كيف احضر نفسي للدهاب

[lover4ever]

خاوتي عندي ليسانس خلصت هادا العام وبعد عناء طويل مع الجامعة :1:
حاب نسقسيكم فقط كي نروح واش ندي معاي القش بش نوجد الكابا ديالي وشحال المبلغ المالي لي نديه معاي
وكيفاش نوجد روحي للسفر وربي يجازيكم

[bncoom]

قبل الذهاب ان شاء الله ماتنساش صلاتك والدعاء و القضاء مع الاهل قدر الامكان
وجد معاك كابا متوسطة الحجم
تحتوي على غطاء صيفي خفيف اما الوسادة يمدوها من عندهم زيد ملعقة وكاس حديدي صغير
ملابس داخلية 2 من كل لباس
2 البسة رياضية خفيفة و قندورة متنساوهاش معاها صلايا
كلاكيت + رازوار تاع حلاقة من غير هدو متديش معاك حوايج حادين لانهم ينحوهملكم ويدوهم كالمقص و مقص الاظافر
الاكل لي يحب يدي قاطو لانو كي تكون لتم ميخلوكمش تروحو ل foyer لي يتكيف يدي الدخان و شما
بالنسبة للهاتفكاينين ثكنات يسمحو بالهاتف
ادي معاك هاتفين واحد ادفعو ولاخر الى قدرت تخبيه خبيه
ماتنساوش باه تنحيو الروتين اديو كتب مطالعة خاصة القرآن الكريم والكتب الدينية وغيرها
على حسب علمي هدا وش كاين ان نسيت اي شيء مدا بيكم تزيدو تفيدونا

بالاضافة الى ما ذكره الاخ هذاا ما نصحني به احد اصدقائي لتعم الفائدة جميع الاخوة


ادي معاك ساك توالات(2 معجون الاسنان. 2 فرشات الاسنان. 2ديدورن.2صابون كبير.1 شابوان كبير.كاسة.خزم.مشطة تاع الراس)+منشفة+مغرف+كاس+2 دراوات+مقص اضافر خبيه في جيبك ماشي في الكابة لأنها سوف تفتش+بشماق هذا الرسمي عندك لاتنساه+قش النوم+الملابس الداخلية بكثرة وماتكثرش القش سيفيل لأنك تستعمل الكومبا كل الاوقات+ادي معاك 2 اوموا راك تحتاجهم باه تغسل قشك+ادي معاك الدواء تاع الزدرة والكرش والراس

[lover4ever]

والدراهم شحال نهز معاي

[محمد مهندس]

سلام عليكم انا بعثوني للاغواط كاش معلومات عليها الطبيب مليح ؟؟؟؟؟؟؟

[bncoom]

حسب لمشقة خو لعندك مشقة راك تحتاج شوي بزاف لمعندكش ادي 3000 بزايد

[miloud069]

السلام عليكم باغي نسكسيكم انا داير طقم أسنان فيه إحتمال نرجع . انا قالولي لي مركب أسنان يرجعوه إذا كان واحد عندو فكرة يشرحنا ويخبرنا علاه يرفضو ه .

[محفوظ البسكري]

سلام عليكم انا بعثوني للاغواط كاش معلومات عليها الطبيب مليح ؟؟؟؟؟؟؟

سلا خويا انا كنت في لغواط جانفي 2015
المدرسة التطبيقية للدفاع المضاد للطيران الاغواط
طالب ضابط احتياطي
كاين
طبيبة ههههههه ناس ملاح وتضحك مش كيما البقية تحسبلك كتلة الجسم وتحكم الملفا تالطبية و الطبيب الاخر مافتش ليه
وكاين طبيب عيون اخر لكني ايضا شفناه غير من بعيد

المهم الا كان عندك ملف طبي تفوت الى الفحص المضاد

[مـــاهـــر]

محفوظ البسكري
----
الفحص المضاد لازم ديروو وين بعثوك برك ؟

[محفوظ البسكري]

محفوظ البسكري
----
الفحص المضاد لازم ديروو وين بعثوك برك ؟

الفحص المضاد لم طبيب الثكنة مايقبلكش او يكتب لك inapt
سوف يأخذوكم للمستشفى العسكري الخاص ب الناحية العسكرية التي انت موجود فيها
انا ناحية عسكرية 4 اغواط روحنا لورقلة

نعم لازم دير الفحص المضاد احنا كنا في 190 واحد 120 روحو و 70 بقاو ثما لكن اغلبيتهم روحو
لانه في الاغواط قالونا احتما 90 بالمية اللي يروح للمستشفى العسكري يعفى

[miloud069]

السلام عليكم باغي نسكسيكم انا داير طقم أسنان فيه إحتمال نرجع . انا قالولي لي مركب أسنان يرجعوه إذا كان واحد عندو فكرة يشرحنا ويخبرنا علاه يرفضو ه

[men24]

السلام عليكم باغي نسكسيكم انا داير طقم أسنان فيه إحتمال نرجع . انا قالولي لي مركب أسنان يرجعوه إذا كان واحد عندو فكرة يشرحنا ويخبرنا علاه يرفضو ه


كان وأحد معايا جا فرماش بدون لاباراي تاع سنان أخذ اعفاء