لم اجد زوجة مناسبة

[مشكلتي]

السلام عليكم ورحمة الله وبركاته

لم اجد زوجة مناسبة ، تخيلو عام كامل ابحث لم اجد من تتناسبني

علما ان شروطي تكمن في الاخلاق والتدين وتاريخ نظيف مشرف فقط

كرهت من البحث حتى اني فقدت الامل بصراحة

مع العلم ان لدي سكن مستقل وعمل مستقر والناس تشهد ع حسن اخلاقي

اعينوني جزاكم الله خيرا

[عفاف المنتدى]

مازال مكتوبك يا اخي اطلب من امك واخوتتك يبحثون لك ...رزقنا وإياكم الزواج الصالح

[seridz]

المنتدى راه معمر ببنات الفاميليا حل عينيك برك خويا

[ahmed 31]

راك مازال في أول الطريق، عام هذا تقدر تحسبو Stage ،
أرواح إنضم إلى إخوتك المجاهدين، ستجد فينا منا له 3 و 4 و حتى 5 سنوات بحث،
لا تيأس و نونسوا بعضانا.
الله يسهل أخي.

[الأمين®]

كثرت المواضيع التي تشكو من هذا الأمر أظنه الموضوع الخامس الذي أقرءه في مدة شهر لو أن إشراف المنتدى يجدون طريقة شرعية لكانوا سبب زواج كثيرين ههه

ربي يفرج عليك و علينا ما تقلقش روحك راك في بداية الطريق برك ههه الناس 3 سنين و أكثر و هي تبحث

[baalache]

تقريبا رانا في نفس الظروف بصح انا فتك بعام اقدمية ههههههههههههههههههههههه

[ahmed 31]

تقريبا رانا في نفس الظروف بصح انا فتك بعام اقدمية ههههههههههههههههههههههه

يتسما رانا كيفكيف و لكن أنا راني دخلت في 3 من الشهر الماضي. :1:

[ahmed 31]

كثرت المواضيع التي تشكو من هذا الأمر أظنه الموضوع الخامس الذي أقرءه

ربي يفرج عليك و علينا ما تقلقش روحك راك في بداية الطريق برك ههه الناس 3 سنين و أكثر و هي تبحث


نعم يا أخي هذا راه مشكل كبيييييييييييييييييييييييير يعاني منه أغلبية الشباب.
رانا غي مانهدروش و ساكتين و السلام، :mh31:
و ربي يفرج على كل واحد.

[Kawthar77]

انعدام التقة هي لي رها مخوفتكم من هدا الوقت لي رانا عايشينه والله يلطف لكن أوصيكم قبل ما تعرفوا البنت سألوا على والديها وخاصة الام تم الام ولي كاتبه ربي سبحانه توصلواه وتعيشوه شئتم ام ابيتم والله المستعان

[ahmed 31]

انعدام التقة هي لي رها مخوفتكم من هدا الوقت لي رانا عايشينه والله يلطف لكن أوصيكم قبل ما تعرفوا البنت سألوا على والديها وخاصة الام تم الام ولي كاتبه ربي سبحانه توصلواه وتعيشوه شئتم ام ابيتم والله المستعان

أوافقك الرأي تماما، لا يوجد ثقة،
و اكمنبت الحسن للبنت يلعب دور كبــــــــــــــــــــير جدا،
كيما يقولوا : شوف مرأة صالحة و سقسيها لا عندها بنت إتكل على ربي.
الله يجيب الخير.

[Romeisaa]

الصبر والتوكل على الله والبحث ، وكي ربي يكتبلك حاجة واحد ميوخرها ، التقوى وكثرة الدعاء ، ان شاء الله ربنا يفرج على كل مؤمن

[عفاف المنتدى]

صدقوني قريت الردود متت بالضحك وانا لي كنت حاسبه غير لبنت لي تعاني ههههه ربي يرزفكم ويرزقنا وخاصة رد الأخ الأمين

[حسنات21]

ربي يرزقك بالزوجة الصالحة

[جزائرية بافتخار]

والله يا اخي راني حايرة
مافهمتش وين المشكل البنات حابة تتزوج والرجال ثاني ؟؟؟؟؟؟؟؟؟؟؟؟؟؟؟؟؟؟؟؟

عندي اقتراح علاه مانديروش قسم اخر في المنتدى نسموه النصف الثاني ونعملو خاصية اخفاء العضوية مثل مشكلتي وكل عضو يدير مواصفات الزوجة او الزوج اللي حابها

ماعرفتش وين ندير هذا الاقتراح راهو جاء وقتو
للاعضاء اللى حابين ينتقدو اقتراحي نقولهم اني

ما عندي حتى نية من هذا الاقتراح غير التيسير والله يشهد على هذا
ربي يبعثلك الزوجة الصالحة اخي اللي تحفظك و تصون بيتك
كان مالقيتيش راني هنا نسنا فيك هههههههههههههه
ربي يوفقك

[- بصمة خير -]

الله ييسر امورك و يرزقك الزوجة الصالحة
كما راك حاب انت
و تكون لها زوج صالح كما راهي حابة هي

[كنوز البحار]

السلام عليكم ورحمة الله وبركاته

لم اجد زوجة مناسبة ، تخيلو عام كامل ابحث لم اجد من تتناسبني

علما ان شروطي تكمن في الاخلاق والتدين وتاريخ نظيف مشرف فقط

كرهت من البحث حتى اني فقدت الامل بصراحة

مع العلم ان لدي سكن مستقل وعمل مستقر والناس تشهد ع حسن اخلاقي

اعينوني جزاكم الله خيرا

اخي حبيت نعاونك و نتواصل معك على الخاص لكن عدد مشاركاتي لايسمح ..اذا امكن ابعثلي وسيلة اتصال في رسالة خاصة و ساعينك..من فرج على مؤمن فرج الله عليه و الدال على الخير كفاعله و ربي يوفقك نشالله

[minaflower]

ربي يرزقك بالزوجة الصالحة و يرزقنا بالزوج الصالح

[FATIHA131]

ربي يسهلك و تصيب بنت حلال لي تفرحك ان شاءالله

[بشـرى]

قال الدكتور عمر عبد الكافي
في زمن الصحابة سهلوا الحلال فأصبح الحرام صعبآ في زمننا صعبوا الحلال فأصبح الحرام سهلآ

[نجود اكرام]

الصبر والتوكل على الله والبحث ، وكي ربي يكتبلك حاجة واحد ميوخرها ، التقوى وكثرة الدعاء ، ان شاء الله ربنا يفرج على كل مؤمن


السلام عليكم
استمر في البحث و ستجد الزوجة التي تناسبك ان شاء الله و اكثر من الدعاء
و ان شاء الله ربي يرزقك بالزوجة الصالحة التي تتمناها أنت و كل من يريد الستر في الحلال يا رب

[أم سلوى]

نعرف بنات نظاف ومستورات. لا يخرجن ولا يردن علي اي رقم خارج نطاق العائلة و لكن السن اكثر من 35سنة ...من القبائل الصغرى..