نزيدكم سر اخر على البغرير

[Oum Habouba]

السلام عليكم حبيباتي أنا اول حاجة تعلمتها كان البغرير كان يجيني ساهل من قبل كان السميد وحده يخرجلك البغرير شباب بلا عفايس لا والو. منقبل في دارناكنت ندير الخليط ونصفيه في الكسكاس واللي تبقى اللي نسموها العروسة والي يطيح منه هو البغرير كانت ماما تغسل المقلا تنشفها ثم تحميها ثم توخرها من النار وتحكها بالصابون الطرف ننننننننعععععععممممم هداك اللي ما عندهش الريحة وتمسحها بقماش شوية مندي يتنقى ثم ضيفي الخليط. و طريقتي الان كي نطيب البغرير ندير السميد وشوية فقط فرينة وخماره الخبز وندير الماء الدافئ على حساب الكمية ثم نخلطه بla main اي البرا او هاند بلاندر كي يطحن كل شيء ونتحصل على القوام المطلوب نجيب ساشي خمارة قاطو ونعاود نميكسي نخليه يخمر ثم نخلطه وعاود يطّلع ونخلطه هنا نوجد المقلا دايرتها سبيسيال ليه ونحط يخرج مثقب وخفيف. لازم المرة الثانية نتاع التخمار ماتكونش طويلة كما الاولى يعني الوقت الي توجدي المقلة بهذي الطريقة عمره ما خسرلي مهما كان نوع السميد رقيق او خشين

[Amani Madridista]

سلام يعطيك الصحة .. نعم الخمارة تاع القاطو ما لازمش تطول على خاطر يروح مفعولها

مشكوووورة

[omo marwane]

مشكورة اختي طريقتي هي نفس طريقتك الاختلاف هو انا نخلط بيدي والخمارة نتاع القاطو نخلطها مع حبة بيض ثم نضيفها للخليط ونطيبو في الطجين نتاع الفخار وصح تمسحو بصابون الحجرة ثم بورق المطبخ ميلسقليش تماما ويجيني مثقب و هايل

[Oum Habouba]

سلام يعطيك الصحة .. نعم الخمارة تاع القاطو ما لازمش تطول على خاطر يروح مفعولها

مشكوووورة

شكرًا أسعدني مرورك

[Oum Habouba]

مشكورة اختي طريقتي هي نفس طريقتك الاختلاف هو انا نخلط بيدي والخمارة نتاع القاطو نخلطها مع حبة بيض ثم نضيفها للخليط ونطيبو في الطجين نتاع الفخار وصح تمسحو بصابون الحجرة ثم بورق المطبخ ميلسقليش تماما ويجيني مثقب و هايل

شكرًا اختي انا نحبه لانه اقتصادي جربي طريقتي بلا بيض أكيد راح تنجحلك موفقة :19:

[kheira lab]

مشكورة اختي

[idron0]

جزاك الله خيرا

[imane khaled]

شكرا لكن ورونا هذا الصابون كيفاه داير

[Oum Habouba]

شكرا لكن ورونا هذا الصابون كيفاه داير

اختي هو الصابون الطرف نتاع بكري نغسلو بيه الحوايج او الوجه لونه يكون عسلي او بني مش كيما الأن راهم يديروله المعطرات
كاين الي يقولو صابون الحجرة او الصابون البلدي على أقوال المغاربة

[Oum Habouba]

جزاك الله خيرا

شكرا على مرورك شرفتيني

[imane khaled]

اختي هو الصابون الطرف نتاع بكري نغسلو بيه الحوايج او الوجه لونه يكون عسلي او بني مش كيما الأن راهم يديروله المعطرات
كاين الي يقولو صابون الحجرة او الصابون البلدي على أقوال المغاربة

اوكي شكرا على الرد

[سلمى فراس]

رووووووووووووووووووووووووعة

[Oum Habouba]

رووووووووووووووووووووووووعة

سلمى انت الأروع شكرااااااا

[جوهرة الإيمان31]

http://cdn.top4top.net/i_dc257346de4.gif
السلام عليكم

مشكورة أختي
يعطيك العافيـة

في أمـان الله
http://cdn.top4top.net/i_dc257346de4.gif

[قطر_الندى]

شكرا ليك على الوصفة السرية

[raboha]

مشكورة و يعطيك الصحة
و صح الصابون حنا ثان نديروه و البغرير تاعي الحمد لله يصدقلي
كنت نعركو كيما الكسرة و نبدا نزيد الماء و نعرك حتى نطلقو قاع و يخرج يهبل