راس الحانوت

[clic]

السلام عليكم
اخواتي انا عايشة في فرنسا وهنا راس الحانوت مافيه حتى بنة
ممكن لي عندها طريقة لي يخدوه تعطيهالي وجزاكم الله خيرا
انا سمعت راس حانوت تاع بسكرة شباب واش رايكم؟

[lina23]

انا تاني في فرنسا ومانشريش لفاح تاع لهنا غير الفلفل اكحل .ديما نجيب معايا من لبلاد ولا نوصي فامي كي يهبطو.ولا كاش تعرفي وحايد توانسة وصيهم لفاح تاع تونس مليح ياسر

[omyouness]

صحيح هو راس الحانوت انتاع بسكرة شباب بصح انا نخدم بيه غير الشخشوخة فقط كون تلقاى راس الحانوت انتاع البشاشرة انا يبعتوهلى من بشار امممممم خاصة مع البركوكس

[قمر الشام]

انا بسكرية وانتاعنا صح 4444
ماما تديرو بالكزبر وحبة حلاوة روووعة

[mon poupon]

انا بسكرية وانتاعنا صح 4444
ماما تديرو بالكزبر وحبة حلاوة روووعة

لا كان تخلي ماما تقولان المقادير بالضبط و اذا تقدر بالمكيال

[couscousa]

أنا تاني عايشة في فرنساكنت نجيب راس الحانوت من البلاد بصح دوك نشريه من هنا وهو كيما تاع البلاد علاش تثقلي روحككاين كلش هنا روحي عند جزار مغربي و شري كامل العقاقير تحبي مطحونين و لا بلا طحين مكتوب فيه fabriqué au maroc

[clic]

ايا يالبسكرية قولي لماماك توريلنا الطريقة بالمقادير

[clic]

ولا اجابة فين المساعدات

[عيدة نور الهداية]

اشري من ليزبيز تع المروك فهي اصلية وتلقايها في الغرب الجزائري كما تلمسان بزاف خاصة هذا راس الحانوت ممكن يكونوا تجار مغاربة ثما في فرنسا وصيهم يجيبولك

[قمر الشام]

سلام
انا ماما تخدمو بحبة حلاوة و الكزبر فقط
3 كيلات كزبر و كيلة حبة حلاوة وتقدري ضيفيلها التوابل الاخري بكميات قليلة جدا جدا وتقدري تستغني عليكم واديري كل وحدة وحدها ( قرفة ،كبابة ،فلفل أكحل،زنجبيل ،قنطس،زنجبيل،نجمة البحر،كركم)وديرهم قادر مغرف من كل واحدة وتخلطيهم وترحيهم

[one dream]

مانعرفش ان شاء الله يفيدوك لبنات اختي

[clic]

يعطيكم الصحة كامل

[sabine 1988]

وصي عليه يجيبوهولك من بسكرة وتاني بسكرة ماهوش كل مليج فيه وعليه ولكن هيا بلادو

[ManouraHilwa]

3 كيسان قسبر+1 كروية+1 حبة حلاوة+ 1 زريعة البسباس +3 اوراق رند+3 ملاعق كبار زنجبيل مرحي +2 ملاعق كركم +3ملاعق كبابة حب واطحني الكل مع بعض ثم سيريه