انا نروح ندفن روحي بالحياة ونتهنا....

[souhil sisou]

سامحوني خاوتي على هاد العنوان مي كيما يقولو ضاقت عليا بزاف والله غير كرهت بطالة ...خدمة وطنية ...و كلام الناس..شوماج..
والله غير مالقيت واش ندير راني نموت ب detail في هاد البلاد حتى لانام عامين وانا نجري عليها و مالقيتش ..حتى فالبريفي و ماكاش و ادا لقيت يقولولك تسويتك اتجاه الخدمة الوطنية هاته الاخيرة كرهتلي حياتي ماهمومش باعتيلي.....والله غير عييت و عييت والديا معايا
مانيش قادر نزيد نكتب.......
سلااااااااااااااااااااام

[pomaria_aindefla]

سجل في التكوين المهني تعلم حرفة واضافة عن ذلك تستطيع ان تاخد شهادة مدرسية لتسوية وضعت تجاه الخدمة الوطنية

[أم عاكف ( الأم المعلمة )]

ربي يكون في عونك يا ولدي
تفاءل بالخير تجده ان شاء الله ربي يفرج عليك

[♥ياسمين عاشقة العلم♥]

ياعمو استغفر الله .........لاشيء يحتاج كل هذا التشاؤم....كيف تحزن والله ربك...على كل حال ربي يفرج عليك ويرزقك أفففضل عمل..الأمر لايحتاج كل هذا العناء والشقاء..ماعليك الا التوكل على رب العالمين وسترى النتيجة عن قريب .الى اللقاء عمي

[noriya]

يا اخي ما تقولش هاك ما ضاقت الا لتفرج اصبر يا اخي و اسعى لدعوة الخير من والديك صدقني يجيك الخير من حيث لا تحتسب اشكي لربي في صلاتك اطلب من الوالدة ربي يحفظها تدعيلك
يا اخي ربي يفرج عليك و يفرحك

[♥ياسمين عاشقة العلم♥]

عمو هذا ابتلاء والحمد لله لازلت صغيرا والحياة أمامك.......استغفر الله وسترى النتيجة

[رحيق الكلمات]

السلام عليكم
افضل نصيحة مانصحتك به الاخت الكريمة
التسجيل في مراكز التكوين المهني
ربي يسهل امورك

[catia]

يا وليدي البر بوالديك ثم والديك ثم والديك وسترى كيف يفتح الله ابواب الرزق لك ان شاء الله رب ايوفقك

[فراسة المؤمن]

مالا لكان تشوف حنا واش صرا فينا ما تصدقش ... ما نحكيش خير و اليوم الحمد لله فرجها ربي اصبر حتان يفرج ربي

[عابدين زينو]

ربي يفرح عليك أخي تعلم حرفة في التكوين المهني وربي يوفقك متفقدش الامل صح جات مع بعضها سيرتو كي تولي نتا الكبير في داركم كي حالي و تخدم على والديك بصح ربي يفرجها

[أحمد زابانة]

كل الشباب الجزائري بحالتك و مر بحالتك ... و يقال إذا عمت خفت . فقط تمسك بالله سبحانه و تعالى ، و الله أحيانا الإنسان يصل إلى درجة فقدان الأمل حتى و لكن صدقني إذا توكلت على الله بنية خالصة و فوضت امرك كله لله سوف ترى بأم عينك الفرج إن شاء الله .

[sharing_server]

رانا فالهوا سوا ربي يفرج للجميع نشالله

[شراطي يوسف]

souhil الخدمة الوطنية راك داير سورسي ولا ما راكش داير
إيلا ماراكش داير روح عندهم دير تطوع و جوز الخدمة الوطنية باش تتهنى و تنحيها من حياتك
روح في أقرب وقت باش يفوتوك مع دفعة 15 سبتمبر
على الأقل تتخلص من الضغط الي راك تعيش فيه ومن بعد تبانلك طريق جديدة
ربي يسهلك انشاء الله من كل قلبي

[وسيم وهاب]

واش نسيى ربي

[dortmund]

رانا فالهوا سوا ربي يفرج للجميع نشالله
إن شاء الله تكتب هكذا

[souhil sisou]

نشالله يا خوتي ربي يفرج علينا لواحد كون شافها هاكا تقرا فلجامعة و تريح كون لواحد راح هز ميتي و يخدم على روحو مي نشالله تفرج و نتهناو من هاد الهموم و ربي يجازيكم خاوتي

[sec 88]

نشالله يا خوتي ربي يفرج علينا لواحد كون شافها هاكا تقرا فلجامعة و تريح كون لواحد راح هز ميتي و يخدم على روحو مي نشالله تفرج و نتهناو من هاد الهموم و ربي يجازيكم خاوتي

كلمة إن شاء الله تكتب هكذا ...

[manil.didi]

.والله يا اخي سهيل انا عندي بطاقة الإعفاء من الخدمة الوطنية ومتحصل عل الليسانس من 2011 والله غير عييت وعييت وعييت ماجريت بصح لحد هذه الدقائق لم اتمكن من الحصول على منصب حتى في عقود ما قبل التشغيل ، كيف يكون حالي وحالك الوضع جد مزري و انت ترى كل من حولك قد حقق ذاته و تمكن من حياته انا أعيش في ضيق لا يوصف وكرب وهم وغم ربي يجيب الخير
أرجو الدعاء لي ولكل مهموم ومغموم

[مرادو]

كلنا ممررنا بنفس الظروف خاصة الجامعيين لدلك لفرض نفسك في المجتمع ينبغي ان تضع برنامج منظم و توكل على الله في كل ما تفعله ......و أعلم ان الاجتهاد و الجد و المثابرة هي التي ستوصلك الى مبتغاك

[مجيد14]

الحق في هاذي البلاد ياتي بالقوة

[ياسمين03]

يا اخي روح افري كواغطك تاع العسكر خير من هذا التشاؤم . خويا كان كيفك و نهار خرج من العسكر صح جرا بزاف مي بصح راهو اليوم الحمد لله يخدم .املا تحركو ترزقو .و نزيدك حاجة هو مهندس معماري و باع حتى القصبر و المعدنوس

[souhil sisou]

.والله يا اخي سهيل انا عندي بطاقة الإعفاء من الخدمة الوطنية ومتحصل عل الليسانس من 2011 والله غير عييت وعييت وعييت ماجريت بصح لحد هذه الدقائق لم اتمكن من الحصول على منصب حتى في عقود ما قبل التشغيل ، كيف يكون حالي وحالك الوضع جد مزري و انت ترى كل من حولك قد حقق ذاته و تمكن من حياته انا أعيش في ضيق لا يوصف وكرب وهم وغم ربي يجيب الخير
أرجو الدعاء لي ولكل مهموم ومغموم

ربي يجيب الخير خويا لعزيز و يفرج علينا كامل لازمنا نصبروا ماعندنا مانديرو
سلااااااام

[manil.didi]

نــــــــــــــــــــــقدر نقول الرزق نصيب من عن،د اللـــــــــه و الـله ماراه قفـــــــــــــــــــــازة مـــاراه شــــــــــــــــطارة

[elfatiha]

rabii yfaraj 3liiiiiiiiiiiiiiiiiiiiiiiiiiiiiiiiik khoya

[qasseml2003]

خويا .. حاب تروح للخارج ... أتصل بيا على الخاص

[ام البنوتة]

الصبر ثم الصبر و بذل الاسباب يرزقك الله