الام الكولون

[ام حمزة22]

السلام عليكم ورحمة الله تعالى وبركاته

ان شاء الله تكونوا كامل بالف خير

لم اكن اعلم ان هناك قسم الامراض كنت ابحث اين اضع موضوعي للاستفسار عن الام الكولون والحمد الله لقيت هاد القسم وان شاء الله اجد عندكم الحل لي يخففلي هاد الالام

انا من سنين بعد ما تزوجت جاتني كريز الكولون وكانت منين داك جيني غير فالليل وكنت كل عام او عامين نروح لطبيب يقلي عندك نفخ
ومن عامين زاد عليا الحال ورحت لطبيبة ودارتلي ليكو وقالتلي ما عندك حى حاجة ليكو نتاعي خرج سليم والحمد الله
لاكن قعدت نحس بالام وتحملتها لاكن هاد الاسبوع لي فات جاتني الام رهيبو لا تحتمل خاصتا فالليل حتى النوم ما يجيش بسببها وهاد الالام وصلتلي حتى اعلى الصدر في حفرة الكثف الايسر رحت لطبيبة وطلبت مني ندير ليكو نفس الشيئ خرجلي سليم والحمد الله
لاكن هاد ليكو ماراحش يبينلي سبب الالام لي راني نعاني منها والطبيبة ما قنعتنيش بكلامها اعطاتني شكارة دواء زوجي ما حبش يشريه قالي زيدي شوفي طبيبة اخرى
عندي يومين نصحوني باخد تيزانة البسباس وفعلا شربها وراني نشوف الالام لي كانت في حفرة الكتف اليوم نقست شوية

سامحوني راني طولت عليكم بالهدرة وان شاء الله نصيب عندكم الحل
هل ادهب الى طبيب اخر ام استمر في شرب التيزانة ؟

شكرا مسبقا
تحياتي للجميع

[فايزة1207]

ربي يشفيك حبيبتي ام حمزة

[ام حمزة22]

ربي يشفيك حبيبتي ام حمزة

آمييييين
مشكورة لمرورك الطيب بارك الله فيك

[همسات ايمانية]

السلام عليكم اختي ام حمزة واهلا بك عندنا
حسب ما حكيته لنا فانك تعانين من الغازات المصاحبة للقولون والالام التي في الظهر والكتف هي بسبب الغازات فالكولون عادة ما تصاحبه الغازا ت ومشكلتك شائعة جدا
حسب ما جربته امي في هذا المجال تيزانة البسباس رائعة جدا وتعطي نتائج جيدة بالاضافة الى بعض الادوية التي نقص الالم واكيد اعطتك اياها الطبيبة
مع تفادي بعض الاطعمة التي تثير القولون والاهم تفادي القلق لان القولون العصبي مرتبط جد ا بازمات القلق

ربي يشفيك اختي

[ام حمزة22]

السلام عليكم اختي ام حمزة واهلا بك عندنا
حسب ما حكيته لنا فانك تعانين من الغازات المصاحبة للقولون والالام التي في الظهر والكتف هي بسبب الغازات فالكولون عادة ما تصاحبه الغازا ت ومشكلتك شائعة جدا
حسب ما جربته امي في هذا المجال تيزانة البسباس رائعة جدا وتعطي نتائج جيدة بالاضافة الى بعض الادوية التي نقص الالم واكيد اعطتك اياها الطبيبة
مع تفادي بعض الاطعمة التي تثير القولون والاهم تفادي القلق لان القولون العصبي مرتبط جد ا بازمات القلق

ربي يشفيك اختي

وعليكم السلام
مشكورة على الترحيب والرد على السؤال

اختي اامريمة انا لي محيرني الطبيبة ما قالتليش واش سبب الالام اعطاتني شكارة دواء واعطاتني راديو
اما عن الغازات انا عندي مدة كبيرة ما شربتش السواءل الغازية حتى العجائن نقست منها بنسبة كبيرة
اما عن القلق هدا لي مستحيل نقدر نتفاداه
والله عندي يومين ملي شربت تيزانة البسباس راني نحس في روحي احسن ملي كنت

بارك الله فيك اختي وربي يحفضلك الوالدة ااكريمة

[همسات ايمانية]

الله يحفظك اختي ام حمزة ويحفظلك عائلتك

انظري اختي الغازات ليس مصدرها دائما المشروبات او العجائن تقريبا الكثير من الاغذية التي نتناولها تحوي غازات واحيانا الاكل عندما لا يهضم جيدا في المعدة يحدث غازات وايضا شرب الماء اثناء الطعام غير جيد لانه يقلل من حموضة المعدة وبالتالي الاغذية لا تهضم جيدا وهذا ما يؤدي الى حدوث الم وطبعا نحن الجزائريين اغلبنا لا نمتلك عادات غذائية جيدة مثلا ان تكون وجبة العشاء دسمة وثقيلة وهذا يحدث صعوبة في هضم الاغذية يعني اختي اسباب الغازات والالم كثيرة
بالنسبة للالم المتنقل هو نتيجة تراكم الغازات وعدم خروجها ولهذا فانك استرحت بعد شرب تيزانة البسباس لانها تحوي مواد فعالة جدا ، انصحك بالاستمرار في شربها بعد الوجبات وهناك ايضا ادوية مثل ديسباتلان وسفاسفون لالم المعدة وايضا اكياس سميكتا جيدة للالم وغير ضارة
تيزانة النعناع ايضا مفيدة جدا لكن لا تكثري منها لان النعناع يخفض الضغط
ايضا امر كانت تخلط مجموعة من الاعشاب منها زريعة البسباس + كمون حب + حبة الحلاوة + واصنعي منها تيزانة هي مفيدة جدا

اختي معك حق بخصوص القلقاحيانا الانسان لا يستطيع التحكم فيه لكن يجب تفادي مسبباته واخذ الامور ببساطة

ربي يشفيك اختي ام حمزة ......

[ام حمزة22]

بارك الله فيك ويجازيك كل خير
والله افدتيني كثيرا بنصائحك اشكرك جزيل الشكر
راح نشري بادن الله لوازم التيزانة ونداوم عليها
اما عن الضغط انا ضغطي 10 -5 والطبيبة قالتلي راكي هااااايلة
اخر سؤال اختي الكريمة في رايك ضغط القلب 5 هل هو هاااااايل على قولت الدكتورة

شكرا مسبقا واعتدر على الازعاج

[همسات ايمانية]

اهلا اختي وفيك بارك الله بالنسبة للضغط الطبيعي هو من المفروض يكون 12 وهو الضغط الطبيعي لكن في حالتك اختي هو منخفض قليلا ورما انت تشعرين ببعض الدوخة والتعب وهذا راجع لهذا السبب لكن لا تقلقي الكثيرين يكون ضغطهم مثل ضغط خصوصا الامهات اللاتي يكون لهن اشغال ومسؤوليات كثيرة وهي نفس حالتك على حساب ما قرات لك ربي يخليلك اولادك
لكن بالنسبة لضغط القلب مثلما قالت لك الطبيبة هو طبيعي بالنسبة لضغط الدم لانه بقسمة ضغطك على 2 نحصل على خمسة وهو المعدل

اذن في حالتك النعناع ما راحش يفيدك لانو راح يزيد يخفضلك الضغط
لرفع الضغط قليلا ينصح بشرب اللبن لكن حتى اللبن بالنسبة للبعض لا يوائمهم ويسبب لهم انتفاخ ولكن انت ادرى ان كان شربه يسبب لك انتفاخ فان كان كذلك فتفاديه اختي

ربي يحفظك وليس هناك اي ازعاج انا في الخدمة متى استطعت اختي

[ام حمزة22]

والله يا ختي الكريمة الفشلة راهي دايرة فيا حالة هاد نهارات

وولادي بسلامتهم صاروا شباب وكل ما يكبرو يزيد انشغالي عليهم ربي يجيب الخير ويحمي ولادي ووليدات جميع المومنين
تحياتي اختي الكريمة ومشكورة على الرد والمتابعة

[kamili1]

اختي ربي يعطك شفا تعرفي قاع الناس عندهم مرض الكولون في هدا الزمان اول لزم تدري رجيم : لزم تبدي بالسلاطة و تنقص في استهلك المعجنات مثل المقرون الارز مع الخبز الجديدالباقوليات لزم لك تكثر استهلك الخضراوت مع الكسكس الشعير اسواد و تكثري بشربي الماء الله يعطك شفا

[ام حمزة22]

اختي ربي يعطك شفا تعرفي قاع الناس عندهم مرض الكولون في هدا الزمان اول لزم تدري رجيم : لزم تبدي بالسلاطة و تنقص في استهلك المعجنات مثل المقرون الارز مع الخبز الجديدالباقوليات لزم لك تكثر استهلك الخضراوت مع الكسكس الشعير اسواد و تكثري بشربي الماء الله يعطك شفا

آمييييين
شكرا لمرورك اختي الكريمة الله انا البوقوليات ما يدوروش عندي بزاف خاصتا في فصل الصيف معاديتهم:1:
والعجائن قليييييييل وين نطيبهم حتى الا شهيتهم ناكل منهم كمية صغيرة غير فالفطور معاديتهم فالعساء:1:
والمشروبات الغازية رغم انا زوجي ما يقدرس ياكل بلا هاد اامشروبات وموجودة دائما على طاولة الطعام لاكن انا معاديتها:1:
اما القلق غير هداك لي ما نقدرش نعاديه لانه ساكن في دم كل جزائري:sdf:

ربي يجيب الخير للجميع
بارك الله فيك على الرد
مشكووووووورة

[***سلمى ***]

الاخوات وفاو وكفاو خاصة همسة.توكلي على ربي وخذي الامور ببساطة وربي معاك

[ام حمزة22]

الاخوات وفاو وكفاو خاصة همسة.توكلي على ربي وخذي الامور ببساطة وربي معاك

صح حبيبتي سلمى الاخوات كفاو ووفاو وان شاء الله متوكلة على ربي سبحانه وتعالى
مشكووووورة

[أم عبد الكريم]

مماختي أم حمزة الكولون الدوا نتاعو الرياضة و المشي هكا قالي الطبيب و قالي الريجيم وحدوا ماهوش حل كل مرة الكولون يزيد يضرك من حاجة و هكا تلقاي روحك حبستيي كلشي

[ام حمزة22]

مماختي أم حمزة الكولون الدوا نتاعو الرياضة و المشي هكا قالي الطبيب و قالي الريجيم وحدوا ماهوش حل كل مرة الكولون يزيد يضرك من حاجة و هكا تلقاي روحك حبستيي كلشي

والله هادي معلومة جديدة ماعلاباليء المشي مليح انا هاد نهارات بركت فالبيت ما نحبش نخرج من السخانة والغاشي فالخارج هداك يزيد قلقي
يعطيك الصحة وبارك الله فيك على المعلومة

[إكليل]

السلام عليك و رحمة الله تعالى و بركاته.

ربي يشافيك أختي أم حمزة عادة القولون العصبي لا يكشف عنه بالراديو أو الإيكوغرافي .
فأختي تعاني منه ولم يحدد الأطباء حالتها حتى درست الطب و سألت أساتذتهاعنه و قرات عنه في الأنترنت .

[ام حمزة22]

السلام عليك و رحمة الله تعالى و بركاته.

ربي يشافيك أختي أم حمزة عادة القولون العصبي لا يكشف عنه بالراديو أو الإيكوغرافي .
فأختي تعاني منه ولم يحدد الأطباء حالتها حتى درست الطب و سألت أساتذتهاعنه و قرات عنه في الأنترنت .

وعليكم السلام ورحمة الله تعالى وبركاته

والله يا اختي اكليل حتى انا قريت عليه فالنت لاكن الالام لي كنت فيها خلاتني نشك ان عندي مرض خطير عفاني الله واياكم وفي الامس رحت زرت طبيبة تانية قالتلي هاد الالام غير من القلق واعطاتني نوعين من الدواء فقط وان شاء الله يجيب نتيجة
شكرا لمرورك الطيب بارك الله فيك

[david2011]

الكولو ن اكبر شيئ مسبب لهذا هو القلق بالدرجة الاولى

[demed]

ربي يحفظنا منو ... الكلون هذا يحفظ منو كل مومن

[امّ اياد]

خلطة البسباس والكروية والقليل من الحلبة وحبة الحلاوة مفيد جدا للكلون

[ام حمزة22]

الكولو ن اكبر شيئ مسبب لهذا هو القلق بالدرجة الاولى

ربي يحفظنا منو ... الكلون هذا يحفظ منو كل مومن

خلطة البسباس والكروية والقليل من الحلبة وحبة الحلاوة مفيد جدا للكلون

بارك الله فيكم شكرا لمروركم
راني مع دوا والخلكة نتاع البسباس والكروية والكمون مثل الاطفا الرضع راني سبت روحي فيها وبديت نتحسن من الام الكولون

[نور الإسلام26]

سلام عليكم
اخت لبس عليكي الكولون من القلق وسعي
خطرك وخليها على الله
وربي يشفيك وتهالي على صحتك

[ام حمزة22]

سلام عليكم
اخت لبس عليكي الكولون من القلق وسعي
خطرك وخليها على الله
وربي يشفيك وتهالي على صحتك

وعليكم السلام
شكرا لمرورك الطيب والدعاء بارك الله فيك اختي ربي يحفضك من كل سوء