*وصفات اكل للاطفال??????? [الأرشيف] - منتديات الجلفة لكل الجزائريين و العرب

مشاهدة النسخة كاملة : *وصفات اكل للاطفال???????

*سيرين نور عيني *

2015-08-31, 18:41

سلام حبيباتي لي عندها اولاد تعطيني افكار وصفات بنينة و يحبوها الاطفال و صحية ايضا بنتي عندها عام مااهيش تاكل كامل كرهتلي الماكلة ااعطوني الحل
راني نستنى الردود بش نديرلها وش تتعشى ربي يعطيكم ماتتمناو

نسيبة 2009

2015-08-31, 19:24

انا وليدي ما حبش ياكلي والله مانعرف واش نطبخلوا ان شاء الله الامهات الى هنا في المنتدى يعاونونا

fadila34

2015-08-31, 19:38

ربي يفرحكم بولادكم ويخليكم ليهم يا رب
انا ام لاربعة اطفال بصح الاصغر عندو 8سنوات شوفى تقدري دريلو حبة بطاطا وحبة جزر وطيبيهم فى المرق تاعكم باش يشربو البنا مع حبة فرماج
وكاينا تحطي قطرة ماء معدني فى طاوة كي يسخن كسرى بيضة او اثناين وحبة فرماج وحركي مليح يعني تقليهم فى الماء

*سيرين نور عيني *

2015-08-31, 19:52

انا وليدي ما حبش ياكلي والله مانعرف واش نطبخلوا ان شاء الله الامهات الى هنا في المنتدى يعاونونا
ان شاء الله يا حنونة

ربي يفرحكم بولادكم ويخليكم ليهم يا رب
انا ام لاربعة اطفال بصح الاصغر عندو 8سنوات شوفى تقدري دريلو حبة بطاطا وحبة جزر وطيبيهم فى المرق تاعكم باش يشربو البنا مع حبة فرماج
وكاينا تحطي قطرة ماء معدني فى طاوة كي يسخن كسرى بيضة او اثناين وحبة فرماج وحركي مليح يعني تقليهم فى الماء

بارك الله فيك دوك نجربلها البيض وكشما تتفكري زيدي قوليلي

في انتظار باقي الامهات

Simassim

2015-08-31, 20:03

اختي تقدري تسلقي الخضر تاعك فالملء والتوم يابسة وقطعيها شرائح. وحطيهم في بلا تاع الزاجاح مع الفرماح ودخلها للفرن باش يدوب الفرماج
ديري شوي بصلة وشوي طماطم وتوم مع شوي زيت او زبدة يتقلاو عل نار هادية مع شوي ومرقي بالماء تقدر تزيد عليها لحم مفروم وتمرقي بالما
تزيد معاها ماقارونة رقيقة او شربة فارميسال او ارز. او كسكسي رقيق او بطاطا او سباقيتي تقطعيه تقدر تخليها تنشف وتزيد معاها بيض

حاول تدخلها منكهات.طبيعية. كرافس. معدنوس زنجبيل. قللييييييل برك. حت توالف

تقدر تدير الخضر مع مرق تاعكم ماتكونش حارة

*سيرين نور عيني *

2015-08-31, 20:42

merci simassim hanouna 9atlk serine merci tata

*سيرين نور عيني *

2015-08-31, 21:31

thank you very much

karimkari

2015-09-01, 20:01

احسن حاجة الاكل يكون طبيعي

ماريا.م

2015-09-02, 16:19

هاكي هذي الوصفة الساهلة واللي يحبوها الاولاد:
فرميسال بالحليب:
ديري في كسرونة كاس ماء وكي يغلي ديريلو نصف كاس تقريبا فرميسال, غطيها وخليها تطيب
كي تشرب الماء فرغيلها الحليب وخليه يغلي شوية ثم طفي عليه وضيفي قطعة زبدة وخليها تذوب
ان شاء الله تعجب بنتك

*سيرين نور عيني *

2015-09-03, 13:41

شكرااااااااااا البنات ربي يحفضلكم اولادكم

*بنت الاسلام*

2015-09-05, 21:41

Javais le meme probleme avec mon fils il a maintenant 5anslah yahafdah
la seule chose li kanete mrayhatni c la soupe tu met tout les legumesde saison mea krafas chwia maadnous un peu de sel et de leau wfi nos tyab tu rajoute de poulet ke le blanc sans os ou bien de viande hachee mine ytébou tu mixe tout avec le mixeur tji bnina bezaf
wela makanche wajdak lahm tdiri haba bayd fayda w tmikxiha mea leslegume
welah bnina
inchalah thabha benyek ana wlidi gaad yakolha jusqu'a l'age de 3ans mé konte alèze lakhatarch yakole gae leslegume de la saison plus les fruits en compote ntae dar biensur

*بنت الاسلام*

2015-09-06, 22:20

يبدا الطفل أكل اللحم على 12شهر على حساب طبيب وليديpediatre de mon fis

جوهرة الغرب.

2015-09-08, 11:03

بارك الله فيكن

karimkari

2015-09-08, 11:29

الماسة النادرة

2015-09-11, 00:59

ممكن اسم نوع السمك وهل ياكل الجاج

السيدة سارة

2015-09-25, 08:45

بعذ 5 شهور يكون تنوع غذائي كامل

ام اسماء82

2015-09-25, 22:31

نقدر نفيدكم ببعض الوصفات تحكمي اربع حبات كابوية في شوية تع ماء وزيدي حبة بطاطا ملح كي يطيب نحي الماء ادا بقى وميكسييه بالفرماج شاف حبة وادا خص الماء زيديلو و الثانية القرعة الحمراء اي البوتيرون مع حبة بطاطا وزوج زرودية وطرف فرماج ومكسييه و الصفة الثالثة عصيدة تع السميد تقلي السميد تاخدي زوج مغارف كبار في كاس ماء يغلي والملح كي ينشف شوية زيدي شوية حليب والفرماج الوصفة الرابعة زرودية بطاطة وطرف اسكالوب او دجاج ورحييه الوصفة الخامسة حبة بطاطا او زوج والكبدة تع الدجاج زوج ورحييهم مع شوية ملح

أم عبد الله ياسين2

2015-09-26, 18:15

اختي بارك الله فيك على الموضوع انا تان كنت حابة نفتح موضوع على تغذية الأطفال الرضع اول الشيء ننصحك بالخضر تبداي كل خضر وحدها بعد ذلك تخلطي مثلا قرعة(جريوات) بطاطة ، زرودية ، لوبية ماشتو ، سلق ، كرافس معدنوس حبيبة ثوم ، البورو ( المنطقة البيضاء فقط) بعد الشهر الثامن اعطيلو روز مرحي مع حبة فروماج ، ديري عصيدة بالمرمز و رحيها ديري شوية سكيد تاع القمح مع الماء و كي يولي عاقد نحيه مع مرة على مرة فواكهمرة كومبوت مرة رابيهم ( ابشريهم) هذا واش قدرت نتفكر كي نتفكر نزيد نكتبلك ، سلام

المتيمة باولادها

2015-09-28, 16:46

الله يبارك

السيدة سارة

2015-09-28, 18:37

لدي طفل لذيه اربعة اشهر هل استطيع تقديم له اللحم
لحم الخروف

malak rohi

2015-09-29, 11:24

الله يبارك شابة بزاف

ام طه14

2015-09-30, 14:04

لدي طفل لذيه اربعة اشهر هل استطيع تقديم له اللحم
لحم الخروف

لا يا اختي مازال صغير بزااااااااااف خليه لا قدرتي حتى 6 اشهر وابدايلو. انا طفلي بديتلو في 5 اشهر درتلو الخضر - جزر -كوسة- تفاح- ابدايلو بكل نوع وحدو غليه في الماء و ميكسيه ملييييييييح

*سيرين نور عيني *

2015-10-02, 21:19

بارك الله فيكن عل الردود شكراااااااااا

عاشقة مجنونة

2015-10-05, 03:47

طفل كى يحب ياكل ياكل بخاطرو و ما يخلي والو و كي ميحبش يا لو كان تقتبيه هههههههههه

أم رقية نسرين

2015-10-06, 19:51

ام سيرين راكي هنا

يعطيهم الصحة وصفات متنوعة بصح للأسف انا بنتي ما ينفعوش معاها
ربي يحفظلنا ولادنا