عناوين اطباء في تونس

[mehamade]

السلام عليكم ورحمة الله ..اتمنى ان تكونوا بخير ان شاء الله
من قضلكم اريد عناوين لاطباء ممتازين ومختصين في جراحة العيون
وبالاخص زراعة القرنية ..لاني سمعت ان الطب عندهم ممتاز والعمليات ناجحة
فارجوا افادتي بارك الله فيكم ونفع بكم

[سطايفية بكل فخر]

السلام عليكم
بداية ماهو مشكل عينك اخي
+

حاليا هي تقام في الجزائر وسمعت ان العديد قام بها في العاصمة وفي وهران بكثرة
+
تونس فعلا كانت لي الفرصة لزيارتها في هذا المجال بالتحديد وبالفعل هي تقدمة علينا
هناك الكثير من المصحات ساذكر لك بعضها واسال فيها اذا كانت تقيم العملية
هناك الدكتور الشهير محمد كمون لي يروحو ليه الجزائريين بكثرة تجده اما في مصحة التوفيق في تونس العاصمة في المنزه
او بمصحة البحيرة ايضا بتونس العاصمة هذي علابالي بلي فيها
http://www.ophtalmodulac.com/
هناك مصحة الزياتين بسوسة
http://www.olivierseyeclinic.com/accueil.php
هذو الاشهر في تونس

[mehamade]

شكرا لك اختي وجزاك الله ،،
بخصوص مرضي فهو نقص مستمر في النظر بعض الاطباء قالوا لي في وهران وتلمسان ان لازم لي عملية ليزك اسمها "الكروس ليكينغ " والبعض الاخر قال لي لا تنفع الليزك بل لازم زرع قرنية وما جربت لحد الان اي عملية وما بغيت نغامر من اطباء تاوعنا حسيت انهم تجار لهذا اريد التجربة في تونس لعل وعسئ يكون الحل عندهم والله اعلم
شكرا لك مجددا واي افادة لا تبخلوا علينا دمتم في عمل الخير ،،

[سطايفية بكل فخر]

السلام عليكم
هل تعاني من مشكل العين المخروطية keratocone
وشحال راك ناقص اخي اعطيني لاكوراكسيون تاعك
وهدا النقص وراثي او صرالك بعد مىض اصاب العين
وقاي ادا كانت هي واش من ستاد قالك الطبيب هل بدا يظهر هداك المخروط او لا وهل بيا ضتلك لاكورني او لا
ايضا اخي قلي مند متى وانت داوي فيها وهل درت عدسات او لا وهل داوت علىةالعلاج ولا راك بالنظارات
سوال اخر واش اسم الطبيب ليراك تسويفي عندو
جاوبني اخي باش نفيدك لانو حسب مافهمت انو طلبولك لكروس لينكينج وهو يندار للكيراطوكون
وزرغ القرنية اخي تكون في اخر سطاد وهو الرابع
جاوبني باش نقيديك واحد ما يتمسخر بيك غو يشوفك دراهم

[سطايفية بكل فخر]

ماشاء الله عليك أختي يبدو انك مختصة في العيون
حتى الاسئلة تاعك كلها لم يطرحها علي اي طبيب رحت عندو الاسؤال او اثنين
ولحد الان انا حائر في امري وين نروح ؟؟؟ وواش نعمل ؟؟ ارشديني أختي الطيبة الله يجازيك

هذا هو تقريبا مجمل ما حصل معي واذا نزيدك اي شرح مكاش مشكل



]

السلام عليكم
بداية اخي انا لست طبيبة عيون ولكن مجال دراستي يتعلق بالعين وتصحيح البصر لذلك كان لي الحظ والحمد لله ان ادرس عن هذا المشكل البصري بالذات واكتسب بعض المعلومات التي باذن الله سوف افيدك بها
+
للاسف هذا هو المشكل لي رانا نعانيو منو الاطباء ميحكيوش مع المريض ونص المعلومات ميستخرجوهاش منو ويمدو حلول نظرية والتطبيق يختلف من حالة لحالة وهاك شفت بعين صرا تضارب اراء بين الاطباء
+
شوف اخي انا حاليا رايحة نبهك لاشياء تتضارب على معلوماتي لي قريتها
-ا الليزك ميندارش للميوبي تاع -18 يعني هذا ضرب للخيال احدث التقنيات تحبس في -12 وعملت مليح انك ممديتش عينك
- اخي الكيراطوكون كاين 4 ستاد:
الاول يديرولو النظارات وانت راك فتو لانو راك تقول منشوفش بيهم
الثاني يديرولهم ليلونتي ريجيد مش لونتي سوبل ومعلاباليش هل راك دير فيهم ريجيد او سوبل من فضلك قولي وشا هوما العدسات لي راك لابسهم ومنذ متى
الثالث هنا تبدا الامور تصعاب وتبدا القرنية تدي شكل مخروط لكنو يكون شفاف مش ابيض
http://www.guide-vue.fr/sites/default/files/photo-cornee-avec-keratocone.jpg

الرابع هنا القرنية المخروطية متبقاش شفافة وترجع بيضا او مائلة للبياض
http://www.dematice.org/ressources/DCEM3/ophtalmologie/D3_oph_001/res/figure10.png


وهنا اما يندارلو الكروس ليكينج او يزرعولو قرنية اخي حسب الحالة

وبالنسبة لحالتك اخي الطبيب الاول قالك بلي ستاد 2 وكون نتبعو هدرتو دير لونتي ريجيد مش كروس لينكينج
وبالنسبة للطبيب الثاني دارلك راديو وجينيرالمون الصح في الكيراطوكون هو الراديو لكن هو قالك طول راك ستاد 4 ولازم الزرع خاصة العين اليمنى
ولي حيرني انو زوج اطباء وكل واحد قال راي رغم انو المدة قصيرة بين الكشفين
وانا شخصيا منعرفش نقرا الراديو لانو مش من اختصاصي نقراه كون قتلك اسكو الطبيب الثاني معاه حق او لا
وعليه منقدرش نجزم شكون الطبيب الصحيح باش نوجهك للحل النهائي من الحلول لي قتارحتهم عليك في كل ستاد
حاليا اخي ننصحك ب تتاكد واش من ستاد عندك واياض ننصحك بعض النصائح الموقتة
شوف اخي خطا كبير عملتو لما نحيت عدساتك لازم ترجع بيهم باش متزيدش تنقص وتتازم حالتك وراني قتلك قولي وشا من عدسات عندك لازم وحديك خاصين السوبل راهم ديكونسييي
ثانيا اخي وشا من ولايات تقدر تزورهم نقترح عليك بعض الاطباء الاكفاء وزور واحد فيهم باش ياكدلك الصح وين وخلي تونس كاخر حل مزال الخير في بلادنا كيما يقولو اعرف وشا عندك ومن بعد ساهل روح عالج
ثالثا شخصيا رايحة نسقسيلك عن حالتك ونفيدك بكل معلومة عندي ولكن قولي شفت الصور عينك وين صورة فيهم تشبهلها من الصور الاربعة الاخيرة

وربي يشافيك وربي يهدي اطباءنا لي شوهو سمعة الطب بتصرفاتهم ونفروا المضرى منهم وخلاوهم يبحثو عن بلدان اخرى

[mehamade]

ي يوفق لاعلى المراتب اختي مني واصلي موفقة باذن االله
باغي نفهم حاجة اختي انتي قلتي لي ما. يندارش الليزك وومن بعدها قلتي لي حسب الحالات الاربع اما ندير كروس لي كينغ او قرنية… باش يندار الكروس لي كينغ بالليزك ولا واش هو كروس لي كينغ ..!!!
وراكي صح اختي كنت ندير لونتي من 2010 العاديين تاع ميتين 200 الف للوحدة يقولو تاع 3 ايام ..ا المرة الاخيرة تبدلو لي قالي طبيب تاع وهرن بدلهم دير الغاليين مشي كيما لي كنت نديرهم واقيلا يلحقو حتى ستمية 600 الف ..كي رحت للاوبتسيان قالتي معليش دير لي مداري تديرهم عادي ..قالت لي الغاليين قلال بزاف ويلا لقينا بالكموند ..هوما تاع -18… مانيش عاقل كي سموهم سوبل ولا تجييد كيما قلتي ..المهم من السعر تاعهم ممكن تعرفيهم انتي.. بصح اختي قالي طبيب تولي تدير هادو الغاليين وتزيد دير عملية كروس ليكينغ… !!!

المفروض هكدا اختي راني في ستاد 2. كيفاش نتأكد اختي… انا ما نعرفش ..والمترجم تاع الكوبية قالي ستاد 2. نورمالمو ..!!
اختي الكريمة فيما يخص العدسات انا ما نحيتهمش هكدا انا نحيتهم باش نداوي نقول لك علاش ممكن تكون عندك فكرة منين نداوي عند اي طبيب ونروح عندو يقول لي لازم تكون منحي لونتي على الاقل 20 يوم باش نخدم خدمة مليحة والراديو يلا دارو يخرج مليح وتكون العين صافية
لانو صرات لي درتو بلونتي وطبيب ما دارش بيه… حتى انا اختي ما قدتش نقعد بلا بيهم راني نقاوم…
المهم اليوم درت رونديفو عند طبيبة بروفيسور اسمها" حرتان" في حيدرة في العاصمة ..راهم راحو ليها بزاف ودارو عندها عمليات ونجحو… انا نروح ونشوف كاشما تنصحني… واذا مكاش نروح مباشرة لتونس ..وما نضليش نضيع في الوقت والداهم في تزاير ..ما يهموش الدراهم علابالي ووالله ماهي ي يوفق لاعلى المراتب اختي مني واصلي موفقة باذن االله
باغي نفهم حاجة اختي انتي قلتي لي ما. يندارش الليزك وومن بعدها قلتي لي حسب الحالات الاربع اما ندير كروس لي كينغ او قرنية… باش يندار الكروس لي كينغ بالليزك ولا واش هو كروس لي كينغ ..!!!
وراكي صح اختي كنت ندير لونتي من 2010 العاديين تاع ميتين 200 الف للوحدة يقولو تاع 3 ايام ..ا المرة الاخيرة تبدلو لي قالي طبيب تاع وهرن بدلهم دير الغاليين مشي كيما لي كنت نديرهم واقيلا يلحقو حتى ستمية 600 الف ..كي رحت للاوبتسيان قالتي معليش دير لي مداري تديرهم عادي ..قالت لي الغاليين قلال بزاف ويلا لقينا بالكموند ..هوما تاع -18… مانيش عاقل كي سموهم سوبل ولا تجييد كيما قلتي ..المهم من السعر تاعهم ممكن تعرفيهم انتي.. بصح اختي قالي طبيب تولي تدير هادو الغاليين وتزيد دير عملية كروس ليكينغ… !!!

المفروض هكدا اختي راني في ستاد 2. كيفاش نتأكد اختي… انا ما نعرفش ..والمترجم تاع الكوبية قالي ستاد 2. نورمالمو ..!!
اختي الكريمة فيما يخص العدسات انا ما نحيتهمش هكدا انا نحيتهم باش نداوي نقول لك علاش ممكن تكون عندك فكرة منين نداوي عند اي طبيب ونروح عندو يقول لي لازم تكون منحي لونتي على الاقل 20 يوم باش نخدم خدمة مليحة والراديو يلا دارو يخرج مليح وتكون العين صافية
لانو صرات لي درتو بلونتي وطبيب ما دارش بيه… حتى انا اختي ما قدتش نقعد بلا بيهم راني نقاوم…
المهم اليوم درت رونديفو عند طبية بروفيسور اسمها "حرتان" في حيدرة. بالعاصمة ..بزاف راهم راحو ليها ودارو عمليات ونجحو من كامل تزاير… انا نروح ليها ونشوف على ربي اذا مكاش نروح ديركت لتونس ..ما نضليش نضيع في الوقت ما دامني منحي لونتي… راه جوارين وصحابي راحو ليها كامل وكاين زرعو قرنية ونجحت ..كمون قالو لي مليح ويقول لك العملية ناجحة مية بالمية… وانتي تعرفي تونس عندك التجربة حتى الماتريال عندهم كيما تاع الخارج .النتيجة هيا الاهم ..راني رحت كامل الطبة واحد ما قالي ناجحة مية بالمية ..يعني تخسر 20 مليون ولا ومن بعد ما تنجحش ..يعني فئران تجارب ولا واش ..المهم وانا سكن في غليزان يمكن اطباء تعرفيهم ممكن يكونوا ملاح ..الشفاء على يد ربي وطبيب الابدان ما هو الا سبب وقضء من طبيب الاديان ..ما زلنا واثقين في ربي سبحانو ..
اما الصورة من الاربعة اختي والله ما عرفت راني صورت لك عيني وشوفيها اذا تقدري تعرفي… ونقول ربي يبارك في خيرك ويجازيك احسن الجزاء راكي ساعدتيني ونصحتيني واجرك على ربي ..بالدراهم وما نلقهااااااش ..قلال ناس كيفك لي يديرو الخير…نتمنى لك التوفيق والنجاح ..

[mehamade]

هاذو هومما التصاووووير بااااااااااارك الله فيك







109844

109845

109846

109847

[david2011]

ربي يشافيك الاخ محمد

[سطايفية بكل فخر]

امين ربي يوفقنا جميعا اخي
+
شوف اخي الكروس لينكينج والليزك يندارو في زوج بالليزر لكن مش كيفكيك كل وحدة بنوع ليزر وكل وحدة وتقنيتها اخي والكروس لينكينج هو لي يندار للعين المخروطية ولكن في السطاد الثالثا والرابع هكا قراونا
اما الليزك فهي تقنية تخلي الانسان يتخلص من النظارات اذا كان عندو نقص نظر لكن بحدود
+
شوف اخي ليلونتي كاينين سوبل وهما يديرو مليون وميتين لكن ميناسبوش حالتك اخي لازملك ديلونتي ميحكموش شكل العين ويتطور معاهم نحتاجو لونتي تحبسلك تطور العين المخروطية وتشدها
نمدلك مثالك
مطاط طري اذا حطيناه مثلا فيه حجرة يخي الحجرة تاثر فيه وتخليه يهبط ويحكم شكلها صح او لا هكا ليلونتي سوبل
لكن كون نديرو بلاسيتك او زجاج صلب رايح يحبس الحجر وميخليهش يهبط وهذي هي لونتي ريجيد lentille rigide
وهي الانسب لحالتك اخي
+
بالنسبة لكلام لوبتيسيان اخي وشا نقلك لا حول ولا قوة الا بالله العلي العظيم كاينين ديزوبتيسيان ميعرفوش لهذا المرض ويمدو للناس اختيارات متناسبهمش وهوما فعلا مقراوش عليه حنا نتعمقو عليهم ولكن هذا لا يعني انو ميطالعوش النت او ميتبعوش كلام الطبيب في حالات كيما هذي
كل حالة عندها خصوصية وحالتك انت لازملك عدسات خاصين مكانش لازم تقلك هكا
وهام بلكوموند يخي مش رايحة تجيبهم من الالمان راهم يتخدمو عدنا وكي متلقاش تكومونديهم من تونس او من فرنسا عادي المهم صحة عينك اخي والدراهم بحر عليهم يروحو ويجيو وربي يرزق
+
اخي قلت لك انا هنا نحبس منعرفش نقرا الراديو لانو مش من اختصاصي وان كان ساحاول ان افهم كيف يقرا ونقلك
وحسب صور العين وحسب لا كوراكسيون الله اعلم هو الستاد 2 لانو مبانليش بياض ولاستيجماتيزم مش طالع بزاف
امهليني ايام فقط نطالع ونستفسر ونرد على اخي
وانت حاول تروح لطبيب مليح باش يشوف عينينك بليزاباراي من العين المجردة صعب اخي
+
فعلا لازم تتنحى لالونتي قبل متروح للطبيب بايام وربي يعطيك على قد صبرك اخي يوشافيك وراني حاسة بيكم العين نعمة وميحسلها غير لي ميقيوس منها
ربي يشافيكم كامل يارب
+
قالولي على طبيبة في حيدرة مليحة ولكن شخصيا منعرفهاش ولا اعلم ان كانت هي ان شاء الله فيها خير
انا ياضا نعرف طبيب في البرج ومركز في العاصمة خاصة بهذا المرض تحب نمدلك عناوينهم مش مشكل
+
انا قلت تعرف واش عندك بالضبط باش كي تروح لتونس تكون على الاقل علابالك وين رايح متبقاش تروح هنا ولهيه تكون محدد هدفك اخي
+
تونس بعدو علينا بزاف في الطب والدكتور كمون ما شاء الله عندو صمعة طيبة والماتريال واله رانا كيفكيكف الفرق ناس مثقفة في طب العيون وناس لالا
+
نسقسيلك اخي عن اطباء في النواحي تاعكم وميكون غير الخير ان شاء الله
والحمد لله جينا مومنين ومامنين بقضاء ربي وقدرو ولي كتبهالنا مرحبا بيها+
ربي يشافيك اخي ويطمنك على صحة عينيك وانا راحية نسقسيلك ان شاء الله ونرد عليك
واي استفسار اخر انا هنا نجاوبك بلي نعرف
+
امين اجمعين ربي يوفقك انت ايضا
بامكانك حذف الصور والمعلومات الشخصية

[mehamade]

ااان فهمت اختي الليزك والليزر .والكروس ليجينغ.
يعني لازم الان نتأكدو اذا عيني في الستاد 2 ام لا
..واذا كانت في الستاد 2 لازم لونتي ريجيد
هذا هو حلها ولاتحتاج لعملية "كروس لي كينغ .."???!!
اذا تلاقيتي بيهم لونتي قولي لي باش نشريهم في اي مكان ماذا بيك
سقسي لي اختي على كذلك الطبيبة تاع حيدرة "حرتان "…
انا سمعت عليها بززاف ولقيت ناس من بشار و الشلف ووو
قالوا لي عليها .ممكن تكون كيفك تحب تساعد وتعمل بنيتها تنصحني ولما لا..
زيدني مادا بيك عناوين اطبة تاع البرج ..
والعاصمة وياااارب ربي ما نكوش كثرت وثقلت عليك وتعبتك معاية .
.تأكدي بلي ربي يقضي حوايجك كيما راكي تقضي وتسعي في حوايج الناس فيهم.. حتى انا نحب نعاون الناس ونقضي حوايجهم.. يعني تلاقيت ناس كيما انتي يديرو فيا الخير ..ممكن لخير فعلته… واذا تحتاجي حاجة نساعدك بيها مكاش مشكل.. المهم حتى لا نطيل… نقول لك ربي يحفظك ويستزك ويسر امورك ويبارك في صحتك ووالديك واهلك ..وشكرا

[سطايفية بكل فخر]

نعم اخي لازم تتاكد باش اذا كانت في الستاد 2 نتاخذو الاجراءات باش متتطورش للستاذ الاثالثا والرابع
واذا كانت في الثالث او الرابع نديرولها اللازم اخي
+
اخي راهم كاينين فقط يامات واي اوبتيسيان يجيبهملك متخممش عليهم ان شاء الله برك تكون ستاد 2
+
اخي كاينة الونتي ريجيد وكاينة اللونتي sclérale اذا كان عينك متطورة بزاف واذا شافوك رايح للستاد ثلاثة او دخلت فيه باش نبداو نهدرو على الكروس لينكينج فهمتني اخي
+
ان شاء الله تكون مليحة
+
لا اسال براحتك لي نعرفها نقولهالك وربي يشفيك
+
ربي يحفظك اخي وربي يقدرنا على فعل الخير
ودعوة خير في ظهر غيبي او صلاتك تكفيني وتوفيني اخي
وكي تزورها طمني وشا قاتلك

[ghmota17]

نفس المشكل ابي يعاني من نقص في الرؤية لما رحت للطبيب مشكل قرنية لازم اوبيراسيون قرنية رحت لوهران قالولي كاين لكت اتصدمت لما رحت للطبيبة شافت لاكارت قالتلي انت من الجلفة مانقدرش تديرها في وهران عندك العاصمة روح ثم وللان راني معرفتش وااش ندير انا متمني نروح لتونس لكن الله غالب دراهم مكانش

[سطايفية بكل فخر]

نفس المشكل ابي يعاني من نقص في الرؤية لما رحت للطبيب مشكل قرنية لازم اوبيراسيون قرنية رحت لوهران قالولي كاين لكت اتصدمت لما رحت للطبيبة شافت لاكارت قالتلي انت من الجلفة مانقدرش تديرها في وهران عندك العاصمة روح ثم وللان راني معرفتش وااش ندير انا متمني نروح لتونس لكن الله غالب دراهم مكانش

واش من مشكل في القرنية اخي فصلي الموضوع هل هي القرنية المخروطية ام ماذا
+
وعلاش متندارش في وهران وهران تابعة واقيلا للمغرب ياخي رانا بلاد وحدة ولا
شكون الطبيبة هذي وهل هي متخصصة في زرع القرنية هناك
+
قولي اخي وشحال ناقص الوالد اعطيني الكوراكسيون تاعو
عمره
هل يعاني من مشاكل ضغط الدم والسكر
هل اجرى عملية سابقا على عينه خاصة تاع الماء لي في العين
هل قمتم براديو لعينه اخي
وهل زرتم طبيب اخر وما كان قفله نفس ما قالته الطبيبة ام لا
+
اجبني لكي انصحك بما اعرف
+
في الجزائر العاصمة اذا تقدر تديه ليها نسقسيلك على عناوين

[mehamade]

السلااام عليكم ورحمة الله تعالى وبركاته ..اختي الطيبة اتأسف على طول الغيياب واتمنى ان تكوني واهلك بصحة وعافية ..هل نستطيع التواصل بوسيلة اخرى كالفيس بوك مثلا حتى اشرح لك ما قمت به خلال فترة غيابي ...ام اشرح لك هنا والامر اليك ..!!!

[سطايفية بكل فخر]

اهلا بيك اخي بعد غياب
والله نحن بخير السؤال عليكم
اعتدر اخي ف لا املك فايس بوك ولست متواجدة الا في منتديات الجلفة فلو تكرمت اشرح لي هنا من فضلك
اتمنى ان تكون قد وجدت نتيجة ايجابية
هل قمت بزيارة الدكاترة والمركز
بانتظار اجابتك اخي
مرحبا بك مجددا

[mehamade]

QMVH GM قشكرا لك واعتذر ان احرجتك وكما قررت وقلت لك .رحت لطبيبة العاصمة حرتاني ويا ليتني ما رحت ليها ،..للاسف ليست مختصة في القرنية ولا حتى العدسات ريجيد اللي قلتي لي عليهم رغم ان طبيبة تخدم معاها قالت لي نقس الكلام اللي قلتي لي عليه وزادت اكدت ذلك حرتاني .وقامت بارسالي لطبيب اخر مختص في العدسات ..لكنها بنت معلوماتها على راديوات قديمة .للاسف ,,,حينها عزمت وتوكلت على الله ونحيت من بالي اطباء الجزائر واتجهت مباشرة لتونس وبالاخص الطبيب والجراح كمون وما دخلت عندو حتى التاسعة ليلا للفحص لكثرة المرضى من عندو من كل دول عربية موريتانيا ليبيا واعللب الولايات :الجزايرية !!!!! شرحت له ووريت لو الراديوات وكل شئ شافهم قال لي لازم اعادة الراديو ؟؟؟ فاعدت الراديو في المصحة الدولية لطب العيون بالبحيرة واعطيتو الراديو شافو وقال كما قال هو كلمة الفصل بان النظظر متوقف بين ستاد 3 وستاد 4 ولا شئ ينفع سوى زرع القرنية وقال بان نسبة عدم نجاحها شبه مستحيلة واكد لي ذلك ,, وقال لي باني محظةظ لان زرع القرنية ستتم باحدث التقنيات واسمها big b og قال بانها عملية لا تجرح العين وارجو ان تزيدي تفهميني عليها اذا كنتي تعريفها او تسألي لي عليها ربي يجازيك ؟؟؟ لاني ارتحت لكلامه وفكرت واستعنت بالله واتخذت القرار باجراء العملية ورجعت للحدود لاخذ العربون لطلب قرنية ودفعته في المصحة الدولية بالبحيرة وانا انتظر حتى يتصلو بي ويكونو قد احضرو القرنية من امريكا من المعهد الدولي واكمل لهم المبلع العملية المقدر كليا ب 40 مليون للعين الواحدة مكلف جدا ولكن لاجل الحبيبتين لا شئ مكلف وان شاء الله تنجح العملية واتعافى ,,,فما رايك وبما تنصحيني أختي الشريفة رفع الله قدرك واعلى شانك ؟؟!!!!!!!!!!!!!!!!!!!!!!!!!!!

[سطايفية بكل فخر]

السلام عليكم
عيد مبارك اخي وكل عام وانتم بالف خير
الكيراطوكون صعيب اخي ومش اي طبيب يتخصص فيه والجزائر الاطباء المختصين فيه يعدون على الاصابع
لذلك عملت مليح كي رحت لتونس
+
الدكتور كمون معروف جدا ورغم كبر سنو لكنو ما شاء الله خبرة ومزال لحد الان يروح لفرنسا يقرا ويرجع
ونمدلك معلومة تالمون يجيوه من خارج تونس بزاف التوانسة يخدم معاهم غير يوم السبت
هو يديركونسيلطاسيون في التوفيق والعمليات في البحيرة
واحمد ربي انو فت على التاسعة ومبقيتش يوم اخر
+
الحمد لله انك تاكدت الان من الستاد تاع الكيراطكون هكا نزعت الشك باليقيين وبما انو رايح للرابع فالزرع هو الحل كيما قالك
واذا حبيت تزيد تتاكد وان كان انا شخصيا اثق في كلام الدكتور كمون
هناك مصحة الزياتين في سوسة هي ايضا جيدة
+
بالنسبة لتقنيات الجراحة خاطيتني لاني متخصة في التصحيح وليس الجراحة كون العدسات او النظارات نفيدك او حتى بعض الامراض لكن تقنيات الجراحة بعيدة عنها كل البعد
مرة فقط قريت عن تقنية اسمها big bublle ومعلاباليش اذا كنت تقصد هذي او لا رايحة نسقسي على هذيك ونشوف
+
فعلا القرنية تجي من بنك الدولي في امريكا حتى في الجزائر تجي من ثما وان شاء الله توبيري عن قريب وتتهنا النظر نعمة وميحس بيها غير لي فقدها او صرالو فيها مشكل
+
نصيحتي اخي مدام الحل العملية ديرها بزاف ناس داروها في الجزائر وراهم لاباس الان
وزيد انت خيرت تونس عندهم دوا مليح مش كيفنا ماء وزغاريت
والدكتور كمون مليح والعائلة تاعي قداش من واحد راح ليه في عدة مشاكل النظر و الحمد لله راهم لاباس
صح هي مكلفة مي انت قلتها عينيك هوما الصح انت صلي وادعي ربي تنجح العملية وتتهنا وثاني ادي معاك دراهم الدوا شوية زايد على تاعنا وياسيدي اعتبرها رايح تشري سيارة لانو سومتها سومة سيارة :1: امزح فقط العينين هوما الصح
رايح تعاني شوية في الاول لانو رايح تكون مريض وقرنية جديدة لكن بالدوا والراحة والكونطرول اكيد تشفا ان شاء الله
نصيحة فقط حاول توجد دراهمك التوانسة في اي لحظة يعيطولك مش كيفنا تستنا عمرك كامل باش طيرلك الدالة
ايضا احتمال تبقا لعدة ايام هناك وانت موبيري لذلك ادي معاك واحد من لافامي يعتني بيك ويوقف معاك لانو المرض خارج داركم صعيب شوية ولازم يتهلاو فيك
نصيحة اخرى حاول تكري دار او غرفة في تونس كاينين بزاف وكانين قراب لمصحة التوفيق هكا تكون الاز وتكون قريب من المشفى وتجيك ارخص من الفندق
والدوا تاعك اذا مدولك اشريه مة ثما مش من عدنا كيما قتلك الدوا تاعهم هايل
ولما ترجع وتجي بالسلامة الطريق راهي بعيدة راك من الحدود للحدود :1: حاول تستراح في كشا من ولاية من ولاياتنا باش متعبش عينينك
وربي يسهلك اخي وربي يشافيك
وشكرا لثقتك في
بامكانك حذف الردود للحفاظ على معلوماتك الشخصية اخي راني اطلعت عليهم كلهم
وان شاء الله لما تعالج طمني على صحتك
سواء هنا او في موضوعي
http://www.djelfa.info/vb/showthread.php?t=1854780
واي سوال يجي في بالك انا هنا نجاوبك بلي نعرف
صح عيدكم مرة اخرى
بالتوفيق

[dz-yac]

السلام عليكم صح عيدكم
الاخت على رصيف الأمل
ممكن استشيرك ؟
انا العين اليسرى لا ارى بها جييدا مند الولادة
يعنى الطابلو تع طبيب العيون اللي فيه رموز او حروف لا استطيع قرأته باكمله ممكن فقط اكبر حرف
هل هناك امل ؟
وشكرا جزيلا ;)

[mehamade]

لسلام عليكم ورحمة الله
اتمتى ان تكوني بخير وعيدتي بخير انتي واهلك كامل ان شاء الله ينعاد عليكم بالخير واليمن والبركات
شكرا اختتي الف شكر على تجاوبك معي ومتابعتك حالتي
اختي هل سألتي لي على التقنية الحديثة للزراعة القرنية ؟؟؟
وهل يا اختي بعد العملية ونجاحها باذن الله استررجع نظري نسبة 10 على 10 ام أقل أم نصف ام ام ؟؟
وكم ابقى في رايك بعد العملية في المصحة بالبحيرة من يوم لاني نسيت ان اسأل عليها وما انساني الا الشيطان ؟؟
ام اخرج من المصحة واستريح في منزل مكري كما تفضلتي ؟؟؟ وكم استطيع ان ارتاح حتى استطيع ان ارجع للجزائر ؟؟

بوبخصوص الدواء فانا جربتو ورأيت الفرق بيننا وبينهم ؟؟!!!!؟
ونصائحك كلها في محلها وسآخذها في عين الاعتبار شكرا شكرا شكرا لك اختي

وبخصوص موضوع الجديد والمترجم من الفرنسية فراائئع وفي وقته وفي متناول المرضى وتخصصك ممتاااز واعحبني رفم اني لم اطالع على كل المعلومات
بان شاء الله مشكورة عليه ,,,المفروض يجازوك عليه ويهدو لك كلينيك تخدمي بيها ههه

وفق الله لما يحبه ويرضاه ان شاء الله

[سطايفية بكل فخر]

السلام عليكم صح عيدكم
الاخت على رصيف الأمل
ممكن استشيرك ؟
انا العين اليسرى لا ارى بها جييدا مند الولادة
يعنى الطابلو تع طبيب العيون اللي فيه رموز او حروف لا استطيع قرأته باكمله ممكن فقط اكبر حرف
هل هناك امل ؟
وشكرا جزيلا ;)
السلام عليكم
عيدك اسعد
اخي قلي هل تعاني من مشكل العين الكسلانة amblyopie واش من نوع قالك الطبيب
organique او fonctionnelle
وهل منذ الصغر مزادتش طلعتلك الروية
+
باش منخلطوش الموضوع ونخليوه لصاحبه تحول اخي الى موضوعي واجبني وباذن الله نجاوبك بلي نعرف
تفضل الرابط اخي وجابني بالتفصلي رجاءا

http://www.djelfa.info/vb/showthread.php?t=1854780

لسلام عليكم ورحمة الله
اتمتى ان تكوني بخير وعيدتي بخير انتي واهلك كامل ان شاء الله ينعاد عليكم بالخير واليمن والبركات
شكرا اختتي الف شكر على تجاوبك معي ومتابعتك حالتي
اختي هل سألتي لي على التقنية الحديثة للزراعة القرنية ؟؟؟
وهل يا اختي بعد العملية ونجاحها باذن الله استررجع نظري نسبة 10 على 10 ام أقل أم نصف ام ام ؟؟
وكم ابقى في رايك بعد العملية في المصحة بالبحيرة من يوم لاني نسيت ان اسأل عليها وما انساني الا الشيطان ؟؟
ام اخرج من المصحة واستريح في منزل مكري كما تفضلتي ؟؟؟ وكم استطيع ان ارتاح حتى استطيع ان ارجع للجزائر ؟؟

بوبخصوص الدواء فانا جربتو ورأيت الفرق بيننا وبينهم ؟؟!!!!؟
ونصائحك كلها في محلها وسآخذها في عين الاعتبار شكرا شكرا شكرا لك اختي

وبخصوص موضوع الجديد والمترجم من الفرنسية فراائئع وفي وقته وفي متناول المرضى وتخصصك ممتاااز واعحبني رفم اني لم اطالع على كل المعلومات
بان شاء الله مشكورة عليه ,,,المفروض يجازوك عليه ويهدو لك كلينيك تخدمي بيها ههه

وفق الله لما يحبه ويرضاه ان شاء الله
اهلا اخي
صح عيدك وان كانت متاخرة جداواعذرني لعدم الرد منيش ندخل بزاف حاليا
+
والله اخي لم اسل لاني لم التقي استاذي المتخصص في زراعة القرنية وسالت طبيبة اخرى غير متخصصة قالت لي انها لم تراها بعد لكن طمنتني وقالت ان تونس ملاح ويخدمو بتقنيات ملاح وقالتلي ايضا انها زراعة القرنية في مستشفى وهران مليح وتقريبا الجراحات لي داروها ناجدة كامل
+
بخصوص استرجاع النظر اخي عينك وقدرتها على استقبال العين المزروعة هي لي تقرر يعني كل ما كان تجاوبها اكثر كل ما كانت مدة الشفاء قصيرة والروية واضحة
وان شاء الله تنجحلك العملية وتشوف مليح وتتهنا من كل المنشاكل
+
والله لا علم لي بعدد ايام مكوثك في المستشفى لانهم لازم يراقبولك العين ويديرولك الادوية الطبيب من يقرر اخي
انت كي تروح قولو
+
باقي الاسئلة اسالهم للطبيب اخي وراني قتلك حاول تدي معاك مصاريف زيادة لاي طارق في الطريق الواحد يكون في حكم ربي ودي معاك سعفة لي تقوم بيك
وانش اء اله تجي بخير وسلامة وبصحة وروية مليحة
+
بالنسبة للدواء اخي انا قلت لك كل الادوية لي يمدهاالك اللطبيب اشريها من تونس لانو ادوية تونس فعالة جيدة ليست كادويتنا
+
شكرا للطراء ربي يقدرنا على فعل الخير
واجمل مكافئة دعوة خير في ظهر الغيب او في الصلاة

متنساش طمني على صحتك وعلى عينك لما تشفا
بي يسهلك انش اء الله

[نسمة تفاؤل]

ماهي اخبارك اخي هل عملت العملية ????????!

[سطايفية بكل فخر]

نحن ننتظر جوابه اختي هو وكامل الاعضاء الذين اقبلو عليها
نتمنى لهم الصحة والعافية ان شاء الله

[ميمون20]

تونس أفضل أما بالنسبة لوهران فلا تخاطر فعن تجربة فمجرد عمليات بسيطة نسبة النجاح قليلة...

[معلم قديم]

السلام عليكم
ابحث عن هاتف الدكتور جريدان المختص في الطب الداخلي في ولاية البويرة من فضلكم