مصدومة 2

[مشكلتي]

السلام عليكم انا صاحبة مشكلةhttp://www.djelfa.info/vb/showthread.php?t=1858075


اللهم اني استغفرك لا اله الا انت سبحانك اني كنت من الظالمين ا أولا اريد ان اشكر لكل من شارك في موضوع، لقد

صدمت ببعض تعليقات راني جيت نوضحلكم أمور فقط انا كتبت هذاموضوع في حالة غضب اسمحولي كل انسان يغلط

ما كنتش حابة نظلم هذا مخلوق انا عن نفسي كي قريت موضوع تاعي صدمت قلت واش داني نحكي هكذا ، رايحة

نرد على بعض تعليقات

-الى الاخت عفاف منتدى انا مانيش حاسدة حتى واحد عارف بلي كل شيء بالمكتوب انا عمري ما تمنيت شر للواحد

ولكن هم لراهم متكبرين عليا وديما ينفخوا رواحهم احنا حمدلله تزوجنا مقعدنش بايرين كيما نتي هذي كلمة للقستني

بزاف للدرجة خلتني نبكي

-الى الاخوة ليقولوا راني مادية : انا مانيش مادية ولكن حلمت بييت مستقر كاي بنت علاش هذي من مستحيلات انا ما

طلبتش حاجة مستحيلة ،مانيش حابة نعيش حياة كيما عاشتها امي في دار جدي ، طفلة لي تطلب سكنة قولوا عليها

مادية لا يا اخي

-الى الاختmaya ايه عندك حق ما كانش من مفروض نتكلم على هذا مخلوق بهدي بطريقة ولكن كنت حابة نوضحلكم

كيفاه راه داير برك هذي هي نيتي ، مشكللتي اني انسانة حساسة بزاف هدي هي نقطة ضعفي ،

انا خطبت اكثر من 5 خطرات ولكن مكتبش ربي ،يا مني يا منوا،،، اذا ما قبلتش بهذا خاطب مش رايح ترحمني ناس

بالهدرة ، راني في ضيقة ادعولي ربي يسهلي امري وشكرا للكل الاعضاء رايحة نأخذ بنصائحكم

[ibtihal18]

ربي يسهلك اختي ما تقلقيش روحك والله اللي كاتبلك تديه نقولها و نعاودها اذا شفتي روحك مش مرتاحة غير توقفي و ما تديريش اهمية للناس ماشي هوما اللي معيشين فيك و ارضاء الناس غاية لا تدرك ..................فالاخير اختي كثري الدعاء و صلي صلاة الاستخارة
اختي ما تتسرعيش هذي قضية حياة رح تكمليها مع انسان يعني خيري اللي يناسبك و تقدري تكملي حياتك معاه و انتي راضية
ربي يسهل اختي و ربي يفرج عليك

[بشـرى]

اختي هذي راهي حياة وعشرة عمر ، اذا مكيش مقتنعة بيه متقبليش بيه ، وربي يبعتلك ولد الحلال ، و ٢٦ سنة مكيش كبيرة باه تفقدي الأمل هكذا ، انا راني تقريبا في نفس عمرك وجاوني خطابة ومكتبش ربي ومزال عندي أمل أنو ربي رايح يبعتلي ولد حلال كما متمنيتو ، بصح متخليش حياتك تتمحور برك فالزواج، اشغلي روحك بحوايج خلاف ، ولا قدر الله ومتزوجتيش تموتي ؟ لازمك تتعلمي القناعة فالحياة هذي ، كل واحد وواش اعطاه ربي ، كاين تزوجو صغار وطلقو وعاشو المر ، وكاين تزوجو كبار وتزوجو رجال مشاء الله ، احمدي ربي ليل ونهار مجاتش في صحتك ، كاين الاف راهم يتمناو عيشتك وملقاوهاش ، لازمك تكوني قنوعة وتحمدي ربي على واش اعطاك ديما ، وربي ميظلم حتى عبد ، ديما شوفي للنعم اللي اعطاك ربي مشي للنقائص، وعمرك ما تقارني روحك بوحدة ، انا راني نصحتك كما قادرة ننصح اختي ولا صحبتي ، وربي يهنيك ان شاء الله ويهنينا اجمعين

[طيور الجنان]

استخيري و اكثري من الدعاء و ان شاء الله يجيبلك اللي فيه الخير

[ManouraHilwa]

استخيري وقد يستطيع ان يوفرلك سكنا وحياتا كريمة الله يجيب الخير وانت مازلت صغيرة

[soso2014]

اختي ادا كان راجل وعندو شخصية ماكان حتى مشكل
لكن اذا كان خماس كي قلتي والكلمة كلمة باباه ويماك اقعدي فداركم خير ليك
نصيحتي 26 عام مراكيش كبيرة وفايتك الزواج
استخيري اختي الخير امراة والشر امراة وربي يرزقك بولد الحلال

[AMINA.Z]

يا اختي هاذ الناس اللي خايفة ما يرحموكش
ما فادوك في حياتك من قبل و عمرهم و لا راح يفيدوك
هادي حياتك وحدك و ادا عندك احلام من حقك تتمناي تحققيها
اذا ماكيش راضية و فرحانة ما تكمليش
مازال الخير يستنى فيك
ربي يعينك و يوفقك

[مناد بوفلجة]

السلام عليكم

إذا كنت غير مقتنعة من حقك الرفض

لأن مرارة الندم صعبة جداااا قد تكون أكبر من كلام الناس

سواء قبلتي أو لم تقبلي ، فالناس سيتحدثون لأن لا شغل شاغلهم سوى المقاهي و القيل و القال

دعيك من كلام الناس و الحياة لا تنتهي عند خاطب

و بالتوفيق لك

[rose de sable s]

انا 32 سنة ماذا اقول ان كمن انت تقولين انك كبرتي
رغم انني وحمد لله تتوفر فيا كل شروط زوجة
و نحن 4 بنات غير متزوجات و ايضا كلام ناس لا يرحم و عينيهم ايضا
لكن ماذا نفعل يجب ان نومن بالقدر رغم انه صعيب في وقتنا لكن لا مفر من الله الا اليه
ممكن لي راك تشوفي فيه متزوج برجل غني و لاباس عليه لو تدهلي حياتها ستشتكب لك ما لا تتخيلي فلا تحكمي من مظاهر
الحل الوحيد استخيري الله و لا تقارني نفسك باحد

[couscousa]

أختي إذا ماكيش مقتنعه متقبليش هذا زواج ماشي لعبة الناس مش رايحين يسكنو معاك آنت ترفدي كلش وحدك المليحة والدونية ناس مش رايحين يفيدوك تقعدي عازبة خيرمن مطلقة

[couscousa]

السلام عليكم

إذا كنت غير مقتنعة من حقك الرفض

لأن مرارة الندم صعبة جداااا قد تكون أكبر من كلام الناس

سواء قبلتي أو لم تقبلي ، فالناس سيتحدثون لأن لا شغل شاغلهم سوى المقاهي و القيل و القال

دعيك من كلام الناس و الحياة لا تنتهي عند خاطب

و بالتوفيق لك
بارك الله فيك

[couscousa]

كيما جا هذا يجي غيرو

[عفاف المنتدى]

أولا أختي ربي يسهلك ويرزقك زوج ترضين به و يرضى بك ثانيا انا رديتلك على حساب الموضوع لي كتبتيه وطريقة كلامك على بنات عمك
انما بخصوص هدرة ناس كامل نسمعو فيها انا عمري مرة قتبي وحدة بايرة روحي تزوجي بطريقة زعما تاع تضحك في روحها ضحكت في وجها زقتلها مزلت نحب نعيش بصح وحدي بكيت ياخي ربي يرزقك ويرزق لبنات كامل استخيري الله لعله خيرا لك

[امبراطور البحر1]

من حقك ترفضي او تقبلي لكن نصححلك معلوماتك ان 80 بالمئة من الشباب لا يملكون سكن خاص

[YasWes]

حبيبتي انتي ما غلطتيش كي حكيتي ابدا يحس عونك وزيد اللي قالو عليك هاذ الشي راني نقولك ماراكيش غالطة فاللي حكيتيه والله سبحانو وتعالى يبغي المؤمن الفطن الكيس يعني انتي مالازم تخلي حتى حد يبروفيتي فيك وانا من جيهتي فهمتك وراني معاك فاللي قلتيه ربي يفرج عليك حبيبتي

[Zahra 30]

ربي يرزق بنات المسلمين رجال صالحين

[*سيرين نور عيني *]

حبيبتي واحد ماراح يعيشلك حياتك ماحبيتيهش قوليلو لالا ماتكسري راسك ماوالو و نهار يجي مكتوبك غير هو لي يديك
ربي يسهللك و يرزقك وليد الحلال لي يهنيك

[زهرة الحديقة]

ربي يفتحلك ويفرج عليك ويرزقك بالزوج الصالح لي تتمنيه .... يارب
.... موفقة

[نورهان*]

ربي يسهلك نشالله يا اختي

[sidali amazigh]

الله يسهل عليك

[nouri.tg]

غريبة الدنيا جدا و الله كثير ممن طلبن السكن المنفرد يرجع الرجل للبيت لا يجد الزوجة إما عند الأهل أو الأسواق و حجتها كرهت نقعد بين أربعة حيطان