~~كيكة جذع الشجرة~~

[*أم ثازيري*]

السلام عليكن
نقلت كم اليوم وصفة جذع الشجرة لي دارت حالة في المجموعات الفايسبوكية و شكر موصول لصاحبة الوصفة الأصلية بالرغم أني مانعرفهاش ههههه
نحط الصور بالوحدة بسبب النت
المقادير :
4 بيضات
1/4 كاس حليب
1/2 كاس زيت
3/4 سكر عادي
ملعقة صغيرة خميرة كيميائية
فاني
قشور برتقال او ليمون (اختياري)
3/4 فرينة
كيفية التحضير :
شعلي الفرن من فوق و خليه يسخن
ضربي البيض و السكر جييييييدا حتان يتضاعف الخليط و يبياض
اضيفي الحليب و خلطي و زيدي الفرينة و الخميرة و الفاني و القشور و ضربي مليح
اضيفي الزيت و ضربي
جيبي المول نتاعك لي تحبي ديري فيه المهم مايكونش كبير بزاف لاه ماتجيكش هابطه بزاف
غلفي قاع البلاطو بورق الزبدة و ادهني الحواف جيدا بالزيت و ذرذري الفرينة
ديري طبقة رقيييييييقة من الخليط في البلاطو و وزعيها مليييييح
دخليها تطيب على نار متوسطة ماتقويش للنار باه ماتتنفخش
خلي الطبقة تحمار ملييييح و تأخذ اللون جيدا من بعد اجبدي البلاطو و زيدي طبقة من الخليط نكون رقيييييقة و وزعيها على الطبقة لي طابت و حمارت
وهكذا كملي بهاد الطريقة حتان تكملي الخليط كاااامل
التزيين :
تقدري ديري شونتيي طلعيها بالما البارد او الحليب ( فكرة اختي ام ياسر ربي يجازيها )
او تقدري ديري كيما درت انا
ذوبت زوج باطات شكولاطة
كي ذابت ملييييح زدتلها باط نتاع كريم ديسار شكولاطة ( دانيت او ديالنا) و خلطي جيييييدا و زيني بيها الكيكة

http://www.m5zn.com/newuploads/2015/08/30/jpg//22d2f527d76c031.jpg

http://www.m5zn.com/newuploads/2015/08/30/jpg//d832254b3cbea00.jpg

http://www.m5zn.com/newuploads/2015/08/30/jpg//017801c7f142046.jpg

http://www.m5zn.com/newuploads/2015/08/30/jpg//3a9eaeaa7c45b26.jpg

http://www.m5zn.com/newuploads/2015/08/30/jpg//8b7386bef560358.jpg

http://www.m5zn.com/newuploads/2015/08/30/jpg//ef05eb4dfb121b6.jpg

http://www.m5zn.com/newuploads/2015/08/30/jpg//308654ba3c81df2.jpg

http://www.m5zn.com/newuploads/2015/08/30/jpg//8ac3a54daac79de.jpg

http://www.m5zn.com/newuploads/2015/08/30/jpg//0111b195b09bfeb.jpg

http://www.m5zn.com/newuploads/2015/08/30/jpg//cd31d2a832359ee.jpg

http://www.m5zn.com/newuploads/2015/08/30/jpg//08dc7f0f90f4bd2.jpg

http://www.m5zn.com/newuploads/2015/08/30/jpg//22d2f527d76c031.jpg

http://www.m5zn.com/newuploads/2015/08/30/jpg//7e8ea2a7f3df50e.jpg

[اعجوبة الحياة]

واااااااااااااااااااااااو ابدعت:19::19::19:

[0ibtissam]

يعطيك الصحة روعة

[redpearl77]

راني جربتها هايلة

[sabine 1988]

صح راني وين ما ندخل للفايس بوك نلقاها حتى كرهتها قبل ما نجربها

[أم ياسين الزهراء]

روووووووووووووووووووووعة

[*أم ثازيري*]

صح راني وين ما ندخل للفايس بوك نلقاها حتى كرهتها قبل ما نجربها

علاه اختي تكرهي نعمة ربي؟! وصفة ناجحة و بنينة و اقتصادية جربوها الناس عجبتهم
عاااادي ماكان حتى مشكل

[ياربي اني راضية]

يعطيك الصحة وصفاتك داءما متالقة ومبدعة بليز حطيلنا الوصفة

[أثيلة]

اين الوصفة رأيت الصور فقط؟

[أثيلة]

ظهرت الوصفة الآن شكرا لك

[محبة ديمة]

مشكوورة أختاه على الوصفة شاهدتها كثييرـآ في الفيس ولكن لم أجربها بعد
لو سمحتي كم قطر *المول*
وشكرـآ

[ام الهضاب]

يعطيك الصحة بتيلا فكرة جديدة رووووعة
عيشك منين تجربي حوايج ناجحين اتفكري خياتك في المنتدى هههههه
و في ميزان الحسنات ان شاء الله

[أم محمد تاج]

الله يعطيك الصحة باتي وييينك يا مصيبة والتارت فكرة هايلة وجديييدة تسلمي

[*أم ثازيري*]

مشكوورة أختاه على الوصفة شاهدتها كثييرـآ في الفيس ولكن لم أجربها بعد
لو سمحتي كم قطر *المول*
وشكرـآ

كي نلقى المسطرة نقيسلك اختي
و كون تصيبي ديريه في مول اصغر من نتاعي تجيك عالية خير
نتاعي جات متوسطة الارتفاع

[*أم ثازيري*]

الله يعطيك الصحة باتي وييينك يا مصيبة والتارت فكرة هايلة وجديييدة تسلمي

اهلًا
راني في الف ا ي س ب و ك
افتتحنا مدرسة لتعليم الطبخ فيها اجواء رااااااااايعة
راهم لبنات كامل معايا
سرقتهملكم ههههه

[*أم ثازيري*]

يعطيك الصحة بتيلا فكرة جديدة رووووعة
عيشك منين تجربي حوايج ناجحين اتفكري خياتك في المنتدى هههههه
و في ميزان الحسنات ان شاء الله

و الله متفكرتكم و راني ندخل للمنتدى على جال وجوه عزيزة كيما وجهك
عندي وصفات جديدة ان شاء الله نحطهم في القريب العاجل
عندي عداوة مع المنتدى ههههه يهبل ني في الصور
مانجي نحط موضوع حتى نعرق ميات من مرة
انا نوجدو و هو يرووووووح

[ريتاج تيارتية]

وااااااااه حتى انا عجبتني بزاااااااااااااااااااااااااف كنت معولة اليوم نجربها راهي دايرة حالة في الفايس
يعطيك الصحة

[fati13]

44444444444444444444444444

[اسمهان79]

ابدعتي حبيبتي
بارك الله فيكي
أحلى تقييييييييييم

[سعاذ]

السلام عليكم
بييلا فرينة 3/4 كيلة برك فرينة

[ام احمد اسامة]

تسلم اياديك

[الرجاء الاماني المجد]

يعطيك الصحة نجربها

[ام امير واية]

تشكرين اختي ام ثازيري اللي حطيتي الوصفة وتطبيقك ليها في المنتدى لتعم الفائدة هي صح عاملة حالة في الفيس بووك ولما لا في منتدى الجلفة ايضاا كنت رايحة نجربها لانها وصفة جديدة وسهلة ايضا ولكن المول اللي عندى كبير للاسف ...واكيد راح نجربها في القريب العاجل ..يعطيك الصحة ويحفظلك ثازيري يااااا رب.

[*فاتن*]

يعطيك الصحة خرجتلك هايلة مشاء الله .
عندي استفسار برك .الكوشة شعلتيها من الفوق برك ؟

[miri_27]

بارك الله فيك باتي وبصحتكم وربي يدوم النعم صح شابة وخفيفة وبنينة

[دالياتي]

السلام عليكم
بارك الله فيك أختي أم ثيزيري على الوصفة راني حابة نجربها إن شاء الله
تعيشي ما فهمتش الكيل تاع الفرينة ، تعيشي معليش تفهميني

[اسماء47]

شكرا ام ثازيري خرجتلك تحفة
ان شاء الله نجربها

[غزة غزة]

بارك الله فيك الفووور يشعل غير من فووق وزيد الطبقة الاولى ما تتحرقش ومن فضلك اذا مافيهاش ازعاج وسمها مدرسة الطبخ تاعك فالفايسبوك

[ام دارين]

متالقة دائما كعادتك
مشكورة حبيبتي
باذن الله غدوة نجربها ونردلك الخبر راهي عجبتني وبنتها نحس بيها في فمي
ننتظر جديدك لا تحرمينا منه

[طهراوي ياسين]

الله يعطيك الصحة


شكراااا

[أنواار الإيماان]

اهلا باتيلا كي راكي وكي ارهي ثازيري
الكيكة امممممممممم تهبل رااااااااائعة
تعيشي حنونة كي تصيبي وصفات ناجحين وهايلين نورينا بيهم الله ينورك حبيبتي

[*سماح 94*]

راهي مدايرة حاااااااالة في الفايسبوك اليوم ان شاء الله نجربها ههههه

[asma alaa]

thabel ya3tek saha

[طالبة الجامعة]

44444444444444444444444444444444444444444444444444 444444

[aquicha]

ما شاء الله عليك اختى تسلمى على الشرح المفصل وعلى تبسيطك لخطوات العمل جعلها الله فى ميزان حسناتك مشكوووووووووووووورة

[Oum Ziko]

hayla

merci bcp

[ام صابرين]

44444444444444444444444444

[ام سراج وملاك]

مشكورة على الوصفة اختي يعطيك الصحة

[زهرة الريف*]

بارك الله فيك اختي وصفاتك كلها رائعة ويعجبوني وجيبي جديد يعطيك الصحة

[amoune198750]

يعطيكم الصحة جربتها والله روعة راهي دايرة حالة صح.ام ثازيري زيدني معاكم لو تفضلت في قروب الطبخ شكرااااااااااااااا

[khadidja50]

روووووووووووعة

[oumlouli]

بارك الله فيكى

[mina924]

راني جربتها وجات روعة تعرفي اختي عندي وقت ملي شفتها على الفيس راها دايرة حالة لكن تعرفي راكي شجعتينى وجات هايلة يعطيك الصحة

[مرام 92]

بارك الهه فيك قوليلي تشعلي عليها غير من الفوق

[لينا2013]

يعطيك الصحة اختي ام ثازيري جاتك روعة , جربتها اختي بصح مفهمتش علاه جاتني معجنة و ثقيلة
تعيشي اختي افيدني بغيت نزيد نعاودها بصح خفت تجيني معجنة و كي نشوف الزملاء جربوها و جات ربي بارك مليحة نسخف عليها
يعطيك الصحة

[oumzaid]

يعطيك الصحة علي الفكرة نجربها ان شاء الله شكرا44444444444

[بقلاوة]

هاذي الكيكة ما تجيش ناشفة؟؟ على خاطر مش مشربة بالشاربات، و نقدرو نقسموها على اتنين و نحشوها ام لا ؟؟؟

[chahrazed yakhlef]

يعطيك الصحة اختي لكن عندي استفسار في الكيكات عموما نخليو الفرينة اخر حاجة انتي خليتي الزيت اخر حاجة وضفتي الفرينة في الاول اريد معرفة السبب والتاثير

[nawelg1]

.صح راهي عاملة هالة في الفيس بوك لكن ماجربتهاش لكن كي حطيتوها في أفضل منتدى عندى راه نجربها لخاطر نثيق غير في الفحلات تاعو شكرا حبيباتي:19:

[nadia.nana]

واش قصتها الحلوة هدي راها دايرة حالا

[أم عبيد]

جزاك الله خيرا

[دائمة الحمد]

كالعادة متالقة بمواضيعك ام ثازيري تسلم الايادي

[انامل]

[QUOTE=*أم ثازيري*;3994207635][SIZE="5"][FONT="Amiri"]السلام عليكن
نقلت كم اليوم وصفة جذع الشجرة لي دارت حالة في المجموعات الفايسبوكية و شكر موصول لصاحبة الوصفة الأصلية بالرغم أني مانعرفهاش ههههه



لمن يهمها الامر . هذه هي الوصفة الاصلية لكعكة الشجرة ذات الاصل الالماني

Tree Cake

Baum kuchen هذا اسمها بالالمانية وتعني كعكة الشجرة


https://www.djelfa.info/watch?v=3IOlA4hlvQk

وهذا رابط اخر

https://www.youtube.com/watch?v=LswTsebwJBo

[nada nina14]

:19:شكرا على الوصفة

[شمس بريكة]

دارت حالة صح في الفيسبوك وقالو لي ما دارتش كيكة الشجرة ماهيش فحلة هههه يعطيك الصحة

[mimi jojo]

لي يعرف قاطو التاج يكتبولي بلييز

[ام سهام 02]

متالقة دوما حبيبتي ام ثازيري يعطيك الصحة

[chez biba]

يعطيك الصحة ام ثازيري هااااايلة كالعادة

[*أم ثازيري*]

السلام عليكم
بييلا فرينة 3/4 كيلة برك فرينة

آيه تجي العجينة نتاعها جارية شوي ماشي عاقدة بزاف

[*أم ثازيري*]

هاذي الكيكة ما تجيش ناشفة؟؟ على خاطر مش مشربة بالشاربات، و نقدرو نقسموها على اتنين و نحشوها ام لا ؟؟؟

شوفي الصورة ضرك تبانلك بلي راهي طرية و تبان مسقية تهبببببببل
ماهيش ناشفة اختي
و تقدري تحشيها بشرائح التفاح و تكملي طيبي

[*أم ثازيري*]

بارك الهه فيك قوليلي تشعلي عليها غير من الفوق
ايه طيب غير من الفوق
يعطيك الصحة اختي ام ثازيري جاتك روعة , جربتها اختي بصح مفهمتش علاه جاتني معجنة و ثقيلة
تعيشي اختي افيدني بغيت نزيد نعاودها بصح خفت تجيني معجنة و كي نشوف الزملاء جربوها و جات ربي بارك مليحة نسخف عليها
يعطيك الصحة

اختي بلاك خشنتي لي كووووش
هي لازم الطبقات يكونو رقااااااق و طيبي على نار هادئة و لازم السطح يحمار ملييييييييييييييح
ماتقويش عليها النار سي نو يزرب السطح يتحمر و من داخل تبقى معجنة و ماتنشفش
ماتقسميهاش حتان تبرد ملييييييييييح لانو اذا قسمتيها سخونة تعجن

[chahinez chocho]

روووووووووووعة

[*أم ثازيري*]

يعطيك الصحة خرجتلك هايلة مشاء الله .
عندي استفسار برك .الكوشة شعلتيها من الفوق برك ؟
ايه من فوق برك و تكون هاااااااادية
تشكرين اختي ام ثازيري اللي حطيتي الوصفة وتطبيقك ليها في المنتدى لتعم الفائدة هي صح عاملة حالة في الفيس بووك ولما لا في منتدى الجلفة ايضاا كنت رايحة نجربها لانها وصفة جديدة وسهلة ايضا ولكن المول اللي عندى كبير للاسف ...واكيد راح نجربها في القريب العاجل ..يعطيك الصحة ويحفظلك ثازيري يااااا رب.

جربي في اي مول ماشي شرط يكون دائري
حتى المربع و المستطيل تصلح فيهم عااااااادي
المهم فرشي ورق الزبدة

السلام عليكم
بارك الله فيك أختي أم ثيزيري على الوصفة راني حابة نجربها إن شاء الله
تعيشي ما فهمتش الكيل تاع الفرينة ، تعيشي معليش تفهميني
3/4 يعني كاس غير شوي
الكاس نتاعك تقسميه الى اربع أقسام بعينك فقط
عمري ثلاث أقسام منو و يبقى قسم فارغ
هادي هي ثلاثة أرباع يعني ثلاثة من أصل اربعة
بارك الله فيك الفووور يشعل غير من فووق وزيد الطبقة الاولى ما تتحرقش ومن فضلك اذا مافيهاش ازعاج وسمها مدرسة الطبخ تاعك فالفايسبوك
لالا اختي ماتتحرقش المهم ماتقويش النار
المدرسة كملنا التسجيل فيها راهي سوية ضرك و بدينا الدروس
اذا حبيتي انظمي الى ساكنين في لاكويزين
مجموعة فيها بنات المنتدى للطبخ

[fati13]

444444444444444444444444444444444

[nawelg1]

اليوم تشجعت وجربتها وللامانة ماجاتنيش مليحة طرية بزاف وكانها ناقصة طياب.

[luna mery]

:19: باينة تشهي

[أم أنفال 80]

السلام عليكم البارح جربتها و جات ماشاء الله شكرا حبيبتي على الوصفة

[♫ همـسة أمـل ♥]

مممممممممممممم سلمت يــدآك
تبــآآن بنينة بزآف
*.*

[جزائرية 16]

الله يبارك

[zouzou99]

يعطيك الصحة روعة

[أم إناس]

يعطيك الصحه باتي صحه راه ديره حاله الوصفة بصحتك

[آسيا 27]

رائعة وشكلها بعد التقطيع يشبه لكيك الكريب
الله يعطيك الصحة

[ام حسن ضياء]

يعطيك الصحة تبان بنينة

[wardanour]

يعطيك ألف عافية

[دالياتي]

السلام عليكم ورحمة الله وبركاته
بارك الله فيك أختي تعيشي حبيت نجرب الوصفة ولكن عندي استفسار صغير إذا أمكن
كيفاش يجي الذوق تاعها ، يعني هل هي طرية أو مفرمشة ، وجزاك الله خيرا

[دالياتي]

وعندي سؤال آ خر فيما يخص معلوماتي الشخصية أنا أنثى ولكن يكتب لي ذكر حاولت تعديلها ،لكن لم أستطع ممكن تساعدوووووووووووووووني

[ام احمد اسامة]

هايلة شكرًا جزيلا

[idron0]

جزاك الله خيرا

[marambest]

انا لقيتها بزاف في الفايس بوك وجربتها وجات فعلالالا هايلة روووعة
يعطيك الصحة

[اولادي نور عيوني]

راااااااااااااااااااااااااااااااااااااااااااائعة
جربتها و عجبت اولادي
امي عملتلي زيارة و ضاقت منها عجبتها و دات حتى الوصفة باش ديرها هي ثاني:19:
شكرااااااااااااااااااااااااااا

[لصمتي حكاية.]

و الله جربتهاو جاتني هايلة يعطيك الصحة

[x ام رحاب x]

تسلمي على الوصفة والله تبان هايلة بصح توحشناك في الكوزينة وين راكي مخبية علينا طلي علينا ولو لحضة حبيبتي ماتقطعيناش

[ندى العيون]

الله يعطيييييييك العاافية
خرجتلك رووعة
وراهي مدايرة حالة ف الفيس والمنتديااات
تسلم الايااااااااااااااااااااادي اختي

[رحمة 20]

merciiiiiiiiiiiiiiiiiiii

[touta2010]

ممممممممممممممم روعة يسلم دوك اليدين

[سارة يعرب]

حتى انا وين ماندخل نشوفها في الفايسبوك وين مانشوفها يحفزوني باه نجربها خرجتك حطة

[ام ساجد]

هايلة باتي يعطيك الصحة

راي عاملة حالة في الناس ههههه

بصحتكم حنونة

[ام ساجد]

وعندي سؤال آ خر فيما يخص معلوماتي الشخصية أنا أنثى ولكن يكتب لي ذكر حاولت تعديلها ،لكن لم أستطع ممكن تساعدوووووووووووووووني
اختي لازم تتصلي بالادارة راكي باين غلطي في التسجيل ودرتي ذكر

وكاين اقسام ما تقدريش تدخليلها كي تكوني ذكر

[الزوجة البارة]

ربي يعطيك ما تتمناي تهبل راح نجربها بربي

[ghorba]

تشبه كيكة بريق الامل الي راني مدمنة عليها وتاعك ان شاء الله نجربها

http://www.djelfa.info/vb/showthread.php?t=1208979

[ritaj toja]

روعة تسلمي

[ورود الجزائرية]

مشكورة أختي جاري التجريب قبل العيد الكبير ان شاء الله

[ام رويدة]

راااائعة
بااارك الله فيك

[oum fadoua]

السلام عليكم

هذي كيكة الشجرة جات بنينة و خفيفة

http://store1.up-00.com/2015-09/1442767177085.jpg:19:

[lraounak]

يعطيك الصحة ما شاء الله وشكرا مرة اخرى

[zinaa83]

شكرااا روعة

[قوت]

يعطيك الصحة وصفة ساهلة وبنينة

[اميمة44]

انا ما جربتهاش اعطيت الوصفة لاختي جربتها قالتلي جات هايلة شكرااااااااااااااااااااااااااااااااااااااااااااااا اااا

[hab12456]

روعة روعةروعة روعة

[ghagha]

44444444444444444444444444444444444444444444444444 4444444444

[Sidra Seba]

يعطيك الصحة كنت شفتها في الفايس بوك خرجتلك هايلة

[الفراشة الزرقاء 1]

الله يبارك فيك اختي 44444👒

[ماريا.م]

يعطيك الصحة اختي
نجربها ان شاء الله ونرجعلك الخبر

[SOULEFO]

شكرا جزيلا

[شقراء]

يعطيك الصحة راه تبان شكل جديد شكرا

[malake1967]

http://files.fatakat.com/2010/3/1267437437.gif


و
https://encrypted-tbn3.google.com/images?q=tbn:ANd9GcQWtIpDHbhVA7PDml8C8mmJLOeSANTnB WhUo6lgCgNxqFXrBibXaw

[Wiam Baghiani]

جزاك الله خيرا

[selma81]

روعة روعة روعة انت دوما ودمت دوما متالقة

[program skytells]

رووووووووووووووووووووووعة روووووووووووووووووووووعة

[نور اليقين1824]

بارك الله فيك تشهي و ان شاء الله نجربها

[La reine Nour]

سلمت اناملك و يعطيك الصحة

[اشرقت نفسي]

ما شاء الله رووووووووووووووووعة روووعة

[ام عبودة م]

بارك الله فيك على الوصفة
الف شكر

[jawada22]

http://www.3rbz.com/uploads/81703a01f8136.gif

[ام ايمان16]

يعطيك الصحة

[sali kanouza]

بارك الله فيييك