مشكله محرجه مع زوجي

[مشكلتي]

عندي مشكله وياريت ماتضحكوش عليا ....انا مليت من طيايع زوجي في الماكله هو ياكل بسرعه وبشراهة شحال من مره فهمتو وقتلو بسياسه عليك كول غير بالعقل وماحبش يفهم طريقتو في الاكل مقززه ياكل بدون مضغ مرات ياكل الحوت بشوكو مرات يبسق في الاكل (في العنب والبطيخ مثلا ياكل العنب ويرمي البدور في الطاوله يعني يرميه وانا اكل ...عمري في حياتي ولاشفت واحد ياكل كيفو ...مره كنت اكل وحدي لاني اشمئز من اكلو ولكن ماقدرتش ماتجينيش الماكله وحدي ...ارجو منكم المساعده لاني كي نشكي ونقوله كول بالعقل عليك يحبس الماكله ويزعف ....بليز عاونوني (سرعته في الاكل تقلقني حتى الجيعان ومايديرش كيفو )

[AyOuB0587]

عنده الشراهة ما شاء الله
إن كان من الأشخاص الذين يطالعون فحاولي إفادته بورقة تحوي:
- ضرورة الالتزام بآداب الطعام المعروفة في السنة (سنة النبي صلى الله عليه ولم).
- نصائح حول مضار الأكل بسرعة
- ضرورة الالتزام بالإتيكيت أو بروتوكولات الأكل المعروفة.

[nihal159]

السلام عليكم و رحمة الله و بركاته
ما تزعفيش أختي بصح والله غير ضحكتيني، طريقة أكل معظم الرجال فيها نوع من السرعة وقلة لباقة؛ لكن ياختي ما تحرجيهش بكثرة التعليقات، والله مالقيت مانقولك ربي يوفقك إن شاء الله.

[ahmed 31]

السلام عليكم و رحمة الله و بركاته
ما تزعفيش أختي بصح والله غير ضحكتيني، طريقة أكل معظم الرجال فيها نوع من السرعة وقلة لباقة؛ لكن ياختي ما تحرجيهش بكثرة التعليقات، والله مالقيت مانقولك ربي يوفقك إن شاء الله.

أستسمحك ولكن أرى القليل جدا من الرجال من يأكل بهذه الطريقة،
على صاحبة الموضوع أن تستعمل معه النصيحة بالتي هي أحسن و تختار الوقت المناسب و ليس أثناء الأكل، لأنه في غالب الأحيان يكون متعود على هذه الطريقة منذ الصغر فمن الصعب تغيير هذه العادة بين ليلة و ض'حاها.
ربي يوفقك و ماتتقلقيش، ساعفيه.
سلام.

[مــحــمــد]

يجب أن يخضع لجلسات العلاج السلوكي أو العلاج المعرفي عند المختص في العلاج النفسي

[123boutheina]

حاولي انتي تتفاهمي معاه على يومين فالاسبوع تاكلوا فيهم الا بالشوكه والسكين بعذر تغير الروتين وتجنبي التصريح كـ طريقتك فالاكل
معجبتنيش وغيرها وياريت تختاري الايام الي ميكونش تعبان فيها ولا خدام حتى يقدر يلتزم شويا

لكن هيئي انتي الجو المناسب الشبيه بجو المطاعم
" يعني اهتمي بديكور المايده والاكل "
"ومتنسايش تخلي مظهرك رسمي شويا شعرك مكياجك لبسك "

حاولي الاكل فالبدايه يكون مقطع وجاهز يعني يهز بالشوكه وعلى معدته طول

وتدرجي حتى توصلي لمرحله السكينه

ومع نهايه كل عشاء حاولي تكثري المدح " طريقتك فالاكل عجبتني , اليوم حسيتك شخص غير ... الخ "

واقترحي سعات انكم تتعشاو برا

ومع ذلك حاولي تتقبلي المليح والقبيح وشاركيه شراهته "مثل ما كاين ايام اتيكيت كاين ايام شراهه " حتى يقدر يلتزم شويا


ربي يوفقك

[- بصمة خير -]

الرجال لا يتقبل النصيحة الا اذا هو طلب ذلك
حابة يبطل الاكل بسرعة
اهدري معاه على اساس راكي متحيرة على صحتو
شوفي مقال في الانترنت على الاكل بسرعة و قوليلو اقراه و شوف
و لكن لا تتوقعي التغيير بسرعة
و على الاشمئزاز
اذا تحوسيه يبدل طريقة اكلو
لامازلمش تقلقي منو على الاقل تظاهري ماكيش متقلقة من طريقة اكلو
اهم حاجة باش الراجل يتبدل هذا اذا رايح يتبدل
هو التقبل
الراجل ما يتبدلش صراحة
ماتعافيهش
و الا كما تشوفيه يدير ديري كيفوا
بضحك راكي تضحكي معاه
مش تتمسخري بيه
و ادعي ربي يسخرلك زوجك

[baalache]

اعكسيها قولي لو راك تاكل غير بالعقل خف شوية

[houssem zizou]

هذه ليست مشكلة أصلا شوفي إلى من هم أكثر منك مشاكلا و احمدي الله و ارضي بهذا
الأكل بشراهة صفة لمعظم الرجال فقط الصبر

[nihal159]

يجب أن يخضع لجلسات العلاج السلوكي أو العلاج المعرفي عند المختص في العلاج النفسي


السلام عليكم و رحمة الله و بركاته
نحن في الجزائر إذا راك ناسي، مجرد أنك تذكر قدام أي واحد كلمة طبيب نفسي ما نقولكش كيفاه رد فعله نخليك وحدك تكشفها:cool::rolleyes:

[& تسنيم &]

السلام عليكم
اختي العزيزة هوني عليك ، تعاملي مع السلوك على انه امر عادي ستتعودين عليه المشكل فيك يعني لما تاكلي مع زوجك انسايه ماتبقايش تعسي فيه من شب على شيء شاب عليه هو تربى على السلوك لن يغير منه مهما حاولت معه بل على العكس ستصنعين مشكلا في حياتك الزوجية من امر تافه
تصوري لو ان زوجك مرض واصبح لا قدر الله معاقا هل تتخلين عنه.
خليه في حاله ياكل كيما يعرف وانساي الحالة وحاولي تتعايشي مع الوضع ، انا افهمك المراة تتعود على اختها و والدها بطباع معينة تتمنى ان تراها في زوجها لكن ربي سبحانه اخلق وفرق.
الحل الوحيد انكما تتناولان الاكل مقابل التلفاز ، صدقيني ستنسبن كل شيء وعوض ما تركزي مع المخلوق ركزي في حاجة اخرى ..
ربي يهنيك و يوفقك ويريح بالك.

[الصديق قروف]

ربي يهديه اناني
صوريه اذاقدرتي ولا ديري كيفو باش يعرف كيفاش راكي تعاني

الي يقول معضم ارجال هكاك نقولو راك غالط او الذي يقول عادي راه كيفو ههههههه

[AMINA.Z]

جربي كي يبدا ياكل ابقاي مشوكيا و ما تاكليش و كي يسقسيك قولو ماش هاك الناس تاكل انا مرتك و تشوكيت كيفاه الناس برا
قولو المائدة و عندها اداب
غدوا هاك تعلم ولادك ياكلو !!!
ربي يعينك

[doua arij]

يا اختي تاقلمي مع الوضع ولا تتعاملي معه كمشكلة بل ربما طبعه في الاكل هكذا

[seridz]

متزعفيش مني اختي لكن مقدرتش نمسك نفسي من الضحك طريقة سردك للموضع ضحكتني
شوفي اختي واضح انكم متزوجين حديثا صح كاين هذا النوع من الرجال ياكل بهذا الطريقة و مادام استعملتي معاه النصيحة و مخدمتش انا نقولك خليها للوقت و دوك تتوالفي مكلتو يا حصراه الزمان طايل و تولي بالنسبة ليك عادي و ممكن جدا انتي تاني تولي تاكلي كيفو . اختي الزواج هو انك تتقبلي الطرف الاخر بسلبياتو اذا قدرتي تغير من السلبيات فاللهم بارك مقدرتيش اتقبليه كيما راه

[khawla_eleulma]

انا يا اختي يبانلي مكان حتى مشكل في راجلك الرجال معظمهم ياكلو بهذيك الطريقة ومتظليش تنكدي عليه وقت الاكل اذا حبيتي تنصحيه اختاري وقت يكون فيه هادئ اتجنبي وقت الاكل

[أم أماني أريج]

أختي إذا كان زوجك طيوب و حنون معاك و عندو غير هذا المشكل كي تشوفيه ياكل بشراهة حاولي تتذكري ايجابياتو باش يرتاح قلبك و حاولي تفهميه أن الأكل بسرعة راهو مؤذي صحيا بدون ما تبينيلو أنك انزعجتي منو على خاطر انزعاجك في وجهو رايح يؤذي مشاعرو .....و إذا ما قدرتيش تغيريه حاولي تتقبليه كيما راهو و مع الطول رايحة توالفي طباعو ...
ربي يحفظكم لبعضاكم ...........آمين ..........

[sarl02]

اذا تبغيه ابغيه ب.....كيما اقول المثل الشعبي ..اذا ما كانش الراجل على طبيعته وتلقائي في بيته وين حبيتيه اكون هكذا؟؟المشكل ذا كان ياكل بهذه الطريقة خارج بيته هنا من حقك اتخمي عليه ...وانت واش قلقك يرحم والديك ياكل الحوت بشوكو ولا الجاج بعضمو ياخي هو راه ياكل ماشي انت ..ما عجبكش الحال هزي البلا تاعك وروحي كولي وحدك وخليه اعيش اللحظة ياكل ويتمتع كيما احب.وديجا هذاك هو الشارم تاع عفوية التصرفات بين الزوجين ...ولا انصحك بالنق عليه كثيرا في هذا الموضوع لانو راح يكرهك واتولي تشتاقي لايام اكل الحوت بيه بشوكو .

[عفاف المنتدى]

ادا متقبلش النصيحة واش عندك ديري خليه براحتو وخلاص

[الأمين®]

أولا ماتجبديلوش هاد الهدرة و هو ياكل راكي تسمطيهالوا

ثانيا كما قال الإخوة أغلب الرجال يأكلون بتلك الطريقة إلا القليل النادر و هؤلاء نمازحهم دائما بأنهم منظمون كأنهم بنات ههه

كما تقول العرب : كل كالرجال و عب كالجمال ههه