كي جيت لدار صبت لمطار

[فاطمة شلف]

كي جيت لدارصبت الباب مبلع
غاضتني عمري ووليت نتوجع
نظرت على اليمين و عل اليسار
كون أمي هنا تفاجي عليا هاذ الحسرة
قلبي راه مكوي و في حيرة
كون أمي حذايا تطفي هاذ الجمرة
قعدت عند الباب و دموعي جراية
درت يدي على خدي وحتى واحد ماهو معيا
ياميمتي زاد شوقي كي رحتي
نار محبتك زادتني شعلة كي غادرتي
ياسامعين كلامي و اتهلوا فالميمة
راني محروم و مشتاق محنى
خلات عيني تبكي و قلبي مكوي
زادتني حرقة و شعلة نارها ما تطفى
ميمتي تزين الدار كي تقعد فيها
تفقد النور تبدأ ظلمة بلا بيها
متسمحليش نفسي باش نطبطب على البيبان الاخرى
يقولوا عليا مجنونة ولا فاقدة الذاكرة
سعدوا لي عندواميمتوا يتفقدها
ولي معندوش يروح يزورترابها
اسمحولي مانيش نجرح
نحوس على قلبي ينطرب و يفرح

بقلم فاطمة شلف

[~رآقية بأخلآقي~]

كلمات رااائعة ومؤثرة أختي فاطمة

ربي يحفظ أمهاتنا ويرحم من هنَّ تحت التراب..

بارك الله فيكي

[فاطمة شلف]

السلام عليكم ورحمة الله وبركاته
شكرا لك على المرور الطيب اختي راقية باخلاقي نورتيني
الله يحفظك وينور طريقك
تقديري لك

[فاطمة شلف]

السلام عليكم
قيمة الصبر ان تسكت وفي قلبك جرح يتكلم
وقيمة القوة ان تبتسم وفي عينيك الف دمعة

[Moahmedfawzy]

جميل اووووووووووووووى

[ندى العيون]

الله الله عليييييك يالالة فاطمة
كلمااااااات في الصميم
بوركت اختي

[فاروق الصحراء]

مشاء الله عليك فاطمة
يعجز اللسان أمام هاد الصورة واللوحة الرائعة
يعطيك الصحة
ربي يرحمها ويدخلها فسيح جناتو
وربي يطول في عمرك

[فاطمة شلف]

moahmedfawzy شكرا مرورك اثلج صدري وزاد من جمال صفحتي
الله يحفظك ويبارك فيك
سلام

[فاطمة شلف]

السلام عليكم
شكرا ندى العيون مرورك اثلج صدري الله يبارك فيك ويحفظك
سلام

[فاطمة شلف]

السلام عليكم
شكرا اخي فاروق الصحراء مرورك اثلج صدري الله يبارك فيك ويحفظك
سلام

[صبرينة لوتس]

السلام عليكم

انهمرت دموعي مع احساسك الرفيع أختي الكريمة

بارك الله فيك ورحم موتانا وموتى المسلمين

سلام

[فاطمة شلف]

السلام عليكم
اخيتي قطرات قطر الندى مرورك اسعدني كثيرا واشكرك على المشاركة الطيبة
اطيب الله اايامك
تحاتي لك

[فاطمة شلف]

السلام عليكم ورحمة الله وبركاته
شكرا على المرور الجميل اخي قادة
احياتي وتقدري