سأموت هكذا 2

[مشكلتي]

السلام عليكم ورحمة الله تعالى وبركاته
شكرا لكم على مشاركاتكم في موضوعي الاول
http://www.djelfa.info/vb/showthread.php?t=1852958
وليكن في علمكم اني انا صاحبة مشكلة ""سامحني ابي """
http://www.djelfa.info/vb/showthread.php?t=1831294
لكن هناك من اساء الفهم بعض الشيئ فيما دونت
ابي هو من سالني ان اعيد البكلوريا
وتخيلو عندما اجبته بنعم بعد تفكير طويل تحفز وقال ساساعدك
بان يدعمني اكثر من العام الماضي
صراحة وقعت في مازق لا مفر من
انه لصعب ان اقنعه بشئ اخر
انا في نظري
"""""الطب للفتاة== تعب ومشقة وعنوسة """"
اجل هوهكذا
وربما من قال ان ابي هو من يحلم """عنده الحق""" ان لم اكن مخطئة وارجو النصيحة من صاحبات التجربة في الطب حتى انا ممكن ادرسه
هذه مشكلة ربما يمكن تجاوزه ,,,,,,,,,,,لكن
انا وكما قلت لكم سابقا لم اعد اتحمل ما انا فيه لم اعد اصلح لشئ فقدت الثقة تماما في نفسي حتي في تجربتي لبعض وصفات حلويات افسدهااااا فكيف لي ان اعيد الباكلوريا وادرس التخصص العلمي وادخل الطب؟؟
حقا لقد خارت قواي ولم اعد اقدر
انا ببساطة لا شئ
الان ساتكلم بوضوح لماذا انا لا انجح؟؟؟ اجيبوني بصراحة.......
انا لماذا لا استحق ؟؟
انا كنت واثقة من شيئ تمام الثقة ثم خابت ظنوني
"""""""""""علاش هوما خير مني .... ناجحين وفرحانين ..........يديروو كيما يحبو ويلبسو الميني لا حجاب لا والو اصلا ......... ويتفرجو صوالح...مشي...... انا شفتهم ف لي بروفيل تاوعهم يسمعو الاغاني غير تاع الخرطي .... علاقات هنا ولهيه وتيليفونات .......انا ما عرفت علاه انا قاعدة التالية ........انا حياتي محافظة حياتي نقرا حياتيي غنية ماطلعتها في اذني .........ولا انا معقدة؟؟؟؟؟؟ كيفاش ندير ..........كيفاش .............نخرج الطريق؟؟؟ ولا كيفاه فهمووووني يرحم والديكم
بصراحة لوكان مكانش الانتحار حرام لراني قتلت روحي ديراكت ..........."""""
ونزيدكم حاجة انا ماشي حابة نكون خير منهم انا حابة على الاقل ننجح في حاجة من حياتي
انا عندي هذا الوسواس اللي ما علاباليش وين راح يوصلني

حاليا انا عندي 18 سنة
وقاعدة كيماهاك
وبلاك حتى نموت من الزعاف
حت اهلي كرهو من شكواي
كل مرة مريضة حتى وجهي كرهت نشوفو
لا خرجة لا والو حنا كيماهاك يا لوكان عندنا طيارة
كرهت روحي تماما انا منقدر ندير والو من حقق احلامي تاع الخرطي ولا تاع ابي
ولا حوايج اخرى ومانيش حابة نتقبل اني راح نقرا مرة اخرى ونحل الكتب والكراريس ونكتب بالاقلام
ونقابل الاساتذة شئ مستحيل تقبله لاني كرهت منه تماما
نموت ومانديرش هاك
مي علابالي بلي بسيف عليا
وماعنديش حاجة اخرى نديرها
مي كيفاش نتقبل؟؟
انا تحطمت تحطمت
حتى مواهبي تبعثرت الر سم كتابة الخواطر وصنع الحلويات
لم اصبح اعرف شئ
سوى كره ومقت نفسي ,,,,,,,,,,,
اليكم الخط.............................................. ..........................

[بشـرى]

ٱختي انا قريت طب ونقولك ماهيش هاذاك الشيء العظيم اللي تقتلي روحك على جالها ، راهي كيفها كٱي تخصص آخر ، كاين عاودو الباك وموصلوش للمعدل تاعها، وانت مع الاحباط واليٱس تاعك هذا مراحش توصلي بعيد ، لازم تكون عندك ارادة قوية ساع باه تعاودي، والا اقنعي وديري تخصص بالباك تاعك .

[عمر منير]

السلام عليكم
ساسالك اسئلة هل فقدتي الامل تماما هل عمركي 18 سنة و كرهتي الدنيا
اين هو طموحكي و احلامك
تاكدي انكي لستي الوحيدة التي تعاني هذه المشاكل
تلك الامور التي تحصل لكي هل تعلمين لماذا ببساطة لانكي فقدتي الثقة بنفسك هل من المعقول ان تفقد امراة في مقتبل عمرها املها في النجاح الم تعلمي ان هناك الكثيرين من خسر امتحان البكالوريا لمرات لكنهم واصلو ليس من اجل شيء الا من اجل احلامهم اجعلي من تلك العراقيل و المشاكل تحديا لكي الما تتغلبين عليه فرغم قسوة الحياة و الظروف المحبطة و المثبطة لا يجب ابدا الاستسلام
هل رفعتي الراية البيضاء ما دام فيكي روح انهضي راتبي اموركي المشتتة فرغم نظراتهم و تساؤلاتهم التي لا تنتهي من المستحيل ان تستسلمي سواء دخلتي شعبة الطب ام لا المهم ان تنجحي هدفكي الاول هو النجاح في البكالوريا و بمعدل جيد ان امكن و ان كان ميزاجك لا يسمح فالمهم ان تحاولي و تحاولي و تحاولي تاكدي انكي عندما تذهبين للجامعة و ترين بعينك ما يحدث لتلك الفتيات اللواتي يعشن بحرية زائدة ستفهمين لماذا يضغط عليكي اهلك لا شيء مستحيل مع العمل
هيا من الان امسحي دموعك و اذهبي و اصنعي الحلوى التي تعريفينها
خذي العهد مع نفسك بانه و مهما حدث لن تفشلي او تياسي ببساطة لانكي قوية و ايمانك بالله كبير
تاكدي انه و في هذه الدنيا الكثير يحبون لكي ان تنجحي و تكونين سعيدة
تاكدي ان عقلك و قلبك لو كان ينطقان لوجدتهما امامك يمدان يديهما ليرفعانك لكنكي لا تريدين سماعهما
ليست السعادة في حياة بلا مشاكل بل السعادة في حياة نتغلب فيها على المشاكل
لديكي صحة جيدة و عائلة تحبك
طالعي الكتب و تفرجي التلفاز و زوري اقاربك حاوري اهلك اجعلي لنفسك هواية تعلمي الخياطة و الاعلام الالي و صنع الحلويات
كوني صاحبة شخصية قوية لا تهزها الظروف ولا الكلمات
سننتظر ان تخبرينا بانكي تغلبتي على مشاكلك و نجحتي في البكالوريا او اي شيء اخر
هيا توكلي على الله و ابدئي الحياة

[sarl02]

انت جاحدة لنعم الله عليك التي لا تعد ولا تحصى وملات الدنيا صراخا وعويلا لمجرد عدم دخولك شعبة الطب ...القناعة كنز لا يفنى والرضى بقضاء الله وحمده وشكره على نعمه اسبابا مهمة لكي يعيش الانسان في طمانينة واستقرار روحي ونفسي ...زد الى ذلك انت تراقبين اقرانك وتقارنين نفسك بهم فوق الحد الاقصى واقول لك انه من راقب الناس مات هما ....هذا التفكير السلبي سيؤدي لهلاكك ...انت خير من مليون بنت تعاني من مشاكل جمة ....عودي لرشدك ووفقك الله.

[AMINA.Z]

.....................................


شوفي اختي الطب ما يعرف قيمتو غير اللي يحبو و ما ينجحش فيه غير اللي متمني يكون طبيب و يحب هاذ المهنة
اسمحيلي مي باباك ماش راح يدوملك هو عاش حياتو و حياتك درك انتي لي تقرري واش ديري فيها.
الدراسة نعمة و يجي نهار وين تندمي على هاد الكلمات اللي راكي تقولي فيهم كرهت الدراسة ...راح تولي تشتاقي الكراس و القلم .
الشيء الاخر يا اختي النجاح في الحياة لا يرتبط بمدى التزام المرء بدينه
الغرب كفاااار و اليهود من اكبر المنافقين و العصاة و راهم مالكين العالم و و كل نعيم اللي راكي فيه جاي من تعبهم و نجاحهم
الالتزام بالدين مالازمش تربطيه بامور دنيوية يعني انا ملتزمة لازم نكون ناجحة مرفهة و جميلة و و و و
النجاح متعلق بمدى الجهد المبذول و صدق النية في النجاح ثم يلتي التوفيق من الله ......فكري مليح في كلامي هادوك اللي راكي تقولي خارجين الطريق و ناجحين ...ربي وحدو عالم بنياتهم و افعالهم و مدى جديتهم و تعبهم من اجل النجاح ....ماتزيديش تحكمي على الناس من واش راكي تشوفي.
نقطة الاخيرة ......الشكوى و البكاء لن يعيد ما ضاع و لن يجعلك انسانة اقوى ...خلاص بكيتي في وقت الصدمة ...درك خمي واش دير مليح مليح
و ركزي مليح في هاد المثل
الضربة اللي ما تقتلكش تقويييييييك
اتوكلي على ربي و سطري اهدافك و صارحي والديك و قنعيهم برايك
بالتوفيق

[الجميلة انا]

في الحياة لازم تلقاي محطات تتعبك و تكرهي فيها هي اختبار و انتي عليكي بالثبات و التحلي بالعزيمة و تكوني اقوى

متفقديش الامل و خلي عندك ثقة بالله و كل شيء يسير و هين باذن المولى عز و جل

بغض النظر على التخصص اللي رح تقريه لازم تحبيه لازم تحبي قرايتك و تحبي الحاجة اللي راكي تعملي فيها باش تتقنيها و تكوني

الافضل

بالنسبة للطب يحتاج دراسة و جهد حتى تتميزي كاي اختصاص اخر اذا اردت الطب فعليك ان تسالي نفسك هل انتي جديرة ان يضع

غيرك ثقة فيك لتحميه و تكرسي وقتك و جهدك لمعالجته بهذا الياس و الاحباط الذي اجده بين كلماتك فالاجابة هي لا

اذن عليك ان تحددي مصيرك بيدك

انتي ماذا تريدين

ما هو طموحك

ماذا ترين نفسك في المستقبل

عليك ان تخرجي من هذه القوقعة التي صنعتها لنفسك

لم يبق الكثير و تفتح ابواب الدراسة

استخيري الله و حددي وجهتك

هذا مصيرك انتي فقط

اذا انتي اردت الطب فستصلين اليه

اذا لم تحبينه و فقط اردته لارضاء والدك حتى لو نجحتي في الطب و انهيتي فاني اشك ان تكوني طبييبة ماهرة

و اسال الله تعالى ان يسدد خطاك و يختار ما هو خير لكي

موفقة

[الصديق قروف]

خيرها في غيرها
اقتنعي بلي هذا هوا مكتوبك
انتي المشكل تاعك خلق من مقارنة نفسك بغيرك
انتي سغيرة متقارنيش نفسك باي شخص
لو تذهبي لستشارت طبيب نفس احسن

[ManouraHilwa]

يا اختي دواؤك كثرة الاستخفار راكي حاسة بنقص وربي ثقي فيه واستخفريه كثيرا يعطيك الثقة في نفسك الله معك المهم تنجحي في حياتك بالباك ولا بلا بيه المهم تؤدي واجباتك الدينية وتكوني مرتاحة وهذوك اللي دارو الحرام وراكي تشوفيهم ناجحين حبلهم قصير الله يوفقك

[om rym]

السلام عليكم
اولا مبروك عليك الباك
شوفي يا اختي كي قريت العنوان حسبت حاجة كبيرة وامبعد كي قريت الموضوع وزدت قريت الموضوع الاول تفاجات طفلة في اجمل مراحل العمر مجتهدة خلوفة متدينة متحجبة ماشاء الله والاكثر متحصلة علي الباك ىوعندها والدين يحبوها ومنكدة على روحك هكذا وعلاه تخيلي اوكان مديتيهش واش رايحة الديري ؟؟؟؟ ربي هذاما كتبلك نورمالمو تحمديه وتشكريه وترضاي راكي حابة معدل اكثر عاودي ماكيش قادرة؟ لا يكلف لله نفسا الا وسعها وباباك تاكدي كي يشوفك فرحانة وراضية تاكدي راح يفرح معاك . نصيحة لا تجحدي نعم الله عليك حتى لا يحرمك مازلتي صغيرة والدنيا راهي كلها امتحانات وسلاحك فيها هو والشخصية القوية
وقوة الايمان الذي محله القلب والذي لا يعلم ما بداخله الا الله
لذلك لا تحكمي ابدا على انسان من خلال لبسه او شكله او تصرفاته ابدا ولا تقارني نفسك بهم لان هذا سيدمرك اختي .
وانصحك نصيحة اخت ومن خلال ماذكرتي ان تذهبي الي اخصائي نفساني فانتي ربما تعانين من الكابة,

[سندس سلمى]

تفاءلي اختي
وبركا من التشاؤم
هذا يمرضك