عائلتي تخنقني

[مشكلتي]

السلام عليكم
مثلما ذكرت في العنوان اريد اليوم ان افرغ قلبي فعائلتي ومنذ ١٩(عمري كله) تخنقني وتفرض عليا طريقة تصرفي
فمثلا امي لاتسمح لي بالعيش كباقي البنات (كي يكون عندنا عرس ما تخلينيش ندير اي حاجة في وجهي مع العلم اني لا املك سوى كحل العين كما انها لا تسمح لي بلبس ملابس الاعراس مدى بيها نلبس غير الطويل ........ انا كي نشوف بنات قل مني شابين لابسين يطيح مني النص )
اما اخوتي الثلاث يودون لو اني البس الحجابات التي لاتحتوي على اي شئ يعني سامبل واسود فقط بلاك نتوما تشوفوه حاجة عادية بصح انا نعيش في مجتمع بنات قدي يلبسو يعيشو كي تقولي صحبتي ارواحي معايا نخرجو نشروا نحشم دارنا ما يخلونيش نتحرك نن الليسي للدار لوكا ندير ٢دقايق روطار تقولي ماما وين كنتي حتى الانترنت في حضور خويا منخدمش بيها حتى كي يخرج خاطر يقعد قدامي ويبقى يشوف واش راني ندير

انا ماقدرتش نعيش هاد الحيات كبروني قبل وقتي وحدة في عمري تحب تشوف الدنيا تحب
اذا كان نتوما تشوفو هادا ماشي ضغط قولولي بالاك انا كبرت المشكل واذا عندكم حلول اعطوهالي واذا كاين ناس ميما انا يقسمو معايا المحنة
نسيت باش نقول بلي هاد الضغط رجعني عصبية لاقصى درجة نضل نعيط ونضارب بصح غير في الدار

[Meymouna*]

سلام عليكم اختي حبيت نشارك من وجهة نظري انت راكي في عائلة ما شاء الله انا تربيت كيفك وكنت نحكي كيفك صح الوقت تبدل والمجتمع وجيل يحب يلبسيخرج يعدل وووووو لكن لا يعني انو راه في الطريق الصحيح اختي انتي مادامك ترضي ربي متقلقيش راكي مراهقة تكبري ويبانلك هدا الشي تفاهات ...صدقيني كنت كيفك والان انا ام لبنت واريد ان تكون كيما راكي تحكي كي تكبري تفهمي حافظي على عائلتك واتقربي منهم اشغلي نفسك وارتقي بتفكيرك وخليك ...وربي يحفظك وينولر دربك

[sa78sa]

الصبر اختي امك خايفة عليك ربما شايقتك نية بزاف لانو الخارج راهو تصرا حوايج كبيرة معك الحق لكنك تريدين التغير تكلمي مع امك بلا عصبية اخوتك حاولي فتح معهم باب الحوار ربما مقولة الامساك العصى من النصف تلائمك حاولي مع والدتك
وفي الاخير امك ترى مالا ترينه انت خذيها مني نصيحة في المستقبل ستعرفين ذالك

[ahmed 31]

3ailatoki ni3m el 3aila w el tarbiya,
Rabi ykhalihomlak,
tab3i trighom wellah matandmi,
Rabi M3ak.

[الصديق قروف]

عائلتك تستاهل وسام لانها من القلائل مزالت محافضة
ربي يهديك

[mino 19]

اختي عائلتك تخاف عليك وهدا حقها
والله رانا فى وقت صعيب

[salie]

Eeeh ya khti
Danya hadi s3iba bzzf

Kayna hadja lik nti
Asabri ya okhti w hawli t3ichi koma yhab rabi sabhano

Ila el akh

Li 9am 3ayla tastha9a9 wissam

c vrai mais

El mora9aba matjib hata natija
El morafa9a ahsan
Pcq rana fi wa9t 3aychin ma ness makhtalfa f montalite
Bzf
W ana na3raf bnet
Waldihom mzayrinhom win jito win rohto
Mais la verite el bent ifa rahat wlh matji
W ntuma fahmini
S3ib tafla tzayarha
Pcq jia kif l'enfant
Chi li taman3o mano ydiro
Lzm tfahmo w t9an3o ahsen chi
W nti ya khti
Maquillage 3adi mdirihch c mieux
Ana wahda je le fais po
1erment twali ktar men 3omrek
3ichi omrek w labsa hawli tmodufier sans toucher les conditions de ta mere
Ok ma soeur c po grave♥♡♥

Mais vraiment les comportement kif hado te les parents machi mleh
Kulma t9arabto ya waldine men bnatkum
Rah yamcho 3la tarik musta9in
W rabi satar
Aussi c pas grave ma soeur rabi m3akom
Choufi une autre chose thabiha w diriha ♥♥♥
Ok^^

[~رآقية بأخلآقي~]

أنا أيضا مثل وضعكِ اختي لكني لا أمتلك علبة الكحل التي تمتلكينها :d

و الحمد لله مقتنعة تمااااامااااا وكل تلك التصرفات أصبحت تصدر مني والحمد لله وخاصة بعد دراستي في الجامعة وبقائي في الإقامة ومخالطتي للبنات ثبت أكثر على منهجي والحمد لله...:19:

ونتي لازم تفهمي أنو أهلك اللي يديرو فيه هو الصح ومن حبهم وخوفهم عليكي ولو ميديروش هكذا صدقيني اختي وان شاء الله بعيد الشر عليكي راح تصيري مثل الفتيات اللي يفتنو في الشباب بلبسهم وكثرة خرجاتهم بل وحتى علاقاتهم..ومثيلاتهن سيخسرن في نهاية المطاف...

نصيحتي ليك صاحبي لبنات لملاح وديري في بالك أننا في الدنيا هذي نحن مجرد عابري سبيل وماعلابالناش وقتاش يحين موعد الرحيل...

واحمدي ربي و شوفيها من الناحية الإجابية وربي يطمن قلبك اختي..

^_^

[melissa lola]

السلام عليكم اختي نقرا ونتفكر كيفاه كانت معاملة امي معانا و الله نفس المعاملة لادخول لا خروج بدون سبب نتاخر 5 دقاءق تديرلي حالة مانعريش مانمكييش كما لبنات تتخيلي نهار جاو خطبوني دخلت ليهم بدون ماكياج ايه حلفت فيا قاتلي تكحلي تشوفي واش يصرالك ممنوع التعطر و الخروج ولوكان تديريها تقولك بدلي حجابك باه تروحي تقراي نعم هذه معاملة امي لينا مي كي نشوف الوقت اللي رانا فيه واش راه صاري نقول الحمد لله يما كانت قبيحة معانا وخرجتنا نساء راهو صاري العجب الله يستر بناتنا حبيت نقولك ماكيش وحدك كي تكبري وتديري دارك تقولي الحمد لله زيروني دارنا وخرجت مرا ماتقلقي ماوالو بالعكس مرحلة وتفوت المجتمع راه صعيب ومخلط بزاف وانتي اللي راكي تشوفيها ضغط وحرمانك من الحرية نعمة وستر للاسف بعض العاءلات تتهاون بزاف مع بناتها ويخلصوها غالية من بعد علا خاطر كاين ذءاب بشرية تتربص بالبنات وربي يجيب الخير وكما قالو ناس بكري عرض بني ادم كي الرصاص اذا ذاب خلاص و بالنسبة للبسة و الماكياج كي تتزوجي ديري واش تحبي تولي حرة وثمة لازم عليك تلبسي وتماكيي لزوجك وما اجملها كي تكون في الحلال و الله صدقيني الحاجة كي تندار في وقتها تجي مليحة وعندها سحر خاص بها وشكرا

[ibrahimm]

نهار تكبري تعرفي الفضل نتاعهم

و لا حابا تكوني مثل المتبرجات تلبسي مثلهم

اربحي اخرتك خير من الدنيا


الحياة مشي مكياج و تعري ما فيها والو تلبسي الطويل

اذا حابا تحوسي قولي لوالدك و لا خواتك

انت في نعمه لكن الشيطان الله ينعلو هو قاعد يوسوس لك

[lalib40]

نعم الاخ ونعم الام .....هكدا كونو او لا تكونو

[younes29]

عائلتك ما شاء الله العيب ليس فيك او في عائلتك و انما في مجتمعنا الفاسد المملوء بالفتن ما تقوم به عائلتك ما هو الا حماية لك و خوف عليك من دئاب لا ترحم في مجتمعنا

حتى الانترنت في حضور خويا منخدمش بيها حتى كي يخرج خاطر يقعد قدامي ويبقى يشوف واش راني ندير

ا
ادا كان استعمالك للانترنت ليس فيما لا يرضي الله و رسوله فلما تخافين استعمالها امام اخيك
ما يقوم به اخوك عين الصواب كم من فتاة افسدتها مواقع التواصل الاجتماعي و الانترنت

[بحيرة اللؤلؤ]

:confused:لأعرف مأقول ولكن سأعبر بطريقة الخاصة انت الان في نعمة يأخيتي ولستي في الظيق كما قلتي

فعائلتك هنا خائفة عليك لقدر لايستطيع العقل تصوره فنصيحتي لك ان تتقربي من افراد العائلة قدر ما تستطعين وسياتي

يوم وتصبح فاهم كل شيئ :19::19::19:

[الواثق]

انا فهمت انك حابة تخرجي وتتسكعي وتتبرجي وتشطحي مع الاغاني في الاعراس وتختلي بالانترنت .................انا اعلم انك لم تذكري هذا ......لكن اي واحد يحس انو طلباتك هكذا ؟؟؟؟...........يبدو ان لديك شلة من الاصحاب غايرين منك ويجروك لما هم عليه الان .........وانت بكلامك هذا يبدو عليك ان ايمانك ضعف ........فوالله المفروض تفتخري بعائلتك وتفتخري بنفسك فعلى الاقل هو زهد في الدنيا وزهد من هذه الامور التي معظمها تجر للخطأ ......عائلتك تحافظ على حجابك وتحافظ على قلبك من السقوط في الشهوات ....فاحتسبي ذلك لله والمفروض تعينينهم عليك ..........وتهتمي بعلم نافع وتتخذين صحبة طيبة .....وهل كحل وعرس والوان في اللباس هي السعادة المنشودة بالنسبة لك ؟؟؟؟؟.......اتق الله واحمد الله..........والله المستعان

[عازفة على أوتار حزني]

سلام الله عليكمـ
إن كانت كل أسرتك تعيش على النمط الذي يريدونك أن تعيشي عليه هنا عادي
إن كان أخواتك يلبسن ما ينصحنك به هناعادي
إن كنت تعيشين وسط عائلة محافظة تراعي الله في تصرفاتها هنا أكثر من عادي وهو المطلوب أن يتواحد في كل أسرة عربية مسلمة
لكن,,,,
إن كنت الوحيدة من يحاول غيرك فرض رأيه عليك هنافعلا مشكلة
وإن كنت أنت تريدين تقليد زميلاتك في أشياء لاتليق بأخلاق فتاة مؤمنة فهنا المشكلة تكمن فيك
لابأس أن تعيشي سنك لكن وفق مايرضي ربك أولا ووالديك ثانيا
لاباس أن تلبسي ماتشائين لكن دون أن تغضبي ربك
الحياة فيها السيء وفيها الجميل
ربما هاته الضغوطات إن مورست عليك وبشكل يحد من حريتك كثيرا هذا سيتحول عندك إلى انفجار بعد كل هذا الضغط فقط إن كان أهلك لا يسمعون لك لايناقشونك ويمنعونك مما هو مباح
أما إن كان الضغط الممارس عليك وبعد فترة تكتشفين أنه كان خير لك فهنا ستحمدين الله على تواجدك في أسرة كهاته
ودائما تبقى الوسطية هي المطلوبة
حاولي تفهم أهلك فمهما يكن فللوالدين حق علينا ونحبهما مهما كانت طباعهما
هي فترة وستمر بحول الله
كان الله في عونك
في أمان الله

[غربة أهل السنّة]

وعليكم السّلام ورحمة الله وبركاته
إحمدي الله فهذه الدّنيا فانية... وما تفعله مراهقات هذا الوقت خطأ
أختي أكيد عائلتك يريدون الحفاظ عليكِ ولا يريدون لكِ رفقة السّوء
تخيّلي أنّ هناك من البنات من تبكي لأنّها تريد ارتداء الحجاب وأهلها يمنعوها من ذلك
و تبكي لأنها تريد القرآر في البيت و أهلها يمنعوها من ذلك
الحياة قصيرة فاستغلّيها فيما يرضي الله
و لا تتبّعي البنات ربّما تكون إحدآهن رفيقة سوء
قد تجرّكِ إلى ما لا يحمد عقباه و تضيعين دينكِ وأخلاقك
و سمعتكِ التّي هي من سمعة وآلديكِ
اللهمّ صلّ وسلّم وبارك على محمّد وعلى آله وصحبه أجمعين

[خالد عنابي2]

السلام عليكم
مثلما ذكرت في العنوان اريد اليوم ان افرغ قلبي فعائلتي ومنذ ١٩(عمري كله) تخنقني وتفرض عليا طريقة تصرفي
فمثلا امي لاتسمح لي بالعيش كباقي البنات (كي يكون عندنا عرس ما تخلينيش ندير اي حاجة في وجهي مع العلم اني لا املك سوى كحل العين كما انها لا تسمح لي بلبس ملابس الاعراس مدى بيها نلبس غير الطويل ........ انا كي نشوف بنات قل مني شابين لابسين يطيح مني النص )
اما اخوتي الثلاث يودون لو اني البس الحجابات التي لاتحتوي على اي شئ يعني سامبل واسود فقط بلاك نتوما تشوفوه حاجة عادية بصح انا نعيش في مجتمع بنات قدي يلبسو يعيشو كي تقولي صحبتي ارواحي معايا نخرجو نشروا نحشم دارنا ما يخلونيش نتحرك نن الليسي للدار لوكا ندير ٢دقايق روطار تقولي ماما وين كنتي حتى الانترنت في حضور خويا منخدمش بيها حتى كي يخرج خاطر يقعد قدامي ويبقى يشوف واش راني ندير

انا ماقدرتش نعيش هاد الحيات كبروني قبل وقتي وحدة في عمري تحب تشوف الدنيا تحب
اذا كان نتوما تشوفو هادا ماشي ضغط قولولي بالاك انا كبرت المشكل واذا عندكم حلول اعطوهالي واذا كاين ناس ميما انا يقسمو معايا المحنة
نسيت باش نقول بلي هاد الضغط رجعني عصبية لاقصى درجة نضل نعيط ونضارب بصح غير في الدار

عفوا صديقتي ولكن انتي في نعمة ولستي في مشكلة

باستثناء سلوك الاخ الذي يقوم بمراقبتك وحراستك بشكل مباشر وهذا امر خادش وجارح

ولكن امك على حق فالسفور والتبرج والتسيب هي اشياء ضد الدين والاخلاق

وحتى الرجال او الشباب يحبون الفتاة اللعوبة ولكن لما يحين وقت الجد اي وقت الزواج ينفرون منها ويبحثون عن التربية الملتزمة

وكلهم كلمة واحدة مادامها مكنتني من نفسها او رخفت معايا فقد فعلت ذلك مع من سبقني وماذا يضمن لي انها لن تفعل ذلك بي مستقبلا

امك تريد لكي العفة والطهارة

ولكن سلوك الاخ مستفز جدا واخبريه بضرورة التخفيف من الحراسات

[yacine_cbc]

اختي عائلتك تخاف عليك

[salem1985]

انت راكي كنز ربي يحفظك انا تمنيتك زوجة قبل ما نشوفك لانك لقيتي الي يحفظك ويرعاك ربي يهديك مزال تندمي على الايام هادو وتحمدي ري الي لقيتي الي يرعاك على الاقل اللباس المحتشم ينجيك من المعاكسة ويجيب لك الاحترام

[chahinaz1]

السلام عليكم ورحمة الله وبركاته اختي الكريمة شوفي عايلتك والله عايلة نورمالمو راكي نحمدي في ربي
خوك اكيد راهو عارف الفساد نتاع الانترنت عليها يقعد يشوف فيك والمشكلة نتاع الروبات الطوال وهكدا مثلا الروبات الطوال شوفي نتي كاينين رويات طوال وشابين المهم شوفي نتي عايلتك درك رباكتك وخرجاتك كي الورقة البيضة نشاء الله ربي يهنيك بولد الحلال ويعوضك