زيارة اهل الزوجة المتكررة

[youcefas07]

لسلام عليكم

اخي تزوج من بنت الجيران لكن المشكلة انو اهلها كل يوم ياتو اليها يوميا حتى ضقنا ضرعا بهم و تشاجرت امي معاهم وتوقفو عن زيارتنا نهائيا لكن زوجة اخي كل اسبوع تروح لدارهم تقولي عايشة في اوتال

الان هي خسرت شيئين اهمها : ان هلها لا يزورونها ابدا في منزلنا ثانيا خسرت كرانتها مام اهلل و الاقارب

وش رايكم في هذي الحالة لي ممكن يعيشوها اغلب الناس لمزوجين بابناء الجيران

[ADEL100]

المشكلة الأزلية لجل العائلات الجزائرية

ومن ثم يحدث خروج اضطراري للزوج ليبدا في البحث عن شقة للإجار

ويا ويله إذا كان بطال او ذو راتب بسيط

[ahmed 31]

الله يجيب الخير،
هذا مشكل كبيير، خاصة من العائلات لي مايفهموش رواحهم،
الله يهديهم و أنتم الله يصبركم.

[youcefas07]

حذاري ................................................. صلة الرحم


من زاد عن حده انقلب الى ضده

[youcefas07]

اللهم امين شكرا على مروركم

[ahmed 31]

اللهم امين شكرا على مروركم

لا شكر على واجب.

[rose de sable s]

ولما هذه زيارات متكررة كن حكمو بنتهم عندهم و خلاص
هي في بيتها ليتركوها تعيش

[روح مراد]

علاش تشوفو للأمور من الناحية السلبية دائما
أنا تزوجت قريبة جدا لدارنا صحيح أهلي يجوني فقط في الأعياد أو إذا عرضتهم فقط ما يجوش بدون مناسبة
و لكن بالمثابل أنا الروح لدارنا كل يوم كي نجي من الخدمة نفوت على دارنا نريح شوية و الروح لداري أو الروح لداري ندير شغلي من بعد الروح لدارنا نريح شوية و كي تكون مناسبة في دارنا نروح صباح و عشية و بدون اي مشاكل لا من ناحية دارن ا و لا من ناحية زوجي و لا من ناحية عجوزتي
نهار نعول الروح لدارنا نبات ننخليلها العشاء لعجوزتي و الروح أو الروح لدارنا و نبعض لها العشاء
هاذي ما رانيش نشوف فيها مشكلة كي وحدة تروح لدارهم أين هو المشكل ؟ صحيح دارهوم ماش مليح يكثرو عليها الزيارات خاصة إذا ساكنة مع ناس دارها و لكن الطفلة كي تروح لدارهم وين المشكل ما تقلق حتى واحد

[rma]

ahlha wa fahmna katrou 3alikoum wa hada hakoum besah hya trouh 3and ahlha hada chi benha wa rajlha

[youcefas07]

علاش تشوفو للأمور من الناحية السلبية دائما
أنا تزوجت قريبة جدا لدارنا صحيح أهلي يجوني فقط في الأعياد أو إذا عرضتهم فقط ما يجوش بدون مناسبة
و لكن بالمثابل أنا الروح لدارنا كل يوم كي نجي من الخدمة نفوت على دارنا نريح شوية و الروح لداري أو الروح لداري ندير شغلي من بعد الروح لدارنا نريح شوية و كي تكون مناسبة في دارنا نروح صباح و عشية و بدون اي مشاكل لا من ناحية دارن ا و لا من ناحية زوجي و لا من ناحية عجوزتي
نهار نعول الروح لدارنا نبات ننخليلها العشاء لعجوزتي و الروح أو الروح لدارنا و نبعض لها العشاء
هاذي ما رانيش نشوف فيها مشكلة كي وحدة تروح لدارهم أين هو المشكل ؟ صحيح دارهوم ماش مليح يكثرو عليها الزيارات خاصة إذا ساكنة مع ناس دارها و لكن الطفلة كي تروح لدارهم وين المشكل ما تقلق حتى واحد


المشكلة كثرة الزيارت اهلها يعني يضقو على اهل الدار بنتهم مش ساكنة وحدهم + يكون راجلها مهوش مستقل .يعني كناه ساكن في دار نسابو

[youcefas07]

ahlha wa fahmna katrou 3alikoum wa hada hakoum besah hya trouh 3and ahlha hada chi benha wa rajlha


كي تكون في دارها وحدها بينها وبين راجلها . هي راهي ساكنة معانا وكثرة الخروج و الدخول مش مليحة لازم تحترم العايلة

[youcefas07]

ولما هذه زيارات متكررة كن حكمو بنتهم عندهم و خلاص
هي في بيتها ليتركوها تعيش


ارواحي فهميهم اختي

الله يحفظك شكرا على المرور

[khawla_eleulma]

نظن الامور هاذي تتوضح قبل الزواج كان على خوك انه يتفق مع زوجته على موعد زيارة اهلها واهها لوكان جاو يفهمو يخليو قيمة ليهم ولبنتهم......

[youcefas07]

نظن الامور هاذي تتوضح قبل الزواج كان على خوك انه يتفق مع زوجته على موعد زيارة اهلها واهها لوكان جاو يفهمو يخليو قيمة ليهم ولبنتهم......


الله يهدي الجميع

شكرا على مرورك

[هدى الجيجلية]

الزيارات المتكررة تجيب المشاكل
من المفروض أهل الزوجة يراعون حرمة البيت
يعني يطلبون الإذن إن بوسعهم المجيء
حتى لا يكون هناك المشاكل
هم في غنى عنها
من المفروض الزوجة هي من تطلب
تخفيف الزيارات

[youcefas07]

كثرة الخروج و الدخول هذا طزقيل ولا مش زيارة ربما دارهم كرهو منها

[hiso4a]

هيا كيتروح مين ذاك عادي بصصح ادا عادو دارهم يجوها كل يوم هادي ماشي عادي و زيد زعما هذي كامل وحشة ؟؟؟ انا نقول يلي دارهم ميفهموش الأصول مليح

[youcefas07]

هيا كيتروح مين ذاك عادي بصصح ادا عادو دارهم يجوها كل يوم هادي ماشي عادي و زيد زعما هذي كامل وحشة ؟؟؟ انا نقول يلي دارهم ميفهموش الأصول مليح


راك جبتها حبيبن

[youcefas07]

الزيارات المتكررة تجيب المشاكل
من المفروض أهل الزوجة يراعون حرمة البيت
يعني يطلبون الإذن إن بوسعهم المجيء
حتى لا يكون هناك المشاكل
هم في غنى عنها
من المفروض الزوجة هي من تطلب
تخفيف الزيارات

كلامك صواب في صواب
شكرا على مرورك

[david2011]

قلو ارحل من السكنة لراك فيها

[بقلاوة]

راك تقول جيران يعني المفروض دار وحدة ، ثم انك لم تذكر سبب نزاع امك معهم ربما هي الظالمة وربما هذه الزوجة مريضة عضويا او نفسيا و بحاجة لمواساة أهلها ، أنت لم تتطرق للموضوع من كافة جوانبه

[youcefas07]

راك تقول جيران يعني المفروض دار وحدة ، ثم انك لم تذكر سبب نزاع امك معهم ربما هي الظالمة وربما هذه الزوجة مريضة عضويا او نفسيا و بحاجة لمواساة أهلها ، أنت لم تتطرق للموضوع من كافة جوانبه


جيران : مش دار وحدة هوما في حي و احنا في حي

[oosaisdo]

:v زر غبا تزدد حبا

[إكليل]

حنا عندنا مثل يقول خفيف القدام يتمل.

الحياة الزوجية تتطلب إستقرارا ومن الخطأ أن تزور الزوجة أهلها كل أسبوع و أهلها كل يوم عندها هكذا لن تستطيع هذه المرأة أن تستقر نفسيا مع زوجها .

[بقلاوة]

راك تقول جيران يعني المفروض دار وحدة ، ثم انك لم تذكر سبب نزاع امك معهم ربما هي الظالمة وربما هذه الزوجة مريضة عضويا او نفسيا و بحاجة لمواساة أهلها ، أنت لم تتطرق للموضوع من كافة جوانبه

[nooriman]

هي مشكلة كبيرة ممكن تحطم حياة الزوجين

وممكن تكون من أهل الزوجة أو من أهل الزوج

يعني ما يخلوش الزوجين يعيشو براحتهم و يخترقوا حرياتهم بكل جرأة

ربي يهديهم

[عيدة نور الهداية]

الانسان يجب ان يضع حد لتصرفاته وحرياته تتوقف عند حقوق الاخرين
الزوجة حتى وان كانت في بيت مستقل مع زوجها عيب كل يوم يجوا يزوروها اهلها فما بالك تكون مع عائلة زوجها وممكن فيه اخوة الزوج ولا يستطعون التصرف بكامل حرياتهم
اما بخصوص زيارة الزوجة لأهلها يجب ان يكون لاسباب مقنعة او من باب بر والديها ولكن ليس كما يحلوا لها وكل مايحلوا لاهلها يعيطولها ارواحي تروح كل شيء بحدود وبضوابط وحتى الزيارة تبقى زيارة يجب ان تكون في اوقاتها المخصصة

ذكرتني هذه القصة في حكاية جارنا حيث خطبت له والدته فتاة تبعد عنهم بحوالي 200 كلم وسأله صديقه (واضح انه يعاني من نفس المشكل وله خبرة) سأله من اين فأخبره فقال له تهنيت ياخويا افضل ماتقولك اديني اليوم للدار جات خالتي وغدوا تقولك جات عمتي وبعدوا جراتنا جاو يقسروا نروح نعاون يما وبعدوا تقولك راسي وجعني نروح عندهم ..... وتخلاص عليك رايح جاي

[عائشة07]

متى نحترم المرأة نتقلبلوها مثل ما نتقبلو الرجل بسلبياته وايجابياته ؟؟؟

[لحن الحياة.]

هاهو الكلام الزين موضوع من الواقع روعة
احنا راها صايرة عندنا تلقاها الذراري توزعهم مع الديار و تروح كل يومين تبات في دارهم لوكان انا راجل وديرهالي مرا نطلقها بالعرجون تع الذراري لي يتبع فيها ......
حنا اختي عندها مرة في الشهر تجي تبات يوم فقط
يليقلهم يتشواو........يندبو على الزواج نديب وامبعد تلقاهم كل يوم حجاباتهم ترفرف هاربين من ديارهم

حاشا المخاليق لي عندهم عذر

[recotion]

كل شيء بالمفاهمة اخي اتمنى ان يصلح الله بينكم و يدوم المحبة بيناتكم ويبعد عليكم الشيطان

[youcefas07]

:v زر غبا تزدد حبا

وش معنتها هذي ؟؟؟؟؟

[youcefas07]

حنا عندنا مثل يقول خفيف القدام يتمل.

الحياة الزوجية تتطلب إستقرارا ومن الخطأ أن تزور الزوجة أهلها كل أسبوع و أهلها كل يوم عندها هكذا لن تستطيع هذه المرأة أن تستقر نفسيا مع زوجها .

يسلم لسانك

[youcefas07]

الانسان يجب ان يضع حد لتصرفاته وحرياته تتوقف عند حقوق الاخرين
الزوجة حتى وان كانت في بيت مستقل مع زوجها عيب كل يوم يجوا يزوروها اهلها فما بالك تكون مع عائلة زوجها وممكن فيه اخوة الزوج ولا يستطعون التصرف بكامل حرياتهم
اما بخصوص زيارة الزوجة لأهلها يجب ان يكون لاسباب مقنعة او من باب بر والديها ولكن ليس كما يحلوا لها وكل مايحلوا لاهلها يعيطولها ارواحي تروح كل شيء بحدود وبضوابط وحتى الزيارة تبقى زيارة يجب ان تكون في اوقاتها المخصصة

ذكرتني هذه القصة في حكاية جارنا حيث خطبت له والدته فتاة تبعد عنهم بحوالي 200 كلم وسأله صديقه (واضح انه يعاني من نفس المشكل وله خبرة) سأله من اين فأخبره فقال له تهنيت ياخويا افضل ماتقولك اديني اليوم للدار جات خالتي وغدوا تقولك جات عمتي وبعدوا جراتنا جاو يقسروا نروح نعاون يما وبعدوا تقولك راسي وجعني نروح عندهم ..... وتخلاص عليك رايح جاي

كلامك الصواب كلما كان اهل الزوجة بعاد زاد الاستقرار و التخلص من هذه المشكلة
انا منلقاش راحتي كي يجو الضياف فما بالك كل يوم يجوها

[youcefas07]

هاهو الكلام الزين موضوع من الواقع روعة
احنا راها صايرة عندنا تلقاها الذراري توزعهم مع الديار و تروح كل يومين تبات في دارهم لوكان انا راجل وديرهالي مرا نطلقها بالعرجون تع الذراري لي يتبع فيها ......
حنا اختي عندها مرة في الشهر تجي تبات يوم فقط
يليقلهم يتشواو........يندبو على الزواج نديب وامبعد تلقاهم كل يوم حجاباتهم ترفرف هاربين من ديارهم

حاشا المخاليق لي عندهم عذر


انا اختي كل شهرين تقعد يومين ولا 3 وهكذاك راهي حاسة بلي ساكنة معانا هههههههههه
شكرا على مرورك

[youcefas07]

كل شيء بالمفاهمة اخي اتمنى ان يصلح الله بينكم و يدوم المحبة بيناتكم ويبعد عليكم الشيطان

اللهم امين يا رب العالمين

[زوجة الغول]

أنا ما عنديش شهرين من الزواج
دارنا نروح مرة في أسبوع بصح هوما ولا مرة جاوني
ممكن في الأشهر الاولى المرا تشتاق بزاف لأهلها بصح مع الوقت ذرك غير مع دارها وسيرتو غذا انجبت

[youcefas07]

أنا ما عنديش شهرين من الزواج
دارنا نروح مرة في أسبوع بصح هوما ولا مرة جاوني
ممكن في الأشهر الاولى المرا تشتاق بزاف لأهلها بصح مع الوقت ذرك غير مع دارها وسيرتو غذا انجبت


عندها 5 سنين و 2 ولاد
ربي يهنيك اختي
............
بصح نتي متشائمة وعلاه : زوجة الغول :mh31::mh31::34:

[oosaisdo]

وش معنتها هذي ؟؟؟؟؟

حديث شريف معناه زر غبا تعني باعد بين الزيارات - تزدد حبا معناه تزداد حبا / يعني خليهم يتوحشوك شوية ههههه

[youcefas07]

حديث شريف معناه زر غبا تعني باعد بين الزيارات - تزدد حبا معناه تزداد حبا / يعني خليهم يتوحشوك شوية ههههه




بارك الله فيك اخي

[nihal159]

السلام عليكم و رحمة الله و بركاته
واش تقول في واحدة كل صيف تحل دارها أوتيل لبنات خوتها يجي يديروا العطلة و هذاك الراجل المسكين يولي غير هارب دارو يدخلها غير في الليل باش يرقد. رحم الله إمرئ عرف قدر نفسه.
الحمد لله من يوم تزوجت دارنا جاوني مرة واحدة و زوجي لي عرضهم، و ماما كي نقولها علاه ما تجيش عندي ياك داري وحدي تقولي مانيش مهبولة نجي نديرونجي الراجل في دارو؛ كي تتوحشينا أرواحي لدار بباك.

[Hillin]

يا بابا اوموان تخليهم يتوحشوها ههههههه
احم احم أمر غريب حقا وعلاه تزوجت ؟ تقعد في دارهم احسن لا لا
زيارة المتكررة = الملل+مشاكل+ كره+قلة الاحترام
الله يهدي
تحياتي

[youcefas07]

يا بابا اوموان تخليهم يتوحشوها ههههههه
احم احم أمر غريب حقا وعلاه تزوجت ؟ تقعد في دارهم احسن لا لا
زيارة المتكررة = الملل+مشاكل+ كره+قلة الاحترام
الله يهدي
تحياتي

ركزيلي على المشاكل خيتي

[Hillin]

السلام عليكم و رحمة الله و بركاته
واش تقول في واحدة كل صيف تحل دارها أوتيل لبنات خوتها يجي يديروا العطلة و هذاك الراجل المسكين يولي غير هارب دارو يدخلها غير في الليل باش يرقد. رحم الله إمرئ عرف قدر نفسه.
الحمد لله من يوم تزوجت دارنا جاوني مرة واحدة و زوجي لي عرضهم، و ماما كي نقولها علاه ما تجيش عندي ياك داري وحدي تقولي مانيش مهبولة نجي نديرونجي الراجل في دارو؛ كي تتوحشينا أرواحي لدار بباك.
جميل ما قلته

[youcefas07]

السلام عليكم و رحمة الله و بركاته
واش تقول في واحدة كل صيف تحل دارها أوتيل لبنات خوتها يجي يديروا العطلة و هذاك الراجل المسكين يولي غير هارب دارو يدخلها غير في الليل باش يرقد. رحم الله إمرئ عرف قدر نفسه.
الحمد لله من يوم تزوجت دارنا جاوني مرة واحدة و زوجي لي عرضهم، و ماما كي نقولها علاه ما تجيش عندي ياك داري وحدي تقولي مانيش مهبولة نجي نديرونجي الراجل في دارو؛ كي تتوحشينا أرواحي لدار بباك.


الله يهدي ماخلق
اما امك راهي غالطة نورمامو في العام خطرتين ولا 3 زيارة خفيفة

[youcefas07]

انا اختي الحمد لله كل شهرين 3 تجينا تقعد يومين ولا 3 اما حنا في العام ربما خطرتين

[nihal159]

الله يهدي ماخلق
اما امك راهي غالطة نورمامو في العام خطرتين ولا 3 زيارة خفيفة

السلام عليكم و رحمة الله و بركاته
لا يا أخي أمي ما هيش غالطة، لأني بحكم عملي قرب المنزل العائلي أمي تقدر تشوفني كل يوم. راك تعرف البنات يحبوا اللمة و القعدة على بيها أنا نحبها تجي عندي .

[youcefas07]

اها فهمتك الله يدوم النعمة

[pharmajiji]

و الله اللي ما يهشمش ما عندك ما تقول
انا سلفتي ما خلاهاش اب زوجي تسكن في بيت منفرد و احنا كل السلفات في بيوت منفردة و الله بيت شيخي اوتال للاهلها حتى الاواني و القش كل مرة تقول لشيخي نجددوا و هي تمد هدوك الاوائل لاهلها تدخل لدار هم عند ابيها تلقى غير صوالح شيخي حتى الفراش ما خلاتش و مين نروحو ضياف عند شيخي ما نلقو ما نتفرشو انا اسكن بعيدة عنهم ب 300 كلم
و الله شيخي بقى غير يشري وبان عليه والو و هو اللي يصرف
شيخي يجيب الماكلة و الله ما يبقالنا والو خوتها و باباها ديما في الطابلة قاعدين

[youcefas07]

و الله اللي ما يهشمش ما عندك ما تقول
انا سلفتي ما خلاهاش اب زوجي تسكن في بيت منفرد و احنا كل السلفات في بيوت منفردة و الله بيت شيخي اوتال للاهلها حتى الاواني و القش كل مرة تقول لشيخي نجددوا و هي تمد هدوك الاوائل لاهلها تدخل لدار هم عند ابيها تلقى غير صوالح شيخي حتى الفراش ما خلاتش و مين نروحو ضياف عند شيخي ما نلقو ما نتفرشو انا اسكن بعيدة عنهم ب 300 كلم
و الله شيخي بقى غير يشري وبان عليه والو و هو اللي يصرف
شيخي يجيب الماكلة و الله ما يبقالنا والو خوتها و باباها ديما في الطابلة قاعدين



ربي يهيديهم ان شاء الله

[رقة زمان]

جيران يعني واش فيها بصح مش كل يوم ونزيد نقلك حاجه مين يجيها بيبي يولو يجو صباح وعشيه وفي الليل :d

[youcefas07]

ههههههههههههههههههههههههههههههههههههههه هبلونا

[nihal159]

و الله اللي ما يهشمش ما عندك ما تقول
انا سلفتي ما خلاهاش اب زوجي تسكن في بيت منفرد و احنا كل السلفات في بيوت منفردة و الله بيت شيخي اوتال للاهلها حتى الاواني و القش كل مرة تقول لشيخي نجددوا و هي تمد هدوك الاوائل لاهلها تدخل لدار هم عند ابيها تلقى غير صوالح شيخي حتى الفراش ما خلاتش و مين نروحو ضياف عند شيخي ما نلقو ما نتفرشو انا اسكن بعيدة عنهم ب 300 كلم
و الله شيخي بقى غير يشري وبان عليه والو و هو اللي يصرف
شيخي يجيب الماكلة و الله ما يبقالنا والو خوتها و باباها ديما في الطابلة قاعدين

السلام عليكم و رحمة الله و بركاته
مافهمتش الناس هذو كيفاش يخموا ما يحشموش؟؟؟؟؟؟؟؟؟؟؟؟؟؟ ربي يهديهم:mad:

[طيور الجنان]

هذا هوما احنا الجزائريين يحبو يزوجو بناتهم و كي يتزوجو يا هوما يظلوا عندها يا هي تظل عندهم لوكان مازوجوهاش و خلاص،ربي يكون في العون.

[doua arij]

لازم على اهل البنت يقدرو انو بنتهم ساكنة سكن جماعي ماشي مستقل وكثرة الزيارات تجيب المشاكل

[youcefas07]

هذا هوما احنا الجزائريين يحبو يزوجو بناتهم و كي يتزوجو يا هوما يظلوا عندها يا هي تظل عندهم لوكان مازوجوهاش و خلاص،ربي يكون في العون.

كلامك صواب
شكراااااا

[youcefas07]

لازم على اهل البنت يقدرو انو بنتهم ساكنة سكن جماعي ماشي مستقل وكثرة الزيارات تجيب المشاكل

ارواحي فهميهم نتي :mh31::mh31:
شكرا على مرورك

[كاميلا]

لسلام عليكم

اخي تزوج من بنت الجيران لكن المشكلة انو اهلها كل يوم ياتو اليها يوميا حتى ضقنا ضرعا بهم و تشاجرت امي معاهم وتوقفو عن زيارتنا نهائيا لكن زوجة اخي كل اسبوع تروح لدارهم تقولي عايشة في اوتال

الان هي خسرت شيئين اهمها : ان هلها لا يزورونها ابدا في منزلنا ثانيا خسرت كرانتها مام اهلل و الاقارب

وش رايكم في هذي الحالة لي ممكن يعيشوها اغلب الناس لمزوجين بابناء الجيران

عنصرية وفوقية وتعقريط علاش والديك لازم مرتك تحملهم وانت لا متحملش مجرد زيارة لاهل زوجتك

اتقوا الله انت مجبر على تحمل اهلها كيما هي تتحمل اهلك وزيد عايشة مع اهلك يكون في علمك هي كي عايشة مع اهلك راهي دايرة فيك مزية مش من واجبها تتحمل امك وابوك بل تكرما فقط منها تعيش معاهم وتخدمهم
الزواج يا وليدي راهو تقاسم مسؤوليات هاذي منك وهاذي مني مش الراجل اهله على الراس والمرا اهلها تحت الرجلين
وحذاري قطع صلة رحمها انتم تتحملوا الذنب

[كاميلا]

وزيد قالك سكن جماعي تحملوا بعضاكم ونسابكم محملتومهش على زيارة يخي عقلية يخي وان كانت بدارها وحدها رح تجي ميمتك تزعكلها اهلها عيب عليك انت ووالدتك

[كاميلا]

السلام عليكم و رحمة الله و بركاته
لا يا أخي أمي ما هيش غالطة، لأني بحكم عملي قرب المنزل العائلي أمي تقدر تشوفني كل يوم. راك تعرف البنات يحبوا اللمة و القعدة على بيها أنا نحبها تجي عندي .

امها حددتلها الزيارة مرتين وثلاثة وماليك نهار كامل وهي تشوف في وجه ميمتك والديك وخاوتك عادي بصح كي تحب تشوف امها مش عادي انت باين مؤثرة عليك امك المصون بهدرة النسا

[youcefas07]

عنصرية وفوقية وتعقريط علاش والديك لازم مرتك تحملهم وانت لا متحملش مجرد زيارة لاهل زوجتك

اتقوا الله انت مجبر على تحمل اهلها كيما هي تتحمل اهلك وزيد عايشة مع اهلك يكون في علمك هي كي عايشة مع اهلك راهي دايرة فيك مزية مش من واجبها تتحمل امك وابوك بل تكرما فقط منها تعيش معاهم وتخدمهم
الزواج يا وليدي راهو تقاسم مسؤوليات هاذي منك وهاذي مني مش الراجل اهله على الراس والمرا اهلها تحت الرجلين
وحذاري قطع صلة رحمها انتم تتحملوا الذنب

شوفي عمتي كلامك كان قاسي ونظن مفهمتيش
عادي جدا زيارة اهال الزوجة لابنتهم بل هذا وجاب و فرض ومن باب صلة الارحام
لكن أنا قلت :
زيارة اهل الزوجة المتكررة يعني يوميا يوميا بما تحمله من كلمة
اما سكنها معانا هي تعلم ان خطيبها معندوش دار يعني قبلت وتزوجت برضاها مش تكرما و الدليل كون جا عندها دار متسكنش معانا
متنسايش انو كما قلتي سكن اجتماعي يعني الزيارة الدائمة متخليش افراد العائلة يكونو رايحين في دارهم كاين ولاد وكاين بنات
الضيوف يخلوك تكون غريب في دراك مش مرتاح

[كاميلا]

انا يا اخي مقصديش نتهجم عليك بصح متربيتش هكدا تربيت نحترم ونهز الضايف ولو حتى يسبني في داري منردش عليه وامي عاشت معندهاش حماة او شيخ منعرفوش العايلة الكبيرة بصح نشفى كان الفاميلية من جهة امي وابي يجيو عندنا يقعدوا كيما يحبوا مش زيارة ساعة او ساعتين يباتو يعقبوا الفاكونس عندنا ولا يوم شفت امي منزعجة او حرشت بابا يزعكهم والتصرف الصادر من امك عيب كبير واسمحلي

[كاميلا]

وانا مانيش عمتك يمكن نكون جداك مثلا

[كاميلا]

والي يسكن مع العايلة يتوقع كل هذا اذا ميحملش.. اذا ميسكنش بنات الناس مع والديه ومن داك يحب يقطعها على اهلها الاجدر يروح يدي وحدة يتيمة احسن

[youcefas07]

وانا مانيش عمتك يمكن نكون جداك مثلا

نتي قتيلي يا وليدي وانا رديت من باب الاحترام

[oum imane83]

لو كان العكس الي صاري يعني زوجة ساكنة وحدها واهل الزوج دائما عندها صباح وعشية هاد الامر عادي ياترى....

زيارة اليومية لاهل الزوجة مزعج بالنسبة لكم .. يعني ماتلقاوش راحتكم في منزلكم ... ووجود والدي الزوج واخوته الدكور الا يعتبر ايضا انتقاصا لحرية الماة في بيتها ....


مع اني ضد فكرة زيارة الاهل الكثيرة والمتكررة دون سبب لابنتهم لكن من المفروض مثلما الزوجة تتقبل اهل الزوج هوما بدورهم ايضا يتقبلو والديها ... ولو بداخلكم ماحملوتوهاش لكن من المفروض ما ديروش مشاكل معاهم تسببت في قطع رجلهم لرؤية ابنتهم ... وراهي تروح مرة في الاسبوع او مرتين ومازالكم متضايقين .... واش حبيتو تنسى والديها الي جابوها للدنيا .... البر للوالدين لا يقتصر على الرجل فقط ....

.. رانا عارفين ان اهل الزوجة يبقاو عزاز كي يكونو بعاد .... وهاد الشيء احسن لبنتهم بصح عيب اهل الزوج يحاوزهم ... وين هي اخلاق المسلمين واكرام الضيف وماشي حق عليكم تمنعوها من اهلها..

راني متزوجة متزوجة واهلي يجيو عندي فقط في المناسبات .. زيارتهم لي تعد على اصابع اليد الواحدة ... بصح ان نروح عندهم اسبوعيا

وفي رايي مكانش كما الاستقلالية في الحياة الزوجية ... واهل الطرفين يبقاو عزاز والعلاقة تبقى مليحة .. لا الزوج يمل ولا الزوجة تمل... ويحافظو عل خصوصيتهم

تقبل مرور..

[عائشة07]

بارك الله فيك ام ايمان

[لحن الحياة.]

لوكان نزوجو خويا و تولي المرا تروح لدارهم كل يوم نرفدلها قشها و نكريلو هربين و نقولها اقعدي ثما في داركم الى الابد ......... نحكلها الفلفل في عينيها لاخاطر نورمالمو لي تتزوج تقعد تقوم بدارها مش باش يطلقو رجليها فالمشي تاع الديار رانا في عام 2100 كاين حاجة سماها تلفون و كاين القراتوي تاكتيفي 10 سوايع و تهدر مع دارهم حتى يطرطقو وذنيها و في حالة مرض و الا مرة فشهر تروح و لا ساعتين في 15 يوم و تولي

[youcefas07]

لوكان نزوجو خويا و تولي المرا تروح لدارهم كل يوم نرفدلها قشها و نكريلو هربين و نقولها اقعدي ثما في داركم الى الابد ......... نحكلها الفلفل في عينيها لاخاطر نورمالمو لي تتزوج تقعد تقوم بدارها مش باش يطلقو رجليها فالمشي تاع الديار رانا في عام 2100 كاين حاجة سماها تلفون و كاين القراتوي تاكتيفي 10 سوايع و تهدر مع دارهم حتى يطرطقو وذنيها و في حالة مرض و الا مرة فشهر تروح و لا ساعتين في 15 يوم و تولي

مرا ونص وست الستات :19::mh31:

[raboha]

يا ناس فهمونا كي تجيبو العروسة علاه ديرو عليها قوانين و خاصة تحبو تحرموها من أهلها
يا سيدي إذا جاو دايما دارو المشاكل و إذا كل سمانة كيف كيف حتى و الزيارة كل شهر ثان تقلقكم
حطي روحك في مكانها و تزوجتي بجاركم و ناضو فاتنو داركم تقبليها على أهلك
و زيدي هو يخليك تروحي كل سمانة لداركم تقبلي دار شيخك يهدرو عليك فيها ولا ميقبلوش زيارتك كل سمانة واش يكون الرد تاعك
ربي يهدي الخلق جحا خلاها رضا الناس غاية لا تدرك
كاينة وحدة بنتها تظل عندها حتى و عندها دارها تخليها و تقعد عند يماها
أيا تزوج وليها ولا يدي مرتو لدارهم خطرة كل سمانة خطرة كل سمانتين مع أنهم جيران
العجوز معجبهاش الحال قاتلو منين هاكا علاه تزوجت كيراها تروح لدارهم و هي نسات بنتها اللي عاشرة عندها
ربي يهدي الخلق و قبل مايهدر الواحد يشوف روحو قبل
ممكن نتي كي تتزوجي تكوني هاكاك

[بنت لبحر]

اين اخوك في هدا المشكل

[raboha]

لو كان العكس الي صاري يعني زوجة ساكنة وحدها واهل الزوج دائما عندها صباح وعشية هاد الامر عادي ياترى....

زيارة اليومية لاهل الزوجة مزعج بالنسبة لكم .. يعني ماتلقاوش راحتكم في منزلكم ... ووجود والدي الزوج واخوته الدكور الا يعتبر ايضا انتقاصا لحرية الماة في بيتها ....


مع اني ضد فكرة زيارة الاهل الكثيرة والمتكررة دون سبب لابنتهم لكن من المفروض مثلما الزوجة تتقبل اهل الزوج هوما بدورهم ايضا يتقبلو والديها ... ولو بداخلكم ماحملوتوهاش لكن من المفروض ما ديروش مشاكل معاهم تسببت في قطع رجلهم لرؤية ابنتهم ... وراهي تروح مرة في الاسبوع او مرتين ومازالكم متضايقين .... واش حبيتو تنسى والديها الي جابوها للدنيا .... البر للوالدين لا يقتصر على الرجل فقط ....

.. رانا عارفين ان اهل الزوجة يبقاو عزاز كي يكونو بعاد .... وهاد الشيء احسن لبنتهم بصح عيب اهل الزوج يحاوزهم ... وين هي اخلاق المسلمين واكرام الضيف وماشي حق عليكم تمنعوها من اهلها..

راني متزوجة متزوجة واهلي يجيو عندي فقط في المناسبات .. زيارتهم لي تعد على اصابع اليد الواحدة ... بصح ان نروح عندهم اسبوعيا

وفي رايي مكانش كما الاستقلالية في الحياة الزوجية ... واهل الطرفين يبقاو عزاز والعلاقة تبقى مليحة .. لا الزوج يمل ولا الزوجة تمل... ويحافظو عل خصوصيتهم

تقبل مرور..


الله يسلم ذاك الفم و الله كلامك ينحط على الجرح يبرى
عندك الحق أهل الزوج ميهدروش على رواحهم بصح العروس يحاسبوها على أهلها
كي يكون داير دارو يكثرو عليه الزيارة و كي تهدري يقولولك الدار دارها وليدي و أنا جبت و كبرت
بصح العروسة شكون جابها و كبرها
هذي صح صرات وحدة تزوجت قتالها عجوزتها متزيديش تحوسي على داركم راكي متزوجة
و قالت لأمها متزيديش تسقسي عليها راها مرت راجل و راها في داري

[كاميلا]

انا حابة نفهم والدك موجود يعني امك دير زردة وتداوس مع الناس وتزعكهم وهو اين ؟ امك عيب وعار عليها واش دارته ولازم يكون راجل يحكم فيها اللي هو الاب

[dahmane42]

أين هو المشكل
سؤلي لك ايها الأخ الكريم
لو كانت اختك في مكانها كيف يكون رد الفعل ما تكبرش المسالة

[oum imane83]

لوكان نزوجو خويا و تولي المرا تروح لدارهم كل يوم نرفدلها قشها و نكريلو هربين و نقولها اقعدي ثما في داركم الى الابد ......... نحكلها الفلفل في عينيها لاخاطر نورمالمو لي تتزوج تقعد تقوم بدارها مش باش يطلقو رجليها فالمشي تاع الديار رانا في عام 2100 كاين حاجة سماها تلفون و كاين القراتوي تاكتيفي 10 سوايع و تهدر مع دارهم حتى يطرطقو وذنيها و في حالة مرض و الا مرة فشهر تروح و لا ساعتين في 15 يوم و تولي

هههههههه هدا مازال ماتزوجش وتخممي بهاد الطريقة ...علاش تستناي حتى يتزوج اخوك .. طبقيها انت اولا الا راكي متزوجة انسايهم وادفني روحك في دارك وماتروحيش عند اهلك حتى تليفون ماكان لاه علاش تخسري دراهم والا راكي عازية طبقيها كي تتزوجي ان شاء الله ...

واش عمبالك الراجل والدراري رايحين ينسويك ويعوضوك في مواليك ولا خاوتك ....

خير الامور اوسطها لا افراط ولا تفريط ....
سلاااااااااااااااااااااااااااااااام

[oum imane83]

أين هو المشكل
سؤلي لك ايها الأخ الكريم
لو كانت اختك في مكانها كيف يكون رد الفعل ما تكبرش المسالة


ماشي كيف كيف هاديك اخته اما هادي بنت ناس

الظلم ظلمات يوم القيامة

[oum imane83]

الله يسلم ذاك الفم و الله كلامك ينحط على الجرح يبرى
عندك الحق أهل الزوج ميهدروش على رواحهم بصح العروس يحاسبوها على أهلها
كي يكون داير دارو يكثرو عليه الزيارة و كي تهدري يقولولك الدار دارها وليدي و أنا جبت و كبرت
بصح العروسة شكون جابها و كبرها
هذي صح صرات وحدة تزوجت قتالها عجوزتها متزيديش تحوسي على داركم راكي متزوجة
و قالت لأمها متزيديش تسقسي عليها راها مرت راجل و راها في داري


بلا مزية اختي والله شحال نكره هاد العقليات .... ما نظلم ما نتظلم ....

كاين شيء ناس العروسة يحسبوها عدوة ولا عبدة يا لوكان يلقاو حتى هداك النفس يقطعوه ...اصلا المراة عندها الراجل وهو المسؤول عليها ادا هوما متفاهمين والعايلة واش دخلهم ادا ما هومش راضيين وما عاجبهش الحال يخليوها تخرج ودير دارها وتكن فيها حرة ..............

انا مارانيش ندافع على العروسة ونطيح من قيمة اهله راني نرد فقط على حساب واش احكى الاخ ....

وناكد دائما كاين عرايس واعرين بزاااااف وبالمقابل كاين عائلات متسلطات ومتجبرات ..

انا نشفى كي كانت جدتي بصحتها (والدة امي ) كي تجي لنا لدار بالعكس جدتي وجدي ربي يرحهم يفرحو بها بزااااف ويكرموها احسن كرم ويحللو فيها باش تبات ... صح مكانتش تجي كل يوم كانت تجي مرة على مرة بصح ولا عمرهم قابلوها بوجه عابس .... وهاد الشيء يخلي العروسة تحب عايلة زوجها وتكبر هي ثاني بيهم ...

[nihal159]

السلام عليكم و رحمة الله وبركاته
أنا نعرف الزيارة بدون مناسبة سماطة و دسارة زايدة

[youcefas07]

خير الامور اوسطها لا افراط ولا تفريط ....
سلاااااااااااااااااااااااااااااااام



راكي مش فاهمة طول الموضوع كتابتك خارج المجال انا مقلتش ممنوع الزيارات انا تحدثت عن الزيارات اليومية ركزيلي على كلمة اليومية


وكما قلتي خير الامور اوسطها

حنا من عائلة محافظة مش من العائلات لظالة بناتهم يطزقلو و يديور في الرواد مثل الرجالة
ومعندناش بنات خارجين داخلين
بناتنا كامل متحجبات حجاب شرعي و حاولي تفهمي معنى الحجاب الشرعي بكل جوانبه خاصة الروحية و الاخلاقية منها

واذا كنت انت يا ام ايمان متدينة اكيد تعرفي معنى الحياء و الوقار والحشمة وتعرفي معنى عيب التضييق على الناس
اما السكنى : الزوجة لساكنة عندنا لازم تمشي على طريقتنا ولانو خويا زوالي مقدرناش نخرجوه للشارع وهذاا حترام ليه وزوجته لازم تفهم هدي

انا نتحدث على العائلات المحافظة و ليس العائلات التي تدعي الحضارة وعندها كل شيء عادي

انا اختي تجينا كل شهرين تبقى يومين او 3 و المرة الاخير جات وبعد شهر زادت جات اتفاجانا وقلنالها كيفاه جيتي قالنت راجلي مسافر ومكانش ليقعد معايا ( مجرد مثال )



سلام وشكرا على مرورك

[nihal159]

[QUOTE=youcefas07;3994239468]راكي مش فاهمة طول الموضوع كتابتك خارج المجال انا مقلتش ممنوع الزيارات انا تحدثت عن الزيارات اليومية ركزيلي على كلمة اليومية


وكما قلتي خير الامور اوسطها

حنا من عائلة محافظة مش من العائلات لظالة بناتهم يطزقلو و يديور في الرواد مثل الرجالة
ومعندناش بنات خارجين داخلين
بناتنا كامل متحجبات حجاب شرعي و حاولي تفهمي معنى الحجاب الشرعي بكل جوانبه خاصة الروحية و الاخلاقية منها

واذا كنت انت يا ام ايمان متدينة اكيد تعرفي معنى الحياء و الوقار والحشمة وتعرفي معنى عيب التضييق على الناس
اما السكنى : الزوجة لساكنة عندنا لازم تمشي على طريقتنا ولانو خويا زوالي مقدرناش نخرجوه للشارع وهذاا حترام ليه وزوجته لازم تفهم هدي

انا نتحدث على العائلات المحافظة و ليس العائلات التي تدعي الحضارة وعندها كل شيء عادي

انا اختي تجينا كل شهرين تبقى يومين او 3 و المرة الاخير جات وبعد شهر زادت جات اتفاجانا وقلنالها كيفاه جيتي قالنت راجلي مسافر ومكانش ليقعد معايا


السلام عليكم و رحمة الله وبركاته
لالا يا أخي الجزائريين الكل خير و بركة؛

[youcefas07]

[QUOTE=youcefas07;3994239468]راكي مش فاهمة طول الموضوع كتابتك خارج المجال انا مقلتش ممنوع الزيارات انا تحدثت عن الزيارات اليومية ركزيلي على كلمة اليومية

....


السلام عليكم و رحمة الله وبركاته

أنصحك فضلا لا أمرا أن تصحح خطأك ........



اسف اختي منيش قاصد الاسائة وشكرا على التذكير راني حذفتها ومن فضلك احذفي الجملة من تعليقك انتي وجزاك الله خيرا

[nihal159]

[QUOTE=nihal159;3994239643]

اسف اختي منيش قاصد الاسائة وشكرا على التذكير راني حذفتها ومن فضلك احذفي الجملة من تعليقك انتي وجزاك الله خيرا


السلام عليكم و رحمة الله وبركاته
خلاص؛ إن شاء الله مايكون غير الخير:mh92:

[oum imane83]

كنت رايحة نحط نفس ملاحظة الاخت نهال .. لانه ما نحكموش على الناس من خلال انتمائهم لانه كل واحد وتربيته .... ما يعنيش ان ناس الشمال خارجين عن التربية وين تروح تلقى الطيبين وتلقى بالمقابل الفاسدين .. والحرمة والعفة اساسيات تربينا عليها ..


راني معاك بان زيارة اليومية والمبالغ فيها قلة فهامة .سواء كانت بنتهم ساكنة وحدها ولا مع الاهل بصح مع الاهل تكن اكثر ...للزيارة اداب لازم الواحد يراعيها اصلا العكس الي يحب يكون عزيز يخفف ...

لكن الواحد يتصرف بحكمة ومايحاوزش ضيافو هادو ماشي جيران ولا اجانب يبقاو اهل الزوجة وولاد خوك هم احفادهم ... ووالعلاقة مستمرة ..

والكنة لها الحق بزيارة والديها تتفقد احوالهم وتخدمم على قدر المستطاع دون اهمال منزلها وواجباتها وهادي الشيء ليس مشروط بفترة معينة .. وكل واحد وظروفه
..

[youcefas07]

كنت رايحة نحط نفس ملاحظة الاخت نهال .. لانه ما نحكموش على الناس من خلال انتمائهم لانه كل واحد وتربيته .... ما يعنيش ان ناس الشمال خارجين عن التربية وين تروح تلقى الطيبين وتلقى بالمقابل الفاسدين .. والحرمة والعفة اساسيات تربينا عليها ..


راني معاك بان زيارة اليومية والمبالغ فيها قلة فهامة .سواء كانت بنتهم ساكنة وحدها ولا مع الاهل بصح مع الاهل تكن اكثر ...للزيارة اداب لازم الواحد يراعيها اصلا العكس الي يحب يكون عزيز يخفف ...

لكن الواحد يتصرف بحكمة ومايحاوزش ضيافو هادو ماشي جيران ولا اجانب يبقاو اهل الزوجة وولاد خوك هم احفادهم ... ووالعلاقة مستمرة ..

والكنة لها الحق بزيارة والديها تتفقد احوالهم وتخدمم على قدر المستطاع دون اهمال منزلها وواجباتها وهادي الشيء ليس مشروط بفترة معينة ...
..
شكرا شكرا على الرد
و انا اسف اسف اسف اسف اسف و الله ماني قاصد شي بكلامي و اسمحيلي

[youcefas07]

يعني كانت مجرد افكار للتوضيح و فقط

[oum imane83]

سماح خويا....المشكل انك فقط ماوصلتش فكرتك مليح على بيها . لقيت هاته الردود ....

[لحن الحياة.]

هههههههه هدا مازال ماتزوجش وتخممي بهاد الطريقة ...علاش تستناي حتى يتزوج اخوك .. طبقيها انت اولا الا راكي متزوجة انسايهم وادفني روحك في دارك وماتروحيش عند اهلك حتى تليفون ماكان لاه علاش تخسري دراهم والا راكي عازية طبقيها كي تتزوجي ان شاء الله ...

واش عمبالك الراجل والدراري رايحين ينسويك ويعوضوك في مواليك ولا خاوتك ....

خير الامور اوسطها لا افراط ولا تفريط ....
سلاااااااااااااااااااااااااااااااام





:1::1: نورمال اختي نديرها انا ما نحبش نمشي فالديار اختي الوحيدة وما نروحلهاش حتى تجينا
ودارنا كامل هاك . وكي نتوحشو بعضانا نديرو لمة زينة في الريف مرة فالوقت خير من كل يوم نروح و نجي
شوووكرن الاخت على النصائح

[youcefas07]

سماح خويا....المشكل انك فقط ماوصلتش فكرتك مليح على بيها . لقيت هاته الردود ....


لا يا اختاه انا موضوعي مفهوم انتي ربما قراتيه على عجالة لاني غيرت كلمة يوميا باللون الازرق
لاحظي :
لسلام عليكم

اخي تزوج من بنت الجيران لكن المشكلة انو اهلها كل يوم ياتو اليها يوميا حتى ضقنا ضرعا بهم و تشاجرت امي معاهم وتوقفو عن زيارتنا نهائيا لكن زوجة اخي كل اسبوع تروح لدارهم تقولي عايشة في اوتال

الان هي خسرت شيئين اهمها : ان هلها لا يزورونها ابدا في منزلنا ثانيا خسرت كرامتها مام اهلل و الاقارب

وش رايكم في هذي الحالة لي ممكن يعيشوها اغلب الناس لمزوجين بابناء الجيران


شكرااا على كرمك