية في المراة مي لازم متخليهاش تروح بيك بعيد ولزم تعرفي كيفاه تتحكمي فيها وهذا بطاعة ربي والقرب اليه

[ام سارة18]

علاش تغيري كيما انت كنت عروسة وصغيرة كل واحد يعيش عمرو العكس انت توريلها كيفاه يديروا عادات اهل زوجك وواش يحبوا وواش يكرهوا انت الشاف وديري روحك قيمة قدامهم كامل

[الصديق قروف]

اخطبي وحدة خير منها لراجلك

[خولة سكيكدة]

كبري عقلك أختي ولتكن لك شخصية وواثقة من نفسك لأنو لمرة لي تغير من غيرها غير الي تكون حاسة بالنقص من نفسها وهذا خطأ لأنو ربي سبحانو كل وحدة يمدلها سلاح قوة ويوجد في النهر ما لا يوجد في البحر اهتمي بزوجك وحاولي ان تسعديه وتجدبيه اليك اما ماغير ذلك في رايي كل وحدة راهي لراجلها هنالك مثل يعجبني يقول .: [size="5"]القبيحة تحسد الجميلة على جمالها والجميلة تحسد القبيحة على حظها

[sarl02]

الشيء الجميل في الامر هو ان موضوع الغيرة وخاصة بين زوجات الاخوة شائع بكثرة وبدرجات لكن القليل من النسوة من يقر بهذا الامر لهذا مدام انه كنت شجاعة وراكي عارفة المشكل الي فيك اكيد فيك الخير من جوانب اخرى وستتغلبين على هذا الامر يوما ما.وفقك الله.