ادخلن على وجه ربي

[ام نسرين34]

:sdf::sdf::sdf:

سلام حبوباتي وين راكم يا لحراير الفحلات عاااااونوني بمودالات قاطو تاع صباح العروسة تعيشو كشما جديييد شحال سنيوة تدي معاها و تاني المودالات و ادا تدي شخشوخة ................افيدوني سريعا ربي يحفطكم خاصة الخبيرات في الاعراس راني نستنا فيييكم يا الغاليات هيا لي عندها فكرة معلومة اي حاجة تقولي عليها سلااااااااااااااام :mh31:

[sabine 1988]

احنا في بسكرة العرايس يدو ا تقربا 7 انواع و كاين اللي يدوا اكتر اهمها البقلاوة و المخبز لازم يكونوا و الباقي ينوعو مابين قاطو شكولا واخرين معسلين وقاطو ما يطيبش و الشخشوخة تاني لازمة في منطقتنا و تبقى كل وحدوة ومقدورها

[maya1991]

احنا عندنا في بوسعادة تدي قصعة تاع رفيس وتدي انواع بزاف قاطوا منها قلب كحلوش بقلاوة وجلجلانية وانواع اخرى ( وتدي معها البيض مسلوق للعائلة فقط بعد ما يروحوا ضياف )

[raboha]

تقريبا نفس العادات ندو سنيوات الحلويات فقط مكاش شخشوخة ولا رفيس
حنا ندو سنيوات بزاف كيما أنا في عرسي عندو ثمان سنوات ديت تسعة سنيوات ما بين بقلاوة و قاطو الفاكية
و الباقي ما بين ناشف و تاع شيكولا و المعسل
مع سلة تاع المخلط مكسرات و حلوى وتمر هذي لازم ندوها
و ثان هدايا لأهل العريس ميش حاجة كبيرة مثلاً خمارات و صابون أو حسب المقدور تاعك

[mon poupon]

كل واحد و مقدوره اختي

اذا من الشرق انت او العروس لازم شخشوخة

و ثلاث انواع قاطو و كائن اللي يدي 4 5 6 انواع كل واحدة و مقدورها

أنا في عرس اختي
خمس انواع قاطو و شخشوخة و مكسرات مخلوطة و القهوة و الحليب و طراشن و قازوز هذااللي تفكرت

انواع القاطو
بقلاوة عرايش مشكلة قاطو بالشوكولاتة ، مقروط و القاطو الأخير ماشفيتش عليه على ما اضن مقروط اللوز او لمخبز

[oumhadjer]

انا من تيبازة ديت معايا العرايش التشاراك المطلي المخبز بالجوز محبس تاع المقروط المعسل مقروط اللوز القريوش سلة الفاكهة باللوز البقلاوة البغرير الطمينة بياس مونتي العصير القهوة السكر الحليب الشاي النعناع الزبدةو العسل للبغرير الحلوى باش يحزموني

[ام نسرين34]

مشكورات حباباتي حبيت نسقسيكم المقروط ندوه معسل او لا
و البقلاوة نقطعوها والا ندوها في سنيوة

[ikhlasse25]

تدي معاها 4 انواع من الحلويات ونعملوهم فيبواطات

[سرور2]

اكيد اختي المقروط معسل وفي لكيسات والبقلاوة كذالك

ربي يهني العروسةان شاء الله

[05Mayssem]

سلام المقروظ معسل والبقلاوة نديوها مقطعة واحنا نديرو الشخشوخة والفواكه والمشروبات و5انواع القاطو والسرفيات نتاع الشخشوخة سرفيات نتاع القاطو ونديو قهوة وحليب وربي يسهل لجميع العرائس. وكل واحد ومقدورو.

[قطر_الندى]

صح تقريبا كيف كيف