50 حبة بزاف لعرس

[imane mina]

حبيت نسقسيكم كي تدو القاطو للعراس وتحطوه في لي بلا جوتابل قداه توجدو حبة قاطو هل 50 حبة بزاف لعرس ولا انا درت صابلي التاج لام اماني وجدتلي 50 حبة واش رايكم

[ام عبدو و ملاك]

يا اختي ادا للسني تاع اللي تديه العروس معاها احنا نديرو 100 حبة في السني و انتي شوفي عاداتكم واش تديرو

[ام سهام 02]

حبيت نسقسيكم كي تدو القاطو للعراس وتحطوه في لي بلا جوتابل قداه توجدو حبة قاطو هل 50 حبة بزاف لعرس ولا انا درت صابلي التاج لام اماني وجدتلي 50 حبة واش رايكم

مافهمتش سوالك

القاطو تمدوه في العرس ولا عروسة تديه معها

[بقلاوة]

الطفلة في عرسها تدي من 50الي 100 و الطفل في عرسو اقل شي 200 و الله اعلم احنا هكا في عراسنا

[حياتي نبع امل]

اذا كان راح تديه معاك في يدك للعرس قليلة على الاقل 70/80 حبه
وادا كان للعروسة تديه معاها ديري من 100حتى ل 120 حبة
بالتوفيق

[mon poupon]

اذا كادو زيدي شوي عليه 20 30 حبة

اذا عروسه تديه معاها قليل بزاف على الأقل 100 حبة( في عرس اختي 120 حبة لكل نوع و ماكفاش) أهل راجلها

اذا عرس راحل و الا فيونصاي تاع الطفلة اقل شي 200 حبة لكل نوع و الله اعلم و على حسب المدعووين و التكاليف

ربي يكون في للعون

[mina924]

كل واحد ومعاريضو اذا قاطو العروس ديري من 70 فمافوق اذا عرس طفلة اقله 150 اذا العريس تاعكم انتم وعاداتكم لكن اقله 200 فكرتيني في عرس خوي درت 9 انواع والبايط 500
تقولي بزاف نقولك ككككككان الاول يعني الناس كل حضرت كبير وصغير بصح في الاعراس الاخرين درت 250 كل نوع و4 انواع +مقروط 200 علبة والباقي خليناهم يتحطو في السينية وربي يدوم افراحكم