ليكور

[مشكلتي]

السلام عليكم

اردت عمل دروس خصوصية للاطفال لكن المشكلة لا اعرف كيف احضرهم و نقوللهم اني ندير ليكور علما اني درتهم مرة وحدة لجارتنا .انا جد خجولة و راني محتاجة للمال بزاف .معضمهم يروحو للمدارس الخاصة خصوصا منطقتنا معمرة بيهم .تمنيت لوكان يجو عندي نقريهم خصوصا جيرانناكاين بزاف لي يقراو.بصح منقدرش نقوللهم ارواحو ديرو ليكور عندي

[aymen01]

ليكور يا استاذه بلا دراهم

تلقايها في اخرتك

مشي تستغلو في الدراري

[مؤمنة بالله]

لو تروحي ديري اعلان وتعلقيه في المؤسسة اللي قريبة عليك
او تطلبي من مدير المؤسسة اللي قريبة ليك يديرلك اعلان عن طريق المعلمين اللي عنده
او تبداي تجمعي الدراري اللي يحبو يديرو ليكور وهكذا كل طفل يمكن يجيب معاه 2 او 3 اطفال
اتمنى لك التوفيق اختي

[فاطمة الزهراء 29]

http://www5.0zz0.com/2015/08/25/12/744176976.gif (http://www.0zz0.com)
السلام1
اختي كامل لي يديرو الليكور كانت بدايتهم هكذا و من بعد انشهروا
انتي حاولي تخبري احدى جاراتك متكونش خجولة و هي تتكفل باخبار الجيران
او اكتبي اعلان و لصقيه في المؤسسات و ماذابيك تخضي من الثمن لكي تكتسبيهم لانو معظم الاولياء يبحثون عن لي اقلهم ثمن

و ان شاء الله ربي يكون معاك و يوفقك :19:

سلاام
http://www5.0zz0.com/2015/08/25/12/744176976.gif (http://www.0zz0.com)

[بشـرى]

شوفي جارتك لي درتيلها من قبل وقوليلها تخبر زميلاتها وزملائها في القسم وبشوي ينتشر الخبر، وتاني متغليش بزاف

[الجميلة انا]

تفادي الاعلانات الملصقة

انتي خبري جاراتك و كل معارفك و كل واحد يجيك يخبر زملاءه

قري مليح و كوني مليحة مع تلاميذك و اكسيهم بانك تشرحي مليح و اخلصي نيتك

و بهذي الطريققة رح يعرفوك

[melissa lola]

مافيهاش حشمة كي تقري الاولاد بالمقابل بالعكس راكي تعاونيهم ، بزاف اولياء ماشي قاريين ولا ماعندهمش الوقت يقرو ولادهم ولا كاين مواد لازملها متخصصين لهذا وجدت الدروس الخصوصية انا في عامي الاخير انتاع الدراسة قريت الذراري بديت بواحد ولا زوج ومنبعد ولاو عندي فوجين كل فوج فيه قريب 10 اطفال و الحمد لله جبت مصروفي وعاونتهم كاين بزاف اللي تحسنو انتي كما قالولك ابداي بواحد وزوج ومنبعد الذراري هذا يقول لهذا وقولي لجاراتك راني ندير ليكور اللي يحب يقرا وماتكبريش كرشك باه الناس تجي لعندك و بالتوفيق ،

[houda_jijel]

سلام اختي علاه تصعبي فيها خليك من الخجل مدام واثقة من قداتك على ايصال المعلومة توكلي على ربي ديري اعلان لكان اكي في مدينة و لكان في قرية ساهلة قولي لاحدى الجارات و هي رايحة توصل الخبر كما البرق ههههههههههههههههههههه متخافيش و بالتوفيق