كتمان الخطبة

[مشكلتي]

السلام عليكم، انا مخطوبة من فترة قصيرة لكن ما قلت لحتى واحد لا صديقاتي و لا اقاربي غير والديا و خوتي لي علابالهم،لان نخاف من العين،انا العين تحكم فيا بزاف لي يسمع بحاجتي تتعكس و الله خفت من كثرة صراولي بزاف تعطيلات بسبب العين. صح كلش في يد ربي مي الواحد ياخذ حذرو و كاين حديث تاع الرسول عليه الصلاة و السلام يقول" الخطبة اكتموها " و "اقضوا حوائجكم بالكتمان فان كل ذي نعمة محسود" هل عندي الحق ولا لالا؟ قلت حتان نعقد باش نهدر! و الخطبة على الخطبة حرام مي علابالي واحد مراح يخطبني اصلا انا جابدة روحي عن العالم اذن فرص الزواج قليلة..!! وفالخدمة خطيبي يزعف كي منديرش خاتمو و كي نقولو على تخمامي يضحك عليا!! واش رايكم؟ نكمل نخبي؟

[فاطمة الزهراء 29]

السلام1

اختي بما انك خايفة من العين الافضل انك تضلي كاتمة الخطبة حتى تعقدي
و ان شاء الله ربي يكملك

موفقة :19:

[افتخر بشخصيتي]

اكتمي يا اختي حتى تعقدي العين حق

[salem1985]

ربييمل بينكم بالخير وادعي لي ربي يلقيني انا ثاني ببنت حلال

[عيدة نور الهداية]

من حقك تكتمي الخطبة والزفاف طبعا رايح يعلن ويسمع لي مسمعش ولي زعف خليه يزعف , لأن وبكل صراحة عيون الناس لم تترك لا اليابس ولا الأخضر لا يوجد من يبارك ولا يوجد من يقول ماشاء ولاحول ولا قوة الا بالله بقلب صاف الا من رحم ربي
الف مبروك اختي وان شاء الله ربي يكملك بخير ويرفع عين كل حاسد عنا

[سومية88]

انا ياختي صرالي كيما انت كل مايجي خاطب نقول ماتصدقش وزيد يعادوني الخالات وكي نبطل يبداو يضحكوا في وجهي حلفت قولت نهار لي نخطب مانقول حتي الواحد
كي عقدت قلتولهم المهم زعفوا رانا في وقت واحد مايفرحلكش غير ماليك دير حاجتك فالسترة حتي تعقدي وربي يفرحك

[- بصمة خير -]

شكون قالك بعد العقد ما يعاينوكش
و الا بعد االعقد مستحيل تتعكسلك؟
راكي مدايرة الخاتم
ماكيش في مرحلة وين تخبي
لو في مرحلة مدو الكلمة
او حطو اليد
صح نقولك
لكن الان راكي مخطوبة و بالخاتم
الله يباركلك و يكملك
ييييييييييييييييييييييييييييييارب
داومي على الاذكار اليومية
الصلاة في الوقت
حزب في اليوم الواحد
و الرقية
و ارقي الماء و اشربيه كل يوم
ماتخبيش على عائلتك
لو يسمعو بيك
تعرسي وحدك
و مايبقالك حتى واحد و الدنيا هذه مانقدروش نعيشو وحدنا
من بعد تزوجي و تكوني في دار راجلك
تقولي لاه ماهومش يجوني
لاه ماهومش يهدروا معايا
و تندمي من بعد
ثم تعرفي قيمة العائلة
رأيي و الله اعلم

[AMINA.Z]

الانسان يحصن نفسو بالاذكار و قراءة القران و الدعاء
لا اجد مبرر لكتمان الخطبة

[amira1989]

انا مع ايمن واش قلك صح

[sarl02]

هذا التفكير شائع عند النساء كثيرا لدرجة انه هناك من تعادي اصدقاءها بمجرد خطبتها او زواجها وهذا خطا فادح ستندم عليه مستقبلا...يا اختي اذا عطاك ربي حتى بنادم ما انحيلك ...ولماذا الرجال لا يكتمون خطبتهم ولا يجري اي شيء لهم..هذا وسواس زائد وجب التخلص منه...وفقك الله.

[الصديق قروف]

صح انساء هوما الي مراض يقولولك لعين عكس ارجال كلش مكشوف وميصرالو والو

[عبد الله 22]

لكن بعد العقد العين تحكم أيضاء يا أخت نعم العين حق لكن لا تربطي أمورك بالعين بقدر ما هو قدر من عند الله من جهة اخرى كتم الخطبة من الأمور التي لا حرج فيها ، حاولي ترجعي تفكيرك اتجاه العين والقضاء و القدر بالتوفيق إن شاء الله يسهل في أقرب وقت الزواج

[FELLA BIO]

je suis contre
ba3t elkhotba ma takdet twakli 3la rabi wdiri elkhatam nta3ak
hada 3ayb ekbiiir tkhabi dork
rabi ykamalak ya rab

[ManouraHilwa]

انا اكتم كل شيئ حتى يتحقق تماما وعنك عندما يقترب العرس اخبريهم

[محمد جديدي التبسي]

وأما بنعمة ربك فحدث الخطبة في زمننا من أكبر النعم على الفتاة بالأخص فلم تخفينها
السر ادا تجاوز اثنين انتشر فما بالك بخطبتك اظن انك تتوهمين ان احدا لا يعلم بخطبتك سوى أهلك! هل يبقى سر لدى النساء؟!
الخوف من العين لا ينبغي ان يتجاوز الحد والا أصبح خللا في العقيدة ومنافيا لكمال التوحيد فالله هو الضار والنافع
ليس عليك أن تخبري أحدا فبعد ايام قلائل سيأتيك الخبروسترين تغير معاملة النساء من اقاربك لأنهم علموا من مكان ما حتى ولو كان أهل الشاب الدي خطبك..ربي يتمم على خير

[biologie2001]

و الله تجي تفهم تدووووووووووووووووووووخ. .............. كاتمة خطبتك ؟؟؟؟ يعني حتى اخوالك و اعمامك و خالاتك و عماتك ماراهومش عارفين ...... سبحان الله

[إكليل]

لست أدري ما أقول لك أختي فمثلا أختي الصغرة خطبت أكثر من مرة و كل مرة تصل اللقمة للفم فتقع .

لكن أخر مرة خطبت وعقدت العقد الشرعي و المدني و أخبرنا جميع أقاربنا و جيراننا وطالت الخطبة و كل مرة يسألنا أقربنا متى عرس أختكم و نحن نقول مازال مازال إلى أن قدر الله و فسخت الخطبة و الله شيء محرج .وتخيلي كلام الناس وسؤالهم وتأويلاتهم .

وودت أن لا أخبر أحدا حتى يقترب موعد العرس بأسبوع واحد فقط

[yassmina93]

تبانيلي راكي زايدة فيها شوية صحيح العين و الحسد موجودين لكن ماشي مليح لواحد يخبي فرحته لهاد الدرجة و انتي تعرفي

[أثيلة]

اختي اذا حابة تكتميها اكتميها اما عن الخاتم ضعي خاتم فضي او ذهبي صغير و قولب لهن انه للتمويه

[السنهوري1]

قال تعالى: وَمَنْ يَتَّقِ اللَّهَ يَجْعَلْ لَهُ مَخْرَجًا * وَيَرْزُقْهُ مِنْ حَيْثُ لَا يَحْتَسِبُ وَمَنْ يَتَوَكَّلْ عَلَى اللَّهِ فَهُوَ حَسْبُهُ {الطلاق: 2ـ3}
نسأل الله أن يرزقك بزوج صالح تقر به عينك، ويهيء لك من أمرك رشداً.
والله أعلم.

[ranou gigi]

انا معاك اكتمي و زيدي اكتمي