أنقذوا قفطاني الابيض ... [الأرشيف] - منتديات الجلفة لكل الجزائريين و العرب

مشاهدة النسخة كاملة : أنقذوا قفطاني الابيض ...

نورانيات

2015-08-23, 16:12

السلام عليكم حنوناتي راه عندي مشكلة مع القفطان الأبيض انتاعي حبيت نغسلوا وبعدما غسلتو بالشامبو وشاح لاحظت أن الحزام أنتاعو أطلق عليه الكارتون اللي بداخلو وكل ما نعاود نغسلو يشيح وتزيد تظهر طاشات أخرى في جهة ثانية من الحزام العريض وانا في البداية ما كنتش علابالي بلي القماش مخيط على الكارتون واش ندير نديه للخياطة نتحيلي الكارتون انتاعو ونعاود نغسل القماش وحده ثم تلصقهولي في قطعة كرتون جديدة والا تجنبا للمشاكل المتقبلية نعاود ندير حزام أخر للقفطان الأبيض بستيل جديد ؟دبروا علي راه غادني القفطان وما لقيتش واش ندير بواه تنصحوني وربي يفتحها في وجهكم ويسرلكم حياتكم.

Maria dadi

2015-08-23, 16:40

اختي ديري حزام واحد اخر خير وهاذ المرة وقولي للخياطة واش صار للأول
بالتوفيق اختي

ام حمزة22

2015-08-23, 17:55

نورانيات

2015-08-23, 19:41

اختي ديري حزام واحد اخر خير وهاذ المرة وقولي للخياطة واش صار للأول
بالتوفيق اختي

راني نخمم ونشوف اذا نعاود الحزام اذا ماكانش حل واحد اخر ربي يعطيك ما تتمناي عزيزتي .

نورانيات

2015-08-23, 19:43

ربي يعاونك طاطا

ما احلاها كلمة تخرج من فمك يا صغيرتي ربي يوفقك في دراستك وتطلعنا عالمة عظيمة ما شاء الله ربي يحفظك لوالديك.

نورانيات

2015-08-23, 19:46

السلام عليكم

اختي الكريمة لحزام عند كرطون خاص بيه ما يخسرش كي يتغسل ويجي واقف راه يتباع عند صحاب لي يبيعو لوازم الخياطة
انا شريتو عريض وقسمتز على 2 باه ما يجينيش لحزام عريض
تفضلي صورة الحزام
http://store2.up-00.com/2015-08/1440347669941.jpg
http://store2.up-00.com/2015-08/1440347670032.jpg
http://store2.up-00.com/2015-08/1440348969631.jpg

جزاك الله كل خير على الفكرة يعني هذا النوع من الكرتون ما يطلقش على القماش بعد الغسيل راني نخبر الخياطة واظن بأنها علابالها بهذا الشئ اذا امكن تفيديني بمدال آخر تاع حزام ما فيهش الكر تون عهدناك دائما خذمة ربي يرفع من ميزان حسناتك.

ام حمزة22

2015-08-23, 19:51

شكرا على الدعاؤ اختي الكريمة ولك باامثل
اما ليمودال مارانيش مصورتهم هدا واش راني مصورة
هاد النوع من الكرتون يجي عريض كي تحديه يلسق مع القماش وما يحولش فالغسيل

crono

2015-08-29, 10:33

تتتتتتتتتتتتم الرد