شكون راجلها ولا خطيبها دركي

[مشكلتي]

سلام عليكم
أنا عندي مشكل يؤرقني خطيبي دركي ويحكي معايا في الهاتف لكن مرات يقولي عندنا خدمة ويقعد سمانة ميعيط ميهز عليا بصح انا نتوسوس نقول بلاك كره مني
بغيت نسقسي لي تعرف دركي كاينة منها يغيبو مرات كامل ولا

[nihal159]

السلام عليكم و رحمة الله و بركاته
ألي نعرفو أنو الخدمة تاع الدرك ماش دائما في المكتب يعني يخدمو برا كثر من الخدمة في المكتب و ممكن حتى لو كمّل الخدمة تكون الساعة متأخرة أو هو تعبان بزاف ما يقدرش يحكي معاك كل يوم.
ما ديري والو في بالك إن شاء الله ما يكون غيرالخير وربي يوفقك .

[om taki bacha]

اذا كان في ولاية صحراوية اظن انه يقول الحقيقة وان شاء الله مايكون غير الخير
ربي يجمعكم في اقرب وقت
واكثري من الاستغفار

[وجدان الخواطر~]

نعم زوج اختي نقيب في الدرك و رغم ان عمله كله في المكتب الا انه يغيب احيانا لمدة اسبوع او اكثر للعمل في المناطق الصحراوية و التي غالبا ما تكون عند الحدود .... و زيدي تأكدي

[mooon]

سلام عليكم
أنا عندي مشكل يؤرقني خطيبي دركي ويحكي معايا في الهاتف لكن مرات يقولي عندنا خدمة ويقعد سمانة ميعيط ميهز عليا بصح انا نتوسوس نقول بلاك كره مني
بغيت نسقسي لي تعرف دركي كاينة منها يغيبو مرات كامل ولا

واش راح نقولك عجز اللسان عن التعبير
أحسني النية ولا تتركي مجال ل الشيطان

بالتوفيق

[رقة زمان]

خليه يتوحشك:1:

[houssem zizou]

يا أختي أنا ننصحك ما تحكيش مع خطيبك قبل من العقد الشرعي (الفاتحة)
هذه الدين تعنا يقول هك لأنك أجنبية عليه الصبر فقط (و من يتق الله يجعل له مخرجا)
و زد على ذلك بالطبع يكره منك لماذا؟
لأنه إعتادك و ألفك فأصبحت و كأنك زوجته مسبقا و هذا ليس جيد
أما إذا انتظرت و صبرت حتان و رى الفاتحة و العرس يكون أولى و أحرى أن يجمع بينكما بمودة و رحمة
لاحظت الأمر ليس سواء قبل الزواج و بعد الزواج

[الصديق قروف]

متخفيش كي يكره او يقولك
كي يعود يخدم بلاك ميقدرش يهدر معاك
بلاك كي تعودي مرتو ثم يفضو الحكايات و يشبع منك ويكرهك عكس الي ميحكيوش فتليفون

[primpram]

اختى ماتحكي معاه ماتقعدي تشكي فيه
بعد العقد اختى
واذا كان فيه شك ادعي ربي يبعدو عليك

[aminazy]

السلام عليكم
صراحة اختي انت التي تعرف المشكله وهي من حديثه معك .............ربي يسهل وما تخليش شيطان يدخل بيناتكم

[abdelka22]

الدركي ممنوع عليه إستعمال الهاتف أثناء الخدمة إلا في أوقات الراحة ..فعمل الدركي ليس له توقيت محدد .

[الفاتحة]

بلاك راهو يخون فيك ولا عندو وحدة أخرى ولا فيه حاجة مش نورمال زيدي سقسي عليه مليح وخطيك منو